يالي تعرفون بالجنوط والكفرات . ساعدونا تكفون (فورد اكسبلورر)

[اليكي]

.
.
.
.
.
.
.
.
.


اخوي بعد السلام والتحيه

ارجو من لديه خبره في الجنوط والكفرات ان يفيدنا بجنوط وكفرات اكسبلورر


انا معي 2008 اكسبلورر وممتاز ومريح بس عيبه انه نازل مره. وفكرت اني اغير كفراته واركب له كفرات ترفعه شوي مع العلم ان جنطه 17 <<<<

اكون شاكر لكم اذا نفعتوني ونصحتوني عن :

1- نوع الكفرات المناسبه له وانا اميل للدنلوب اذا فيه كفر مناسب او يركب على الفور << راعي نفود
2- هل ارفع السياره << واركب كعكات او اي شي
3- اي معلومه مفيده على شان برفع بطن الموتر عن الارض بحيث لايضر قدر الامكان



وشكرا لكم .....
لاحظ ان راعين الفورد واجد ويبون يستفيدون من خبراتكم لاتخلوننا تكفون

[اليكي]

افا مافيه احد رد علي .... انا قلت اكيد القى الحل من اهل الخبره الي هنا
ناطرين خبرتك

[اليكي]

>>>>>>>> افا مافيه احد <<<<<<<

[saudi1979]

انا مثلك ادور حل لهالمشكلة ومحتار واتمنى من اهل الخبرة يفيدونا

[أبوكلبشة]

مشكلتك بسيطة
1- غير المساعدات بنوع اكبر وركب كعكات نحاس ونزل القير بوردات
لانك لو مانزلته بتصير عندك رجه ويمكن العمود تصير به لوحه شوي
2- اذا ما اعجبك الحل الاول
شف الحل الثاني وهوا ركب على نفس مساعداتك كعكات نحاس ونزل القير

[سهيل تميم]

اذا كان ورى يايات

ركب كعكات 3سم ومساعدات..

واذا تبي اعطيك وصف ورشه رفعت عنده موتري(شرووكي) شغله ممتاز ويعطيكك حلول.

والاعضاء مابيقصروون انشاءالله

[ابوهتون]

السلام عليكم:اخي فيه بالمنتدى رابطة ملاكي فورد اكسبلورر,ممكن يفديونك..شكرا.

[الفتى سندباد]

الأكسبلورر ممتاز وانخافضه ليس بذلك السىء مثل البليزر
لكن بشكل عام ما أنصحك تلعب بالموتر من تغيير المساعدات
أو غيرها لأنك مهما وصلت من الخبرة لن تكون أفضل من مصنعها

إذا حبيت تغير وترفع الموتر شوي ركب لك كفرات حجمها أكبر

[لبيد بن ربيعة]

السلام عليكم أخي الكريم

أنا معي مثل سيارتك موديل 2008 وقد عانيت معاناة شديدة من انخفاض السيارة الشديد بسبب صغر حجم كفراتها حيث كنت مقتنع بأن حجمها غبر مناسب إطلاقاُ خصوصا لصاحب البر والمكاشيت

وعندما مشت السيارة حوالي 60 ألف قررت تغييرها ولم استعجل حيث أنني أريد كفر كبير وعريض ومواصفاته عالية وفي نفس الوقت لا يكون شكله على السيارة شاذ او مستنكر أو يحك في الرفارف من الداخل فقمت بالبحث والتأمل والسؤال والاستشارة والتجربة
فوقع اختياري على إطارات هانكوك مقاس 265/70/17 أخذتها من عند الوكيل بن شيهون/فرع الشفا بالرياض بمبلغ 510 للكفر الواحد مع التركيب والترصيص
وفي الحقيقة بعد تركيبها لاحظت فارقاً كبيرا في السيارة في المناطق البرية حيث لم تعد تحك في أماكن مرتفعة وشديدة الوعورة وصارت تسير براحة في أماكن لم تكن تمشي فيها من قبل إلا بصعوبة شديدة
وفي المقابل لاحظت ثقلاً قليلاً في السيارة على الخطوط السريعة ولكنه ليس بشيء مقارنة بالمزايا التي حصلت عليها ، كما تغيرت قراءة العداد حيث صرت أسير بسرعة 120 في العداد في حين أن الواقع 130 فينبغي ملاحظة ذلك
ختاما: أتمنى لك التوفيق والقرار الأخير لك أخي الكريم

[اليكي]

يامحمود محمد عز الله انك كفيت ووفيت وماقصرت . لكن هل هالمقاس على السيارة مايحك؟ لأن جيت بركب هانكوك 65/65 قالي هاذا مايحك بس اكبر يك ... وانت على ماقال مجرب وابخص . يعني مايحك ابد . واذا تنصح بهانكوك او اي نوع غيرهن. مع اني اشوف هانكوك فيه ناس يمدحونه بالحيل

[لن أمل من العطاء]

مشكلتك بسيطة
1- غير المساعدات بنوع اكبر وركب كعكات نحاس ونزل القير بوردات
لانك لو مانزلته بتصير عندك رجه ويمكن العمود تصير به لوحه شوي
2- اذا ما اعجبك الحل الاول
شف الحل الثاني وهوا ركب على نفس مساعداتك كعكات نحاس ونزل القير


في الاكسبلورر وفي الاكسبديشن
اذا نويت ترفع الموتر سواء يتغيير اليايات او تركيب كعكات فلا تحتاج الى تغيير في وضع القير والعمود لانه مهما رفعت السيارة او نزلتها لا يتغير وضع القير والعمود

لان الكرونه الامامية والخلفية مثبته تماما في هيكل السيارة

وايضا ينطبق الكلام على الباجيرو والجيب الهوندا والاكاديا ايضا وكل سيارة نظام تعليقها مستقل للاربع كفرات


اخوك


لن امل من العطاء



بالنسبه لك اخي تغيير الكفرات الى اكبر ومناسبه في الحجم وفي الشكل العام للسيارة هو الافضل

تحياتي اليكم جميعا

[ابوعبدالله 2]

يأخي شوري عليك لا تلمس بالموتر شي والفورد اكسبلورر مقارنه بأغلب سيارات الدفع الرباعي يعتبر مرتفع شوي عن غيره

[اليكي]

(( قصتي مع الاكسبلورر وسبب رغبتي لرفع السيارة ))
اخوكم فالله راعي بر واكثر ماطلع للنفود . << وانا من حايل وعندنا طعوس كبيرة وصعبة ولا يمشي بهالطعوس الا التويوتا والنيسان وغير هالنوعيه تتعبك كثير ولا تقدر تقطع مشاوير ولاتستانس وبس يدك على قلبك وكل شوي مغرز. طبعا مشاويرنا من 10 كيلو داخل النفود الى 60 . واحيانا المشوار الواحد من بعد مانصلي الفجر وحتى صلاة العصر وحنا بالسيارات . المهم ماطول عليكم خبرتي بهالاماكن جربت فكس ار 94 وجي اكس 97 ونيسان 2000 وشاص ... الخ . كتب الله اني اشتري (( فورد اكسبلورر )) ford explorer ماتجرئت اني استخدمه بالنفود . استخدمته فقط مشاوير بسيطه وسفر وبعض القيلات الصغيره << كشتات ... مشالله تبارك الله مايعوقه شي . شوي شوي وتجرئت قبل اسبوع وقلت للعيال تحملوني بالتغريز وشتريت قلص وتوكلت على الله ونسمت الكفرات 18 . طبعا كفرات الوكاله . ودخلنا كلنا نبي مكان اسمه الجفر يبعد اكثر من 15 كيلو شمال حايل كله نفوووود وعر . ولله الحمد الموتر اوك والشباب كل شوي بالجهاز يشيكون علي...!!! واقولهم توكلو على الله الامور زينه . ووصلنا الموقع ومافيه اي مشاكل ولله الحمد . وتعلمت امور جديده بالنسبه للفورد . الدبل الخفيف والثقيل وفصل مانع الانزلاق. والموتر ماشالله موجود قاعده جوال نوكيا ان 95 ومشغل القارمن . وجهاز مكالمات . كانو العيال يتشمتون يقولون قارمن جوال وفورد اكسبلورر وداخل للجفر..!!! وكانت سياراتهم شاص وربع ونيسان والقارمن المثبت على الطبلون وتوانك البانزيزن ووو الخ . وحنا في مكاننا طرت علي فكره وفكيت الحية السوداء الموجودة بالصدام تحت ... وجاء وقت الرجعه تجرئت شوي وصرت اجاكرهم وصرت احاول اتجاوزهم ..... وفعلا تم تجاوزهم . مثل ماقال احد الاعضاء هنا فعلا تسمع شحيط مواترهم وانا مسيطر على الوضع تمام . وتجينا الطعوس الكبااااااااار ويطلع الربع اولنا ماشالله مايحتاج الربع .والشاص ماقدر لانه محمل واجي انا بعد الشاص والحمدلله واطلع باول مره . ويجي النيسان بس للاسف ماطلع من اول مره !!! بس راعيه يقول ماخذت عزم. ماندري عنه !!! المهم بالاخير كل العايل الي معي تغيرت نضرتهم من جد عن الفورد اكسبلورر ... فعلا اغرمو بالسيارة ماتوقعوها كذا .. ولله الحمد القلص مانزلتله بالعكس صرت ادور احد متعلق اسحبه .



على شان كذا ودي اغير الكفرات على شان يوم كنت اجاكر الربع كان بطنه يحك شوي . طبعا الربع مايحتاج مشالله . الفورد ودي ارفعه لو بكفرات زينه بالنفود على شان اسوقه وانا مرتاح ان بطن الموتر مايحك...




وشكرا على زياراتكم...

[السنع كله]

الله يطعمك من خيره ويبعد عنك شره وكل شر حبيت ارحب واسلم ويفيدونك الشباب مايقصرون