أبي نصيحه من أصحاب ربع النيسان(الجديد)

[السلمي.]

السلام عليكم ورحمة الله وبركاته


ياشباب انا ودي أخذلي جيب نيسان ربع أستاندر 2009 بس الى سمعته عن

الموديلات الى قبله ماهي مشايه بـاخط وثقيله بالبر وصرف بنزين على الفاضي

طبعاً هذا كله كلام من النت وانا مادري الى قاله جرب الموتر ولا ,,تكفون يـاشباب

أنا محتار يـأخذلي صغيره ولا الربع(مع العلم أني راعي خطوط الرياض الشرقيه

وبنفس الوقت احب طلعات البر ..وهل هو مثل ربع التيوتا أنواع المناقز بـاخط ولا

مريح؟وكم ممشاه بـاخط ؟ وهل فيه رجه مع السرعه؟وكم سعره؟

فـأرجوا من أصحاب الخبره و الى جرب الموتر أن يفيدني (يعني لا يجيني واحد مجرب 89 ويقولي الموتر فاشل:D )

[aastop]

السلام عليكم
اخوي انا كان معي 98
فل كامل والله موتر بمعنا الكلمة
بس حدتنا الدنيا على بيعتة
في الخط كنة صغيرة وفي البر ينومس خاطرك بس يصرف بنزين شوي

[رٍسِـــلآنٍ ٱلدُفُــٱع]

حبيت افيدك في السرعه ...

كل الجيوب اذا سرعت فيها وفرقع كفر لاسمح الله تروح ملح لان الجيوب مو حق سرعه حبيت انصحك بس ... والله يرزقك الي يطربك

[مسايف الطعس]

ياهلا اخوي

في الخط او ماتشريه يالله يجيب 170 بس اذا مشى 10 الاف وفوق يجيب 190 200 مرتاح بس اهم شي لا تكتم له في الخط عطه نص الدعسه يجيب طبلونه

وفي الخط راسي ومريح جدا جدا

الصرفيه من الخبر الى الرياض على سرعة 160 تفلل في الخبر تولع اللمبه اول ماتدخل الرياض وفله ب35

الموتر في البر مهنا ازين منه خفيف ووذف

ركب له مراوح وهدرز ويطلع عزمه حلو مره ويطلع خفيف مره

والله يكتب الخير اي استفسار اناا جاااهز فمان الله

[السلمي.]

يعطيك العافيه أخوي aastop

وجزاك الله خير أخوي King بس مو معنات أني سـألت عن ممشاه أني أبي أسرع فيه بس مجرد أستفسار

ومشكور أخوي مسايف الطعس على الافاده

وبنتظار باقي الشباب...

[Bader-M]

السلام عليكم

كل سيارة فيها محاسن وعيوب

مزايا الباترول
1- محرك قوي
2- سعر مناسب
3- معملي

عيوبه
1- صرفية الوقود

واعتقد ان الباترول من افضل السيارات للبر في الوقت الحاضر
تحياتي اليك

[بلاتين]

هلا فيك اخوي

معاي باترول ربع 2006

مثل ماذكر اخي مسايف الطعس خصوصاً اول ماتشريه مايمشي بالخط ويكون ثقيل وبعد فتره يتحسن ويصير يجيب 200 في نزله يعني بالطلوع مستحيل

وانا تجربتي كانت مع ربع تيوتا 2002 و باترول سلق 2006

الباترول مريح جداً
في الخط راسي
كلهن يصرفن بنزين
اذا انت راعي سرعه ماينفع لك الباترول

المشكله الى تواجهني فيه في الخط اذا جاء طلوع يطيح عزمه .

الخلاصه لم اندم ابداً اني شريته وانا رجلي مهب حاره وذا بتقارن بسياره صغيره غلطان خلدك ربع افضلك .
والبنزين الحمد لله 91 مهب غالي .
اذا كان تحت الـ E تفلل بـ38 او 40 ريال .

[الجندي2005]

اخوي :

انا معي من فترة طويلة مطلعه وكالة موديل 98 ولله الحمد ما شفت الا الزين

كل درب وصلت عليه وصلت ايام الربيع الحد ثلاث مرات ( كد ومد )

[SuLTaN.M]

مرحبا بك

وحياك الله


الشباب ما قصروا

اما عن السلقه
انا معي واحد واللهم لك الحمد مرتاح والله يصبره عليّ :)

المشاكل انه من ورا نازل شوي ورفعته متعبه اذا كان الرفع عاليه
كتاوت طرمبة البنزين قالوا لها سببين الأول انه من التشغيل السريع والمفروض اننا نصبر لين صوت الجرس
والسبب الثاني انه يدخله تراب لأنه الأقرب للغبار من الكتاوتات الباقيه
والحل لا سمح الله انه علق معك
انك تفكه وتركب جديد اذا معك ولا انك تنظفه ولا تفكه وتطلع المقاومه اللي فيه السالفه سهله بس لازم يصير عندك خلفيه بسيطه

عزمه حلو
صرفه زين
من الرياض إلى الدمام تانكي واحد إذا ممشاك عاقل في حدود الـ140 إلى الـ160


التفكك خفيف وعلى حسب المطامر في النفود ولا في الحصى
والتربيط له محلاته

وفيه اشياء خفيفه تربطها بنفسك بعد ما تشري الموتر بفتره
مثل مسامير الباب الخلفي
انا جربت الشطرطون طلع حلو بس ثقيل في الصك والفتح
فيكت الشطرطرون وكربت المسامير بحماس وانقطم علي واحد وصلحته والحمد لله ما شكيت من شي ثاني


ان شاء الله اني ما نسيت شي والرجال محد منهم مقصر معك بقولون اللي يعرفون
والله يسهل لك ويوفقك

لا تنسى تستخير في كل امورك اللي تحيرك

:)

[قفار]

أنا معي ربع سلق 2006 ..
الصراحة موتر ولا عندي نية أبيعه بس مشكلته أنه ما يصلح للي معه عايلة

[ford]

انا كان معي موديل 99 ولا احلي اريح من ربع التويوتا مليون مره واكثر امان والبنزين اذا قطعبك تفلل 45 ريال بنزين 91 التانكي واحد 100 لتر بس اذا اسرعت يشرب بنزين شرب الويل.
بس انا استغربت من ردود الشباب اللي يقولون في الطلعات مافيه عزم الشي هذا ماكنت الاحضه مع ان موتري كلبريتر

[عسلوف]

تبيييييييييييييييييي الشور لاتعدل عن الاكستيرا ورح الوكالة وجربها واتحداك ما تشتريها اليوم الثاني

[السلمي.]

يعطيكم ألف ألف ألف عافيه ياشباب على الافاده والله ماقصرتوا وأنا أشهد أني عرفت أختار المنتدى المناسب

بس عندي أستفسار أخر ..سألت واحد من الشباب وقالي ربع النيسان بالامارت يجي مكينة فتك 4800 الى هو
(S-GL) برفارف أسود طافي,, فـالي عنده علم يفيدنا

وهل الحمراني يختلف الربع الى يجيبه عن الجبر؟يعني الخليجي يختلف عن السعودي من جميع النواحي؟

وكم نوع يجي الموتر ويعطيني مواصفات كل نوع أذا ماعليكم كلافه...؟

..أدري أني زوتها بـالاسـأله بس ياليت تتحملوني لاني ماودي أشري شي ثم ألقى الازين منه ..

[باوزير]

النيسان الربع ما يجي مكينة فتك بس مكينة 4500 بخاخات لا في الامارات و لا قطر الي موجود يكون ترهيم من الكراجات

[برق السما]

الشباب ماقصروا ..

حبيت افيدك بشيئين !
الاول ان مكينته 4500 ومستحيل يجي 4800 عندك بالسعوديه حتى الخليجي ..

الحمراني , مشكلته مب متوفر عنده إلا السلق (السياحي) -هذا قبل شهرين مادري وفروا غيره ولا لا - وسعره يتراوح بين 91 إلى 94 ..
البازعي عنده خليجي ربع فل كامل .. يجي فيه كشافات وتخشيبه (ودفلك) ومراتب عرض وجنوط وشكل رزه صراااحه :)
بس سعره غويلي شوي .. حوالي 140 ألف !!

.
.

الضمان 100 الف وثلاث سنوات عند البازعي , واظن الحمراني كذلك ..

[السلمي.]

بيض الله وجيهكم ياشباب وماقصرتوا
بس السلق يجي مراتب عرض عند الجبر؟

[mmsmm]

اوالا السلام عليكم
ثانيا
السلقه مووتر ما شاء الله
لكن بالبر ما يوصل ولا لربع قوة الربع او الاف جي
يعني ثقيل او مادري وش قصته اطل مع واحد من ربعي سلقه 2008
يطيح عزمه بسرعه
الرااحه والمطب افضل بكثيير من الربع والبخط افضل من الربع لكن يصرف اكثر من الربع
بقلييل
الاف جي بالخط ما علييه افضل من الاثنان والبر كذاالك انشط بشووف عيني
الرااحه ما في مقاارنه
هذا كلام من تجربه
لكن مشكلة الاف جي بابه الثاني لكن يعتبر حل افضل من تقديم
المرتبه ونزول الرديف ومن ثم الركووب
بختصاار بما انتك تتردد كثير الشرقيه الرياض الاثنين غير منااسبين لك << الاختلاف بالرأي لا يفسد بالود قضيه
اذا تبي نصيحتي خذ ك صغيره او اف جي او سي اكس ناااين
تحياتي