ماهو أفضل انواع الزيوت؟؟

[مهند]

قبل لا ابدأ في الموضوع بقول لكم سالفه طريفة جدا سواها واحد من الشباب اعرفه
الله يذكره بالخير
السالفه انه يوم سحب عيار الزيت حق العراوي ولينه ابيض يلق (فاضي):(
وماكان حوله لابنشر ولازيوت ولايحزنون:confused:
قام اخونا ودخل المطبخ ومعط جالون ((عافية)) وقطّره كله في المكينه ودق سلف وتوكل على الله:)
--------------------------------
عموما ياخوان ابي كل واحد يكتب رايه ماهو افضل زيت للسيارة؟؟
انا غيرت عند بائع زيوت هنا في الرياض ويوم سالني وش نوع الزيت قلت له سوبر شل:cool:
قال افا:confused: معك هالسيارة وتوك تستخدم سوبر شل الى الان:mad:
قلت اجل وش الافضل؟؟؟ قال هذا:what: وجاب لي ((Mobile1)):light: وقال هذا هو الزيت
سالته عن السعر قالي العلبة ب 35 ريال:eek:
وقعد يقنعني لين اقتنعت:confused: وصبيت 8علب الله لايخسر
وانا الان ياخوان محتار هل هذا الزيت يستحق هذه القيمة؟؟؟ وهل هو مجرب؟؟
انا اهم شي انه مايأثر على المكينه ؟؟ تكفون اللي عنده اي معلومات عن هذا الزيت وانواع الزيوت الاخرى
لايبخل علينا

ودمتم سالمين

اخوكم/مهند

[شاهد عيان]

أنا الذي أستخدم هو زيت ( تويوتا ) وتقولي السبب في ذلك هو بعض الزيوت تسبب طبقة في داخل السرندل ( طبقة لونها بني ) وجربت زيت تويوتا ولقيته مايسبب هالطبقة ...

وبالنسبة للزيت الذي قلت فلا علم لدي وكثر الله خير المكينه إذا مشت 300000 كيلو بدون فك .

تحياتي ...

[* ضب *]

بالنسبة لزيت موبيل الجديد هذا زيت ممتاز يمشيك 10000 كم ماتغير لكن الغلا مشكلته
لكن اذا سيارتك تويوتا غير عند الوكالة زيت تايوتا يمشيك اكثر من 5000 كم
خمس لتر مع السيفون 80 ريال
لو تغير برا كل تغييره بدون سيفون 40 ريال تغير كل 2000 كم

[راعي الحمره]

والله يا خوي انصحك بزيت الترا سفن ( بترومين ) من افضل الزيوت في العالم وصناعه سعوديه , لي سنين ابدله وماشي تمام وياي .


مع تحيات
اخوك راعي الحمره

[مهند]

شاهد عيان

300.000كيلومتر قليلة اعتقد انها قليله الان اصبحت السيارا ت توصل 400.000بدون فك واعتقد ان الزيت من اهم العوامل التي تساعد في اطالة عمر المحرك لذلك تاتي اهمية هذا الموضوع فارجو المشاركة من الجميع

* ضب *
لفت انتباهي معلومة اوردتها في ردك وبودي ان استوضح اكثر؟؟؟
هل التغيير عند الوكالة يفرق عن غيرها؟؟؟ ولماذا؟ لاني انا بصراحة اتضايق من شي اسمه وكاله
لسبب واحد وهو ارتفاع الاسعار الخيالي وهم يقصدون برفع اسعارهم انهم مايبون احد والناس يفكرون ان
الاسعار اذا ارتفعت انه افضل خدمة وهذا ليس صحيحا في جميع الاحوال
ارجوا انك توضح اكثر وليش يكون التغيير في الوكالة افضل وهل هم يستخدمون اجهزة متطورة مثلا لسحب الزيت وحقن الجديد مثلا ام هي نفس العملية الموجودة في البناشر فك الصرة وركب المحقان وصب؟؟؟

راعي الحمره
اختيارك موفق من ناحية تشجيع الصناعة الوطنية:good: لكن المشكله انهم ماشجعوك كمواطن;) واعني بذلك انهم يبيعونه علينا بنفس السعر ليه طيب؟؟؟ الاجابة عندهم
لكن ياخوي راعي الحمره ليتك ذكرت المسافة اللي تغير بعدها الزيت فهذه نقطة مهمة
-----------------------------------------
لان هذا الزيت الجديد اللي طحت عليه Mobile1يقولون انه يمشيك فوق 10000كلم بالراحة ويقول لي صاحب البنشر ان احد زبائنه سيارته لكزس مشى عليه 15000 ويوم رجع يغير ولين الزيت لونه زي ماهو:what: :what:

وايضا الشركة اللي تصنعه في فرنسا وتقوم بدعمه ومتابعته في منافذ البيع (البناشر) حسب افادة صاحب البنشر لاني سالته قلت ياخي العلبه بلاستيكيه وليس عليها اي وسيلة للامان ماعدا شنبر بسيط وعندما فتحها لم اجد غشاء لاصق على فتحة العلبة مثل بعض الزيوت فقلت غريبة
:confused: بس كذا؟؟ طيب وش يضمن انه مايجي صاحب بنشر ويعبي العلب من اي زيت اخر ويبيع لان سعر العلبة خيالي 35ريال يغري ضعاف النفوس لمثل هذه الحركات؟؟
فقال لي ان الشركة المصنعة تقوم باستمرار بجولات على مراكز البيع ويقومون بعد الكمية المباعة والمتبقية ويقول ان لديهم اجهزة للفحص ومن ضمنها ميزان الكتروني حساس يعرفون من خلاله هل الزيت الموجود هو زيتهم والا لا؟؟
----------------
ارجو من الجميع المشاركه وخصوصا ممن لديه خبرة وياليت لو احد يعمل في ارامكو ولديه معلومات عن صناعة الزيوت وتكرارها انه مايبخل علينا ويزودنا بها للفائدة او يضعها كموضوع مستقل
لان الموضوع مهم جدا
واتمنى التوفيق للجميع

[مهند]

جبت لكم رابط الشركة المصنع للزيت وفيه معلومات باللغة العربية فتفضلوا بالدخول:

Mobile1 (http://www.apsco.com.sa/mobil1/arabic/homepageA.htm)

يقولون انهم استخدموه في BMW ومشت 1.600.000كلم بالكرف بعد:eek: :eek:

[العنكبوت]

الترا7 واستريييييييييييييييح

تراه تفس رقم لزوجه وجوده فوكس

تحياتي

[راعي الحمره]

انا آسف يا خوي مهند على عدم ذكري المسافه وبصراحه انا نسيت , ولاكن انا ابدله كل 10000 آلاف مع السفون ( فلتر الزيت ) , وانا سألت كثير من مكلات تبديل الزيت يقولون هو الافضل على الاطلاق وسعره زين .

[* ضب *]

اخي مهند
بنسبة لي سوف اتكلم عن تجربة شخصية

كان عندي سيارة نيسان كنت اغير زيت سوبر شل .. اغير الزيت بين 2500 الى 300 كم
4 علب زيت 32 ريال بدون سيفون، مع السيفون 55 ريال . .
اذا كنت اغير مرة سيفون ومره لا .. معناها كل 6000 كم اغير بقية 87 ريال
7
7
الآن معي تويوتا اغير الزيت 5,6 علبه في الوكالة كل 6000 كم تقريباً مع السيفون
بمبلغ 80 -85 ريال (زيت تويوتا) سألت عن الزيت عطاني رقمه اعتقد انه 20W
(اغير الزيت ما تغير شكله) سالت هل هو نفسه زيت تايوتا اللي في السوق قال لي
مهندس اللورشة لا.. هذا اثقل منه شوي يقصد زيت الوكالة (العهدة عليه)
في هالحالة تكون وفرت فلوس وفرت وقت الذهاب الى البنشر مرتين
( وتضمن السيفون اصلي)

(انا لا افرض رأيي على احد
ولـكـن اتحـدث عـن تجـربـه)
ولك تحياتي

[مهند]

مشكورين ياخوان على الردود الطيبة

ولكن لابد من المزيد

رأي الخبراء غير موجود:(
ارجوا مشاركة من اللي يشتغلون في مصانع انتاج الزيوت ان امكن
والا مافي امل:(
نبي راي المختصين الله يجزاهم خير