ماشاءالله تبارك الله صدق اولاتصدق ربيع في احدى الفياض في وسم 29 من اخوكم مطارد البروق [الأرشيف]

مطارد البروق

13/11/2008, 07:14 PM

السلام عليكم ورحمة الله وبركاتة
مساكم الله بالخير جميعا ياخواني الاعضاء والضيوف وبارك اللله فيكم اينما كنتم جميعا
والله اني مثلكم ما صدقت ان الربيع بيكون مثل اللي بالصور الثلاث ماء شاء الله تبارك الله الله يتممة على خير والله ان صاحب الصور كان رافض بتاتا اضهار الصور علشان ماحد يعبث فية من بعض الشباب ويقول خلة بس يكبر اشوي وبعدين اخبرهم ,,, وانا صراحة ومن باب التبشير حبيت ابشركم في هذة الصور تاريخ هذة الصور هوي يوم الخميس الموافق 15-11- 1429 من ربيع هذا العام في احدى الفياض وماء شالله يبشر بربيع مميز جداجدا هذا العام ,, ارجو من الجميع عدم الاحراج للموقع الاا بعد اذن صاحب الصور وانا حبت بس ابشركم فيها وسلامتكم ,,,
الاولى
http://up.lz3zl.com/get-11-2008-xxaraqsq.jpg

الثانية
http://up.lz3zl.com/get-11-2008-rlvy5azp.jpg

الثالثة والاخيرة
http://up.lz3zl.com/get-11-2008-n2axs3oj.jpg

نحمد الله ونشكرة على هذة الخيرات التي لاتحصى ,, ان شاء الله بيكون موسم ممميز جدا وسوف يخلد بالذاكرة لسنوات قادمة ,, وسلامتكم ودمتم سالمين جميعا
وتقبلوا مني جزيل الشكر والتقدير
من اخوكم ومحبكم ابونواف

ابومجيد

13/11/2008, 07:17 PM

ماشاءالله هذي شكلها بالصمان بس عاد اي صمان..................

جني نت

13/11/2008, 07:18 PM

سبحان الله

شكراعلي الصورالرائعه

شاهين2007

13/11/2008, 07:19 PM

ماشاء الله تبارك الله
والله يعيد علينا الوسمي والربيع الطيب هالسنه وكل سنه انشاء الله
وياليت ممشى المواتر يكون من اطراف الروض عشان ماتتاثر

wwq

13/11/2008, 07:20 PM

وعليكم السلام

يالبييييييه

ما شاء الله صور تفتح النفس

وان شاء الله موسم خير على المسلمين

مشكور يالذيب

.
.
.

ثعل البرد

13/11/2008, 07:20 PM

ما شاء الله تبارك الرحمن

كل هالربيع الآن وبهالسرعة

الحمدلله على فضله ونعمه الكثيرة

الله يزيد ويبارك وما قصرت يا أبونواف

دايم علومك غانمة

آل علي

13/11/2008, 07:21 PM

الله يبشرك بالخير
أنت وصاحب الصورة

leel

13/11/2008, 07:22 PM

الله يبشرك بالجنه
ماشاءالله من هذا وطيب

عادل الروضة

13/11/2008, 07:24 PM

الصوره ليست في الصمان الصوره قديمه واتوووقع كذلك لن الربيع في مرحلة طلوع البذر وانما الشعير يفز علي طول وينبت سريع وهذا مو شعير بس للمره الثانيه قديمه

مطارد البروق

13/11/2008, 07:30 PM

الصوره ليست في الصمان الصوره قديمه واتوووقع كذلك لن الربيع في مرحلة طلوع البذر وانما الشعير يفز علي طول وينبت سريع وهذا مو شعير بس للمره الثانيه قديمه

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين

مسافر1

13/11/2008, 07:35 PM

ماشاء الله تبارك الله ..
تباشير الخير ..
الله يجزاك خير ..

عادل الروضة

13/11/2008, 07:37 PM

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين
والله ياخوي انا لي اسبوعين في البر حتي روضة تنهات الي محميه مصارت نفس الصوره الي فوووق لكن الله يعلم اني ماكذبك لكن انت اعذرني اي والله لني من جد ماني مصدق للحين المعذره ياخوي

دار الهوى

13/11/2008, 07:40 PM

وبل الخريف

13/11/2008, 07:41 PM

مطارد برووووووق اليوم انا في روووضة خريم يعلم الله اني ما صدقت يوم شفت الخضااار شبيه للصووووره الى حد كبير على قووولة الشيباان لو تجر فيها اللحمه ما تنترب
وهي اخر منطقه تقريبا سالت فلذالك الصوووره ليست غريبه على ربيع هالسنه
ويوجد لدي صوووووره مصورها من الروضه اليوم لكن ما اعرف انزلها اذا تبيها يامطارد بروق ارسلها لك وسائط شبيهه للصوره اللي انت منزلها

ناصر السعودي

13/11/2008, 07:45 PM

ماشاء الله الأرض أخضر جميله مبسوط حلو

شاص2006

13/11/2008, 07:45 PM

الله يجزاك خير صور في قمة الروعه’’’’’’’’’’’’’

مطارد البروق

13/11/2008, 07:49 PM

مستحيلة تكون هالصور ربيع هالسنة أو هالأيام !!!

المطر ما امداه ينشف والأرض ما أمداها تشربة علشان تطلع هالخضار وهالربيع !!!!!
الرجاء أحترام عقوووول الأعضاء والزوار وتحري الصدق والواقعية وعدم المبالغة بطرح المواضيع وسياق الصور القديمة !!!

تحياتي لك ، ، ،

اقول ياخوي الميدان ياحميدان وقسم بالله العظيم انها من تصوير اليوم هذا الخميس 15-11-1429 وجزاك الله خير على ماقلت ,,, وانشوف بكرة من اللي صدق والا كذب وزي ماقلت ماهي عوايدي يالطيب انجيب اخبار قديمة ,, ارجو منك ان لاتكذب احد من الاعضاء الاا وانت متاكد زي متاكد انا انة من تصوير اليوم وسلامتك

شفق

13/11/2008, 07:59 PM

دام العلم من طرف ابو نواف فهوصحيح هذا الرجل في الله واصدقه في كل شي وقولي ناتج عن متابعه لجميع مايطرحه وينقله في هذا المنتدى وقد يهدف من يكذب الرجل إلى محاولة دفعه الى ذكر اسم المكان ارجو من اخي ابو نواف ان لايلتفت لذلك وأن يلتمس لهم العذر تحياتي

NOOOMAS

13/11/2008, 08:05 PM

اشك اخوي مطارد البروق انها حول لينه........... صح ولا لا

المستعرب

13/11/2008, 08:20 PM

والله اخوي اني مصدق كلامك ولا يكذب الرجال الا الكذاب

ابو عبد الله

13/11/2008, 08:22 PM

اشك اخوي مطارد البروق انها حول لينه........... صح ولا لاالظاهر انه حولها

جغم جغم

13/11/2008, 08:27 PM

الصراحة ما اصدق لين اشوف بعيني
واذا كنت صادق ارسلي رقمك على الخاص من شان نتخاوى للربيع انا وياك

خالى البال

13/11/2008, 08:32 PM

منضر الروضة رويانة من المطر مشأالله الموقع N00.00.111 -e00.00.111!!!!!!!!!!!

ندفا

13/11/2008, 08:36 PM

الله كريم
اللي ما صدق هالصور ما معه سالفة
هذا مطر هريف قبل الوسم جاك بدري والله ان تبع له الله إن تهجم الغنم الضحى قبل المربعانة

معذورين لاتزعل مالهم علم بالربيع الزين
اللهم أغثنا اللهم اغثنا
مشكور أخوي

أبوعزام مهاجر

13/11/2008, 08:46 PM

الله يبشرك بالخير ......للاسف!!!!بعض الاعضاء مايحسنون الظن الله يهدي الجميع.............

المستعرب

13/11/2008, 08:49 PM

اللي ما صدق يقرأ تاريخ الماء اللي على الجيكة
http://www7.0zz0.com/2008/11/13/17/286471025.jpg (http://www.0zz0.com)

مطلاع

13/11/2008, 08:51 PM

ماشاء الله
الله يبشرك باالخير
ولاتستغرب من بعض الردود
لانه من عادة [ الممحل] مايصدق باخبار [المربعين]
الله يرزق البلاد والعباد برزق من عنده

hightech

13/11/2008, 08:52 PM

صدقت اخوي مطارد البروق وانا شفت هذا اليوم فيضة مثل هذي ولكني
طمعت ابي شوفت الفيضة الام الكبيرة وضيعت الطريق وحاولت ارجع
للاولى وضيعتها وخفت اني اضيع و معي اطفال ففضلت الرجوع قريب
من الزفلت ولولا رغبت اخي مطارد البروق لذكرت المكان ويمكن تكون
هي او غيرها ولو كنت بعرف انه بيحصل فيه نوع من عدم التصديق
كان صورت ولكن الواحد اول مايحس انه تايه وغادي معاد يهمه الا
انه يعرف وين مكانه علشان يطمئن نفسيا ..................
الشكر للجميع

مرعب تبوك

13/11/2008, 08:53 PM

جزاك الله خير

والحمدالله

هماام

13/11/2008, 08:54 PM

الله يتبع له

جزاك الله خير مطارد

محبك

هماام

خوي الساري

13/11/2008, 09:00 PM

أخونا مطارد البروق رجل ثقه ومتابعينه من زمان وكل أخباره موثوقه أرجوعدم التشكيك برجل بقامة مطارد البروق000000000

مراسل شقراء

13/11/2008, 09:02 PM

مطارد البروق الله يعطيك العافيه على هذه الصور والله انك صادق اليوم رحت لم فياض المستوي وصراحه الفياض روعه ونابته وهي ماسالت اللا من سبعة ايام وان شاء الله يساعدني الوقت وانزل صورها
لك مني خالص التحيات ...

أبومتعب

13/11/2008, 09:21 PM

الله يبشرك بالجنة يالطيب ...

ملاحظه : تكذيب الرجال عييييب ... خصوصاً إذا كان ثقه ..

ملاحق السيول

13/11/2008, 09:36 PM

جزا ك الله خير

مراويح السحاب

13/11/2008, 09:37 PM

ويعلم الله وقسم بالله انة من تصوير هذا اليوم والله خير الشاهدين

صدقت يامطارد البروق والله يبشرك باالخير

< من حلف بالله فليصدق > حديث شريف

للمكذبين :

الرجل اقسم بالله العظيم انه صادق وهذا يكفي

اضافة لشهادة البعض هنا بمصداقيته سواء من يعرفه شخصيا

او من يبخص المكان المقصود ..

koko psk

13/11/2008, 09:38 PM

ما شاء الله تبارك الرحمن

كل هالربيع الايام وشكرا على المصدقيه

سعيد حظ

13/11/2008, 10:02 PM

ان شاء الله انك صادق اخوي مطارد البروق واللي قال مستحيل ان الصورة هذي من ربيع السنة يبي يخليك تقول له عن المكان بس خلك ثقيل اخخخخخخخ
تقبل مروري

أبو روضة

13/11/2008, 10:05 PM

سبحان الله

شكراعلي الصورالرائعه

الذويبي

13/11/2008, 10:06 PM

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين

بيض الله وجهك على هذي العلوم السنعه وعلى صدق الاخبار

لن أمل من العطاء

13/11/2008, 10:14 PM

منظر جميل وبهر جدا جدا جدا

الخيّر

13/11/2008, 10:15 PM

هطلت أمطار على لينة قبل الأمطار على القصيم والرياض بحوالي عشر أيام

وهذه الصور من اعيوج لينة والله اعلم

http://up.lz3zl.com/get-11-2008-xxaraqsq.jpg

http://up.lz3zl.com/get-11-2008-rlvy5azp.jpg

http://up.lz3zl.com/get-11-2008-n2axs3oj.jpg
هذه فيضة ( أم العصافير ) قرب لينة

نجد وجدي

13/11/2008, 10:29 PM

ماشاء الله تبارك الله،
مشكور يامطارد البروق على هالصور الجميلة، لكن وش يضرك إذا علّمت مكانها وافتكيت من اللي ما يصدقون
وتراني معك يالأخو ماني ضدك... وتقبل تحياتي.

طبعي شمالي

13/11/2008, 10:38 PM

ياجماعة الخير من حلف بالله فصدقوه ولو كان كاذبا

ماشاء الله تبارك الله ربيع طيب واعتقد انه من حق السنه ذي

مصوّب الدّخل

13/11/2008, 10:50 PM

.
.
.
ياجماعة الخير السفاري هذا اللي في الصورة كم موديله؟

مطارد البروق

13/11/2008, 10:54 PM

للي شكك بمصدقية الخبر والله كان قصدي هو تبشيركم ولكن فية ناس الله يهديهم يكذبون الخبر وهم في بيوتهم على ماذا استند انة ليست من صور هذا الوسم وانت جالس في بيتك وان قلتللك انة من صور فياض لينة هذا اليوم وبالتحديد شرق لينة هل تصدقني ,,, الله يسامح من قال اني افتري عليكم وعلى الزور ,, طيب بعد التأكد انك صدقت الخبر ماهو جوابك ارجو من جميع الاخوان عدم تكذيب اي عضو الا وهو متاكد مثل ماهو متاكد من نفسة ,, انا اخبرتكم بالمكان بعد مكالمة من اخي الموجود في قلب الحدث ووهو ماكث الى يوم الغد ,,,
وبعدين تراني امسامح اللي قال اني كاذب ولم يصدق الخبر فاقول لة لا لا لا ماهيب عويدي هذة المواضيع فانا احرص دائما وما زلت على هذا النهج المصدقية التامة قبل نقل اي حدث مهما كان وسلامتكم واسف جدا لعدم ذكر الخبر في حينة عن المكان وهذا من صاحب هذة الصور والان اعطاني انور الاخضر فاخبرتكم والله يسامح الجميع

السوبر فايزر

13/11/2008, 10:58 PM

الله يعطيك العافية000

الغدير

13/11/2008, 10:58 PM

عسى الله يبشرك بكل خير وبجنان الفردوس
فعلا بعض الاماكن من مراقبة جاها مطر وجاها تلوي
نبت البر يطلع بسرعة والي يراقب يعرف ذلك والنبت انواع وكذلك الارض وحسب درجة الحرارة
والله يجزيك خير

عاشق وادي الدواسر

13/11/2008, 10:59 PM

ماشاء الله الأرض أخضر جميله مبسوط حلو

8 8 8 8

وش يقول هاذا بالضبط

احمدالدمام

13/11/2008, 10:59 PM

شكراعلي الصورالرائعه

عاشق وادي الدواسر

13/11/2008, 11:00 PM

الله يعطيك العافيه وانا اخووووك واللي مهوب مصدقك هاذا يبي يسوي ذيب عليك عشان تعلمه بالموقع حقهاااااا هع هع هع

اسير الغربة 1

13/11/2008, 11:02 PM

جزاك الله كل خير اخي العزيز على مااضن ان الفيضة بين مغطي والصراروعساك سالم وغانم

سفاري نجد

13/11/2008, 11:07 PM

ما قصرت اخوي مطارد البروق ،،،ووسع صدرك ،،، الناس أجناس

faisalkhalidi

13/11/2008, 11:10 PM

ام المصران اعتقد

محب النبى

13/11/2008, 11:11 PM

لا انت صادق والمحل اعرفه عز المعرفه يا بعدى

وتسلم يدك يا غالى والله يحفظك

طريفان

13/11/2008, 11:14 PM

بيض الله وجهك الصورة رائعة والمكان فعلا ممطور من فترة

خشم علي

13/11/2008, 11:20 PM

السلام عليكم
الله يبشرك بالخير ويسعد ايامك على هالصور الجميلة
المطر وسم والجو دافي يطلع الربيع بسرعة
مشكور مطارد البروق

ابوحماد

13/11/2008, 11:25 PM

يربع لا تستغربون

أذا أستمر هذا الدفىْ أسبوع ثاني بأذن الله راح تشوفون

الربيع على وجه الارض حد نظركم

طالب الحور

13/11/2008, 11:26 PM

بس أنا زعلان عليك يا أبا نواف

أنت معروف وعلم على رأسك نار

ليش تحلف.....ليش تحلف

الله يهديك

ومشكور على هذا الخبر الطيب

قل آمين

الله يجمعك مع والديك ومحبيك في جنة الفردوس

والله أني أحبك في الله

مع أني ماشفتك

بس من كثر ما أسمع عن طيبة أخلاقك

برق طيبة

13/11/2008, 11:31 PM

ماشاء الله
والله يعطيك العافية

طرابيش

13/11/2008, 11:32 PM

كفو ولله على السبق
صور رائعه
امطار
بعده
دفاء يساوي ربيع اللي يبي مثل هالربيع
يروح اللفياض اللي بعد اعيوج لينه حول الزعبيه
يدور اهناااك

himo

13/11/2008, 11:33 PM

ماشاالله هالسنة سنة خير والربيع فيها يبشر من اوله أنا شايف الباذر طالع من قبل 6 أيام في الكثير من المناطق والفياض ولله الحمد

الخادم

13/11/2008, 11:35 PM

الله يبشرك بالخير
أنت وصاحب الصورة
الغالي انت مصدق و الله يعلم اننا مصديقنك

البسيمي

14/11/2008, 12:48 AM

الحمدلله على النعمه

ديم ديم

14/11/2008, 01:34 AM

شكرا لك اخي ابونواف
تصدق عاد اني عرفت صاحبك اللي مصور هذه الصور
من سيارته
لكن على ما اعتقد انه مسوي فيك مقلب والصور قديمه وليست من صور هذا العام
على فكره هو يبي يجي بكره عاد لاتخلي هذا المقلب يمر مرور الكرام

نسناس ليل

14/11/2008, 01:55 AM

ياسلا سلم ودي ادخل مع شاشه الكمبيوتر

جزاك الله خير يا اخي مطارد البروق

انا اقول انه ربيع هالسنه.. وعشاكم علي يا هالربع

الفيحاء1

14/11/2008, 02:04 AM

المطر له خمس عشر يوم يمدي الربيع يصير زي الصوره لاكن الشرها مهيب عليكم الشره على الرجال اللى يبي يفرحكم

أبو راشد999

14/11/2008, 02:12 AM

ماشاء الله تبارك الله

بصراحة صور تبشر بالخير

يالله متى بس تجي الأجازة ونطلق الحجاج

برق الحيا 55

14/11/2008, 02:38 AM

الصور حقيقية

انا شايف اليوم الخميس صور قريبة من هذه المناظر

مكشات عنيزة

14/11/2008, 02:51 AM

أفآ بس أفآ تسذبون الرجال ! مب من عوايدكم والله

لمع السحاب

14/11/2008, 02:55 AM

ياجماعة الخير اخونا مطارد البروق ونعم ولا نقول شي وما اضن انه ينزل صور الا هو متاكد من الخبر من صاحبها عموما مطارد البروق من اهل الدوادمي ويمكن الصورة في الجهات ذيك للي ما يعرف ولا هو اقصور في البقية ولذا الامطار في الدوادمي حسب ما سمعنا انها نزلت بغزاره اكثر من الصمان والله اعلم
تيحاتي لك يامطارد البروق اخوك لمع السحاب
الف شكر على ما قدمت

ALISWCC

14/11/2008, 03:14 AM

الله يبارك ويزيد من نعمه ويديمها علينا

هداج الرياض

14/11/2008, 04:10 AM

الاخ/
مطاردالبروق
مصدقينك بدون ان تحلف
عموماو لله الحمد والشكر...
فقد سالت شعاب وامتلاءت فياض وسالت اوديه
ف لله الحمد والمنه
بس مادري وش الشي الجديد بهذا الموضوع
صوره جميله لمكان جميل ومكسوبالخضره
طبعا انت تقولنا شوفو الربيع
طيب ؟
المكان وين والاحداثيه كم ؟
فاخي العزيز بأذن الله ستكون هذه السنه سنة ربيع بعد هذه الامطار
اما مايخص الصوره
فالمكان لانعرفه وكونك نشرت الصوره بدون تحديد مكان اعتبره انانيه مع احترامي الشديد لشخصك الكريم
فيمكن انك تعتبر هذا المكان حصرا لك او لمن عرفت
بكل صراحه ووضوح اعتبر عدم نشر المكان يعتبر استفزاز مع كامل احترامي انك لاتقصد...
وبعدين ودي اعرف وشلون يسمح صاحب الصوره وانت اللي مصور الصوره
هذا اليوم
عزيزي حب لاخوانك ماتحب لنفسك وكونك وجدت هذا المكان
فالاحرى بك ان تخبر بهذا المكان
لان هذه السنه بأذن واحد احد ستكون الارض مربعه بكل مكان
وكلها ان شاء الله اسبوعين ونشوف الارض خضراااااااااااااا
ومانحتاج لاي صور ...
عموما اخي العزيز هذا رايي واختلاف الراي لايفسد للود قضيه
والمعذره منك ان كان هناك قسوه بتعليقي
شكرا لك ....
مع خالص تحياتي ....

بن فيصل

14/11/2008, 04:33 AM

بيض الله وجهك

معجب جدا في سعة صدرك..... الله يوسع لك مكان في الجنة بعد عمر طويل ان شاء الله

اسير الغربة 1

14/11/2008, 06:16 AM

كفشوووووووووك الربع من العاااااااااااااام

المسافر2006

14/11/2008, 06:18 AM

مشكور اخونا الكريم على هذا التقرير الرائع الى الامام

أبو المثنى

14/11/2008, 07:10 AM

مشكور على الصور الرائعة
الأخ هداج الرياض / اقرأ جميع الردود وستعرف المكان بالتفصيل وتعرف سالفة الصورة

جغم جغم

14/11/2008, 07:40 AM

عداك العيب ومصدقك يابو نواف واسف ان كان فهم كلامي خطأ لان هدفي انك تعلمن :)
واشكرك على توضيح المكان والآن عفشي بالسيارة ماشي اذا بتخاويني توكل على الله

ومشكور يالذيب

مفتاح الفرج

14/11/2008, 07:51 AM

http://up.lz3zl.com/get-11-2008-rlvy5azp.jpg

هذه الصورة غريبة !!! ؟؟؟

فيظهر لي انها قديمة و ان الكمرة مضاف لها مرشح !!

.......

مطارد البروق

14/11/2008, 01:16 PM

السلام عليكم ورحمة الله وبركاتة
الموقع في احدى فياض لينة شرق لينة بحدود 35و40 كيلو وسلامتكم ,,,, بعض الاعضاء الله يهديم مصيرين على انة قديمة حتى بعد اخبرهم بالموقع ,, ترى تكذيب الرجاجيل ماهوب سهل ,,, وبعدين ايها العضو بعد معرفتك بالمكان تسر على انة قديمة هل سئلت احد من القرابين من تللك الفياض او انك رحت انت بنفسك لتلك الفياض ,,, وشفت موضوعي هذا يخالف ارض الواقع ؟؟؟؟؟؟؟ ارجو من الجميع التأكد من اي عضو بالرد على هذا الموضوع وهو متاكد امنا 100% علشان نتفادى القيل والقال وسلامتكم ,,,

altheeeb79

14/11/2008, 01:30 PM

ياإخوان الله يهديكم000 الرجال حلف لكم والرجل مسلم ويخاف الله00

ومن حلف له بالله فليصدق000

إضافه الى أن الاخ الفاضل (مطارد البروق) عضو في هذا المنتدى منذ زمن بعيد والرجل لاأعرفه شخصيا لكن الانسان اللي يصدق بقوله يصدق الناس000

أرجو أن لايفهم أحد أني أهاجمه ولكن 000 لنكون أخوه متحابين يسود الاحترام فيما بيننا0

والله من وراء القصد

إعصار

14/11/2008, 01:49 PM

مطارد البروق ..

والله انك معروف ولا يهمك أحد ..

يعني معي أحترامي للي عارضو ..

ترى الاخ صاحب وسام تميز ..

ومن الأعضاء الي مشهود لهم بالخير ..

يعني موب عضو جديد مانعرفه .. ولامعرف نايم ..

يمال العافيه عقبال ماتربع الفياض كلها ..

:)

ابوحماد

14/11/2008, 01:53 PM

السلام عليكم ورحمة الله وبركاتة

الموقع في احدى فياض لينة شرق لينة بحدود 35و40 كيلو وسلامتكم ,,,, بعض الاعضاء الله يهديم مصيرين على انة قديمة حتى بعد اخبرهم بالموقع ,, ترى تكذيب الرجاجيل ماهوب سهل ,,, وبعدين ايها العضو بعد معرفتك بالمكان تسر على انة قديمة هل سئلت احد من القرابين من تللك الفياض او انك رحت انت بنفسك لتلك الفياض ,,, وشفت موضوعي هذا يخالف ارض الواقع ؟؟؟؟؟؟؟ ارجو من الجميع التأكد من اي عضو بالرد على هذا الموضوع وهو متاكد امنا 100% علشان نتفادى القيل والقال وسلامتكم ,,,

أخوي مطارد البروق

من كذبك في هذا الموضوع وأنا أخوك

لا تشره عليه بعض البشر ما جالس الرجال

هذا وانا اخوك مجالس سملق

أهو الفاهم و الناس ماعندهم دبره وهذي الشاكله ياكثرها في منتدى مكشات

ابو منصور2000

14/11/2008, 01:55 PM

يمكن تكون فيضة المسعري
والعلم عندالله

فاطر

14/11/2008, 02:01 PM

بييض الله وجهك مطارد البروق اخوي مدرس في لينه يقول بعض الفياض فيها ربيع وخاصه بعد الدفئ الي جانا بعض المواقع كلها الان ربيع وتطرد الخضار فيها

سلايل كحيلان

14/11/2008, 02:09 PM

أخي الكريم : مطارد البروق

بالنسبة لموضوعك لو بدون صور أنا راح أصدقك لأننا هنا والحمدلله ما تعودنا على تكذيب الرجاجيل هذا ناحية والناحية الأخرى

هالخير اللي جانا من رب العالمين والحمدلله يكفي ب‘ذن الله لأن تكون الفياض بأحلى ثوب

وفقك الله وكتب لك الأجر

العابر سبيل2

14/11/2008, 02:11 PM

اخوي مطارد البروق من خلال متابعتنا لهذا المنتدى وتتبع اخبارك وتقاريرك ورحلاتك والله ماعرفنا عنك الا الصدق في نقل الاخبار وليس بغريب ان تكون هذه الصورة لربيع هذا العام لان كل العوامل تؤيد ذلك ومنها كثرة وغزارة الامطار * ثم الدفا وخصوبة الارض فأقول الله يبشرك بالخير على هذا الخبر اللي يشرح الصدر تقبل تحيات اخوك العابر سبيل2

شقاوي ينبع

14/11/2008, 02:16 PM

بيض الله وجهك يبو نواف

وااااااااااااااااااااااااااااااااااااااااااااااااا اااافي يالغالي

يازينك يبو نواف ويازين علومك

pass2love

14/11/2008, 02:17 PM

مشاء الله تبارك الله شئ يبهج النفس

والشكر موصول للمبدع مطارد البروق

ابوخالد1111

14/11/2008, 02:22 PM

ماشاء الله

لحن الغروب

14/11/2008, 03:16 PM

أخي مطار البروق ........ بارك الله فيك وما نقلته لنا من سحر الطبيعة يدل على عظمة الخالق عز وجل .. وكل ذلك مسخر للإنسان من أجل أن يمعن في صنع الخالق عز وجل وكيف يحي الله الأرض بعد موتها ...
ملاحظة : طفيفة : كلمة ما شاء الله يخطيء الكثير في كتابتها إملائيا . فبعضهم يكتبها مشاء الله وبعضهم يقول إنشاء الله وبعضهم يقوم ماء شاء الله ... وهذا خطأ والصحيح أن نقول : ما شاء الله ونقول إن شاء الله لاختلاف المعنى بين اللفظين .. هذا لمجرد التنويه وشكرا على الصور الرائعة .

الحرربي

14/11/2008, 03:23 PM

ماشاء الله تباااارك الله

العمدة ابو صالح

14/11/2008, 03:50 PM

ماشاء الله تبارك الرحمن

عز الله صور تشرح الصدر وتفتح النفس

السنه هذي سنة خير ان شاء الله

الف الف شكر ياخوي على الصور اللي تفتح النفس ...

الغدير

14/11/2008, 03:56 PM

السلام عليكم ورحمة الله وبركاتة

الموقع في احدى فياض لينة شرق لينة بحدود 35و40 كيلو وسلامتكم ,,,, بعض الاعضاء الله يهديم مصيرين على انة قديمة حتى بعد اخبرهم بالموقع ,, ترى تكذيب الرجاجيل ماهوب سهل ,,, وبعدين ايها العضو بعد معرفتك بالمكان تسر على انة قديمة هل سئلت احد من القرابين من تللك الفياض او انك رحت انت بنفسك لتلك الفياض ,,, وشفت موضوعي هذا يخالف ارض الواقع ؟؟؟؟؟؟؟ ارجو من الجميع التأكد من اي عضو بالرد على هذا الموضوع وهو متاكد امنا 100% علشان نتفادى القيل والقال وسلامتكم ,,,

ياليتك ماعلمتهم :(
خلهم واحقرهم هذا اكبر عقاب لهم :eek:
والكل مصدقك :good: ولكن الشواذ الله يصلحهم ;)

قناص الصمان

14/11/2008, 04:25 PM

ياجماعة انت منتب صاحين الرجال يحلف ونتم مصرين لا ما نصدق . .

الي ما يصدق يقعد عند امه ويريحنا ويريح الرجال . . ما فيه موضوع الا . . \

متناقرين فيه

الان وصلت 7 صفحات وكلها الرجال يعطيكم من ذا الحلف . .

والمكان اللي فيه الربيع ويقول الربيع شرق لينه ../

انت مصدق في نفسك لكن ودك تخرب على الرجال يجيك واحد الان يسجل في مكشات../

غشان يكذب الرياجيل ///خلوكم اكبر من كذا
واشكركم وتقبلو تحياااتي

raheema

14/11/2008, 04:36 PM

مطارد البروق صاااااااااااااااادق
الله يجزاه خير

سفير الجزيرة

14/11/2008, 04:38 PM

لمعلومية

شرق لينة جايهم وسم قبل اللي جانا بأسبوع ونصف

والآن له حوالي ثلاثة اسابيع

وهذه صورة واقعيه
لكن اصبروا والخير جايكم والربيع عند بيوتكم بعد عدة ايام بإذن الله

أبوحمد 505

14/11/2008, 04:46 PM

ماشاء الله
جزاك الله خير
ولا هنت

بلال البلوي

14/11/2008, 05:09 PM

ماشاء الله والله يجيب الخير

البسام

14/11/2008, 05:16 PM

الله يعطيك العافيه ولا يهمونك اخوي الغالي اماكن كثيره اللي بين فيها الربيع بدري والحمد لله امطار غزيره ودفا ولا تشره على اخوانك اللي ما عمرهم عاشوا هالأجواء من قبل ..... الله يجعل فيه البركه

صلهامه

14/11/2008, 06:11 PM

مطارد

لا يهمونك وانا اخوك

شف حتى روضة الخفس اللى لعبوا فيها لعب والربيع توه ما طلع شف كيف صار

الا صادق ونص وابصم لك بعد

شف هالصورة
http://filaty.com/i/811/10628/DSC05353_1024x768.JPG

مخايل الحوطه

14/11/2008, 06:40 PM

صور تبشر بالخير مشكور بارك الله فيك

سديراوي...

14/11/2008, 06:43 PM

مشاء الله تبارك الله

التورنيدو

14/11/2008, 07:00 PM

والله ان الرجال صادق ونصف حتى لو لم يحلف.
بعض الاماكن جاها امطار وسيول ولا احد يعلم عنها.
ليس كل سيلة تعرف.

زعيم البراري

14/11/2008, 07:08 PM

ماشاء الله تبارك الله
وشكرا اخوي لك
تحياتي لك ..

العراك

14/11/2008, 07:16 PM

كلام الرجال صحيح انا عندي مخيم على طريق رماح يسار حول مخيم الوليد يوجد الباذر وتشوف الخضار على وجه الارض ونطلب من الله ان يتبع الخير خير نسءله من فضله ودمتم بود

العراك

14/11/2008, 07:19 PM

اشكرك اخي مطارد البروق وسلمت يمينك انت وخويك والله انك تستحق الشكر تحياتي

ثهلان 2005

14/11/2008, 07:32 PM

ماقصرت وجزاك الله خير

فنجال السيف

14/11/2008, 09:50 PM

والله كان مااصدقك بس اسمك ماشاء الله ماينعرف الا باصدق والله يهدي الي يكذبك
والصور صراحه روعه

grdan

14/11/2008, 09:58 PM

ياشباب ابو نواف صادق الله يجزاه خير
لاني توي جاي من نفس مكان الفياض اللي يقول عليها وربيعها طيب بالحيل :good:
وهذي صورة جوال احفظها في جهازك ومن خصائص الصورة تعرف تاريخ التقاطها
على فكرة الفياض كثيرة وهي نفس اللي في الصورة وكلها مربعة

http://up.zyzoom.org/uploads/images/zyzoom-48f4efa1bf.jpg

شقردي سبيعي

14/11/2008, 11:03 PM

والله مدري
لكن ماشاء الله خضراء الله يجيب الخير والربيع

ريف النشاما

14/11/2008, 11:08 PM

الله يرفع قدرك أخي مطارد البروق

ومشكور على هذه الصور الجميلة

ولا تنسى فياض ساموده بعد هو أنت تكذب وأناني وماتستحي

فيه مثل يقول اللي مايعرفك مايثمنك

ولكن عزالله بكرة تلقاهها فل 95:p

ريف النشاما

14/11/2008, 11:10 PM

بعدي ياذيبان مافيه أحين من جيت الربيع بأوله

البكارة

http://up.zyzoom.org/uploads/images/zyzoom-48f4efa1bf.jpg

كدووه

14/11/2008, 11:10 PM

الحمدلله على فضله ورحمته

سفير الشمال

14/11/2008, 11:34 PM

السلام عليكم ورحمة الله وبركاته

الغالي مطارد البروق
حياك الله والله يعطيك العافيه
بشرى من بشائر الربيع هذه السنه المباركه إن شاء الله
تسلم يالغالي على هذه الأخبار المفرحه بارك الله فيك
الشكر موصول لصاحبك الكريم وفقه الله
تقبل إحترامي وتقديري

عزو2000

14/11/2008, 11:37 PM

ما شاء الله صورة حلوة جدا بارك الله فيك

abnbtota

14/11/2008, 11:48 PM

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين

تجيب العلوم ... ابد من خلال الاطلاع خلال الاسبوع الحالي متوقع مارأت وان شاء الله الاسبوع القادم وما بعده شيء روووعة

نداوي الكويت

15/11/2008, 12:06 AM

يا جماعه الله يهديكم ( مطارد البروق ) من الاعضاء المحترمين وما ممكن يفبرك شي .
عموما اقترح عند تصوير المناظر اللي ممكن يثور حولها مثل هالجدل ان تتضمن الصوره اي جريده صادره بذات التاريخ .. لان في ناس ما تصدق الا اتشوف بعيونها .

ليثاوي القصيم

15/11/2008, 12:10 AM

اخوي هذا فيضت الصريف معروفه وهي الحين كذا

وتقبل مروري

روس المزن

15/11/2008, 12:20 AM

هاللي يقول يكذب . ؟ هو مايشوف الامطار والوسمي له خمس طعش يوم نازل حول لينه .. هذا والله البلشه
من هالحين وورى الدنيا كلها خير الحمد لله على واسع فضله وكريم عطاياه

يعلك للخير يا مطارد البرووق ماقصرت على التقرير

أفق

15/11/2008, 01:41 AM

جميلة جدا
وهناك تصفية وتغميق للالوان عشان كذا زاد الخضار
وشكرا لك مرة اخرى

هداج الرياض

15/11/2008, 01:58 AM

بيض الله وجهك .......ماااقصرت
يامطاردالبرووووووق

ذباح الخرب

15/11/2008, 02:08 AM

ماشاء الله تبارك الله
الله يباركلكم يااهل الممكله على الامطار والخير الي جاكم
وتستاهل دار ابو متعب .. بلاد التوحيد
الله يحفضها من كل شر
والله يرزقنا وياكم من خيره
تسلم اخوي عادل على الصوره الي تفتح النفس

VTC2007

15/11/2008, 02:25 AM

مصدق يا مطارد البروق واللي يثبت صحة قولك موديل موترك 2008 او 2009 والخط حق الموتر يثبت صحة صورك

مشاء الله ويارب يزيد ويبارك

الغنادير

15/11/2008, 04:26 AM

اذا هي على الصور انا اقدر اجيب لك مية صورة وافضل من الي نزلت واقولكم استانسو على الصور بس لاني ماني قايلكم وين المكان
ياعزيزي حنا ماجينا نبحث عن صور حلوة يوم الوادي بعزه وحنا نجيب لكم الاخبار اول باول مع الاحداثيات والعناوين بالتفصيل والحين يوم لقيت لك قطيعت ارض خضراء منيت به علينا تبي اقولك شي وخصوصا هالسنة( انشاءالله) لاتعلم احد عن اي مكان زين تشوفه لان الربيع هالسنة بكل مكان
ومنة الله ولا منة خلقة
تعلم من العضو شموخ جبال على هالرابط
http://www.mekshat.com/vb/showthread.php?t=168672

رعبون

15/11/2008, 10:58 AM

ما شاء الله ما شاء الله الارض ماهي غريبه .. لاكن الفياض بكل مكان باذن الله ...

هيضت الاشجان .. الله يجزاك عنا خير

ww4ss

15/11/2008, 11:27 AM

مشكووووووور على هالبشارة وهالصور الحلوه اللي ترد الروح وبشرك الله بالجنة ياخوي

المملوح

15/11/2008, 11:28 AM

الله يبشرك بالخير

الاقبال

15/11/2008, 11:45 AM

انا اقول اخوي مطارد البروق صادق وهذه صوره جديدة وانشاءالله تشوفون اكثر من كذا وماهي من عوايده القص واللصق والنسخ لانه رجل معروف وثقة ودائما مصداقية فيما يجب عليكم تكذيب الرجل ياخوان شهادة حق لا ارجي وراها شئ ابدا الله الحق وانا اقول فيه فياض وفيه روض اليوم صارج مثلها تماما وراح باذن الله تعالى تشوفونها قريباً بس اذكرو الله

مسحب الضبان

15/11/2008, 11:55 AM

system

15/11/2008, 12:09 PM

الاخ مطارد البروق خلك ثقييييييييييييييييييل

هذي حركه مسوينها يبونك تعلم وين مكان هالفيضه

الله يعطيك العافيه على هالصور.

abumashal

15/11/2008, 12:28 PM

حياك الله
مشكور علي ها الصور الحلوه
المكان من فياض الشمال حسب ماوصلني

ابو رتاج

15/11/2008, 12:45 PM

ما شاء الله تبارك الرحمن

الله يبارك بالأمطار ويرزق ديار المسلين في كل مكان

تقبل مروري أخي الكريم وشكرا لك

ومض الصدف

15/11/2008, 01:17 PM

ياجماعة بالهون على الرجال , الرجال صادق بكلامه أنا جاي من الشمال جهات رفحا ولينة
فيه فياض هناك زي هالصورة بالضبط وشكل هالصور من نفس المكان اللي جاي منه
فياض المصندق جهة الخشيبي, وفيضة فرجات وعوافي جهة لينا لأن الجهات هذي جاه السيل الأولي يوم يمشي (إعيوج لينة) فقط للتوضيح وإن شاء الله بنزل لكم الموضوع عن قريب بحول الله والله يعطيك العافية ياخوي مطارد البروق

الحامد ربه

15/11/2008, 03:36 PM

أخو مطارد البروق يكفي إنك دائماً تتحفنا بما هو جميل وخلاب ولكن على الأخوة الكرام والأعزاء عدم تكذيب الرجال لأن التكذيب ليست من علوم الرجاجيل خصوصاً أنه حلف بالله فكيف نقوم بتكذيبه.
أنا هنا اقدم الاعتذار لك على ما صدر من الأخوة الأعزاء وليعذرني الأخوة الكرام

ابوإبراهيم132

15/11/2008, 03:52 PM

يا سلااااااااااااام
يعلم الله اني كنت متوقع مثل هذه الصور

لأني لمحت الربيع عندنا في بعض المناطق وهي مطرت قبل اسبوعين فما بالك بالتي مطرت قبل اربعة أسابيع

مطارد البروق رجل عهدنا منه الصدق ولا نزكيه على الله

........

سوسة حطب

15/11/2008, 04:01 PM

صدقت أخوي أنا مار على فيضات في الصمان مربعه

الواصل44

15/11/2008, 04:28 PM

مشالله الصور جميله

والموقع

في شمال المملكه

بس صاحب الصور ما يبي يعلمكم قلت اقرب لكم

وائل العنزي

15/11/2008, 04:42 PM

ماشاء الله

GOLDEN SNIPER

15/11/2008, 04:42 PM

ماشاء الله تبارك الله ,, الله يزيد ويبارك ..

بس ماقلت لنا وين هالمكان بالظبط ؟؟

الشاص عز لهله

15/11/2008, 04:54 PM

سبحان الله ياخي انا مستغرب من الشعب السعودي عندهم كلهلجمال و يطلعون برة بلادهم لسياحة و الطبيعة

فارس العرض

15/11/2008, 05:11 PM

الشكر كل الشكر لصاحب الموضوع

انا مصدقك من اول ما شفت العنوان

لفح الهجير

15/11/2008, 05:20 PM

الاخ مطارد البروق الصورة صحيحة والصورة من فياض الحجرة واناهذا الاسبوع كنت فيها وانشاء الله انزل الصور لتكتمل الفائدة .

عصي الدمع...

15/11/2008, 05:28 PM

مشاء الله شغل عدل

ابو دعفس

15/11/2008, 05:29 PM

الله يعطيك العافيه وتقبل مروري وننتظر جديدك

marjoj

15/11/2008, 05:37 PM

ما شاء الله تبارك الله

والله اني استانست يوم شفت الصور

الله يعطيك العافية على الصورالرائعة اللي نسأل الله تعالى ان يعم الربيع كل المملكة باذن الله

عاشق الكمأ

15/11/2008, 06:34 PM

ياليت الاخوان يردون على بعض بدون تشكيك ,,, احيانا الواحد مايصدق بعض العلوم او الاخبار ,,, لكن على ارض الواقع كل شي يصير .

مكشاتي الرس

15/11/2008, 06:51 PM

ماشاء الله تباركــ الله ,,,

اللهــ يبشركــ بالخير انت وراعي الصــور ....

ومصدق يالحبيب ,,,

ابوتلين

15/11/2008, 07:45 PM

السلام عليكم ورحمة الله وبركاته
مشاء الله تبارك الله الله يجزاك خير صورتفتح النفس
تحياتي

قصي الضحيان

15/11/2008, 07:58 PM

اخوي الف شكر لك
والله يديم هالخير ويكون بجميع ارجاء الوطن

ابن عكاش

15/11/2008, 08:18 PM

اللي يقول ماهوربيع ذا السنه اسحلي انه مايعرف وش الربيع وكيف يطلع
الأخ كاتب التقرير الصور متوقعه لكن مره ثانيه علم خويك لايشب ويجلس داخل الفيضه إذا كان راعي بر صحيح لأن المقصود مشاهد الربيع ومشكور ولا قصرت وارجوك انك لاتحط اي إحداثيه لأن الخير واجد واللي يبي الربيع بيلقاه
اخوك ابوصقر

خيال الوشم

15/11/2008, 08:29 PM

ماشاء الله تبارك الله بيض الله وجهك انا اقول ان الصور صحيحه 100% باين من نضرتي للصوره وخبرتي بالربيع والفياض

جراف

15/11/2008, 08:29 PM

مستحيل مستحيل مستحيل هذي الصور قديمة اذا كانت الصور جديدة اكتب احداثياتها ماامدى نشف المطر

ami1948

15/11/2008, 08:44 PM

بشرى خير أخى مطارد البروق ومناظر تشرح الخاطر ونسأل الله أن يوالى الخير على جميع المناطق ؛ ولست مجبر على الحلف بصحة الخبر لأننا مصدقينك وكلامك لايستغرب لأن المناطق تختلف ولو كانت حول بعضها فالبيع يفز إذا جاه مطر طيب وأماكن دافيه وقد ظهرت البوادر فى عديد من الأماكن ؛ شكراً على الصور الجميله وكلك ثقه بارك الله فيك .