سهيل واحد
24/02/2004, 12:41 PM
السلام عليكم ورحمة الله وبركاته ..............
الاسبوع الماضي و با التحديد يوم الثلاثاء 26 ذو الحجه 1424 طلعنا من الرياض ( انا و اتنين من الاصدقاء بسياره وحده) ناصين هجرة شويه عن طريق رماح. قبل شويه ب 3-4 كم قرقنا يسار 50 متر عن الخط ولقطنا كم فقعه ولكن الارض كانت محفره واجد (الفقع اللي بهاك الارض ملقوط اكثره) وانا مريت نفس الارض قبل ثلاث اسابيع ولقطت منها حول الكيلو. بعد صلاة العصر رحنا شرق (إحداثيه معطينا اياها خويلنا معطيها ايه واحد يقول انه ثقه لهم حلال بهاك الفياض وما هوب راعي مهايط "اللي لهم حلال هناك") تاركين العمانيه على يسرانا. الاحداثيه كانت تبعد عن المزفلت 27 كم شرق. وصلنا مكان الإحداثيه وطاحت رجلينا و حنا نفتر ما لقينا ولا ضعوي (الله يسامح الثقه.) قررنا بعدها اننا نرجع للمحل الاول اللي حول شويه (يا حبيلك يا شويه). وصلنا محلنا الاولي و آمدانا نلقط خمس فقع حليلات. طبخنا عشانا وتعشينا (مريقيقات مع فقيعات ولحيمات) وتوكلنا على اللي ما تنام عينه على المزفلت شمال لين انتهى المزفلت (ينتهي المزفلت بعد شويه بحوالي 22 كم شمال) حول ارض تسمى المجيلس وفرقنا يمين شمال-شمال شرق (حوالي 7 كم) نبي منطقه تسمى إرينبه.
امرحنا بإرينبه و يوم جا الصبح (صباح يوم الإربعاء) قمنا وعقب الصلاة والتقهوي و الفطور بدينا بتندويرالفقع وما لقينا الا انا لقيت زبيديه فوق حزم أجرد .
بعد ساعتين من تدوير الفقع بدون ما نلقا شي إتجهنا إلى الحزوم اللي بين الرفيعه (جراره) و مشله (أم الهوشات.) وكانت الساعه حوالي 2 عقب الظهر و بهاك الحزوم (اللي ما تبعد كثير عن جنوب شرق محرقة الرفيعه) بدينا نلقط رزقنا من الفقع اللي مصلعه و اللي شقوقه يالله تبين واللي متحثرب ترابه و صاير تقول بيت نمل. المهم لقطنا اللي يعشينا حنا و خويلنا يبيون يجون من المنطقه الشرقيه (6 اشخاص) وفعلاً عشينا الضيوف كبسة فقع.
ما اطول عليكم قعدنا بهاك الفياض اللي بين الرفيعه و مشله اللى يوم الجمعه نلقط على خفيف او مثل ما يقولون( ما من لون = لقط خفيف).
ملاحظات للي يبي يروح يتفقع بهاك المناطق :---
* وإنت طالع من الرفيعه رايح لمشله مع بالبدايه تبي تصير طريق ترابي ممهد ثمن يجيك المزفلت. لامشيت شوي با المزفلت (وجهك يم مشله) .... (قبل اول مزرعه على يمينك) إفرق يمين وإمش نص كيلو ووقف سيارك ( الماريه الحصى اللي بها المنطقه الوانه و اشكاله غريبه تقول إحجار كريمه) وإنزل و إبحث عن الفقع اكبر فقع لقيناه بها المكان (بحجم بردقان ابو صره الكبير).
* فيه مزرعه كبيره معقمه على يسارك و إنت طالع تبي مشله يفقعون به الناس بس ملقوطن ابو جد جد جده ... لكن اول ما تعدى ها المزرعه انزل يسار ومن يوم تنزل من المزفلت وقف و إفتر على رجليك وبرق وركز ترى فيها فقع لكن يبي صبر و تتنيح على اي ارتفاع با الارض.
* في العجلة الندامه.... انتبهوا من العقارب لان بعض اماكنهن يحسبهن الواحد فقع و "ماهن بفقع" و استخدموا اي اداة لحفر الفقعه ولا تستخدم إصابعك لو إنك واثق إنه فقعه (واحد من الشباب بغت تلقط اصبعه لانه كان يستخدم اصابعه لحفر الفقع )
* عليكم با الحزوم... عليكم با الحزوم... عليكم با الحزوم... !!!
*** إحداثية المنطقه اللي بين الرفيعه و مشله :--
N 26.58.757
E 047.06.761
و تمنياتي للجميع بالسلامه و السلام ختام.
مع تحيات ..,
سهيل واحد
الاسبوع الماضي و با التحديد يوم الثلاثاء 26 ذو الحجه 1424 طلعنا من الرياض ( انا و اتنين من الاصدقاء بسياره وحده) ناصين هجرة شويه عن طريق رماح. قبل شويه ب 3-4 كم قرقنا يسار 50 متر عن الخط ولقطنا كم فقعه ولكن الارض كانت محفره واجد (الفقع اللي بهاك الارض ملقوط اكثره) وانا مريت نفس الارض قبل ثلاث اسابيع ولقطت منها حول الكيلو. بعد صلاة العصر رحنا شرق (إحداثيه معطينا اياها خويلنا معطيها ايه واحد يقول انه ثقه لهم حلال بهاك الفياض وما هوب راعي مهايط "اللي لهم حلال هناك") تاركين العمانيه على يسرانا. الاحداثيه كانت تبعد عن المزفلت 27 كم شرق. وصلنا مكان الإحداثيه وطاحت رجلينا و حنا نفتر ما لقينا ولا ضعوي (الله يسامح الثقه.) قررنا بعدها اننا نرجع للمحل الاول اللي حول شويه (يا حبيلك يا شويه). وصلنا محلنا الاولي و آمدانا نلقط خمس فقع حليلات. طبخنا عشانا وتعشينا (مريقيقات مع فقيعات ولحيمات) وتوكلنا على اللي ما تنام عينه على المزفلت شمال لين انتهى المزفلت (ينتهي المزفلت بعد شويه بحوالي 22 كم شمال) حول ارض تسمى المجيلس وفرقنا يمين شمال-شمال شرق (حوالي 7 كم) نبي منطقه تسمى إرينبه.
امرحنا بإرينبه و يوم جا الصبح (صباح يوم الإربعاء) قمنا وعقب الصلاة والتقهوي و الفطور بدينا بتندويرالفقع وما لقينا الا انا لقيت زبيديه فوق حزم أجرد .
بعد ساعتين من تدوير الفقع بدون ما نلقا شي إتجهنا إلى الحزوم اللي بين الرفيعه (جراره) و مشله (أم الهوشات.) وكانت الساعه حوالي 2 عقب الظهر و بهاك الحزوم (اللي ما تبعد كثير عن جنوب شرق محرقة الرفيعه) بدينا نلقط رزقنا من الفقع اللي مصلعه و اللي شقوقه يالله تبين واللي متحثرب ترابه و صاير تقول بيت نمل. المهم لقطنا اللي يعشينا حنا و خويلنا يبيون يجون من المنطقه الشرقيه (6 اشخاص) وفعلاً عشينا الضيوف كبسة فقع.
ما اطول عليكم قعدنا بهاك الفياض اللي بين الرفيعه و مشله اللى يوم الجمعه نلقط على خفيف او مثل ما يقولون( ما من لون = لقط خفيف).
ملاحظات للي يبي يروح يتفقع بهاك المناطق :---
* وإنت طالع من الرفيعه رايح لمشله مع بالبدايه تبي تصير طريق ترابي ممهد ثمن يجيك المزفلت. لامشيت شوي با المزفلت (وجهك يم مشله) .... (قبل اول مزرعه على يمينك) إفرق يمين وإمش نص كيلو ووقف سيارك ( الماريه الحصى اللي بها المنطقه الوانه و اشكاله غريبه تقول إحجار كريمه) وإنزل و إبحث عن الفقع اكبر فقع لقيناه بها المكان (بحجم بردقان ابو صره الكبير).
* فيه مزرعه كبيره معقمه على يسارك و إنت طالع تبي مشله يفقعون به الناس بس ملقوطن ابو جد جد جده ... لكن اول ما تعدى ها المزرعه انزل يسار ومن يوم تنزل من المزفلت وقف و إفتر على رجليك وبرق وركز ترى فيها فقع لكن يبي صبر و تتنيح على اي ارتفاع با الارض.
* في العجلة الندامه.... انتبهوا من العقارب لان بعض اماكنهن يحسبهن الواحد فقع و "ماهن بفقع" و استخدموا اي اداة لحفر الفقعه ولا تستخدم إصابعك لو إنك واثق إنه فقعه (واحد من الشباب بغت تلقط اصبعه لانه كان يستخدم اصابعه لحفر الفقع )
* عليكم با الحزوم... عليكم با الحزوم... عليكم با الحزوم... !!!
*** إحداثية المنطقه اللي بين الرفيعه و مشله :--
N 26.58.757
E 047.06.761
و تمنياتي للجميع بالسلامه و السلام ختام.
مع تحيات ..,
سهيل واحد