يا راعين الجموس ابي الغي الدبل يجي والا مايجي

[ضحية صمت]

السلام عليكم ورحمة الله وبركاته

ياشباب عساكم على القوه

ودي اسألكم الحين عندي جمس صحن موديل الفين
قير عادي والدبل قير بعد المشكله عندي اني ما ابي الدبل
ابي اشيله نهائي وش الحل وهل لو شلته بيخرب علي حساسات
والا بيطلع لي مشكله والا عايدي وش الدبره ابي اشيل الدبل كله
وتراني اعرف طريقة الفصالات بس مابي اركبها انا ابي اشيل الدبل
بكبره يعني ابي الغيه نهائي شلون هل ينفع لاني سألت واحد بورشه قال لي ما يمديك لانه مشبوك مع القير الاساسي ...وش الدبره

[506]

اللهـ يووفقك

ويفدونك الاخووآنـ

تقبل مرووري

آخووك 506

[عاشق الموج]

تبادل بالجمس

عندي لك جمس 2001 بدون دبل غمارة ونص

[بدوي جنوبي]

سبحان الله اخوي صمت فيه ناس تتمني تركب دبل
وانت تبي تشيله

المهم ،،، الدبل راكب في مؤخرة القير وصمم جرم القير ليناسب الدبل

لان في القير في وصلة اخيرة لابد تركبها بعد عزل الدبل
ومني متاكد يضبط معك او لا ،،، لان العمود الاوسط الرئيسي اللي وسط القير
هل يختلف تصميمه عن القير العادي
طبعا لاجابة السؤال لابد من متخصص في القيرات

فرضا لو الغيت الدبل نهائيا ،،، ما الفائدة من الدفرنس الامامي مجرد حمل ثقيل علي السيارة ،، وصرف في الوقود ،، وتخيل معي كم وزن الدفرنس ؟

فنصيحتي لك ابحث عن سيارة بدون دبل ،، وفك نفسك من الخساير
ولا تنسي ان سيارتك مزودة بكمبيوتر ،، فأكيد راح يحصل معك مشاكل كهربائية
عند عزل الدبل ،، لان الدبل مزود بحساسات والدفرنس كذلك

واسف علي الاطاله


بالتوفيق ان شاء الله

[لن أمل من العطاء]

الافضل بيع السيارة وشراء اخرى بدون دبل

الشيء الاخر

الامريكي اذا لم تشغل الدبل يصبح مثل اللي بدون دبل خفيف حتى ان عمود الكردان الامامي لا يدور

[شاص2007]

طيب اخوي فك عامود الدبل

[السنع كله]

عفوا لقافة مني ::انت وليه زعلان من الدبل اعتبره غير موجود وقد تظطر وتحتاجه في سحب او اسعاف مغرز او او ليتك تعمل صداقه معه وتخليه على حاله والدبل عندك عز الطلب

[sami200]

والله عجيبه هالدنيا فيه ناس تدور الدبل دوره ومعقول فيه ناس ماتبي الدبل خلاص ياخوي خذلك سيارة صغيره وارتاح

[الشقردي911]

عفوا لقافة مني ::انت وليه زعلان من الدبل اعتبره غير موجود وقد تظطر وتحتاجه في سحب او اسعاف مغرز او او ليتك تعمل صداقه معه وتخليه على حاله والدبل عندك عز الطلب
كلامك عين الصواب
لاكن انا اعرف انه ينفك عامود الدوران حق الجدبل ولا يضر على السيارة وتسي انشط بعد

[لن أمل من العطاء]

كلامك عين الصواب
لاكن انا اعرف انه ينفك عامود الدوران حق الجدبل ولا يضر على السيارة وتسي انشط بعد
عمود الدبل في الجمسات لا يدور في حالة ان الدبل غير مستعمل يعني دفع خلفي

جرب على سيارتك اخوي الشقردي وشوف يعني لا فائده من فك العمود

هذي خلها للياباني عنده حلين الياباني يفكرالعمود والا فرارات

[ضحية صمت]

السلام عليكم ورحمة الله وبركاته


اخواني الكرام

انا ما ادري وش فيكم طبيتو فيني طبه مدري وش تبي

اول شئ انا بعمري ما استعملت الدبل ابدا ولا حصل وغرزت
في طين فالدبل ما ينفعني بهالطين يعني الله لا يخليني من الونش
الشئ الثاني اللي داخلن علي يهاوش اقوله بلاك والله ما اوجعك راسك
من هالدبل وحساساته الله ياخذها مشكلة الدبل الامريكي مشكله عويصه
بعض الناس اللي علقو على موضوعي يحسبونه مثل الدبل الياباني ومثل دبل الجيوب
وحتى لو فكيت العمود الدبل راح يكون شغال معي انا مشكلة الدبل عندي من الدينمو حقه
وكل من رحت له قال لي مشكلة حساسات واحد يقول كهرب وانا المشكله عارف وش مشكلته
بس من القهر قبلت بشيل الدبل لان والله بيني وبينكم انا ما احتاجه ابدا ما اذكر اني غرزت
وانا كل اربعاء وخميس من كل شهر بالدهناء وان حصل وغرزت فالامر هين الله لا يخلينا من الونش
صدقوني ما قلت مابي الدبل الا لاني تعبت منه ومن مشاكل حساساته والكهرب حقه ...
تخيل انه يشبك معي فجأه وانا امشي بالطريق مع انه عادي القير موب تماتيك
شلون يشبك ما ادري .....

[لن أمل من العطاء]

السلام عليكم ورحمة الله وبركاته


اخواني الكرام


انا ما ادري وش فيكم طبيتو فيني طبه مدري وش تبي


اول شئ انا بعمري ما استعملت الدبل ابدا ولا حصل وغرزت
في طين فالدبل ما ينفعني بهالطين يعني الله لا يخليني من الونش
الشئ الثاني اللي داخلن علي يهاوش اقوله بلاك والله ما اوجعك راسك
من هالدبل وحساساته الله ياخذها مشكلة الدبل الامريكي مشكله عويصه
بعض الناس اللي علقو على موضوعي يحسبونه مثل الدبل الياباني ومثل دبل الجيوب
وحتى لو فكيت العمود الدبل راح يكون شغال معي انا مشكلة الدبل عندي من الدينمو حقه
وكل من رحت له قال لي مشكلة حساسات واحد يقول كهرب وانا المشكله عارف وش مشكلته
بس من القهر قبلت بشيل الدبل لان والله بيني وبينكم انا ما احتاجه ابدا ما اذكر اني غرزت
وانا كل اربعاء وخميس من كل شهر بالدهناء وان حصل وغرزت فالامر هين الله لا يخلينا من الونش
صدقوني ما قلت مابي الدبل الا لاني تعبت منه ومن مشاكل حساساته والكهرب حقه ...
تخيل انه يشبك معي فجأه وانا امشي بالطريق مع انه عادي القير موب تماتيك

شلون يشبك ما ادري .....


وعليكم السلام

ولكن هذا ليس بسبب مقنع لفك الدبل

وبعدين انت لم توضح في بداية موضوعك ان الدبل عطلان اصلا وتواجه منه مشاكل

ومازلت انا كنصيحة لك اخي انك ماتنزل الدبل

[طارق الحربي]

انت مشكلتك باسلاك الدبل اكيد فيها التماس عشان كذا يشبك من نفسه

شيك على الدبل من اوله لاخره

[shagyteacher]

تبي الصراحه بع الموتر والناس الحين ادور الدبل
بع الموتر والله ماكثر المواتر الي بدون دبل

مجرد راي يعني يمكن تفك شي ويخرب عليك شي وتصلح ويخرب شي ترى المشكله ان السيارات الجديده كهرب وانت عارف

بع الموتر وخذ لك واحد بدون دبل اريح لك

تحياتي لك

[Magellan]

تبي الحل الوكاد
ركب عليه حساس دلفي مرهم ومطور
بالرياض يبيعونه عند دوار الخرج
حساس الوكالة يلذع من الكهرباء الزايده وتلقاه يشبك ويفصل من حاله
تراء الحساس كبر الريال المعدن مرتين وسعره 330 ريال ويركبون على الدينمو اللي راكب على القير
وسلامتك