مزاد وزارة المالية..سيارات متنوعة..

[هنتر]

السلام عليكم..

الاسبوع القادم سيقام بمشيئة الله مزاد للسيارت بمقر وزارة المالية بالرياض
السيارات منوعة وموديلات مختلفة,, وان كان اغلبها شبحات ومرسدسات موديلات آواخر الثمانينات
بس فية اربع جموس حوض موديل 79 و 80 نضيفة بالحيل
طبعآ السيارات تبع المراسم الملكية وعدد السيارات تقريبآ 400 سيارة
اللي يبي يشوفها قبل المزاد مقر وزارة المالية بطريق المطار القديم المواقف الشمالية الدور الرابع

تحياتي لكم...

[طارق الحربي]

شكرا لك

لكن المزاد اي يوم ؟

هل هو صباحا او مساءا ؟

والمزاد بنفس الوزاره بالمواقف ؟

[الوحش79]

اي منطقه واي يوم

الله يخليك

فيدنا عسى ربي يكتب لك بكل خطوه سلامه

[قناص-VXR]

السلام عليكم

مشكور على المعلومه الجيدة لكن ياليت تحدداليوم والوقت

لك تحياتي

[صالح الروقي]

اي يوم .....

[سنة خير وبركة]

مشكور وبانتظار افادتك

[مراسيل الوفا]

الف شكر اخوي

[ثورة الشك]

لك رساله على الخاص لاهنت

[هنتر]

شكرا لك

لكن المزاد اي يوم ؟

هل هو صباحا او مساءا ؟

والمزاد بنفس الوزاره بالمواقف ؟

بكرا ان شاء الله اشوف لك اي يوم
الوقت طبعآ بعد صلاة العصر مباشرة
نعم بنفس الموقع بالمواقف


اي منطقه واي يوم

الله يخليك

فيدنا عسى ربي يكتب لك بكل خطوه سلامه

الرياض
غدآ اوضح يوم المزاد


السلام عليكم

مشكور على المعلومه الجيدة لكن ياليت تحدداليوم والوقت

لك تحياتي

نفس الرد اعلاة


اي يوم .....

الرد السابق


مشكور وبانتظار افادتك

الغد ان شاء الله اجيب العلم


الف شكر اخوي

هلا بك


لك رساله على الخاص لاهنت

مرااااحب

[هنتر]

الاخ العزيز ثورة الشك
حاولت ارسل لك رسالة على الخاص لكن لم اتمكن لقلة مشاركاتي..
في الغد راح اخذ لكم مجموعة صور للسيارات وانزلها بموضوع مستقل.

تحياتي...

[الوحش79]

يا اخ هنتر

ياترى في عندهم بليزرات؟؟

اذا في راح اجي ومعاي هبشة فلوس (في كرت بلاستيكي طبعا)
ههههههههههههههههه


ننتظر ردك ان شاء الله

يعطيك ربي العافيه والصحه الدافيه

[أبو علي 444]

طيب ..

ممكن أعرف كيف طريقة الشراء ؟

وهل جميع السيارات مفحوصة ومجددة ؟

[أبو علي 444]

وينك يالحبيب ؟؟

[عاشق المطر]

ننتظر الصور وموعد المزاد ارجو الاسراع في الرد من اخي صاحب الموضوع للاهميه..
سؤال عابر: هل هناك سيارات جموس مديل 78 وكيف حالتها العامه من حيث البودي
والالوان والمحركات؟؟

تحياتي

[مطلق السلمان]

الأخ / هنتر

السلام عليكم ورحمه الله وبركاته ...

أشكر حياتك على هذا الخبر الطيب إذا كانت السيارات نظيفة وعلى الشرط بتكون لغطة للي يبي موتر قديم وإن شاء الله تزودنا بالصور عشان اللي يبي يشارك في المزاد وبجي من خارج منطقة الرياض يجي وهو متأكد الله يعطيك العافية.

[rfhhmad0029]

هل عندهم بيوكات قديمه من موديل اربع وثمانون وتحت

[ثورة الشك]

هل عندهم بيوكات قديمه من موديل اربع وثمانون وتحت


اذا كنت تبحث عن البيوك موديل 84 انا خابرلك اثنين بمعرض لكن رافعين سعرها بالحيل

واحد رصاصي وارد الزاهد نظيف بالحيل محدود ب35000ريال


وواحد ابيض وارد الجميح نظيف لكن ماهو زي الاول بحدود25000ريال على مااضن


واي خدمه انا حاظر

[الدب المهاجر]

اخي هنتر

انا بطقها اكثر من 1000 كيلو هل تستاهل الجيه

اشكرك مقدما

[حرب]

تكفى ياخوي هنتر احرص على صور الجموس القديمه00

[سليمان911]

وش صار على التقرير ياجماعه الربع

[Somebody]

السلام عليكم ورحمة الله وبركاته

ارجو ان يسمح لي كاتب الموضوع بهذا التوضيح وذلك ليستفيد الجميع

إعلان الوزارة عن بيع رجيع سيارات في مستودع الوزارة

تعلن وزارة المالية " الديوان العام " عن بيع سيارات رجيع مختلفة الأنواع والموديلات ، بعد صلاة العصر من يوم الاثنين الموافق 24/12/1429 هـ حسب تقويم أم القرى في مستودع الوزارة الواقع شمال شرق الوزارة جنوب مجموعة العجو ، و على المشتري أن يدفع "10%" من القيمة نقداً كدفعة مقدمة (عربون) عند رسو المزاد عليه ، و يتحمل المشتري كافة المصاريف المترتبة على السيارة من تجديد للاستمارة و الفحص و نقل الملكية أو أي مصاريف أخرى و يلتزم بتسديد المتبقي من القيمة خلال موعد لا يتجاوز عشرة أيام من تاريخ إبلاغه بموافقة الوزارة على البيع ، علماً بأنه يحق للجنة البيع تجزئة البيع للسيارات وفقاً لما تراه محققاً للمصلحة العامة . و لمزيد من المعلومات يمكن الاتصال على الهاتف رقم "4016140" أو رقم "4050000" تحويلة "1729/2811/2810" وبالله التوفيق .



تم النقل عن طريق موقع وزارة المالية

وهذا الرابط

http://www.mof.gov.sa/ar/docs/ads/index.asp?ad_ID=374 (http://www.mof.gov.sa/ar/docs/ads/index.asp?ad_ID=374)


تحياتي للجميع

[بن هديب]

كفو والله يا Somebody (http://www.mekshat.com/vb/member.php?u=16201)
كفيت ووفيت ..
وجزاك الله خير ،،

وعلى قولتهم الفرجة ببلاش ، وإن جاز لنا شيء عربنا عليه ،،

[الدب المهاجر]

مشكور ويرفع للاعضاء اللى ماشفوه

[مغبررالددسن]

وش اللي صار

أحد عنده أي معلومات عن المزاد

[ابومازن2]

الله يعطيك العافية

[ابوفيصل9]

الله يعطيك العافيه