هذي مشكلتي مع البآترول .. ولآ لقيت لهآ حل .

[جال النفود]

السلام عليكم ..

كيف الحال ..

يا الأجآويد ..

عندي بآترول 98 بخاخ

في مشكلة اللي هي آذآ غيرت للثآني ودعست له كآنه يكتم ومن ثم يفك ونفس الشغلة في الثالث ..

حتى آذآ مشيت فيه 130 أو 140 كآن فيه تقطيع ..

قآلوآ لي غير البوآجي غيرت البوآجي وخف كثير بس مآ زآلت المشكلة موجودهـ

قالوآ لي غير مصفي البنزين غيرته ولا في فآيدهـ ..

يآ جمآعة وش الحل ..

والله آني كرهت الموتر من بعد هالتقطيع ..

ديني ودين السيآرة اللي تقطع ويتردى عزمهآ ..

وش الحل يآ جمآعة الخير .. والله آني مآلقيت حل وضآيقة بي الوسيعه ..

ومآلي إلى الله ثم أنتم ..

لآ عدمنآكم ..

[الربذي]

شوف الديلكو اوزنه 000 انا معي الباق كذا وزنت الديلكوا ولا فاد طبعا عن طريق الجهاز فيه لمبه تاشر ورحت اوزنه انا بيدي وادوس واوزنه لين ضبطت ولازلت بس احسن من اول واجد اول وبعد وزنا عند ةالفني ماتتعدى 90 لو اموت
لكن يوم زنتها انا بيدي تاصل 180 وتحتها شوي 0000

[شبح الموت]

فلتر الهواء مهم وضروري تغييره

[مسفر الاكلبي]

تأكد من اسلاك البواجي خل الميكانيكي يختبرها هل هي تعمل بالشكل الصحيح


ونتمنى ان يحل الله مشكلتك

[mmsmm]

مثل ما قال اخوي تأكد من اسلاك البواجي

[إعصار]

سهلة بأذن الله ..

ولاتهمك وانا اخوك ..

شيك على فلتر الهواء وأسلاك البواجي ..

[بندر خلف]

أفضل حل ترووح تفحصه كامل من الصدام لصدام كمبيوتر

او تروح للفحص الفلبيني خبير السيارات وتخليه ياخذله لفه بالموتر ويعطيك وش فيه ووش خرابه

وانشالله يضبط معاك

[مسايف الطعس]

غير فلتر الهواء ونضف حساس الهوء

هو اكيد يامن اسلاك البواجي او وزن الديلكو مثل ماقالوا الأخوان او حساس الهواء نظفة ببخاخ اسيدلكو حق التنضيف

وان شاء الله يضبط بدون تغيير

حساس الهواء عند الحمودي الي في الصناعيه القديمه ب950 والأسلاك مدري والله عن سعرها

[جال النفود]

الربذي

شبح الموت

مسفر الأكلبي

mmsmm

إعصار

ر ن ن 034

مسآيف الطعس


....

حي الله كلن بآسمه

الله يبيض وجيهم يآ الوجيه السفرهـ ..

.............


حبيت آبين نقطة غفلت عنهآ مآ ذكرتهآ اللي هي ..

إذا مشيت عليه خفيف مشي عآدي بدون مآ آشد عليه بالدعسة مآ يقطع اللي هو بالثآني والثالث ..

عآدي ..

لكن يعني آذآ بغيت آطلع طعس آو شديت عليه بالدعسة يجي التقطيع ..

مآ آدري يمكن هذآ يسآعد في آيجاد المشكلة بشكل سريع ..

لآ عدمنآكم يالغالين ..

[ولـد الدوادمي]

أخوي شيك على الكمبيوتر حق السيارة

هذا إحتمال إنة الكمبيوتر


والله يوفقنا وياك

[جال النفود]

ولد الدوآدمي

حياك الله

يالغالي .. كيف يكون من كميبوتر السيآرهـ مآ آظن ..

............

وآحد قال لي من الكندآسة ..

وآحد قال لي شيك على طرمبة البنزين ..

..........

غيرت فلتر الهوآء ولآ شفت فرق ..

ما أدري وش السر ..

رفض ضغطي ..

الظآهر آني آبنصيه للمعآرض ..آن ما لقيت حل للمشكلة ..

سبحان الله السياره اللي تقطع تعافها وتعاف سواقتها خصوصا أذا صار موتر بر

عسى الله يهونها بسسسسسسسس

مشكورين ما قصرتوآ ..

الوعد بكرهـ عند الوكالة فحص كآمل ..

[شاص2007]

طيب اخوي شف اسلاك البواجي

[قناص خلاوي]

أخوي صارت معي نفس المشكلة
طلع المشكلة من >> طرمبة البنزين
رح لكهربائي فاهم خلها يفك لي البنزين الداخل للبخاخ ويشبك فيه ساعة قياس ويشوف الضغط كم ويعلمك هي ضعيفة أو لا

[قرقوفي]

مشاكل التقطيع كثيرة منها اسلاك البواجي والبواجي والفلتر وصفاي البنزين وووو
نصيحة تفحصه عند البريدي بالنسيم صح سعرة غالي شوي بس فاهم بالصيانه
تقبل مروري

[باترول03]

اخي الكريم

سو فحص كمبيوتر وراح يبين لك باذن الله

وعلى ما يبدو انها يا حساس الهوا او حساس الشكمان وبرضه سيارتك قديمة فحاول تغير دبة البيئة او تشيلها

[نجم الصداوي]

... الله يعيينا وإيـــاك وييسر أمرنا وأمرك...
... عمـــلية ضخ البنزين في السيارة ضعيفة...لو كانت في البوآجي لاستمر الموتر يقطََـــع ..لعدم وصول الكهرباء ..تـــأكد من الطرمبة...
...وما تشوف شر بإذن الله لا أنت ولاسيارتك...

[محمد6655]

اخوي خذ الكلام00000اذا انك تسمع صوت التقطيع عباره عن صوت مثل العطسه تطلع من الشكمان بترى العطل عندك كهرب واذا انك تسمع صوت التقطيع مثل الانفجار او الرميه بالمكينه بتراه ماهو كهرب واكثر اعطال الباترول تلقاه كهرب وانت غيرت كل شي ما بقي الا اسلاك البواجي توكل على الله وغيرهن بس لازم اصلي لان التجاري لك عليه شوي وسلامتكم0000

[خالي الذيب]

إن شاء الله سهله


انتبه لقطعة الربل اللي فيها حساس الهواء وتدخل الهواء من الفلتر الى المكينه اذا هي مقطوعة اومتشققه
ترها تسبب التقطيع والواحد مايشك فيها

[مراسيل الوفا]

اللي يبي الباترول يستحمل التقطيع والثقل

وان كان تبي الخف اللي زي الريشه ولا عندك عايله كبيرة

عليك بالربع تايوتا بذات البخاخ يعني من وديل 2000 وانت طالع

وتبي تدعيلي

[فايز العامر]

سيارتي باترول 98 بخاخ وكانت معي نفس المشكلة ،، وبصراحة كرهتني بالموتر، لكن بعد ماغيرت البواجي وأسلاك البواجي (حصلت البوجي الأخير مشدود على جنب وفيه تنسيم خفيف) وتوصيلة قربة الهواء اللي تجي فوق المكينة فيها تنسيم خفيف،،، المهم خفت المشكلة لكن ماراحت إلا بعد ماغيرت طرمبة البنزين (اللي في التانكي) عن فني متخصص في هالشغلات ، وبعدها رجع موتري الأول ولله الحمد أولاً وآخراً ...