المساعد الشخصي الرقمي

مشاهدة النسخة كاملة : ياشبااااااب الفزعه تكفووون .. الباترول مدري وش جاه ..



الفعفعي
14/11/2008, 05:09 PM
السلام عليكم .. مساكم الله بالخيــرات


ياشباب أنا عندي باترول 96 بخاخ وصار الموتر يتفتف ولا يتعدى الثمانين وإذا وصل الضغط 2.5 بالخامس كن السياره تطفي ثم أخليه شوي وأرجع أدعس ويدعس وإذا صار بالفاضي مايقطع ولاش كأن مافيه شيء ..


وديته لميكانيكي وغيرت البواجي وأسلاكها والصفايه ووزنت الديلكو ونظفت السينسر (حساس الهواء) ضبط معي بس أنه مايشتغل إلا إذا صار الموتر بارد ولازم تدعيس ولا يطفي وإذا طفى مايشتغل إلا بدف وتنتيع ما أدري وش السبب ..
فحصته كمبيوتر قال ظفيرة البخاخ فيها مشكله وأوديه لكهربائي سعودي معروف قال مافي الظفيره شيء !!


فاللي قد حصلت له المشكله أو يعرف كهربائي جديد جيد جيد في الباترول يدلني عليه والله لايحرمكم الأجــر ..



ولكم جزل التحياتي ...


الفعفعي ..

الفعفعي
14/11/2008, 09:13 PM
27 مشاهده ولا واحد يــرد ؟؟ وينكم ياقروووووم مكشات !!
وين أهل السفاري ؟؟ الفزعه رحم الله أبآئكم ..

صفق الهواء
14/11/2008, 09:17 PM
الطرمبة دفعة ظعيف

صفق الهواء
14/11/2008, 09:20 PM
الطرمبة دفعها ظعيف

البتار2011
14/11/2008, 09:20 PM
اتمنى اني اعرف كان افدتك ......

جت كذا
14/11/2008, 09:37 PM
شيك على مجرى البنزين من التانكي الى البخاخ احتمال كبير يكون فيه ضيق او انسداد في احد الليات او احد المواصير وركز على اللي تحت اللي واضحه للعين وبيسهلها ربك انشاء الله ولا يمنع اتك تتاكد من دفع الطرنبه وفتحة تهوية التانكي .

عا شق الفتك
14/11/2008, 11:43 PM
افحص البخاخ

المتوسل إليه
21/10/2009, 08:29 AM
السلام عليكم
عزيزي عندي مشكلة قريبة من مشكلتك يقطع وقت القومة بس لازم أحبسله كلتش شوي ووزن دعست البانزين عشان يمشي ولم أجد حل
سؤال لك ممكن تدلني على هذا الكهربائي السعودي أو ترسلي رقمة وتقبل فائق إحترامي
أسئل العلي القدير أن يسهل أمور المسلمين

adil33
21/10/2009, 08:32 AM
غير طرمبة البنزين

ذيب صعافيق
21/10/2009, 08:41 AM
غير الموتر \\\\\\حل مضمون هههههههههه:hot: :alarm:

ابو فهد 2004
21/10/2009, 12:43 PM
انا صارت معي بس الموديل يختلف 2003 وصار من الحساس حق الهدرز ركبه فني وقلب الاســلاك حقات الحساسات عدلتهن وضبط

النيزك الناري
21/10/2009, 12:50 PM
ممكن طرمبة بنزين

يكفيني نظرة
21/10/2009, 12:54 PM
السلام عليكم اخي العزيز شف اي شي انت مغيره بالسيارة ارجع له وتأكد من الشغل اذا مضبوط او لاء.
النقطه الثانيه تأكد من مجرى الهواء اللي من الفلتر حق الهواء الى البخاخ لأن اذكر واحد معه كامري غير الزيت صار له نفس مشكلتك وطلع اليماني ناسي القماش بمكان الفلتر وسد عليه الفتحه الناقله للهواء وقد تكون المشكله صغيرة وماتسوى بس مانتوقعها ونترك الحل البسيط وندور الحل الأقشر واعذرني على الاطاله.. أخوك :
يــكــفــيــنــي بــس نــظــرة

تنوم
21/10/2009, 01:10 PM
ابو صالح متخصص باترول 0504118191

أبو لينا
21/10/2009, 01:25 PM
لا يكون الي الواصل ما بين الفلتر والمكينة فية شق تراة يمكن يسبب المشكلة