المساعد الشخصي الرقمي

مشاهدة النسخة كاملة : ودي اشتري باجيرو وش رايكم


دركسون هواء
25/02/2004, 09:08 AM
السلام عليكم ورحمة الله وبركاته

يا جماعه الربع ودي اشتري باجيرو ( من مستوبيشي ) وش رايكم تنصحونن به
طير بر
25/02/2004, 08:20 PM
اتكل على الله

ننصحك به
الروضة
28/02/2004, 09:18 PM
وعليكم السلام ورحمة الله وبركاته
أخوي دركسون هواء . السيارة مافيها كلام لكن انصحك بعدم شرئها وذلك لغلاسعر غيارها
وعلى شان تتأكد رح للوكيل وأسأل عن القطع المهمه والتي ممكن تحتاجها في أي وقت مثل( سير، فحمات، مساعدات،سلف ، دينموالكهرب أو حتى فحمات الدينمو) وقارنها بالسيارات الأخرى مثل تايوتاأو دادسن
وإذا انت معزم صل لك ركعين واستخر ربك
والسلام
alferis
29/02/2004, 11:57 AM
السلام عليكم
اخى دركسون هواء اذا اعزمت على شراءه فانصحك انك تشتري واحد مستعمل شوي لان سعرة يهوي على طول( هذه المعلومة قديمة شوي لاني لي سنتين ماسالة عن اسعارة )
ولك تحياتي
دركسون هواء
01/03/2004, 10:02 AM
أشكركم كلن بسمه :

طير بر : شكراً و ماقصرت .
الروضة : أشكرك وياسلام على هالأفكار .
alferis: أشكرك قوه .
وتسلمو .
عروان
01/03/2004, 11:23 AM
في واحد عنده باجيرو وخرب عليه الدينمو.

بغى يغيرها لقاها بـ 2700 في الوكالة. راح للكهربائي و وضبها له كلفته مع قطع غيار أصلية 900 ريال.


كنت راغب في الباجيرو بس عقب هالسالفة غسلت يدي منه.


تحياتي
بن نويشر
01/03/2004, 12:04 PM
خذ برادو من البازعي أبرك لك ..

مع تحياتي ،،
صيهد
02/03/2004, 03:01 PM
شباب طيب وشرايكم في سورينتو كيا

وترا سعره جدا معقول مقارنه في فئته من السيارات
بـــدر
02/03/2004, 04:08 PM
السلام عليكم ورحمة الله وبركاته
الباجيرو جيد وخفيف ومواصفاته زينه بس غالي على حجمه
البرادو ممتاز بس فيه عيب ماهو بسيط نظام الدفع فيه يجي (دفع رباعي مستمر يعني ) يعني استهلاك وثقل ماله داعي.

جرب الباثفيندر من نيسان ، ولا الفورنر من تويوتا ونشالله ما تندم:good:
راعي الفزعه
03/03/2004, 01:07 PM
:D ايا دركسون هواء : كيف حالك
الباجيرو قوي ويتحمل الصعاب لكن والمشكلة من كلمة لكن .. الصيانة غالية وقطع غياره غالية
لان الوكيل عندنا في السعودية جشع وطماع .. وبالمناسبة تحصل ان هذه السيارات قليلة عندنا
ونادرة .
اذا كنت عازم اشترلك لاندكروزر او باترول صيانتها معروفة وقطع غيارها متوفر ورخيص نسبيا
وقوية تخدم معاك 10 سنوات ولا تطلب الا القطع الاستهلاكية البسيطة
وش تبغى اكثر من كذا .........:good: :good:
بن نويشر
06/03/2004, 10:35 AM
ما لك لوا يا راعي الفزعة !!!!!!!!!!!!

سيارات المتسوبيشي سيارت قوية جداً وأعتقد بأنها تظاهي السيارات من نوعها كا التويوتا والنيسان ..

وبالنسبة لقطع الغيار وصيانتها أرى أنها ما تفرق عن الوكالات الأخرى بل بالعكس ..!!

مثلاً أنا لدى سيارة سيجما موديل 99 فل كامل .. قمت مؤخراً بعمل صيانة كاملة على المحرك والقير والفرامل وأشياء أخرى، طبعاً هذه الصيانة بعد 120000كم ، كلفت يابو الشباب 4400 ريال فقط مع قطع الغيار ..

يعني أعتقد بأن السعر معقول بأن تدفع 4400 ريال بعد كل هذا الممشى .

عموماً وللمعلومية السيارات اليابانية جميعها ممتازة بس للأسف الذي يحكمك الوكيل والسوق .

وتقبلوا تحياتي
اسيزو 4x4
08/03/2004, 03:20 AM
ابعد عن المتسبيشي مع انة من اقوى السيارات

اولا قطع غيار الموت بعينة

ثانيا الوكيل يغث الي ماينغث

ليش ما تاخذ تيوتا اونيسان او اسيزو

وانصحك با الاسيزو تراة كداد وقوي في الرمل والنفود
اسال مجرب
بن نويشر
09/03/2004, 12:15 PM
بربك يا السوزو كم سعر طربة الديزل لموترك؟

وتقبل تحياتي ،،
ابو دانة
14/03/2004, 10:18 AM
السلام عليكم ورحمة الله وبركاته
اخواني اسيزو وسنيدي اصلحو الله يهديكم المستوبيشي والأسيزو مهيب زينه والسزوكي احسن وعملي جداً واقتصادي في البانزيم وقط الغيار رخص جداً وشكراً :good:
دكتور شبعان
16/03/2004, 06:50 PM
السلام عليكم ورحمة الله وبركاته

الباجيرو سياره ما عليها كلام
حتى لو تشوف رالي داكار دايم جيب باجيرو مسيطر
لكن المشكلة عندنا بالسعودية ان الوكيل ما عندك احد وهمه الوحيد هو الربح ..
وبعدين القطع والتصليح بتتعب به خاصة اذا رحت برا الاماكن الرئيسية ( الدمام - الرياض - جدة - بريده )

والامر اولا واخيرا راجع لك وبالتوفيق