السلام عليكم ورحمة الله وبركاته

[ريان66]

سؤال الطرق علي السسته من وراء يرفع السيارة احس انها نازله شوي

[ابو شهد جدة]

وضح سؤالك ياسمي.

[ابو شهد جدة]

سؤال الطرق علي السسته من وراء يرفع السيارة احس انها نازله شوي


معليش ياسمي توي فهمت السؤال.

سؤالك- عن امكانية رفع السيارة بتعديل او تدبيل السست.

اكيد تعديل او بالأصح ثني السست يرفع السيارة بس لازم توديها عند واحد متخصص

عشان لايختلف جنب عن جنب.

وإذا انت في جدة ابشر بالي يخدمك.



وينكم يا شباب الرجال ضيف علينا عطوه معلومات اكثر.

[ريان66]

مشكور ياولد جدة علي المعلومة

[راكان الاول]

عليكم السلام يا اخ ريان
اذا كانت السيارة ليست رسمية يعني كانها للبر او احتياط او رخيصة ثمن فالحل بسيط وانا اخوك.
يتم رفع السيارة من الجنب مع الشاصي ماهو من السست فإذا ارتفع الكفر عن الارض تجيب ازميل أو مفك عادي كبير وتقوم بفتح فرجة مابين السست في اقرب مكان تقدر عليه للسنتر ثم تشوف لك كفر سيارة خربان وتجيب منه قطعة بمقاس راحة اليد وتدخلها مابين السست وتكرر العملية من أمام الدفرنس ومن خلفه ثم ترفع السيارة من الجهة الاخرى وتسوي نفس الشيء، اذا جازلك الارتفاع والا زيد.
ملاحظة:
يجب أن تفتح قفل السست اللي يلف عليها قبل العملية ونا جربتها مع الجيب الربع القديم ونجحت تمام وكذلك مع باترول قديم ونجت وفيها ميزة ممتازة مره وهي 50% من المطبات تنساها ولا تنسى تغير المساعدات اذا هي مفقوعة.
واذا كانت السيارة جديدة والا غالية والا ماودك بالطريقة المذكورة بإمكانك الذهاب الى المحلات يسوون لك طرق أو تغيير السست (بأصلي) أو غير ذلك.
اتمنى أن اكون أفدتك.

[بـلـيـهـان 1]

دبل سسته و و بعدين قوسها و يرتفع الموتر

[mmgarni]

اخوي ريان لا تطرق السست ابدا لانها بعد الطرق تضعف السست وفترة وينزل ثاني مرة ولاكن زود سسته تحت الامية وانس

[samfj40]

لاتنسوا يااخوان ان رفع السياره له تاثير سلبي على الاعمده والصلبان ويسبب حره بالدفرنشات. لذلك يجب استشارة ميكانيكي متخصص(( ويكون سعوووودي)) من اللي لهم خبره بترهيم الجيوب.

[ابومحمد vtc]

وعليكم السلام ورحمة الله وبركاته
هلا اخوي ريان انا قد مرت بي ان رفعت سيارتي هايلكس بطريقه تثنية السست ترفع السياره وتسحب المطب نوع ما ولايحتاج تزيد وتركب شي بس اهم شي ان تكون كل سسته مختلفه عن تثنيه الثانيه علشان تسحب المطب والمقاس في التثنيه على رغبتك اخوي
ارجوا اني افيدك واعذرني على القصور