صور كشتتنا بشعيب الطيري والتنهاة

[**البردعي**]

السلام عليكم ورحمة الله وبركاته


صبحكم بالخير جميعأ


بعد اسبوع من الكبت بالدوام وسماع ورؤية اخبار الامطار والخيرات قررنا الذهاب ورؤية هالعلوم السفره بالعين المجرده


وخرجنا للتنهاة فجر الخميس وعندما وصلناها وجدناها مليئه بالناس وملئة بالمياه ما شاء الله


هذي التنهات


http://www.mekshat.com/pix/upload02/images87/mk19115_1.jpg


جلسنا فوق بالنفود نبي نتقهوى لكن السافي لعب بنا والرواق ما نفع :(


هجينا لشعيب الطيري القريب وكان السافي اخف لكن لا زال الهواء قوي


وهذي بعض الصور للشعيب


http://www.mekshat.com/pix/upload02/images87/mk19115_2.jpg


http://www.mekshat.com/pix/upload02/images87/mk19115_3.jpg


بعد محاولات كثيره بالتصوير مليت وقلت خلني ارجع بالطريق لقيت قعوس قلت خلني اطقطق عليهن


هذي قعسه هي و بنته يتمشن


http://www.mekshat.com/pix/upload02/images87/mk19115_4.jpg


وهذا ابوهم طالع من باب الفله يدورهم :D


http://www.mekshat.com/pix/upload02/images87/mk19115_5.3.jpg


وهذي صورة غروب الشمس الجميله معلنتأ نهاية يوم جميل


http://www.mekshat.com/pix/upload02/images87/mk19115_6.jpg


ولكن هيهات هيهات معصي نقوم بعد ما ركد الجو وطلع القمر في كبد السماء مهيأ جوأ رومنسيأ فشببنا النار وسمرنا سمره لا تنسى << ابوك يالفصحى الي تعرفه :D


http://www.mekshat.com/pix/upload02/images87/mk19115_7.jpg

[دغــ أبومحمد ــيم]

يملى العافيه

[**البردعي**]

الله يعافيك

[دغــ أبومحمد ــيم]

للرفع الله يرفع قدركم علشان الموضوع ياخذ حقه من الردود

[ابوعبدالله 2]

يامال العافيه أخوي بس شعيب الطيري مافيه ماء وناشف كل الماء دحدر لروضه التنهات

[مراسيل الوفا]

الله يهنيكم ويعطيك العافية

على التقرير وماشاء الله

اوضح شي بالتغطية صورة القعسه هي وبنته

[**البردعي**]

تسلم يا دغيم والله يرفع قدرك

===

ابوعبدالله مثل ما انت شايف الصور من يوم الخميس الماضي والشعيب ما يمشي بس فيه ماء متجمع

===

مراسيل الوفا الله يخليك

[شواق]

ماشاء الله تبارك الله

[**البردعي**]

( م س )

هههههههههههاي امزح بس جاز لي توقيعك هههههههاي

حياك ربي

[رحماك ربي]

ما شاء الله تبارك الله

صور رائعه

[المملوح]

ماشاء الله

والله كانت وجهت الاسبوع هذا بس مالله اراد

اخوي هل الذباب الله يعزكم منتشر في الشعيب

[المطنوخ 222]

الله يهنيك البرادعي


بس لو انك رحت يوم الاربعاء العصر

كان امسيت في البر وعينت خير


مدري وشلون الباذر اربه طلع

[سفاري نجد]

يا حبيلك يالبردعي على الفصحي الكشاتيه ،،،

كشته موفقه مع الساااافي ،،،

[**البردعي**]

رحماك ربي الأروع مرورك وتعقيبك

===

المملوح ابدن ما شفنا ولا ذبابه ولله الحمد والمنه بس القعوس (القعر) هو المنتشر هناك لكنه حبيب وأهون من الذباب :p

===

المطنوخ

كان بودنا بس الأربعاء طالعين من الدوامات هلكانين دبخناها نومه ببيوتنا وطلعنا الفجر

مدري وشلون الباذر اربه طلع؟

الله الله طالع وعسى الله يطرح فيه البرركه

===

سفاري نجد

شفتني وانا اتكلم فصحى :D

الله يسلمك وشاكر لكم جميعأ مروركم وتعقيبكم:good:

[خبرااي]

تسلم يمينك على الصور الحلوه بس ياليت زدتنا بعد اكثر
وتصور لنا باقي القعوسه

[الخادم]

ما شاء الله
صور جميلة تشكر عليها

[**البردعي**]

خبراي هههههههاي

تدري اني مصور 400 صوره بس لقطت كم وحده على السريع والا الخير واجد مير بكشتاتن آخرى ان شاء الله نوافيكم بالمزيد

وشاكر لك مرورك وتعقيبك

===

اخوي الخادم مرورك الأجمل

[جبال الهملايا]

صور حلوه جداً يالبردعي

شكراً لك وتقبل تحياتي

[سطام vip]

يا مال العافيه اخوي

صور ولا اروع وترا طقت تسبدي بالفصحى (كبدي)هههههه

ابي اطلع وما حصل لي وان شاء الله الاسبوع هذا طالع طالع

الله لا يعوق بشر لو اكشت لحالي وصراحه تصويرك للغروب روووعه

الله يعطيك العافيه ودمت بخير

[غرة سهيل]

سلمت يداك يالبردعي

[**البردعي**]

جبال الهملايا مرورك الأحلى حبيب قلبي:good:

===

سطام vip والله حاس بمعاناتك لكن صدقني لو تدري الشركات او المؤسسات الحكوميه الي نشتغل فيها كيف ان الكشتات تأثر تأثير ايجابي على انتاج الموظف كان ارسلونا على حسابهم لأنه فعلن بعد الكشته رجعت مبسوط ومتشقق وغيرت جو

لذلك توكل على الله وضبط وضعك من الحين عشان تكشت الأربعاء الجاي وبالسلامه;)

===

غرة سهيل الله يسلمك من كل شر وشاكر لك مرورك وتعقيبك:good:

[Suliman1968]

الصراحه اللقطه بالصوره الثانيه تبين مدى روعة الجمال الطبيعي والبيئي ،، ربي ولك الحمد على نعمك

[طرقي سدير]

يااخي ذا التنهاة عجزت اهضمها يااخي مليانه بشر واغاني وازعاج وقله حيا كننا في الثمامه مهوب على بعد 180 كيلو عن الرياض بالنسبه لي لو ادري ان مافيه ربيع الا في التنهاة مارحت له وفرقت قبلها يمين للعروق ابرك منها الف مره


ومشكور على الصور اهم شي انكم انبستطوا وغيرتوا جو

[رحال بقعاء]

http://www.mekshat.com/pix/upload02/images87/mk19115_6.jpg

http://www.mekshat.com/pix/upload02/images87/mk19115_7.jpg

ماشاء الله عليك ابداااااااااااااع في التصوير

بارك الله فيك

[**البردعي**]

Suliman1968 الله يسلمك ويخليك

===

طرقي سدير صادق وانا اخوك وازيدك من الشعر بيت اول ما دخلنا التنهاة لقينا فورد فكتوريا شاب نار تقول في الفلوجه :eek:

والعروق ننصاها بالشتاء اما آيام الأمطار نبي نتمشى على الشعبان وصدقت اهم شيء الوناسه :p

===

رحال بقعاء هذا من ذوقك وانا اخوك والحمد لله الي اعجبتك الصور:)

[jalnaimi]

نشكركم جزيل الشكر على المواضيع المميزة وحسن الاختيار

[**البردعي**]

ونحن نشكركم لتفاعلكم مع الموضوع بردودكم المميزه وتشجيعنا للعطاء اكثر واكثر