نيسان اكس تيرا

[ابو سعد 1]

السلام عليكم ورحمة الله وبركاته،،

انا ياجماعت الخير معي نيسان اكس تيرا 2008 ستاندر قير تماتيك حاب اني اشارككم ببعض المشاكل اللي اعاني منها بسيارتي وهل عندكم لها حلول
- صوت تنسيم هوا قوي وكل مازادت السرعه زاد الصوت
- صوت صفير يطلع مع القزازه القداميه
- الموتر يكسر الظهر غير مريح بتاتا
اما الميزات اللي اشوفها بالموتر انه نشيط جدا جدا (مشاء الله)

[عاشق z71]

اف اف اف

معليش يالغالي بس انا الاحظ انه عكس كل الي قلته

بالنسه للهوا فهو رائع جدا مقارنه باي سيياره يابانيه

ثانيا الراحه

انا ركبت فورتشنر وركبت باث وركبت برادو كلهم مايصيرون شي جنب راحته

[مقلع الرمث]

والله الوشيش ماجربته بالخط لكن مطبه زين للي راكب قدام السواق يعني رايق اما اللي وراء الله يكون بعونه

[OMAR 99]

السلام عليكم

انا اقول ان الاكس تيرا ممتاز من جميع النواحي ماعدا :no2: المرتبه الخلفيه مريحه بس شوي
والسلام عليكم

سيارتنا وجربناه (بالبر*الطريق الطويل*) احسن مافيه هو انك مع اللفه تدعس شوي يجدعلك على طول


تقبلوا مروري

[بو خليفه]

يعتمد حسب كل شخص

عطني صور له

[OMAR 99]

هذي صور السياره 100%

http://www.mekshat.com/pix/upload02/images88/mk101749_x3.jpg


http://www.mekshat.com/pix/upload02/images88/mk101749_1.jpg


http://www.mekshat.com/pix/upload02/images88/mk101749_4.jpg

http://www.mekshat.com/pix/upload02/images88/mk101749_5.jpg

http://www.mekshat.com/pix/upload02/images88/mk101749_6.jpg

[الساهر2003]

الباث القديم 2005 لا يقارن بسيارات من فئة من ناحية الراحة والمراتب مريحة جدا

[cap2007ten]

السلام عليكم ورحمة الله وبركاته،،

انا ياجماعت الخير معي نيسان اكس تيرا 2008 ستاندر قير تماتيك حاب اني اشارككم ببعض المشاكل اللي اعاني منها بسيارتي وهل عندكم لها حلول
- صوت تنسيم هوا قوي وكل مازادت السرعه زاد الصوت
- صوت صفير يطلع مع القزازه القداميه
- الموتر يكسر الظهر غير مريح بتاتا
اما الميزات اللي اشوفها بالموتر انه نشيط جدا جدا (مشاء الله)
هلا والله يبو سعد
انا معي نفس موترك بالضبط حتى اللون
زنفس المشكلة في التنسيم خاصة من قدام :(
وديته للوكالة الخايسة عزكم الله والى الآن ما عرفو له لقولون لازم نفك الطبلون عشان نتأكد من الهوايات الداخلية يعني عيب مصنعي (حسبي الله وهو نعم الوكيل)الموتر جديد ما مشى شي :mad:
ويبغون يلعبون فية ,ناهيك عن المماطل والتصريف اذا دقيت على المهندس وسفهك ما يرد عليك :D
وعلى فكرة ترى اذا استخدمت الدبل بشكل قوي وارتفعت حرارة الموتر ولو بشكل بسيط ترى الدبل يفصل وصارت معي وقالولي الوكالة عاااادي :confused:
انا اقول للحبايب شرواكم هذي معاناتي واللي يبغى يشتري يفكر شوي:no2:
لايستعجل وآسف على الاطالة:rolleyes:

[غضنفر]

وعلى فكرة ترى اذا استخدمت الدبل بشكل قوي وارتفعت حرارة الموتر ولو بشكل بسيط ترى الدبل يفصل


اممممم
هذي قد تكون لأن الدبل كهرب
فيكون مرتبط بكمبيوتر السيارة
الي بدوره يقرر فصل الدبل في حال ارتفاع حرارة السيارة
ليخفض الحرارة

[ولد العويني]

الحمد لله اني ما شريته



واقول لي مدحوه خافوا ربكم


ترى في ناس تحط تحويشتها فيه ثم ينكبون ،،


تحياتي


ويازينك يالفورتشنر

[بو خليفه]

omar 99 شكراً على هذه الصور
هل هو 6 سلندر او 4 سلندر وهل يأتي كم نوع في الوكالة وكم سعره

[سوسة حطب]

يا شباب العيب المصنعي وارد في جميع السيارات نجد من يضع لنا مشكلة في الباترول وفي الاند وفي الباث والفورتشنر التنسيم وارد في جميع السيارات أنا مو مع أو ضد بس الموتر مجرب وفيه ناس كثيرين أثنو عليه وبعدين قبل ما تشتريه أفحص ومن حقك أنك تفحص أذكر أني دخلت على مدير فرع الأحساء وطلبت منه أني أفحص الموتر ووافق بس شرطت عليه إني أفحصة في البر وأستغرب طلبي وبينت له وجهت نظري إن الموتر توه جديد ونازل بدبل كهرب وسست خلفية وفحصته وجهت نظر والسلام عليكم ورحمة الله وبركاته

[ابوهارون؟؟؟]

كم سعره بالوكاله

وهل هو 4 سلندر او 6



تقبل مروري.....

[OMAR 99]

السيارة 6 سلندر وسعره من 84الف حتى 105 أو اكثر مأدري

[الاشهب]

السلام عليكم اخوي ابو سعد ولايهونون الاخوان
بخصوص الاكستيرا والله توني شاري واحد مستعمل بس بغيت اسأل عن البنزين المناسب له
91 او 95 ولك كل الشكر والتقدير

[ولد العويني]

^^^^

لاهنت بكم اخذته ؟ وموديل كم؟

[سرمد2007]

من جد يفصل الدبل اذا ارتفعت الحرارة ؟؟؟؟؟؟؟؟؟

[عسلوف]

السلام عليكم انا مشتري واحد بداية الصيف ب 100 الف فل كامل وماشي حتى الان 20 الف تقريبا وما لاحظت عليه اي شي وطبعا انا سياراتي سابقا جيوب بمختلف انواعها الصراحة مابه تنسيم مره واحسن مافيه ثبات الحرارة وقوة العزم وبالنسبة للراحة افضل من البرادو والفورشنر والبانزين 91 ولاتنسوا الي عندي فل كامل اذا كان يختلف عن العادي ما ادري لاكن الي اعرفه ان السيارة الاستندر دائما تكون غير مريحة واي استفسار حاضر ارسل على الخاص

[ابو سعد 1]

انا اشكركم على ردودكم وحاب اني اعقب عليها
تنسيم الهوا موجود صح بأغلب السيارات بس بالاستيرا بزياده والله
والادهى والمر صوت الصفير اللي يطلع مع الزجاج المامي هذا هو البلوه
وعندي احساس زي ماقال اخوي ان الوكاله مهب عارفتن له والله يعين الجميع

[عبده شرشر]

شي غريب والله العنصريه عند بعض الأشخاص واحد يقول حراره واحد يقول يازين الفرتشنر واحد يقول الدبل يفصل واحد يقول ؟؟؟؟؟؟؟؟
ياجماعه السياره ركبناه وجربناه لين دخنا نفود وخط ماشفنا الي تقولون ولا لازم نشري اف جي او فرتشنر علشان نصير صح
خلاص نبي نشري اف جي احسن سياره بالعالم (صندوق شاهي)لاوب 105000ريال

[Marakez]

يا أخوان أنا معاي أكس تيرا فل كامل وأستغرب من كلام البعض بس يمكن يكون الفرق علشان الفئة .. بالنسبة للهواء وتنسيم قزازة قدام ما شفت هالشي مع العلم جربته في طريق القصيم إلى الجوف والسرعة بين 150كم و200 كم والله يا أخوان أني أكلم بالجوال كأني واقف ولا فيه أي صوت من القزاز أو تنسيم هواء .
والي معهم غير الفل كامل ويشتكون من الهواء والصفير الي في القزاز يراسلني إذا حاب يجي يجرب الفل كامل (حياكم)
والأخ الي يسئل عن البنزين أفضل شي له 95 وراجع الكتالوج تحصل كاتبين 91 بس في مواصفات أمريكية وكندية وهو نفسه البنزين الي عندنا 95 .
==============
وفيه ملاحظة بسيطه لأصحاب الأكس تيرا والباث كثير يشتكون ولا حصلو حل عند الوكاله:
أول ما شريته من الوكاله لاحظت فيه صوت كأنه أحتكاك حديد في حديد ورجعته للوكاله وبعد كم يوم قالو راح نغير الربلات الي بين البدي والشاصي وغيروهن ولا راح الصوت ولا حصلو لي حل وبعدها طلعت ورحت لميزان (الموسى-بعنيزة) ورفعوه على الرافعه وكل مساميره مشدوده على الآخر وطلعت انا والفلبيني يشوف الصوت وأنا أمشي قال أفتح الكبوت وفتحته وراح الصوت قال خلاص ارجع وتطلع المشكله أتفه من التافهه والوكاله مغيرين الربلات كلهم (المشكله صارت في ..وش أسمها هذي الي يفتح من عندها الكبوت من قدام؟؟ عرفتوها الي عند الشبك زيت المكينه ولف شطرطون على الحديده الي تمسك الكبوت بالبدي) وبكذا انحلت المشكله ولله الحمد .

[السليطين]

من جد يفصل الدبل اذا ارتفعت الحرارة ؟؟؟؟؟؟؟؟؟



فيه لي مداخله على موضوع فصله الدبل ....

حنا مجربين الباث الجيد ماشي فوق 80000 كم والموتر يجيه جلد يحبه قلبك .. المهم مالاحظنا فيه اي مشكله نهائيا ...
يعني نرص الموتر بواحد والضغط عند الاحمر بالنفود النهار كله .. يعلم الله ان الموتر ماشفت مثله ...
طبعا انا اقارنه بالتوماتيك ... مع انه يتحدى اصحاب الربوع في طلوع الطعوس ... والشهاده لله ان الربع بدون ترهيم مايصف جنبه بالمراقا .. فما بالك بالاكستيرا قير عادي .. انا شفته ولكن لم اجربه .. ولكني اشوف قوه غير طبيعيه ..

المهم مره كنا بالرياض بالصناعيه وكنا واقفين تقريبا ساعه كامله بالزحمة وبعد ها حصلنا مخرج من الزحمة وحاولت اني اطلع منه بسرعه ... ويوم كتمنا للموتر حسينا ان عزمة زي عزم الجي اكس التوماتيك .. المهم يوم قريت في الكتاب اللي جاي مع الموتر لقينا مكتوب عنه انه اذا كان الجو حار جدا وحراره زيت القير مرتفعه فان الكمبيوتر يضعف ضخ الوقود للمحرك حفاظا عليه من التلف ..


هذا ماحبيت اني اشارك فيه واتمنالكم التوفيق

[دويدار]

اخواني تسمحون لي بالادلاء برايي اخوي omar99 اظن انك حساس شوي بدون تحيز السياره ماعليها غبار يمكن شوي مافيها اكسسوارات كثيره وسست بالخلف لكن موتر ماعليه بس عليك تغيير الكفرات البايخه اللي عليه لانها عضله بالحيل وليست كفرات للرمل بل للجبال والاخ اللي يقول الحراره اخوي تقبل وجهه نظري بسعه صدر ماضر الباثفندر وهذاه مالي الشوارع والطعوس ولكن النفود يبي سواقه وحرافه السيارات الاوله ماهناك ذاك العزم ويطلعون بها للنوازي والنفود اللي عليه الكلام وليس ملاهي الثمامه والفورد f350ماهنا انشط منه هو وطقه الجموس تطلع على كل الجيوب ولكن لا يعتمد عليهالمده طويله وانا ذكرت الفورد لانه كان عندي مثله واللي يقول الفورتشنر اسمحلي الموتر يقلب اسرع من الربع واعذروني على الاطاله

[دويدار]

اخواني تسمحون لي بالادلاء برايي اخوي omar99 اظن انك حساس شوي بدون تحيز السياره ماعليها غبار يمكن شوي مافيها اكسسوارات كثيره وسست بالخلف لكن موتر ماعليه بس عليك تغيير الكفرات البايخه اللي عليه لانها عضله بالحيل وليست كفرات للرمل بل للجبال والاخ اللي يقول الحراره اخوي تقبل وجهه نظري بسعه صدر ماضر الباثفندر وهذاه مالي الشوارع والطعوس ولكن النفود يبي سواقه وحرافه السيارات الاوله ماهناك ذاك العزم ويطلعون بها للنوازي والنفود اللي عليه الكلام وليس ملاهي الثمامه والفورد f350ماهنا انشط منه هو وطقه الجموس تطلع على كل الجيوب ولكن لا يعتمد عليهالمده طويله وانا ذكرت الفورد لانه كان عندي مثله واللي يقول الفورتشنر اسمحلي الموتر يقلب اسرع من الربع واعذروني على الاطاله

[cap2007ten]

ياشباب انا توني مطلع موتري من الوكالة وهو اللي صار علية الحوار اللي مضى كله
وهذا على شان قضية التنسيم والصفير اللي من قدام:p
الحقيقة اني رحت لواحد من المهندسين مصري ابن حلال في الوكاله وعالج لي الموضوع بعد ما احتارت فية الوكالة لمدة عشرة ايام تقريبا وتراه قالي امانه اذا تعرف احد عندة نفس المشكلة ارجوك خلة يجيني شخصيا:o
وهذا ياشباب كلام الرجال لي انا شخصيا
الفرع الجديد اللي على خريص بجانب هوندا المهندس اسمه جميل (ابو احمد)
وابشركم الامور صارت احسن ولله الحمد;)

[cap2007ten]

اما بالنسبة للدبل يفصل اذا ارتفعت الحرارة :confused:
فقد صارت معي شخصيا وتحديدا في الطين وانا احاول اطلع واحد مغرز :D
ولما سأت الوكالة قالي مهندس سعودي ترى الدبل الكهرب كذا اذا ارتفعت الحرارة
والمقصود مهوب الحرارة ترتفع مرة ولكن شي بسيط ناتج عن الحمل الزائد في السحب;)
وقالي بعد اذا ماتبغى هذا الشي يتكرر عليك بالدبل العصى ;)

[طرابيش]

خويي معه استاندر
ولله اني استغربت من الراحه اللي فيه مريح جدا
2.القوة الهائله يرقا ام حزم بدون تعديل
3.المكينه نفس مكينة الباث الجديد 4000 ,291 احصان
مع فارق الحجم
مافيه اي تنسيم كنك ابغرفه
يقوم على المكسيما التوماتيك من 2000 وطالع

[cap2007ten]

اممممم
هذي قد تكون لأن الدبل كهرب
فيكون مرتبط بكمبيوتر السيارة
الي بدوره يقرر فصل الدبل في حال ارتفاع حرارة السيارة
ليخفض الحرارة

:good::good::good::good::good:تمام عليك يالغضنفر هذا نفس كلام الوكالة
ماشاء الله عليك:D

[ذيب عالية نجد]

مهما بالغ المبالغون فسوف تبقى نيسان دائماً في الطليعة

[for]

سلام عليكم

يا اخوان هل موديل 2009 يتوفر بالدفلوك ؟؟؟

وهل صحيح نزل فئة اوف رود .... حقيقه اشوف السيارة مبالغ في سعرها

[سرمد2007]

يا اخوان
الدبل يفصل لما يكون على الثقيل
او حتى على الخفيف يفصل اذا زادت الحرارة بالسيارة