بالله بسرعه افيدوني

[ابو فيصل 635]

السلام عليكم ورحمة الله وبركاتة

كيفكم ياعضاء التحالف الجميل

اخواني ابغى ابدى بدون مقدمات

المهم انا ابغى اشتري طير

وابي اعرف كل شي لأن ماعرف الا اشياء بسيطه ولا تذكر وابي اعرف ايهم افضل الحر ولا الشيهانه

ووشو الوحش ووشو الظاهر انها تقال كذا انتاج المزرعه

وبكم اقيامها وشلون اعرف الطير الطيب من الردي
ارجوكم لأن متحمس للسالفه ووي اصير صقار مع انها بعيده يبيلها اسنين بس ابي اتعمق بالطيور لأني اغليها الصراحه لووووووووووووووووووووووووول
اعذروني على الاطاله

ارجو الرد بأسرع وقت ممكن

وتقبلو تحيتي :

ابو فيصل 635

[الشاقي]

هلا ابو فيصل
ممكن تشتري طير بس دامك في اول الدرب لاتقرب الشهانة لإنها قشرا وتبي تتعبك
عليك بالحر

[ابو فيصل 635]

الله يعطيك العافيه ويكثر من امثالك يالغالي

ممكن تعطين معلومات اكثر يعني ايش فيه تتعبني وايش الميزه بن الحر والشيهانه

[..@القناص@..]

هلا ابو فيصل
ممكن تشتري طير بس دامك في اول الدرب لاتقرب الشهانة لإنها قشرا وتبي تتعبك
عليك بالحر
يشتري حـــر بـ5000 ريال هذا اقل شي ,,,
اخوي ..
خذلك يا شيهانه جبليه بحدود 1200 ريال تقريبا
ولا وكري 1600 ريال ..
ولا تاخذ وحش خذلك مدرب لان الوحـــــش صراااحه
يبي يتعبك ,,, وترى الســــــــوق كاثر فيه الغش
نصيحه لاتشتري الا معك خبير يعلمك وش الزين من الردي
وووش الافضل
ومش مع الصقارين لانك راح تستفيييييييد كثير ,,,
ومع الوقت انشاء الله تبي تعلم

[الرجل الطموح]

عليك بالوكري المبتدين بالصقاره

[ابو فيصل 635]

الله يعطيك الف عافيه اخوي على هالمعلومات المفيد والصراحه فتحت عيني على مواضيع كنت غافل عنها

والف شكر لكل من افادني

[..@القناص@..]

الله يعطيك الف عافيه اخوي على هالمعلومات المفيد والصراحه فتحت عيني على مواضيع كنت غافل عنها

والف شكر لكل من افادني
ماسويت شيء هذا حق واجب ..
واذا تبي شيء انا حاضر ..

[ابو فيصل 635]

تسلم يالغالي كفيت ووفيت

[..@القناص@..]

تسلم يالغالي كفيت ووفيت
جزاك الله خير ,,,
ومثل مقلت لك : اذا احتجت شيء انا حاضر ,,
والله يرزقك بالطير الطيب ..

[ابو فيصل 635]

الله يجزاك خير ويكثر من امثالك امثال الطيب

امثال الرجاجيل الي تحطهم على الجرح يبرى

[راع الصقلاويه]

أبرك شي وانا بناخيك تاخذ وكري وحش

وتشوف لك رجالن عارف يعلمك عليه

من الألف إلى الواو , والا الياء هذي

ماحدن وصلها ولا حدن واصلها في

كل مجال سواء الصقاره أو غيرها

لأن الآدمي كل يوم يتعلم شي جديد .


وكلن يحكي عرفه .

[ابو فيصل 635]

يعطيك العافيه اخوي

والله انها فكرة جيده بس كيف افرق بينهن وكيف اعرف ان هذا وكري ولا حر ولا شيهانه

بالله الله لا يهينكم تفيدوني والي يقدر يحط لي صور عشان اكون بالصوره وافهم منكم يالذيابه

[ابو فيصل 635]

وينكم اخواني ياهل الطيور واهل الخبره

الشباب هنا ماقصرو بلغوني عن المراد لكن ابي اعرف كل شي مثل ماقال اخوي راع الصقلاويه
من الالف الى الواو ارجوكم لا تبخلون علي بالمعلومات

وانا هاقي بالشباب الخير والبركه

بأنتظاركم يأهل المقناص

[هواي داورد]

أبو فيصل

التفريق بين الطيور ليس بالشي البسيط

لاكن فيه حاجات واضحه

مثل قرناس شاهين


ومثل بعض الحرار


لاكن المشكله كيف تفرق بين فرخ شاهين بحرية وشيهانه جبلية
وكيف تفرق بين وكري الحرار وبين الحر
ونفس الكلام مع الحر والجير

صعبه شرحها لك

بس الشيهانه مدامعها واضحه والحر اخف من الشيهانه

والوكري يصلح للمبتدئين لانه موب ذاك السرعه

وموب ذاك القيمه اللي راح تخسرها .. إذا تعبت من الصقاره وتبي تطلقه


وأرجوا إني أفدتك

[ابو فيصل 635]

مشكور اخوي على الفايده

وانا ودي ماشري الطي الا وانا باخص فيه اشياء اساسيه يعني كيفيت التعامل معاه الامكان المناسبه ل فترات التطعيم ولا فترات الكشف علي

كيفيت اعلافه والامراض الي تجيه ومعروفه والامكان الزينه لعلاجه وانا من سكان حايل

والي في حايل ويعرف اماكنهن يبلغني الله لا يهينه

ومدة التطعيمات وكيف اعرف ان البيطري مايكذب علي او ينصب علي
من ناحيت اعطاء العلاج الصحيح للطير

وابي اعرف عن القرناس سمعت انبعض قرانيس الطير تفحمه

وسمعت بعض الطيور بالشلواه يعب وبعدين يروح ويخليك ويعضهن يفحم بعد خم لعبات

يعني ابي معلومات عامه

وانا كثر الطلبات بس تحملوني الله لا يهينكم

ابي ياخواني لو يكون بالصور هالطلب هذا التفريق بين الطيور يعني لو تدرجون صورة الطير وتحدد كيف اعرف نوعه وعمره

[راع الصقلاويه]

حياك الله يابوفيصل انت واللي يبي يصير صقار من اهل حايل :


اسمع وانا أخوك : أبي أوصف لك محل يجتمعون به الصقاقير بحائل


وموقعه واضح مايبي له دليله .


أكيد تخبر عقده , إلى دخلت عقده ( وجهك غرب ) وتعديت السيارات اللي على الصفاة يسار الخط


أمش قدام ياما يجيك أول اسفلت على يسراك يدخل الشعيب ( يصير وجهك قبله يعني جنوب ) أدخل


وامش بعد حوالي 200 متر تجيك استراحة ( مركز حائل للصقور ) على يسراك وتراه أول استراحه


بالماريَّـة به مثل البيوت المحميه لكن كبار ومرتفعات من فوق جدران الاستراحة هذا مقيض الطيور وهذي


استراحة العصفور كان تسمع بهم , يجتمعون الصقاقير هناك كل يوم جمعه , وتقدر تمرهم وتنشدهم عن اللي


تبي , وأنا ما أعرف أحد منهم ولا كان قلت لك انص فلان , لكن بهم الخير ان شاء الله ويفيدونك وانتبه من اهل المحلات تراهم نصابين .


وأنا جنوب حايل , ولا والله عندي وقت يابناخي يعني من الدوام يالله يمدين انام لي شوين وبعدين اطلع


لمشاغلي , الله لايشغلنا واياك إلا بطاعته .


وعلى فكره ترى ان شاء الله وراي روحه لسوق الطيور بالرياض الاسبوع الجاي ان شاء الله إذا تبيني


أجيب لك طير معي ابشر من عيوني .وبيننا الخاص .

[ابو فيصل 635]

والله يالغلا ان العصفور خوش رجال بس واحد من الشباب علمني

يقول انه اذا عرف انك عليمي بالطيور مايعطيك وجه

والله يعطيك العافيه يالغلا وانا انا ماودي اشري شي الا بعد ماعرف فيها يعني مو من الالف الى الواو تقريباً من الالف الى الحاء او الى الخاء يعني اصير فيه خليفه فيهم

ويعطيك الف عافيه اخوي والله ماقصرت وان شاء الله راح احاول اجيهم وان شاء لله يفيدوني

والف شكر لك يالغالي

[راع الصقلاويه]

والله يالغلا ان العصفور خوش رجال بس واحد من الشباب علمني

يقول انه اذا عرف انك عليمي بالطيور مايعطيك وجه

والله يعطيك العافيه يالغلا وانا انا ماودي اشري شي الا بعد ماعرف فيها يعني مو من الالف الى الواو تقريباً من الالف الى الحاء او الى الخاء يعني اصير فيه خليفه فيهم

ويعطيك الف عافيه اخوي والله ماقصرت وان شاء الله راح احاول اجيهم وان شاء لله يفيدوني

والف شكر لك يالغالي



ماوقفت على ابن عصفور يالغالي , شف أي واحد من المشوربين


اللي يجون الاستراحه , وانا دليتك على المكان وليس على الشخص


وبن عصفور تاجر يبي الربح ماهو حاطن المقيض لوجه الله وطيبه


لنفسه ورداه على نفسه , ولعلمك : الرجل اللي مايفرح بالعليمي مثل


فرحته بالخبير فهذا ماعندك أحد .


على العموم خلني أشوف كان فيه أحد من الشباب وأرسل لك رقمه


على الخاص وتروح معه وتشوف على الطبيعه وتنشد عن اللي انت


تبي , بس عطني فرصه لأني ما أعرف أحد داخل حائل , أعرف


اثنين ببقعاء كان انت تقدر تروح لهم كل يوم فعز الله ابشر بسعدك


وكلهم طيبين , والواحد منهم لو تنقز عيونه باصبعك ماقال لك ليه .


وسلامتك .

[ابو فيصل 635]

تسلم يالغالي

الله يعطيك العافيه يالغالي

والله انه بقعاء بعيده اشوي والله حتى انا مكلم الشباب يشوفون لي صقاره وان شاء الله من
عندك ومن عندي نلقى المراد

ويعطيك الف عافيه اخوي واتعبناك معنا

وان شاء الله نرده لك بالافراح

[سفير الشهامه]

الله لايهينك يابوفيصل ترى المعرفه بالطيور ماهي وليدت اللحظه الدعوى تبي مخالطة الطير ومصاحبة النشامى ..... شرواك
اوصيك خذ بنصيحة الاخوان اذا كنت مبتدي عليك بالشرق ( الوكري ) تراه من ناحية الولف يوالف وايضا يفعل . يقول المثل : اطيب الطيور وكري وارداهن وكري . للمعلوميه فقط ويكون بعلمك ترى اكثر الصقاقير بداياتهم بالوكري .واذا تبي حاجه مانقصر معك يابوفيصل . نشوفك صقار كبير انشاء الله
تقبلو تحياتي (( سفير الشهامه ))

[ابو فيصل 635]

والله يالغالي انك ماتقصر وانا مثل ماقلت لخوي راعي اني ابي اخالط الصقارين ومن عندهم ومن عندكم

وان شاء الله راح اخذ كم معلومه وبعدها ان شاء الله راح اتعامل مع الطير واشوف متطلباته ايش الي ابلش فيه وايش الي اعرفه
ومالنا غنى عنكم وعن اعضاء هالمنتدى الرائع

والف شكر على النصيحه