المساعد الشخصي الرقمي

مشاهدة النسخة كاملة : الأنوار بإستخدام light booster


متعب معاميله
26/02/2004, 10:53 AM
السلام عليكم ورحمة الله وبركاته
صبحكم الله بالخير جميعاً
بعد ما قريت موضوع اخونا سايق الخير حبيت اني اطرح تجربتي لكم
وجعلتها في موضوع منفصل لانها بطريقة مختلفه وحتى يبقى موضوعه كمرجع للزينون
سلمكم الله شريت لي light booster 12v DC- 130w بقيمة 160 ريال واضفت له
أنوار زينون-H4 من اللي منتشره في الاسواق بقيمة 30 ريال زائد اجرة التركيب
والحين الحمد لله احس ان الاضاءة اصبحت جيده جدا وتقدرون تجربونها قبل التركيب وتلاحظون الفرق
طبعا البوستر مزود بفيوز للحماية في حالة حدوث مشكله الله لا يقدر على أحد بشر
وهذي صورة الجهاز اتمنى اني أضفت شي ولو بسيط لكم........ وسلامتكم
http://msh3an.jeeran.com/booster.jpg
شروكي
29/02/2004, 02:27 PM
وعليكم السلام ورحمة الله وبركاته
شكراً لك اخي الكريم على هذا المقال وصراحة فكرة رائعة خاصة لأصحاب الإضاءة الضعيفة.

بس ما أدري من وين شريت light booster ؟

دورت اليوم في شارع الغرابي ولا لقيت شيء وأغلبهم ما يعرفونه ، فياليت تحدد المحل اللي شريت منه وكم ركبه لك وكم الوقت استغرق في التركيب.
متعب معاميله
02/03/2004, 02:48 AM
السلام عليكم ورحمة الله وبركاته
الشكر لله أولاً ثم لهذا المنتدى الرائع ,
اخوي شروكي انا في المنطقه الشرقيه وحاضر لك اخوي
اذا مالقيته عندكم مستعد اشريه لك من هنا وارسله لك بالـ Fed EX
تامر أمر.بالنسبه للتركيب حوالي 50 ريال.شغل :good:
شروكي
02/03/2004, 10:17 AM
ماتقصر عزيز واخو عزيز

عندي النور في السيارة قزاز كريستال وشمعات 100/80 نوع OSRAM مركب عليها كتاوت ، السؤال هل راح يضبط الجهاز light booster مع النور الحالي أم لا؟ وإذا كان يركب - ولا عليك أمر - تقدر توصف لي المحل بالضبط وين؟ لأني احتمال في نهاية الاسبوع بعد القادم أروح للشرقية .
متعب معاميله
03/03/2004, 06:12 AM
السلام عليكم ورحمة الله وبركاته
أخوي شروكي - ولا مهونة للاخوان الباقين
المحل في الثقبه شارع مكه
اول اشاره بعد الراشد تدخل يمين
بتجيك اشاره ثانيه تتعداها تلقى بتلقى محلات الزينه
المحل على اليسار اعتقد اسمه نسيم البحر
ومثل ما قلت لك تقدر تجرب الجهاز قبل تركبه.
وتوصل بالسلامه ان شاء الله
قاهر القرقاص
07/03/2004, 03:27 AM
السلام عليكم ورحمة الله وبركاته
كيف احل عليها....
وانا بالرياض
وهل تصلح حق جيب لاندكروزر مثل عاليvxr

وش هي حقته وش كان اصلها هل هي كانت بالسيارات او حقت منازل
ارجوك رد بسرعه..............
ودمتم
اخوك قاهر
قاهر القرقاص
09/03/2004, 12:57 AM
السلام عليكم ورحمة الله وبركاته

ما حصلته بالدمام....

وقالوا..
فيه زينون 2500ريال
متعب معاميله
09/03/2004, 09:00 PM
وعليكم السلام ورحمة الله وبركاته
حياك الله اخوي قاهر وأسف على التاخير
جواب على سؤالك فهو غير محول الكهرب
بالنسبه للدمام ما عندي خبر
ولكن مثل ماقلت لأخونا شروكي انا حاضر اشريه لك وارسله طال عمرك
برسم الخدمه,المهم انك تتاكد من نوعية الشمعات عندك
والجهاز خاص بالانوار مثل ماهو واضح من اسمه
وبالنسبه للزينون فانا لقيتها لكن الفرق واجد بين 2500 وبين 250 ريال
ولكن مع وجود فرق بين الجهازين فاكيد الزينون افضل
اتمنى اني قدرت اخدمك اخوي واكرر اسفي على التاخير
ساق الجواء
19/03/2004, 08:43 AM
لقد ركبت أنوار زينون زرقاء من النوع المنتشر لدى محلات الزينة (بسعر 10-15 ريال) للشمعة الواحدة على سيارتين عندي فسبب لي ذالك الخسارة والمشاكل في كلتا السيارتين.

1. أحرقت أفياش الشمعات التي في طرف سلك الظفيرة.
2. انصهرت أسلاك الظفيرة.
3. قشرت الصبغ اللماع داخل قفش النور.
4. تكرر انصهار الفيوزات.
5. تكرر انطفاء النور في الليل في أوقات حرجة.

والفحص الدوري يرفض السماح بمثل هذه الأنوار.

قيل لي خفف قوة الشمعات ففعلت واستمرت المشاكل وقيل لي أنه يلزمني معها مغزز طاقة (BOOSTER) وظفيرة خاصة فلم أجرب وعدت للأصليات بعد خسارة حوالي 500 ريال.

ودمتم سالمين.
قاهر القرقاص
21/03/2004, 12:07 AM
السلام عليكم ورحمة الله وبركاته

اخوي متعب معاميله
ممكن ارسلك واحد من الشباب يشوف شمعات سيارتك
وهل هي تركب على GXR2003 لنور العالي...

والومينا...

ودمتم.....