استفسار عن طرمبة بنزين الباترول

[خيل الحيزا]

أخواني اعضاء مكشات المحترمين
واجهتني مشكلة في موتري باترول ربع 96 بخاخ وهي ان السيارة ضعف عزمها وبدت تقطع ويوم رحت للميكانيكي فحص عليها كمبيوتر وقال ان يبي له تغيير طرمبة بنزين وقال لي الافضل انك تركب طرمبة بنزين حقت فورد ولا تركب طرمبة شد بلده لان طرمبة الفورد تركب عليه وتعطيك عزم وقوة احسن وكفائتها احسن من كفائة طرمبة شد بلدها مع العلم ياخوان انا مالي 7 شهور وقد غيرت طرمبة شد بلدها وغيرتها اصلية بعد.
فــــ وش رأيــــــــــــــــكـــــــــــــــــــم؟؟؟

[ولد مطلق]

والله وانا اخوك انا شاري موتري قبل 3 سنوات سفاري 99 وراعيه الاول مركب له طرمبة امريكي وماعنده خلاف وعزمه يصير احسن من طرمبة شد البلد ومركبها عند الجابري بالرياض ب 750 ريال علما بأن طرمبة جيب النيسان غاليه بالوكاله لكن على كلام الشباب انها ماتطول سنه وبعدين غيرها والرأي الاول والاخير لك امل ان اكون قد افدتك وتقبل مروري.

[خيل الحيزا]

شكرا اخوي ولد مطلق على مرورك وعلى الادلاء بتجربتك ونبي نشوف المزيد من تجارب الاخرين لاسيما زي ماذكرت طرمبة البنزين الشد بلد قيمتها في الوكاله 634 ريال وطرمبة الفورد حقها 180 ريال فقط وتعطيك كفاءه احسن وعزم اقوى

[قناص خلاوي]

والله وانا اخوك انا شاري موتري قبل 3 سنوات سفاري 99 وراعيه الاول مركب له طرمبة امريكي وماعنده خلاف وعزمه يصير احسن من طرمبة شد البلد ومركبها عند الجابري بالرياض ب 750 ريال علما بأن طرمبة جيب النيسان غاليه بالوكاله لكن على كلام الشباب انها ماتطول سنه وبعدين غيرها والرأي الاول والاخير لك امل ان اكون قد افدتك وتقبل مروري.


والله ياخوك الجابري هذا يلعب على الناس
طرمبة النيسان وكالة بـ 600 ريال من الحمراني
وشلون يرهم امريكي ( أرخص) بـ 750
للعلم ترى الطرمبة اللي يركبها قيمتها من 160 إلى 180 ريال بس ما تزيد
ويوم نشبت له ذاك اليوم قال السعر مب للطرمبة السعر لوزنها و..الخ
قلت مابي لك شي حطها بالتانكي وأنا اللي اضمنها ماراح ارجع لك
قال خلاص بـ 600 ريال
رحت لكهربائي ثاني وركبتها بـ 300 ريال
سعر معقول 160 طرمبة وشغل يد 140
وصلى الله وسلم وبارك

[Magellan]

قناص خلاوي بالفعل كلامك 100%
الجابري ماخذ مقلب من نفسه ومسوي نفسه فاهم ولذلك يتضرب بالناس بالسعر
عارفين مايجونه إلا محتدين
سؤال: وش نوع طرمبة الفورد يعني لأي سيارة ، الكراون فيكتوريا وإلا الونيت وإلا الأكسبدشن تركب على السفاري
وشكراً
أخوكم أبوعلي

[قناص خلاوي]

قناص خلاوي بالفعل كلامك 100%
الجابري ماخذ مقلب من نفسه ومسوي نفسه فاهم ولذلك يتضرب بالناس بالسعر
عارفين مايجونه إلا محتدين
سؤال: وش نوع طرمبة الفورد يعني لأي سيارة ، الكراون فيكتوريا وإلا الونيت وإلا الأكسبدشن تركب على السفاري
وشكراً
أخوكم أبوعلي
أنت تشوف اخوي أبو علي
صدق الناس اخذين فيه مقلب قوووي
والله ماشفت بشغله زود الا كلام الناس ومدحهم له لكن على ويش ؟؟
اللي ركبت ياغالي طرمبة ( شيروكي) ماهي فورد ولازم تغير فيش الكهرب معها.
وتراها ما تعيش ... ثلاث شهور وطقت معي بالدهنا لكن كان معي طرمبة سبير وتركيبها بالباترول ما ياخذ نصف ساعة لان التانكي مفتوح على فوق مع الشنطة ..

[قاصد الصمان]

أخواني اعضاء مكشات المحترمين

واجهتني مشكلة في موتري باترول ربع 96 بخاخ وهي ان السيارة ضعف عزمها وبدت تقطع ويوم رحت للميكانيكي فحص عليها كمبيوتر وقال ان يبي له تغيير طرمبة بنزين وقال لي الافضل انك تركب طرمبة بنزين حقت فورد ولا تركب طرمبة شد بلده لان طرمبة الفورد تركب عليه وتعطيك عزم وقوة احسن وكفائتها احسن من كفائة طرمبة شد بلدها مع العلم ياخوان انا مالي 7 شهور وقد غيرت طرمبة شد بلدها وغيرتها اصلية بعد.
فــــ وش رأيــــــــــــــــكـــــــــــــــــــم؟؟؟



السلام عليكم

اذا ثبت ان السبب هو الطرمبة من خلال التشييك عليها عند اكثر من كهربائي يجب عليك ان تبحث عن السبب في عطال الطرمبة من خلال كهربائي جيد لأن الباترول المعروف عنه ان طرمبته من افضل الأنواع من حيث قوة التحمل بخلاف الأمريكي

[خيل الحيزا]

بس ياخوي قاصد انا اللي اعرفه ان الطرمبة اذا كانت كهربائية ماتتصلح يعني قطها وجب غيرها لاسيما اذا كان فيها ضعف بخلاف الطرمبة الميكانيكية
واشكر الاخوان على ردودهم وعلى اثراء الموضوع واعطاء الموضوع حقه لانه والله قهر طرمبة شد البلد تسوى 634 ريال وطرمبة الفورد تسوى 180 يعني فرق 454 ريال والله غبنة