شوركم يالربع في مكان للتخييم (عوائل)

[سطام vip]

بسم الله الرحمن الرحيم

اخواني اعضاء مكشات الغالين

أمس نسولف انا والوالد وعزمنا نخيم ان شاء الله وبناخذ العائله معنا

وكل واحد يقول عن مكان قلت مالها الا شقرديه مكشات بيعطوني العلم

ونبي شوركم في مكان حول الرياض ينفع للعوائل وان شاء الله

عزمنا على الاسبوع القادم مو هذا الاسبوع وش رايكم نبي مكان طيب

وما يكون فيه أزعاج تخبرون عوائل الواحد يشيل هم

والله يعطيكم العافيه

[عبود الهجان]

طيب اخوي سطام ممكن تحدد منطقتك علشان الشباب يفيدونك

[سطام vip]

هلا بك اخوي عبود

اخوي انا في الرياض

وتسلم على مرورك وردك

[المتعجب]

وأنا نفس السؤال

أين نخيم يا شباب

[في اكس ار]

مراحب يا شباب

حبيت اني احط رايي والله يستر على كل مسلم يبي الستيره
والله العائله لهم حق من الطلعات
فيه منطقتين انصح الجميع فيها

الاولى / صياهد رماح على طريق شويه وانت طالع من رماح اذا كان تبغى نفود يمين او يسار

الثاني / طريق الصمان تطلع يسار بأتجاه حفر العتش وهنا تكون قريب من روضة التنهات
والمكان صاد وحلو

[أمير الصيد]

والله انا يالغالين مثلكم
ابي مكان جميل ورائع وفيه طبيعه خلابه ؟؟ وحول الرياض
بس موب تخييم ؟ كشته من الصبح لحد المغرب
الله خابر شي قريب من الرياض يفيدنا مشكور .

[في اكس ار]

والله انا يالغالين مثلكم
ابي مكان جميل ورائع وفيه طبيعه خلابه ؟؟ وحول الرياض
بس موب تخييم ؟ كشته من الصبح لحد المغرب
الله خابر شي قريب من الرياض يفيدنا مشكور .

هلا والله ازعجتكم ههههههههههههههههههههه

شف اخوي عليك بشمس وشميسه بعد ضرماء يسار مع طريق البيب

او شعيب الحيسيه بعد العيينه

وانشاء الله بتدعيلي

[أبو درويش]

كشتت العوائل بالنسبه لي .. اقرب مخطط وريح بالك ...

العوائل مامنهم الا الغثى طلعهم مخطط أو عند الجسر المعلق ..

وبعدين اطلع على كيفك ولا تخلي مكان تحيتي لك ،،

ليس هذا الا راي وتختلف الاراء باختلاف الاسباب .

[أبو^أحمد]

عندك شعيب اللحيسية بعد العيينة وعندك شعيب الخمرة الداخلي حلو وصاد وفيه شجر طلح كبار وبعيد عن الناس، أو شعيب حريملاء شعيب نظيف وبصراحة المناطق هذي ممتازة للعوائل لأن الشجر يستر العوايل الشيء الثاني قرب الخدمات منك؟

أنا بصراحة أخيم في السنة أكثر من مرة عوائل؟

وبالتوفيق للجميع

[دغيم1]

السلام عليكم ورحمة الله وبركاته
حياك الله أخوي
بالنسبة لأماكن تخييم العوائل فهي كثيرة
ومثل ماقال الأخوان
ولكن قد يكون البعض منها بعيد على العائلة والتي قد تحتاج إلى الكثير من الأغراض
وعندك مثلا :
شعيب محارق - جيد للعوائل وبجوارك الخدمات .
كذلك روضة سمحان بعد محافظة ضرماء على اليسار بجوار هجرة عليا .نفود وممطورة .
كذلك شعيب حميم - جميل وأشجار وممطور -بالقرب من الرمحية .
كذلك الجهة الجنوبية من روضة خريم
روضة الخفس - بالقرب من النفود - جميلة وممطورة .
تقبل تحياتي

[تيس الحبله]

كشتت العوائل بالنسبه لي .. اقرب مخطط وريح بالك ...



العوائل مامنهم الا الغثى طلعهم مخطط أو عند الجسر المعلق ..


وبعدين اطلع على كيفك ولا تخلي مكان تحيتي لك ،،



ليس هذا الا راي وتختلف الاراء باختلاف الاسباب .


هذا رايك انت >> لاكن يبقون أهلك العوائل ولهم حق عليك إذا انت تبي التمشيه حتى هم يبغون الوناسه والمناظر وتوسعة الصدر طلعه في الشهر أو الشهرين مهي ناقصه منك وانا اخوك وتقبل سلامي

[بريدة GARMEN]

السلام عليكم

مشكورين على الاماكن الرائعة

وعندي سؤال وهو شعيب محارق اين يقع ؟؟

[اذكر ربك]

هذا موضوع سابق سأل نفس السؤال ... وكانت اجابات الشباب واااافيه وما قصرو


اتمنى انه يفيدك



http://www.mekshat.com/vb/showthread.php?t=166444

[منصور 1]

انا عندي اقتراح او مكان جيد وحقيقه مكان جيد للعوائل تبي نفود تبي السيل او تبي الربيع كله موجوده ما شاء الله

المكان وانا اخوك خلف مصفات ارامكو عند الوسيع

وصفه معروف وقريب للسريع الرياض - الدمام

اذا جيت مفرق سعد وانت وجهك شرق تفرق يسار بعده تتضح لك المصفات خلها على يسارك وتجه شرق تطيح ببحيره اختار المكان المناسب والله يستر علينا وعليك ويوفقك بالمكان لي تستانس انت واهلك

تقبل تحيات اخوك ابو عمر

[سفير الجزيرة]

فيه عدة مناطق تصلح للعوائل وصادة في نفس الوقت

1- إذا جاك تقاطع الطوقي - التنهات تجيك ردمية خط الكهرب يسار وتطلع النفود ،، يوجد نقر واماكن حلوة تصلح للتخييم وهادئة .

2- معبر جمال بعد تفتيش صلبوخ على خط القصيم ، يمين او يسار كلها مناطق حلوة

3- مثل ما ذكر احد الشباب سعد واللي حولها على خط الشرقية .

هذه انسب الأماكن من ناحيتي لأنها ونيسة ومافيها خوف ابد بإذن الله

[المغرز]

عندك القاع في ثرمداء
بحيره جميله ونفودد

[أمير الصيد]

هلا والله ازعجتكم ههههههههههههههههههههه

شف اخوي عليك بشمس وشميسه بعد ضرماء يسار مع طريق البيب

او شعيب الحيسيه بعد العيينه

وانشاء الله بتدعيلي

ما قصرت اخوي ولا يهونون الاخوان
بس ودي اسئل عن شمس وشميسه اللي بعد ضرما يسار ؟؟؟
هل وانت جاي من المزاحميه وإلا جاي من مرات وهل مكتوب باللوحات الارشادية شمس وشميسه؟
بارك الله فيك اخوي .

[ابوحماد]

خذ الشور الصحيح وانا اخوك


كل الاماكن المذكوره بعيده على العوائل


عندي لك مكان يحبه قلبك وخاص للعوائل وقريب من تموينات أسكان التحليه


المكان جنوب مزرعة البويبيات


الوصف


تمسك خط الجنادرية وجهك شمال الى محطة خزام بعدها يجيك خط الرمحية يمين


رح يمين 13 كيلو بعد شبك مزرعه الامير سلطان ( البويبيات ) يجيك خط يروح يمين عليه لوحه زرقاء مكتوب عليها أسكان التحلية و المياة


روح يمين أمسك الخط 5 كيلو قبل بوابة الاسكان تجيك ردمية حلوه أدخل الردمية يمين


شف الاماكن حولك أرض دماثه وصاده عن الزحمات وفوق كذا عندك داخل الاسكان بقاله تفته من الصباح الى الساعه 10 مساء


وحولك شبوك أهل الغنم يبيعون الهرافه و التيوس


وحولك أهل الابل قبل المغرب سير عليهم وشرب حليب


وأرض ذيك المنطقة مناسبه شبه رملية أي سيارة تسير عليها ماعندها مشكله

[أبو درويش]

هذا رايك انت >> لاكن يبقون أهلك العوائل ولهم حق عليك إذا انت تبي التمشيه حتى هم يبغون الوناسه والمناظر وتوسعة الصدر طلعه في الشهر أو الشهرين مهي ناقصه منك وانا اخوك وتقبل سلامي




ياخوي انا طلعاتي قنص .. وتعرف طلعات القنص فيها مخاطره وقطع مسافات في البر بدون خدمات
والعوائل ما يحبون التمشي واكتشاف الاماكن الجغرافيه والطبيعيه البريه ولا يمكن ان يتحمل العوائل
معانات المغامره البريه .. والعائله ياخي ما يحبون ايضاَ البر من الاساس . . علشان كذا ما ظلمتهم

بس تبي الصراحه علشان ما اكون سبب في زعلك بسمعك كلامك يا عمي
ولا تزعل يا تيس الحبله :D بطلع العائله مره وحده في الشهر على الاقل ...:)

تنفع في حقوق الانسان ماشاء الله عليك .



لك تحيتي

[تيس الحبله]

[quote=أبو درويش;2136410][center]ياخوي انا طلعاتي قنص .. وتعرف طلعات القنص فيها مخاطره وقطع مسافات في البر بدون خدمات
والعوائل ما يحبون التمشي واكتشاف الاماكن الجغرافيه والطبيعيه البريه ولا يمكن ان يتحمل العوائل
معانات المغامره البريه .. والعائله ياخي ما يحبون ايضاَ البر من الاساس . . علشان كذا ما ظلمتهم

بس تبي الصراحه علشان ما اكون سبب في زعلك بسمعك كلامك يا عمي
ولا تزعل يا تيس الحبله :d بطلع العائله مره وحده في الشهر على الاقل ...:)

تنفع في حقوق الانسان ماشاء الله عليك .




جال سأل عن مكان للكشتات للعوائل ماقال مقناص بالعوائل
ثانياً وش دخل الأماكن الجغرافيه في الموضوع شكلك فاهم الموضوع خطاء

وسلامتك

[تيس الحبله]

[quote=أبو درويش;2136410][center]ياخوي انا طلعاتي قنص .. وتعرف طلعات القنص فيها مخاطره وقطع مسافات في البر بدون خدمات
والعوائل ما يحبون التمشي واكتشاف الاماكن الجغرافيه والطبيعيه البريه ولا يمكن ان يتحمل العوائل
معانات المغامره البريه .. والعائله ياخي ما يحبون ايضاَ البر من الاساس . . علشان كذا ما ظلمتهم

بس تبي الصراحه علشان ما اكون سبب في زعلك بسمعك كلامك يا عمي
ولا تزعل يا تيس الحبله :d بطلع العائله مره وحده في الشهر على الاقل ...:)

تنفع في حقوق الانسان ماشاء الله عليك .




أولاً الرجال سأل عن مكان للكشتات للعوائل ماقال مقناص بالعوائل
ثانياً وش دخل الأماكن الجغرافيه في الموضوع شكلك فاهم الموضوع خطاء

وسلامتك

[سطام vip]

الله يبيض وجيهكم جميع ما قصرتوا كل مكان أحلى من الثاني

وان شاء الله ابشوف المناسب منها واذا رجعنا بلغتكم

وأشكر كل من مر على الموضوع

واتمنى الموضوع ما يطلع عن حده علشان ما يتقفل

دمتم بالف خير وف انتظار المزيد من المشاركات

والفائده للجميع

[شواق]

نصيحتي دامكم عوايل عليكم بسدير وتحديدا يم مبايــــــــــــض ( سواء للي يبي يروح الصبح ويرجع المغرب او يبي يخيم المسافه كلها ساعه وشوي من الرياض )

تزخر مبايض بعدد كثير من المنتزهات الطبيعية المحيطة بـها والعديد من الناس يقصدون هذه الأماكن للجلوس فيها . وهي في فصل الربيع مثل خلية النحل بسبب كثرة من يرتادها ومن هذه المنتزهات والميزه هنا هي انه اكثر من مكان ومتجاورات يعني كلها في نطاق 50كم ( الشوكي وروضة الخشو وروضة القصر والارطاوي والعصل ومطربه وغيرها الكثير ) :

1 - روضة الخشم
تقع شمال مبايض وتبعد عنه 15 كيلومترا على يسار الطريق المتجه الى هجرة الشعب ( 255619ش 454887ج ) وهي روضة منبسطة وكبيرة تكثر بها أشجار السدر وفي موسم الأمطار تغطي السيول معظمها ولا تبعد عن الخط العام أكثر من 7 كيلو ولا تذكر بـها أخطار سوى وقت سقوط الأمطار لأن أرضها طينية فيصعب السير فيها وقد قامت وزارة الزراعة بإحاطتها بحواجز لتقليل دخول السيارات إليها إلا عبر البوابة الرئيسة .وتجيها من طريق ( مبايض - الشعب ) او طريق ( مبايض - الشحمه ) وهو الاقرب والاحسن

2 - وادي الشوكي
يقع شمال مبايض ويبعد عنها حوالي 33كيلو مترا يمكن الوصول إليه بسهولة عن طريق الشعب وهو طريق مسفلت أو عبر طريق طلعة ضاحك ( 255173ش 455803ج ) وهو طريق ترابي أو عبر طريق ام الأرشية ، وهو وادي كبير متشعب تكثر فيه أشجار الطلح يزيد طوله على 65 كيلومترا وعرضه 1 كيلومتر ويصب في روضة التنهات ونظرا لكثرة ارتياد هذا الوادي من قبل هواة التخييم فإنه يجب الحذر عند التخييم أثناء موسم الأمطار في وسط الوادي ففي عام 1416 هـ نزلت أمطار غزيرة على الوادي فتسببت في محاصرة المتنـزهين .وكعائله مانصحكم فيه لانه ضيق ولاتاخذون راحتكم فيه


3 – شعيب الأرطاوي
شعيب يقع شمال مبايض على بعد 20 كيلو مترا (255998ش 454781ج ) تكثر فيه الأشجار ينحدر من ضلع العرمة مغربا ويصب في روضة الخشم وتجيه من طريق مبايض - الشحمه

4 – شعيب العصل
يقع شمال مبايض على بعد 43 كيلو مترا (261900ش 455560ج ) وهو شعيب ضيق به أشجار كثيرة وهو يقبل من قمة العرمة الشمالية مما يلي منهل الشحمة والأرطاوي وينحدر مشرقا في تعرج والتواء ولا تعارضه روافد ذات بال ويجتاز يمينه خبوت وخمائل تسمى نقرات الضبعة ويمضي حتى يصب في خبراء الحيراء

11 – روضة مطربة
تقع غرب مبايض على بعد 35 كيلومترا تتميز بمناظرها الطبيعية بسبب عوامل التعرية وذلك لوقوعها تحت سلسلة جبال العرمة وتجيك بعد ( طريق مبايض - الشحمه )

12 – رياض هليل
تقع شمال مبايض على الطريق المؤدي من الشعب الى أم رجوم فيها عدد من الأشجار وتتميز بقربـها من الطريق المسفلت .

وفيه روضـــــــــــة القصر وهي الان اشبه بالبحيره وتبعد عن روضه الخشم 5 كم وهي قريبه من طريق مبايض الشحمه
فان كنتوا عوايل انصحكم بطريق ( مبايض - الشحمه ) شوفوا لكم دمثه طيبه وحطوا خيامكم بعيد عن الاوديه الضيقه اللي ربما تصير خطره مع نزول الامطار وبنفس الوقت بعيده عن صخب الشباب وازعاجهم وعيالكم وحريمكم ياخذون راحتهم بالتمشي بالبر وسعه الصدر

وانصحك تروح خلال هالويك اند ( ترا المشوار بحدود ساعه على طريق الرياض - سدير - القصيم ) مخرج ( 11) مخرج تمير ومبايض تدخل بعدها تمير وتطلع منها لمبايض وبعد مبايض بشوي يجيك طريق الشحمه صراحه حنا عائلتنا كل سنه مخيمهم هناك وانصحك تسبقهم وتحدد لك موقع من الحين لان متوقعين زحمه خلال الاجازه وودك تحرص على الدمث خشية الامطار سبحان الله وروضة الخشم من هالمكان قريبه جدا يعني بامانكم تمشون وتروحون تقهوون فيها عصريه وكذلك الارطاوي قريب وروضة ام قصر الله يونسكم يالعافيه ..

[ولد البطين]

هلا والله ازعجتكم ههههههههههههههههههههه

شف اخوي عليك بشمس وشميسه بعد ضرماء يسار مع طريق البيب

او شعيب الحيسيه بعد العيينه

وانشاء الله بتدعيلي
اهل ضرماء ادرى بشعابها تراه شعيب ممتاز وإذا ماتبي تبعد عليك بشعيب الحسيه اقرق يمين وكل ماتقصويت ازين
اخوك ولد البطين

[محمد أبو حمد]

الحريم يبون السوق ومراكز التسوق

واذا طلعوا للبر جابوا لنا الصمرقع مع البزران

ونحط يدينا على قلوبنا لين نوصل بيوتنا , هذا مسك جمرة وهذا تعكرف بالمسحاة وهذا زلق بالغضارة وهذا طاح في حبل الخيمة , وأكثر اللي يستانسون في البر الشغالات , لأننا نشقى ونحطب ونذبح ونصلخ وإذا أحد غرز رحنا نمكع موتره , ونجي لبيوتنا يدينا كلها شوك وريحتنا حطب والرمل مالي مخابينا , والله انك إذا تسبحت يطلع رمل ما تدري من وينه جاي .

المقصود إن البر زين بس غثا

والحريم بعد تجاربي ومعاناتي مالهم إلا حديقة شارع الخزان

وسامحوني على الإطالة

[طرابيش]

بالسبه لي
ودي اعلمك بالمكان الزين
بس انا مانب من الرياض وشكرااااا

[السنع كله]

تجنبوا الاودية والارض الطينية فهي خطرة وقت المطر وعليكم بالارض الرمليه فهي ربيع الاطفال لعبا وتسلية وياحبذا تكون العائلة عدة رجال وعدة سيارات ليكون المكان اكثر هيبة

[ولد البطين]

اهل ضرماء ادرى بشعابها تراه شعيب ممتاز وإذا ماتبي تبعد عليك بشعيب الحيسيه افرق يمين وكل ماتقصويت ازين
اخوك ولد البطين
عفواً علشان مايزعلون علينا أهل مرات الشعيب يتبع لمرات وهو بعد ضرماء للتوضيح فقط
بعد ضرماء 45/كم مدخل يسار إلى ( مصنع اسمنت المدينه ) تفرق يسار سفلت حتى يجيك المصنع في وجهك بعدين تفرق يسار وتقدر تحدد موقعك بنفسك في الشعيب وعلى فكره فيه بير حلو حول ثرمداء قريب للي يبي يخيم وفيه بير في الشعيب عند قصر طين قديم للسويري على ماَ اضن وهو من الاشراف للمعلومه فقط واللي يحب تجنب الرياح واذا بغيت نفود عندك نفود مرات ( القاع ) طعس لين تقول بس ،،،
تحياتي ،،،

[العاااازف]

الحريم يبون السوق ومراكز التسوق

واذا طلعوا للبر جابوا لنا الصمرقع مع البزران

ونحط يدينا على قلوبنا لين نوصل بيوتنا , هذا مسك جمرة وهذا تعكرف بالمسحاة وهذا زلق بالغضارة وهذا طاح في حبل الخيمة , وأكثر اللي يستانسون في البر الشغالات , لأننا نشقى ونحطب ونذبح ونصلخ وإذا أحد غرز رحنا نمكع موتره , ونجي لبيوتنا يدينا كلها شوك وريحتنا حطب والرمل مالي مخابينا , والله انك إذا تسبحت يطلع رمل ما تدري من وينه جاي .
المقصود إن البر زين بس غثا


هههههههههههههههههههههههههههههههههههههههههههههههههه هههههههههههه
هههههههههههههههههههههههههههههههههههههههههههههههههه ههههههههههههههههههههه
الله يسعدك اضحكتني هذه هي المعاناة ولاتنسى هذا يضرب اخوة ويجيك مشغل الونان
هههههههههههههههههههههههههه

[نجم الصداوي]

[quote=محمد أبو حمد;2144832]الحريم يبون السوق ومراكز التسوق

واذا طلعوا للبر جابوا لنا الصمرقع مع البزران

ونحط يدينا على قلوبنا لين نوصل بيوتنا , هذا مسك جمرة وهذا تعكرف بالمسحاة وهذا زلق بالغضارة وهذا طاح في حبل الخيمة , وأكثر اللي يستانسون في البر الشغالات , لأننا نشقى ونحطب ونذبح ونصلخ وإذا أحد غرز رحنا نمكع موتره , ونجي لبيوتنا يدينا كلها شوك وريحتنا حطب والرمل مالي مخابينا , والله انك إذا تسبحت يطلع رمل ما تدري من وينه جاي .

المقصود إن البر زين بس غثا

والحريم بعد تجاربي ومعاناتي مالهم إلا حديقة شارع الخزان

وسامحوني على الإطالة
...
... أضـــحك الله سنك... يـــاخوي تقول الحكمة المعربجة.. الـبر بريــره ... والـــرفـــاهية بـــالديـــرة...هـــذي حـــلاتها ..إذا حصل مناطح ومساطح وملاطخ ..يكون للرحلة طعم... ( نبتل) مدلعين أروآحنا... !!!

تحياتي لك...وعذرا والف عذر لصـــاحب الموضوع...

[مغلي]

نصيحتي دامكم عوايل عليكم بسدير وتحديدا يم مبايــــــــــــض ( سواء للي يبي يروح الصبح ويرجع المغرب او يبي يخيم المسافه كلها ساعه وشوي من الرياض )

تزخر مبايض بعدد كثير من المنتزهات الطبيعية المحيطة بـها والعديد من الناس يقصدون هذه الأماكن للجلوس فيها . وهي في فصل الربيع مثل خلية النحل بسبب كثرة من يرتادها ومن هذه المنتزهات والميزه هنا هي انه اكثر من مكان ومتجاورات يعني كلها في نطاق 50كم ( الشوكي وروضة الخشو وروضة القصر والارطاوي والعصل ومطربه وغيرها الكثير ) :

1 - روضة الخشم
تقع شمال مبايض وتبعد عنه 15 كيلومترا على يسار الطريق المتجه الى هجرة الشعب ( 255619ش 454887ج ) وهي روضة منبسطة وكبيرة تكثر بها أشجار السدر وفي موسم الأمطار تغطي السيول معظمها ولا تبعد عن الخط العام أكثر من 7 كيلو ولا تذكر بـها أخطار سوى وقت سقوط الأمطار لأن أرضها طينية فيصعب السير فيها وقد قامت وزارة الزراعة بإحاطتها بحواجز لتقليل دخول السيارات إليها إلا عبر البوابة الرئيسة .وتجيها من طريق ( مبايض - الشعب ) او طريق ( مبايض - الشحمه ) وهو الاقرب والاحسن

2 - وادي الشوكي
يقع شمال مبايض ويبعد عنها حوالي 33كيلو مترا يمكن الوصول إليه بسهولة عن طريق الشعب وهو طريق مسفلت أو عبر طريق طلعة ضاحك ( 255173ش 455803ج ) وهو طريق ترابي أو عبر طريق ام الأرشية ، وهو وادي كبير متشعب تكثر فيه أشجار الطلح يزيد طوله على 65 كيلومترا وعرضه 1 كيلومتر ويصب في روضة التنهات ونظرا لكثرة ارتياد هذا الوادي من قبل هواة التخييم فإنه يجب الحذر عند التخييم أثناء موسم الأمطار في وسط الوادي ففي عام 1416 هـ نزلت أمطار غزيرة على الوادي فتسببت في محاصرة المتنـزهين .وكعائله مانصحكم فيه لانه ضيق ولاتاخذون راحتكم فيه


3 – شعيب الأرطاوي
شعيب يقع شمال مبايض على بعد 20 كيلو مترا (255998ش 454781ج ) تكثر فيه الأشجار ينحدر من ضلع العرمة مغربا ويصب في روضة الخشم وتجيه من طريق مبايض - الشحمه

4 – شعيب العصل
يقع شمال مبايض على بعد 43 كيلو مترا (261900ش 455560ج ) وهو شعيب ضيق به أشجار كثيرة وهو يقبل من قمة العرمة الشمالية مما يلي منهل الشحمة والأرطاوي وينحدر مشرقا في تعرج والتواء ولا تعارضه روافد ذات بال ويجتاز يمينه خبوت وخمائل تسمى نقرات الضبعة ويمضي حتى يصب في خبراء الحيراء

11 – روضة مطربة
تقع غرب مبايض على بعد 35 كيلومترا تتميز بمناظرها الطبيعية بسبب عوامل التعرية وذلك لوقوعها تحت سلسلة جبال العرمة وتجيك بعد ( طريق مبايض - الشحمه )

12 – رياض هليل
تقع شمال مبايض على الطريق المؤدي من الشعب الى أم رجوم فيها عدد من الأشجار وتتميز بقربـها من الطريق المسفلت .

وفيه روضـــــــــــة القصر وهي الان اشبه بالبحيره وتبعد عن روضه الخشم 5 كم وهي قريبه من طريق مبايض الشحمه
فان كنتوا عوايل انصحكم بطريق ( مبايض - الشحمه ) شوفوا لكم دمثه طيبه وحطوا خيامكم بعيد عن الاوديه الضيقه اللي ربما تصير خطره مع نزول الامطار وبنفس الوقت بعيده عن صخب الشباب وازعاجهم وعيالكم وحريمكم ياخذون راحتهم بالتمشي بالبر وسعه الصدر

وانصحك تروح خلال هالويك اند ( ترا المشوار بحدود ساعه على طريق الرياض - سدير - القصيم ) مخرج ( 11) مخرج تمير ومبايض تدخل بعدها تمير وتطلع منها لمبايض وبعد مبايض بشوي يجيك طريق الشحمه صراحه حنا عائلتنا كل سنه مخيمهم هناك وانصحك تسبقهم وتحدد لك موقع من الحين لان متوقعين زحمه خلال الاجازه وودك تحرص على الدمث خشية الامطار سبحان الله وروضة الخشم من هالمكان قريبه جدا يعني بامانكم تمشون وتروحون تقهوون فيها عصريه وكذلك الارطاوي قريب وروضة ام قصر الله يونسكم يالعافيه ..



:good2::good2::good2::good2::good2::good2: