أفيدوني أبي أشتري سيارة وأبي شوركم

[frrwan]

السلام عليكم
يعلم الله بأني أرتحت لكم يا أعضاء مكشات وأعتبركم مثل الأخوان ...
أفيدوني أبي أشتري سيارة وأبي شوركم وأهداية الله ..
هل أشتري فورتشر (تويوتا)
أو أشتري متسوبيشي .. طبعاً الموديل 2009
لأني ناوي أخذها جديدة أن شاء الله ..طبعاً تاجير منتهي بالتمليك ...
ما عندي كاش .. راحت بألأسهم ...
والسلام عليكم ...

[راعي صملة]

هلاا باخونا
مع اللي في بالك فكر بالبرادو 6 سلندر

الله يطعمك من خير نصيبك ويكفيك شرها

[cute]

خذ باجيروا اقصاد بسعر الكاش هذا عرض مسوينه على موديلات 2008
وبيني وبينك بالنسبه لي افضله على بيبي الاند الفورتشنر هذا رأي شخصي

[frrwan]

جزاكم الله خير ... أشكر مروركم وأعتز بمشورتكم .....

[arrow]

رايي انا :

( مد رجلك على قدر لحافك )

لاتتكلف مالا تطيق .......

[في اكس ار]

انا رأيي اذا كنت دايم تطلع للبر لا تاخذ مستوبيشي

وذا كنت مقصد مقصد يعني خربانه

خذ لك قرض واشتر لاند كرزوز حتى لو كان 2003
ولولا اختلاف الاراء لبارت السلعه والله يوفقك انشاء
ويعطيك من خيره ويكفيك شره مقدماً

[فوتغرافي]

التوقع تويوتا مستعمل مثل الجديد احسن والأفضل اقصاد من اي بنك بدون التأجير المتهي بالتمليك لأن فيها حكم انه لايجوز والله أعلم وايظا لأنك تقول خاسر بالأسهم كفايه تزيد على نفسك خسارة بسيارة وكالة لأنها تنزل من قيمة السيارة مباشرة الجديدة والمستعمل الجديد عداد اصفار ممكن احسن .كلامي صحيح؟

[ياليل خبرني]

من رايي انصحك بجيب الفورتشنر
تقبل تحياتي وتقديري

[mmm998]

أخوي الله يرزقك من واسع فضله , بنسبه للميتسوبيشي الوالد الله يحفظه شاري جيب (ناتيفا) نفس حجم الباث فايندر وايضاً نفس حجم الفورتشنر , بنسبه لاستعمال (الناتيفا) حلو للي تطالعات ماهي كثيره أوبعيده وايضاً حلو داخل الديره مايصرف بانزين , وسعره 2008 الي مع الوالد 78000 الف ولآن أرتفع سعره على حسب علمي أنه وصل 84000 الف ... وماكينة الناتيفا نفس ماكينة الجيب الباجيرو قوتها على ماأظن 3500 , 6 سرندر , وقير تماتيك , وهو الأكثر طلب في نفس الوكاله ودليل أرتفاع سعره , وأنا أنصحك اذا عندك عائلة لاتشري الجيوب الصغير , وأن أقول أستخر وستشر .. وشف المناسب لك والقسط أقل
والله يوفق ....أرجو أن أكون قد أفتك .... ولاتنساني من صالح دعائك ..

[سوسة حطب]

أنت تقول أرتحت لكم وأنا أقول أنت زي أخوي وتبي الشور أترك عنك التقصيد وعوار الراس وفكر منت خسران ( ما قضبته فكله أنت وبزرانك ) أفضل من أنك تقصدلك موتر وأدع ربك أن الأسهم تزيد أو يعطى لك مواطن في هالجو الزين (جيب 2008لاند ) بس للطلعات وملاحق السيل

[السنع كله]

قيمة ماستشتريه او ماستدفعه هو قيمة سيارتين واذا تبي شوري انتظر ولو شهلر سترى اسعار ماتخطر لاحد ببال واخيرا ددسن مقربع نقدا افضل عندي من جديد اقصاد والله يدلك على ماينفعك0000أفيدوني أبي أشتري سيارة وأبي شوركم وأهداية الله ..لو قلت اب شوركم بعد هداية الله لكان اولى لان العبارة فيها تسويتنا معه _جل في علاه _

[فهد العيد]

(تويوتا)
وبس

(نوكيا)
وبس



هذا لي مشي في السوق


تقبل مشوارتي

[فوتغرافي]

نعم يافهد العيد

كلامك اكيد صحيح وخير الكلام ماقل ودل

[بيبسي]

لا تتتعدى التويوتا شيك بعد الاقساط بتلقاه جايب لك قيمه تستاهل والفرق بالبيع بيكون كبير بين الباجيرو زالفورتشينر

[Cyber]

وعليكم السلام تبي العلم ؟اصبر لاتشري الحين... اليوم رحنا للبيان نبي ناخذ موتر لاخوي ورفض راعي المعرض اننا نشتري.. بحكم المعرفه يقول اصبروا

[hightech]

مدام الدعوى اقصاد وخسران في الاسهم اصبر شوي ويفرجها اللة

[شلاقي]

والله اخوي انا اقترح تنتظر .. يقولون بترخص السيارات بعد العيد .. الله يبلغنا خير