عندي صور لعنيزة بس كيف انزلها ؟؟؟؟؟

[مكشات عنيزه]

السلام عليكم

يالربع عندي صور للامطار الي نزلت على مدينة عنيزة وبالتحديد (المصفر او الغضا)

ووقت الصور بعد وقوف المطر فجر الخميس مباشرة

الصور جميله الصراحه وتنعش القلب وتبشر بالخير

بس عجزت احملها على موقع مكشات

ياليت احد يفدني بطريقة التحميل ولكم جزيل الشكر

الصراحه تراني ما نشرتها باي منتدى


ما يطاوعني قلبي انشره بأي منتدى قبل مكشات

[نسائم الخريف]

الله يحييك يا مكشات عنيزه
..
بالنسبه لتنزيل الصور اسهل من فتح الصفحه واتبع الخطوات اللي راح اذكرها لك
1 ) تكون الصوره اللي بتنزل موجوده بجهازك
2 ) تفتح موقع التحميل اللي بهالرابط
http://www.a7bk-a-up.com/
3 ) بعدين اضغط بزر الماوس الايسر على كلمة تصفح الاولى من الاربع يطلع لك مربع فيه البرامج والصور اللي انت مخزن في جهازك
4) ابحث عن الصوره اللي بتنزل و اضغط مرتين على رابط الصوره بجهازك بالزر الايسر للماوس بينزل رابط الصوره على طول بالخانه اللي بصفحة تحميل الصور
5) اضغط على كلمة تحميل وانتظر دقيقه حتى يتم التحميل
6) بعد التحميل ضلل الرابط الموجود بخانة كود المنتديات وضغط الفاره يمين بعد التضليل وسو قص للرابط
7 ) سو لصق للرابط في مشركتك اثناء كتابة الرد او الموضوع الجديده
وكونك جديد بالعمليه يحتاج منك لصبر وتجارب حتى تتقن العمليه وسو موضوع جديد او رد على احد المواضيع وجرب في اي صوره عندك وسو معاينه وكرر العمليه وانتبه لا تضغط اعتماد المشاركه كرر معاينة المشاركه عدة مرات
وفي حالة كون الصوره تطلع بالمشاركه كبيره تحتاج لعمليه اخرى لتصغير الصوره قبل التحميل ألغ المشاركه وصغر الصور
.
.
اذا كانت الصوره كبيره كيف تصغرها بواسطة الرسام ولازم تعرف طريقة تصغير الصور لانك بتحتاجها كثير
احينآ تنزل صوره من الجوال وعند التحميل تصير كبيره مثل بعض المشاركات
..
وطريقة التصغير كالتالي
تضع الماوس على الرابط اللي يفتح الصوره في كمبيوترك وتضغط زر الفاره يمين وتختار فتح بواسطة وبعدين تختار الرسام وتضغط الماوس يسار
تفتح صفحة الرسام وفيها الصوره اللي بتصغر
تروح فوق على اليمين كلمة ( صوره ) تضغط عليها تطلع القائمه تختار ( تمدد/ انحراف ) تضغط عليه بزر الماوس الايسر يطلع مربع التحكم
بعدين تتحكم بحجم الصوره من الخانتين اللي فوق بالمربع التحكم
و تخليها بدال 100 % تخليها 50 % كل الخانتين وتضغط موافق تصغر تجرب عدة ارقام ألين تصير بالمقاس اللي تبي بعدين تخزن الصوره باسم تعرفه وتصير جاهزه للمنتدى

وايضآ العمليه تحتاج صبر وتجارب وممكن تجرب اي رقم للتصغير ويا ليت تجرب في الصوره اللي نزلت تصغرها 80 %
بس تحتاج صبر في المحاوله
وارجو ان تتمكن من التحميل

[أبوياسر12]

ما قصر نسائم الخريف معك

عطنا عمرك وودنا بما عندك

وانتظار جديدك

ومشكور على حرصك

[مكشات عنيزه]

ما قصرت اخوي نسائم الخريف وبيض الله وجهك

ولايهون اخوي ابو ياسر

اتظروا الموضوع الجديد ان شاء الله قريبا

[بطن الحصان]

بسرعة يامكشات عنيزة

بأنتظار الصووور على أحر من الجمر

عساك مصور بطن الحصان .؟؟؟؟