وش رايكم في شراء فورد اكسبلور

[هبت الريح]

:confused: "مشورة في شراء سيارة":confused:


ناوي اشتري فورد الكسبلور 2008 وش رايكم والشركة حاطة عرض علية هل تنصحوني ان اشترية او لالالا.

[مدهوش]

طع شور أخوك والله إنه مشروع فاشل خلك في الياباني فقط (جودة وسعرة فيه)

[سعد الاحمد]

اكسبلورر سيارة جيب مريحة وما فيها كلام ..

انا معي واحد 2007 ورحت عليه وجيت وما شفت من ربي شر والحمد لله

توكل على الله واشتر وانضم معنا في الرابطة ...

والناس هوايات ..

فيه ناس بيقولوا لك الياباني احسن وناس يقولون الامريكي احسن

وهذا من اختلاف الآراء بين الناس وهذا امر طبيعي جداً

ولكن نرجع ونقول ان القرار لصاحب الموضوع ..

انا من واقع تجربة اقول خذه وتوكل على الله ..

[هبت الريح]

:p اخوي مدهوش هل انت جربت السيارة وبعدين انا بستخدم مالي نية بيع .

[ابوعبدالله 2]

هب الريح توكل على ربك والله انه تمام والسياره على حسب استعمال راعيها لاأحد يجي يقولك خذ ياباني او امريكي اهم شي انك تحافظ على السياره وتعطيك عمر مديد بأذن الله وأنا اقولك من واقع تجربه بالأكسبلورر والله انه على كيف كيفك من ناحيه سعر وشكل وقوه بس اهم شي تكون انت مقتنع من الشراء على شان تكون مرتاح فيه بعد ماتشتريه ؟؟؟ وتحياتي لك ولجميع رابطه الاكسبلورر

[ابوسفرجل]

انا مجرب 2004 وكان فيه عيب القير فيه صوت وطقه والظاهر انهم حلو المشكله وخلوه قير ارضي اقوى . السيارة للعائله الصغيره جيده مقارنه بسعرها وبمواصفاتها مافيه سياره يابانيه مقاربه لسعرها بنفس المواصفات . الباث فندر وصناعته امريكي وقير تماتيك . البرادو ال4 سلندر مقارب سعره للاكسبلورر وبدون مواصفات . اما بالنسبه للبر فهو يمشي حاله والتغاريز القويه مايصلح لأنه واطي شوي خصوصا من الخلف يتعلق بسرعه . لكن في الخط جيد جدا وهو افضل من السيارات الصغيره مثل الكابرس والكراون فكتوريا . واذا بتشري كاش بحدود قيمته فنصيحه لوجه الله دور لك جيب تويوتا نظيف ابرك لك في الاستخدام والبيع .

[مدهوش]

بكل مصداقية وبدون لف ودوران انا شخصيآ ما جربتها لكن عندي ثلاثة من الزملاء بالعمل معهم فورد إكسبلور واحد 2003 فل كامل وواحد 2005 وواحد 2007 الحقيقة كانت تعليقاتهم حول الجودة والتعليق الرياضي في البر والطلعات الخفيفة فقط بالإظافة إلى الخسارة الواضحة عند البيع حيث ان صاحبنا راعي 2007 قرر يبيعه وتفاجىء بان الخسارة موجعه وبدل رأيه ولم يتكلمو عن الإستخدام داخل البلد او السفر ولكن مثل ما قال اخوي سعد الأحمد إن المسألة آراء ورغبات وانا نقلت لكم ما سمعته والله يدبرك على الصالح (ورضى الناس غاية لا تدرك)..

تقبل تعليقي و مروري

[هدد4700]

انا توي شاريه 2008

الحمد لله موتر مريح ما جربته بالبر عشان افيدك

[الفتى سندباد]

لن تندم بإذن الله إذا أشتريته
والقرار قراراك ..

[السنع كله]

اذا مقتنع اصبر للنزول بقيه00 والعروض التنافسيه بين الوكلات لم تبدأبعد0 يابعدي العجله لاداعي لها والله يكتب لك مافيه الاصلح

[هبت الريح]

مشككككككككككككو
للاخوان على الردووووووووووود؟

[عاشق البسمه]

انا لي فترة ... وأنا أسأل عنه وأبي أحد يسبه.... لكن كلهم اجعو على انها سيارة

[أبوسلطان1]

وش جاب الفورد عند التويوتا في المقارنات لاقوة ولا وجاهة والي يدلك على السلع أثمانها
الكلام من الي يقدر على التويوتا الجديد حجز وشهور علشان ياصلك والمستعمل النظيف غالي يسمونه مقارنةبين السيارات الأخرى في البيع والمشترى( الشيك المصدق .)

[hightech]

انصحك تصبر شوي فيه احتمال واشاعات ان اسعار السيارات بتنزل

ان شاء اللة وذيك الساعة اللة يوفقك في اي سيارة تبيها........

[لبيد بن ربيعة]

توكل على الله اخي الكريم سيارة مميزة جدا مقارنة بسعرها المنافس

عيبه الوحيد انخفاض ارتفاعه قليلا وضعف مرونته
ويمكن حلها بتغيير حجم الكفرات إلى حجم اكبر قليلا مثل 265/70/17 أو 165/65/17
وبإذن الله لن تندم على شراء السيارة وتقبل تحياتي

[همام3]

السيارة معي حلوة -والحمد لله - ومريحة
وحليوة في البر
لكن إذا أنت راعي بر بجد ما تصلح مثل قوة الياباني
السيارة دلوعة شوي ومريحة
وأنا في الخدمة إذا تسأل عن شيء.

[ابوتركي666]

السلام عليكم
السياره مافيها كلام يعني تقوم مقام الي مايقدر على التايوتا
بس فيه عيوب وهي انه لايتحل الحمول الثقيله مثل لوفيه تانكي ماء وعزب والعائله كثيره يعني الموتر حمل ومسكة خط يتأكل الرمان الخلفي اما إذا عائله طفل اواثنين وحمول خفيفه يتحمل نفسه نفس الباثفندر 2005 وتحت
من وجهة نظري تأخذلك تويوتا اونيسان اظمن لدراهمك فرتشينر اوباثفندر او كستيرا
الان طاح 8000 أصبر لك نصف شهر يمكن ينزل زياده والقرار قرارك

[Blazer 91]

فورد ؟؟؟؟
اشتر لك قرد احسن

هههه المعذره لكنه خساااااااااااااااااااااااااااااااره

روح المعارض وشوف كم يسوا 2006 2007

وبعدين في البر يفشل مابه حيل

تحياتي

[ابو حمد 24]

تكفى يالحبيب لا تتوهق وتشتري أي سيارة أمريكية تكفى تكفى والله أنه مثل صناعها غدارة

[باترول 585]

اخوي تبي نصيحتي

خلك يا التايوتا عندك الفورشنر وعندك البرادوا

والله ياخوي ازين لك من الفورد

وتبي سيارة زمن ماااالك غييير التايوتا


تحياتي

[فوتغرافي]

فرد للولد وللوالد توكل على الوحد الأحد ولاتقول ابغى اغيره جيب يالحبيب ولازم تجرب الثمانيه سلندر و السته سلندر حتى ماتغيره وبيرزقك الله بالتبغى وشوف الألون الفاتحة مثل رصاصي سماوي كانك تبغى تشتري وكالة و يكون في علمك بعضها تجي اكس ال يعني كبير لاتقربها وفيه بدون دبل انتبة ولاتشيل امريكي يمكن حرارة وماشي واجد ويتعبك يالغالي وتعرف احسن شي بالفرد مافيه صرفية بالبنزين و عند حاجتك للصيانة عند اقرب ورشة والقطع الغيار اصلية من الوكالة تقول يابلاش ماشاء الله والمستعمل غالي ايام الجيوب وسع صدرك فيه ولاتشيل هم السعر لأنه جيب ويستاهل دق سلف الجيب وتمشى وانت مرتاح انا اقول كلامي من يوم ركبت فيه مع واحد شاريه ونظيف وفل كامل مأتوقع فيه احسن منه ممكن والله اعلم وافضل الموديلات 2007 2008 كانك ماتبغى الجديد موديل 2000 وفوق بس سعودي خليجي ولك الخيار وانت الرابح والله يرزقك وبارك الله فيك ووفقك رب العالمين





الجيييييييييييييوب.....

[طبعي شمالي]

ليه ماتشتاري تاهو 2007 مستعمل فل كامل ... يمكن حدود 90 الف كاش

يابلاش واذا تصبر شوي بينزل اكثر واكثرررر

الامريكي بينزل لاتستعجل

[الفتى سندباد]

فورد ؟؟؟؟
اشتر لك قرد احسن

هههه المعذره لكنه خساااااااااااااااااااااااااااااااره

روح المعارض وشوف كم يسوا 2006 2007

وبعدين في البر يفشل مابه حيل

تحياتي


أشتري "قرد" وأنا مقتنع فيه
ولا أشتري موتر علشان علامته فقط ( ؟؟؟؟ )


بعدين أنت جربته بالبر حتى تحكم عليه ؟؟
وإلا تبغاه يأخذ "بليزر" علشان يعلق حتى بالمطبة


يا صاحب الموضوع الناس نفسها أللي تذمه
ما تذمه لأنه "اكسبلورر" تذمه لأنه أمريكي
وبتحصلهم في كل مكان وزمان


والتجربة خير برهان .. رح جربه وانت بتحكم

[نجم الصداوي]

... مـــا أديـــن الله بـــه أن هـــذا النوع من سيارات فورد..أقرب وآحد للتخبييييط...!!!مكينة...ما كو مكينة...(( إرررررهــــاف))..
... والله إني أعرف أكثر من وآحد خبط معه ها الأكسبلور ..لا وموديلات جديدة..لايغرك إنك تعرف إنه سلك مع فلان أو عـــلان وما خبط معهم أو رفع الضغط عليهم......ولاتقول صيانة وإلا إهمال...هذولا أنا أشهد إنهم يحشمون السيارة مثل ما البدوي المليان يحشم نــــاقته...!
..
...شوري عليك...إنفذ بجلدك...ولا تخسََــر و تضيع دراهمك...
...
..وبكيفك...أنت طلبت رأي..وإحنا قلنا...عسى ربي يوفقك لما فيه خير نفسك..وأن الله لايردك للي ما تبيه...

[أبومزنة]

والله انكم تحيرون الواحد ..

مافيه رد مقنع !!! يا أبيض يا أسود !!!

ياليت يكون فيه تفصيل أكثر .. وذلك بالنظر لطبيعة الاستخدام .. وكذلك مقارنة سعر السيارة بغيرها ..

انتظر الجواب الوافي لاهنتم ..

[ahmad995]

سيارة عائلية حلوة جدا
لكن ما تصلح للبر لانه سريع التفكك وحساس

[فورتشنر2008]

استفد كثير من التعليقات جزاكم الله خيــــــــر

[ابوطشاش]

أعجبني رد الي يقول غداره مثل اهلها الامريكي غدااار

[كشات 64]

اشتر ياباني و خلك من الفورد

[كشات 64]

انا معي 2006 و ما كمل 400 الف كم وبس تصلح و بس صناعيه و انا ماني راعي بر بس خطوط و جنني