الي عنده خبره بالبوالين

[مجنون Patrol]

مسائكم الله بخير ومبارك عليكم الخير والله يجيب الخير زياده

مااطول عليكم ياشباب ابي اسال عن كفرات البوالين وخاصه نوعية الشاهين هل هي ترفع الموتر مثل الياي وهل وقت المطر ماينفع خاصه اذا كانت الارض ملساء او مرتفعه يعني لو سمحتوا ممكن تغطية كامله عنه لاني ناوي ان شاء الله اشتريه معي باترول 2008 بس كلام الناس يخوف قلنى نسال اهل الخبره هم ادرى

ماعليش طولت عليكم
:confused: :confused: :D :D

[مجنون Patrol]

وش دعوه 18 مشاهده ولارد واحد

طيب ولو جبر خاطر

[الرسام]

اخوي في مواضيع حول كفرات البالون ابحث عنها تجد ما يفيدك

[الرسام]

هذا الرابط يمكن يفيدك
http://www.mekshat.com/vb/showthread.php?t=89466
الموضوع لاخونا ملاعب الريح

[الهدد1111]

السلام عليكم
افضل كفرات دانلوب نقشة شاهين 245-85-16

[ابو سعد 1]

السلام عليكم
اخوي البوالين افضل كفرات خصوصا انها راح تنصب موترك وايضا هن لينات بالنفود بس عليك بكفرات بلون ماكسس 900 وخذ 8 غاط وتراها جدا مريحه انا اقارنها بالبرجستون الين بكثير اما عن الرساوه انا صراحه فرقت الرساوه يوم كان معي باترول 97 ربع ماكان راسي صراحه بس جرببتها على السوبر سفاري جديد ومش الله لا يعلا عليها عيبها الوحيد اذا امطرت افضل لك ما تتحرك لين يوقف المطر

[مجنون Patrol]

الرسام والقبطان وابو سعد1
يعطيكم الف عافيه علي الردود وماقصرتوا علي المرور

[بـلـيـهـان 1]

البوالين شكل هيبه منظر نصبه
فالبر تعجبك اذا نسمت خلاص انسى تغرز :) :) < اسلوب مبالغه
فالديره ما هي حلوه و ما تمسك بريك مضبوط و مش حلو فالمطر

[بالون]

ياخوي شف اسمي واقتنع انا ماركب غير البالون رمل ممتاز حصى ممتاز ولو تمشي عليه وفيه عشرين الهواء مستحيل ينسم او يحتر ياخي غير البالون مافي كفرالباقي خرابيط ولين جنبها وتتفقع وغاليه على غير سنع والبرجستون يكسر موترك لو فيه عشره >>بالون بالون وبس

[ابو باسل]

ياخي ركب بالون ماكسس ممتاز جداً انا مجربه حط 20 بالكفر وأنس التغريز والبطانيج ، مشكلته انه ينسحل بسرعة
وبعد تركيب الماكسس تراي ابي ابيع الدبل حقي

[ALG7REEB]

كتبت لك رد طويل فيه كل ايجابيات وسلبيات البالون اللي أعرفها تقريبا 14 نقطة .. لكن الجهاز علق وراح الرد ..
لكن الزبدة ( إذا انك تبي تطرب ركب بالون .. واذا تبي تحفاظ ع الموتر لا تركب)

وسلامتك

[بن شمروخ]

شف يالغالي البالون يتسحكن بسرعة ومشكلته في المطر اذا بتهدي لا تضغط بريك .
هدي بالنمرة ... نت ثالث الى ثاني وفوق هذا زلقاااان ....
لكن في النفوود يعجبك في الحصى يبهرك ومريح ...
لكن بالرساوة لك عليه شوي وفوق هذا يجي فضاوة بالدركسووون ...

لكن اذا كنت رجال مطيووور وتحب السرعة واللفات بقوووة ....لا تركب لانه خطر جدا
اما ان كنت تكانة وراعي بر ركب بالووون.......................... ولا تشاور

[بيبسي]

بصراحه انا ركبت افضل شي سيام تاير صح رفعت الموتر وصار رزه وبالنفود زين بس عانيت من الرجه صارت السياره ماتنبغى كرهتها رجه بالدركسون رهيبه وسويت ترصيص كم مره وباكثر من ميزان ومانفع والعيب الثاني الثقل يعني بتلاحظ السياره تغيرت عليك وصارت ثقيله مو مثل اول قومتها خفيفه العيب الثالث انها تزحلق بالمطر والمويه ولا هيب راسيه .. اذا تبي كفرات زينه خذ دنلوب الدعسه الناعمه الرفيعه اللي مثل الشاهين اتوق مناسبه مقاربه لشكل البالون ورفيعه

[تركي98]

انا معي سفاري 99 وكنت مركب بالون وصراحه ماجازت لي ابد ..اولا مافيه رساوه ابد الموتر يلعب بالخط..وثانيا رجه رهيييييبه تحس الدركسون بينطلق من يدك ..ثالثا ثقل الموتر يعني كنك تسحب معك تانكي ماء اعرف اني امسك خط القصيم الدعسه كلها امشي 150 وبعد ماركبت تويو ينزل تحت 180 :)..رابعا بالمطر كنك تمشي على صابون مهب على ماء..خامساء فضاوه بالدركسون خفيفه.

لكن مميزاتها تنصب لك الموتر تخليك ماودك تلتفت عنه ابد وتبتل تدور عليه وتصور من الخقه هههههه

وبالبر مامثلها حط هواها 20 وفك عمود الدبل منتب محتاجه وتنكس بالنفود...وبالحصى قويه وتتحمل..لكن هالمميزات تغطي عليها عيوبها اللي ذكرت لك .

عاد فيكتها انا الحين وركبت تويو ومشاء الله رساوه وراحت الرجه وراحت فضاوة الدركسون وخف الموتر حسيت بفرق كبير.. وزينه بالنفود وبالبر يعني تقوم بالواجب..<<==== هذي تجربتي وانا اخوك وان شاء الله اكون افدتك ويفيدونك باقي الاخوان.. تحياتي للجميع

[مجنون Patrol]

مشكور لاخواني من دون ذكر اسماء علي المشواره طبعا ان معي كفرات دنلوب الي يركبونها راعي الشاص والربوع طبعا مريحتني واجدن خاصه بطريق والبر بس عيبه الوحيد ان اذا بغيت اسافر عليه مو مريح مثل الكفرات العريضه بس هذا عيبه الوحيد قلت اجرب البالون

ومشكورين علي الردود جميع

[بيبسي]

خلك على الدنلوب احسن ؟؟