عطوني رأيكم الله لا يهينكم في (السفاري)

[فهد الحمادا]

السلام عليكم ورحمته الله وبركاته


اخواني اعضاء وزوار مكشات


عطوني رأيكم الله لا يهينكم في (السفاري)باترول


هل هو مريح ,صرفيه البنزين ,عائلي ,مشاوير ,وسعره بالسوق كم .(وهل فيه تنسيم مع النوافذ)


ارجوا ان تفيدوني لا هنتم

[ابو عبد المحسن 1]

اخوي انت ناوي تشري جديد وإلا مستعمل ؟ كانك ناوي تشري جديد أنابعطيك تجربتي معاه ، بسم الله نبدا ،، شريت سفاري 2 موديل 2007 جديد ب 133000 وقعد معاي اقل من شهرين ومشى 5000 وبعته على طول لأن السياره بصراحه ماجازتلي ابد وتحسفت اني شريته وبعد ماجربته اتضح لي الأتي : -
1- السياره مريحه جدا وطارتها خفيفه ( كهربائيه ) .
2- من ناحية الصرفيه ، الموتر بيلك تشتري معه محطه بنزين :d !!
3- من ناحيه القوه السياره عزمها ممتاز ( 4800 ) وخاصه بالنفود ولكن بالمطانيج والأرض الجلد السياره انواع الأصوات والطقطقه من الأبواب الخلفيه والأبواب الجانبيه تهتز مع أني أمشي بسرعة بسيطه
4- مع الخطوط تحس ان الموتر ما هو راسي والدركسون يلعب بيدك يتماوج يمين و يسار كانك راكب سفينه .
هذا رأيي وانطباعي وقبل كل شي أنصحك تستأجره وتجربه بعد كذا تحكم عليه وقبل كل شي يااخوي عليك بالإستخاره .. وأذا تبي شي تراي حاضر .

[فهد الحمادا]

مشكور على الرد والمعلومات .

وانا ناوي اشتري مستعمل 2007 او 2006 بس على قولتك بستأجر واجرب وبعدها اقرر

مره ثانيه مشكور على الرد

[طبعي شمالي]

اشتري فل كامل .. افضل لك
اذا تبي رفاهيه اشتري سوبر سفاري فل كامل

[mostashar15]

كم سعر السوبر سفاري فل كامل 2007 او 2008 استخدام حشمة

[الرزق من الله]

السلام عليكم ورحمة الله وبركاته
اخوي الغالي بالنسبه لسفاري ما اعتقد انه في انسان استعمل السفاري كثر ما استعملته انا
يعلم الله انى الحين لى اكثر من 17 سنه بأستعمالهم ولا شفت منهم الا كل خير والله يبيض وجه من صنعهن
السفاري سيارة مابعدها سياره استعمال بالبر وبالطريق وسيارة عااائليه من الدرجه الأولى مافيه اخف من نفسه وأحلى من استعماااله
انا جربت الموديلات الجديده من الفين وخمسه وطالع والصراحه موااتر لكن من الفين والثنين حتى الفين واربعه افضل بكثير منهم وارسى الف مره

بالنسبه لصرفية البنزين الباترول معرووف من خلقته انه يصرف بنزين اكثر من الاندكروزر بس صدقني حلااااال عليه

انا مستعد افيدك بأي شي عن الباترول من ناحية اعطال ومن ناحية محركات وتجهيزات وحتى لو بغيت تشتري ابشر بأي شي تطلبه طال عمرك

وأيميلي تحت امرك

xxabo_ngooodxx@hotmail.com

وسعر الفل كامل استعمال حشمه 2007 تلاقيه من 115- 120
2008 تلاقيه من 125- 130
ملاحضه الاسعار هذي عن لون الؤلؤي

[العاير]

الموتر موتر بر عائلي ما اظنه

[سابربن فلاح]

الله يجزاكم خير على المعلومات .
اخي الفاضل / الرزق من الله
انا توني شاري سفاري 2009 رقم واحد قير عادي
لكن لاحظت ان السيارة اذا كانت واقفه ولفت الطارة لفه كاملة او اقل تجد الموتر ما يجاوب صح ويصير ثقيل
بعكس السيارات الاخرى هل هذا امر طبيعي
ام طقطقة الباب ( باب السائق ) واضحة في البر والسيارة ما ما مشت 150كم

[يريور عيمان]

انا عندي سفاري 2010 و خذها مني من غير تعصب
1 الراحة : الحمدلله الراحة لا بأس بها و اشوفها مناسبة
2 صرفية البنزين : الصراحة هذا عيبه ان يصرف كثير بس كل شي له ثمنه و السفاري ذا ثمنه ^^
3 عائلي : نعم هو عائلي و للبر في نفس الوقت
4 مشاوير : ينفع لكن مزعج خاصة اذا كان قير عادي الضغظ يكون عالي اما الاوتو مريح و الضغظ نازل
5 سعره : يفيدونك اهل الخبرة بالاسعار
6 تنسيم من النوافذ : ما في سفاري ما ينسم كل السفاريات تنسم بس كل واحد و نفسيته انا ما يزعجني التنسيم و غيري يزعجه و هكذا
اتمنى اني افدتك بتجربتي مع السفاري

[ابن عكاش]

السفاري والنيسان عموماً يغلب عليها قاعدة كل شي توافيق يعني بعض الناس يشتري سفاري ويجلده في البر والديره ولا يشتكي منه وثاني يبهذله بهذله خرابات ومشاكل والنتيجه هذي اخذتها من هذا المنتدى الشامخ من خلال تجارب الأعضاء ونصايحهم
وكذلك تجارب اقاربي والزملاء
نصيحتي لك استخر وجرب الموتر وتوكل على الله