ناوي سيارة..وما نستغني عنكم..

[هاوي بر12]

السلام عليكم..

اخواني الكرام- ناوي بإذن الله شراء سيارة فورد اكسبلورر ..

والسيارة في بالي من زمان..واشوفها منتشرة بشكل واسع مع الناس ...

ولذلك ما نستغني عنكم اخواني اعضاء المنتدى الغالي بنصايح عن السيارة من اول ما استلم السيارة من الوكالة وكيفية الصيانة وخلافه..

والله يوفق الجميع لما يحبه ويرضاه..............؛

[ابو عبد المحسن 1]

والله يااخوي كان تبي الشور لاتتوهق بالفورد خذلك بقيمتها برادو والا فورتشنر أفضل لك ،،،
والله من وراء القصد

[ابو ريماس2]

اقول الله يوفقك السيارة طيبة والجديد طيب لكن مثل ما تفضل الاخ بقيمتها تشتري من تايوتا ولاتندم ان شاء الله سوا Gxاو برادو او... لكن نقول الله يوفقك

[هوى الشرق]

التيوتا ما به مثله ابد خذ الشور من اللي امجربين كل شي
الله يوفقك

[فاقدخوي]

اذا فلوسك كاش خذ لك تايوتا رغم اني اكره ابو جميل الله يهديه

[هاوي بر12]

جزاكم الله خير على المشاركة...

[ابوحماد]

أخذ الموتر ولا تشاور احد

فيه موضوع في هذا الموقع عن رحلة سياحية من الرياض الى قلب أوربا

وكانت وسيلة النقل سيارة فود نفس السيارة المذكورة

والكل منبهر من هذي السيارة

[الفتى سندباد]

السيارة أكثر من ممتازة ما شاء الله خذها ولن تندم واسأل مجرب
لكن لا يزالون "محبي الياباني" يمارسون حربهم على الأمريكي


البرادو في الوكالة أقل نوع وأربعة سلندر "طبعاً النوافذ غير اتوماتيكية"
سعره بـ (102) ألف ريال :confused: يعني بالعقل هل يستحق هذا المبلغ
أبو جميل يحسب كل الناس مغفلين ولو يبيع علامة "تويوتا" لوحدها
بدون سيارة قالوا لك الناس "أشترها" هذه تويوتا وأبعد عن الأمريكي

[فارس القور]

اقوووول مالك غنى عن تويوتا

والي يقول ابو جميل لاتشتري
من ابو جميل اشتر من البازعي

واقوول مالك غنى عن الفور تشينر 6 v جرب والتجربه خير مثال ..

وبكيفك !!

[رماح حايل]

اقــــــــــــول التايوتا تعزكــ>>يااخووووي<<

[adkmz]

سيارة جيدة وخاصة في الموديلات الجديدة

عليك بالاستخارة

[aboyagob]

من واقع تجربه عمي شرا فورد اكسبلور 2007 او 2006 على موديلها وهو رجال كبير موب راعي هبال وكل يوم بالوكاله ..

ما ادري وش مشكلتها ؟؟

لكن الامريكي بشكل عام معروف ان خرباته غريبه يعني ثنين من اخوياي شارين بليزرات 2007 و 2008 كل يوم مشكله مره مكيف والي عنده نظام يفصل ..

اذا انت راعي بر نصيحه خذ لك سيارة معروفه بالصبر منب قايل ياباني لا عند الونيت الجمس الجديد حلو ..

[الفتكي]

السلام عليكم
شوف اخوي هاو بر12 اذا تبي شوري لا تقرب الفورد اخوي اشترى فورد اكسبلورر 2005 وكالة بسمه وانا مشير عليه قبل بسفاري2 جديد 2006م بقيمة 116000 ريال ولا اقتنع بكلامي اشترى الفورد ومحافظ عليه جدا ولا هو راعي بر ولا استعمل الدبل ابدا وطلع فيه صوت بالدفرنس وراح يمهم وقالو عندك الدفرنس خربان لازم تغيره وبعدها طلع من مزاجه وباعه قبل سته شهور بقيمة 55000ريال وبعدها اقتنع بكلامي واشترى جيب

[الفتى سندباد]

السلام عليكم
شوف اخوي هاو بر12 اذا تبي شوري لا تقرب الفورد اخوي اشترى فورد اكسبلورر 2005 وكالة بسمه وانا مشير عليه قبل بسفاري2 جديد 2006م بقيمة 116000 ريال ولا اقتنع بكلامي اشترى الفورد ومحافظ عليه جدا ولا هو راعي بر ولا استعمل الدبل ابدا وطلع فيه صوت بالدفرنس وراح يمهم وقالو عندك الدفرنس خربان لازم تغيره وبعدها طلع من مزاجه وباعه قبل سته شهور بقيمة 55000ريال وبعدها اقتنع بكلامي واشترى جيب


الوكالة بأنفسهم يعترفون بأن "الأكسبلورر"
الشكل القديم حتى موديل 2005 فيه مشاكل

ومن موديلات 2006 وطالع أبرمت اتفاقية بين فورد وفولفو
لوضع خبراتهم بسيارات فورد وأظهرت نتائجها الحمدلله

ما فيه سيارة بالعالم ما تخلى من المشاكل لأن من صنعها بشر
لكن حتى الآن مالكي الأكسبلورر الشكل الأخير قليل من يشتكي منه
وإن أشتكى واحد أو أثنين أو عشرة ما يعيب بالموتر ولا هو مقياس

ما فيه أفضل من "اللاندكروزر" بين سيارات الدفع الرباعي
ومع ذلك "نسيبي" شراه وكالة وبعد ثلاثة شهور باعه وما يمدح فيه
هل هذا يعني بأن "اللاند" موتر سىء؟؟ هي بالأخير قناعات شخصية

[مخاوي قناص]

اخوني انا مستغرب من كلامكم
ان من يضع الامريكي واليابني في مقارنه يغالط نفسه تجاربنا كثيره واحد من الربع يقول كان جاي
عند وكالة فورد يقول تعجبت من الناس الذين يجون يشرون القطع معاهم فوردات مديلات متقدمه 2003
2005 وحتى 2007 تشوفهم
يقول ويوم دخلت واسمع ذاك الرجال يسب ويسخط فالفرد بصوت عالي
ومغبون غبن هائل
واحد يعلمني شرى فرد 97 لاتقولي قديمه رح خذنفس الموديل كامري توردك صلاله
المهم يقول غربلتني بهذلتني طلعت عيني كل يومين وانا فالورش مداوم
ومن كثر خراباتها اصبحت لااهتم بها وتهربدت وطشيتها طش فالحراج بثلثة الاف ريال
يقول والله اني صخفان في حال الي شرها
المهم خذ مسار البلور اذا شريته
3 سنوات يطربك 2 وسنتين ابخرابته يطفشك ونهايتها
طش ثلاث ارباع قيمته ونزله الحراج ويغبنك
هذا علمي واذا اخذته الله يباركلك به واسأل الله ان يلهمك الصواب
تقبل مروري
اخوك
مخاوي قناص

[ZIAD_KSA]

شوف يالحبيب الامريكي مافيه خلاف انه في السنوات الاخيره تغير تغير كثير وبدو الامريكان يفهمون اللعبه صح ما تشوفهم كثرو من السيارات الصغيره الان سيارات فورد وجي ام سي مهي للرفاهيه مثل اول ولاكن سيارة عائلية شعبيه والله اعلم

[العتل]

ياخوي عليك بالفكس وإلا الجكس وخل عنك الباقي
مجرد رإي وانت ورائك