اصحاب البا ث فا يندر الرجا ء الدخول.......

[الجنوبي]

السلا م عليكم ورحمة الله وبركاته
ياشباب الي جرب صيانه الوكاله ارجو منه افادتي.
عندي باث فايندر 2002 ما يعر ف الوكا له بعد 45000 رحت اسوي صيانه شا مله بجده
طلبو 850ريال اجور . وحجز موعد بعد اسبوع . انا شفت ان المبلغ واجد وانا لست مقيم بجده
والان اعاني من ترشيح بالجربوكس بعد سرعه --140
وبعدين البواجي اي واحد يركبها ؟
وزيت الجربوكس لازم حق الوكاله؟
وهل الضمان يشمل الخلل الي بالجربوكس::::
ارجو افا دتي لان الضمان باقي عليه 5000كيلو..
الرجاء الافاده ....................................... الجنوبي

[MOR300]

غريبة انا قالو لي بالرياض ب 450
لكن على 30000

[شايب الصمان]

اخوي الجنوبي : السلام عليكم ورحمة الله وبركاته
الوكاله اذا انك ماعملت الصيانه الدوريه الي هي 1-1000, 2-5000, 3-10000, 4-20000, 5-30000 ,6-40000 ,7-50000 ,8-60000,وهي نهاية الضمان المصنعي يعملون بما يسمى تسويه للصيانه الدوريه وتحسب على انها مجموع الصيانات السابقه في حالة ان السياره تكون سليمه (امااذاكانت فيها خراب او عيب مصنعي يتحججون بأنك لم تحضر السياره للصيانه) 0ولكن الضمان المعروف انه السنه الاولى من المصد الى المصد امابعد ذلك فيكون على الماكينه الجيرات الفرنسات0 ولكن نقطه مهمه جدا جدا جدا وهي في حالة عدم الاستجابه لك ارسل للشركه الام على النت او ايميل مع ذكر رقم الشاصي والوكيل المقصر وراح تشوف الفرق 0 لانني سبق وان صارت مع وكاله من الوكالات السياره كانت ماشيه 5000 كيلو ورفضوا تصليحها على الضمان (والمشكله في البريكات والهوبات وافادوني بأنها من القطع الاستهلاكيه وتكلف 15000الف ريال س0) وفورا على المنصع وبعدها بيومين اتصل بي المدير العام للصيانه وتأسفوا وارسلوا الونش وسحبوا السياره من البيت واعطوني سياره اجار حتى انتهت سيارتي من التصليح وطلب مني عدم ذكر ذلك لاحد والان اعمل معامله خاصه فعند احضار سيارتي للصيانه يسلمونني سياره بديله0
ولما ذكر لاحد الاخوان ذلك ضحك كثيرأ وافادني بأن هذاه من تعليمات المصنع حتى ينتهي الضمان 0 والله الموفق

[شايب الصمان]

تابع للسابق---- المقصود بتعليمات المصنع هي انه العميل يعطى سياره بديله وهى راحة العميل حتى لايخسر المصنع العملاء

[الجنوبي]

الا خ العزيز شايب الصمان
الا خ العزيز mor 300
شاكر لكم مروركم ونصحكم ..

لاكن هل جرب احد صيانه 45000
وماذااستفاد وهل العطل الي بالجربوكس شامل الضمان.
وهل من الممكن الا ستغناء عن الوكاله من ناحية تركيب البواجي وزيوت الدفرنسات
لاني سمعت انها ليست مثل الموجود بالبنشر 90 .............. الجنوبي .................

[Rahhal_xp]

عزيزي الجنوبي،
أنا جربت الضمان في سيارة غير نيسان وكان فيها نفس المشكلة، وديتها الوكالة وصلحوها على الضمان، بس المشكلة إني دفعت قيمة الزيت و الفلتر مع أجور التغيير..أرجو إني أفدتك.

[الجنوبي]

مشكور يا اخي:
ganderone

وين الشباب معقول ما فيه عضو سوا صيانه 45000 للباث فايندر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ساري نجد]

سلاااااااااااااااااااااام

اخوي الجنوبي

انا معي باثفايندر 2001 وصار معي التالي:
كنت راجع من الطايف .... متجه للرياض.... في الصيف
في الطريق صار المكيف ما يدفع هواء.... وقفت على جنب... شيكت على الكمبرسر لقيته بارد.... يعني المشكله في الهوايات

وكان واحد من الربع معه مثل موتري وخرب عليه الكمبرسر ووداه للوكاله وصبدلوه مجانا.... وكان مازال تحت الضمان.... ماشي بحدود الـ 30 الف كيلو

الزبده وديته للوكاله وقالوا بنغير لك الهوايات مجانا... وسألوني ليه ماتسوي التشييك الدوري؟ قلت سووه!!! قالوا تراه بحدود 600 ريال منيب متأكد نسيت الرقم بالضبط.

المهم يوم خلص الموتر واخذته للبيت... قلت خل اشوف وش هم مسوين؟
راجعت الفاتوره وشفت النقاط اللي شيكوا عليها.... ومن ضمنها تدوير الكفرات... يعني اللي ورا قدام والعكس.... الزبده شفت الكفرات والاقيها في محلها يعني ما سووا شي
قلت هذا اللي باين للعين ... اجل وش صاير على الباقي؟؟؟!!!

دقيت عليهم تلفون وكلمت كبير المهندسين وقلت له هالملاحظه؟؟ قال يمكن انهم سووا التدوير وطلع رجه في الكفرات قاموا رجعوها على وضعها الاول- يعني تصريف اي كلام -

الزبده انهم ضفوا الفلوس والله اعلم وش هم مسوين؟

وبالنسبه للبواجي فانا غيرتها في ورشه خارجيه واخذ مني 40 ريال وانا عطيته 50 لأنه بصراحه تعب فيها مررررره


وازودك من الشعر بيت

خويي اللي معه باثفايندر توه مسوي تشييكات واصلاحات:
- تغيير دسك وكلتش في الوكاله
- تغيير سير الماكينه الداخلي في ورشه برا
- تغيير فحمات في ورشه برا
- بواجي في ورشه برا

ويعطون ضمان شهر على شغلهم.... واموره تمام

يعني ودك في الامور اللي تخص المكينه تروح للوكاله والله يعين على الصلخ
وباقي الشغلات الله يخلي الورش

اما مسألة التشييك كل 5 آلاف و 20 و 50 الف هذي انا لي فيها نظر بعد اللي شفته منهم

هذا اللي عندي

والسلاااااااااااااااااااااااام

[ساري نجد]

سلااااااااااااااااام

نسيت اقول لك شغله

انا ماسويت عندهم الا تشييكة 1000 كم

والثانيه يوم خرب المكيف .... تقريبا ماشي 35 الف كم

وعقبها سافههم...... الحين ماشي 90 الف

وسلاااااااااااااااااام

[الجنوبي]

الله يعطيك العا فيه اخوي ساري نجد
لا كن المشكله عندي بالجربوكس
اذا تجا وزت سرعه 140 يسير تهريب القا اثاره في بطن الموتر .
هل يشمله الضمان ولا ياخذو الدراهم ويقولو السبب عدم انتضامك في الضمان.
يعني تشييك 1000و5000و 20000 الخ

[الفردوس]

يا رجال لا تخاف
خلك قوي وجه
ادخل عليهم وانص لك أحد المهندسين وكنك تعرفه
واذا كلموك عن عدم تشييك القديم قل أنا لست ملزم
والخراب توه حاصل وهش عليهم وارفع صوتك ورح للمدير
وراح يمشون معك زي الحلاوة

[الجنوبي]

مشكور اخوي الا سعدي على النصيحه
راح اجرب واشوف .......