يا أخوااااان في فني تربيط سيارات

[تابير]

صبحكم الله بالخير والمسرة
من يدليني على ورشة تربيط زينة وماله الا الأجر ماعندي مشكلة في الورشة في أي مكان
لو هو من ورى صنعا عنيناله ههههههههه
أنا بالكويت إذا في بالكويت واحد يعرفه زين يدلني ولو بالقصيم بروح ولو بالرياض بروح ماعندي مشكلة بس دلوني خلنا نخلص من هالقرقعة أشغلتني والله
ناطركم يالربع الفزعة !!!!!

[abu hlal]

حياك الله

الكويت....فيه ورشه تربيط! اظن اسمها ورشه السوري!

الرياض.....ورشه المرضاح.....والنويصر


وسلامتك

[أبوكلبشة]

الرياض مليانه ورش تربيط واشهرها النويصر

[تابير]

أشكركم على المرور وتعاونكم معاي

[ياليل خبرني]

السلام عليكم
فية ورشة بن مرضاح والنويصر بالرياض بالصناعية القديمة بس ترى سعرهم غالي س شغلهم مضبوط

وعندهم تجهيز مقانيص

تحياتي لكــــ

[مهب ريح]

ياليت من الاخوان الوصف حق ورشة النويصر
وياليت بعد ورشة عليها الكلام وتكون اقل الاسعار
مع خالص شكري لكم مقدماً

[ذيب طي]

نبي وصف دقيق لورشة النويصر الله يجزاكم خير

[ابو سعد 1]

فيه فلبيني بحارتنا (الربوه)يشتغل بشيب مويه ويجونه كل القوانيص معروف هو
اذا دخلت عنده وشفت المواتر تبي تحط موترك وانت متطمن
تراه مقابل الكليه الرياضيه من غرب وسعره قرف كثير عن ورش برا لنه يشتغل لحسابه

[طلو الشمري]

فيه في الغرابي الي في الرياض فيه فني
تقبل مروري

[قناص قصاص]

بالله ممكن تووصف بضبط مكااان الفليبني اللي بالربوه وشكررااا

[الخفاق]

هلا اخوي تابير
انا انصحك بورشة النويصر لانه تخصصه التربيط وخبرته فوق الاربعين سنه على كلام صاحب الورشه وانا جربت شغله ممتاز جدا وافضل من ورشة بن مرضاح بمراحل بس عذروبه انه غالي ووصف الورشه ياطويل العمر والسلامه
تطلع مع الدائري الشرقي مخرج 17 تخش معه بأتجاه الغرب وروح سيده تتعدا اشاره او اشارتين وبعدها بتخش
من تحت الكبري وتجك اول اشره الي هي حقت الصناعيه اتركها وسيد الين يجيك اشاره وفوقها كبري الي هو كبري البطحا اعمل يوتير وارجع بيجيك بنك البلاد خش بعده يمين وبعدها بتجيك اول لفه يسار سيبها وخش مع الثانيه يسار ورح تحصل ورشة النويصر ثالث او رابع ورشه يسار
واذا تهت اسأل اي واحد في الصناعيه على طول رح يدلك
عليها
اتمنا اني افدتك ياالغالي تحياتي

[نسناس الجنوب]

ورشه السفريات بالصناعيه القديمه بالرياض بس سعرهم شوي غالي على امتداد شارع الجمعيه

[Raselny]

فيه فلبيني بحارتنا (الربوه)يشتغل بشيب مويه ويجونه كل القوانيص معروف هو
اذا دخلت عنده وشفت المواتر تبي تحط موترك وانت متطمن
تراه مقابل الكليه الرياضيه من غرب وسعره قرف كثير عن ورش برا لنه يشتغل لحسابه

ياليت تعطينا وصف مفصل لو تكرمت ولو امكن احداثياتها يكون افضل.

[تابير]

الله يعطيكم العافية يا أخوان ونستفيد من خبراتكم
وأشكرك أخوي الخفاق على الوصف وتفاعلك مع الموضوع اللي أنا أشوف إنه مهم
بس أخوي ياليت تفيدنا عن متوسط الأسعار حتى الواحد لا ينغش خصوصا كونه ماسوى التربيط ولا مرة ولا عنده خبره يعني بحدود كم ؟ وأشكرك مرة أخرى وكله في ميزان حسناتك

[تابير]

أرجو الرفع لتعم الفائدة