البوالين ( التفيخات )

[مشغول]

هلا والله بالربع

يالله حيهم

بنشدكم عن البوالين اللي تركب في اليايات وتحافظ على مستوى الموتر يعني لو تحمله ما نزل

وين احصلها فيه ..

اذكر فيه موضوع عن هذه البوالين في مكشات .. لكن ابغى محل تركيبها ..

ولكم الشكر مقدما .

[مهيلان]

اخوي مشغول السلام عليكم

تلقاها سلمك الله عند محل الدفع الرباعي

الموقع مقابل بوابة مبنى الفيصليه الجنوبيه

في نفس المحطه من الخلف

استلمت

شكرا

[مشغول]

استلمت

هلا اخوي مهيلان

الموقع الذي اشرت إليه خلصت من عندهم ومواعديني من شهر ونصف ولا شفنا شيء يقولون في المطار

لكن هل يوجد محل ثاني يركبها

وهلا بك

[الشبارم]

هلا اخوي مشغول

احتمال تحصلها عند الرماية في شارع التخصصي

اخوك

الشبارم

[مشغول]

شكرا لك أخي الشبارم

ما قصرت الله يعطيك العافية

[ابو ســــاره]

اذا كنت تبي الموتر ما ينزل اثناء التحميل رح لم الرماية وخذلك ياي استرالي خلفي وتراهن مقاسات شي 100 كيلو وشي 200 كيلو وشي اكثر بعد وتراهن الاثنين بخمسمية اريال وانا مركبهن من احلى ما يكون .
اما عن البوالين انتبه تراهن مجربات ينشقن باول شجرة تمر عليها كذلك اذا اكلت لك جرف ولا شي ينفجرن بسرعة وللمعلومية البالون الواحد بحدود خمسمية

[مشغول]

هلا وغلا ابو سارة

شكرا على المعلومات الطيبة .

لكن في الحقيقة انا احترت ناس يقولون البوالين ممتازة ولا تركب الاسترالي .

وانت تقول مجربة الاسترالية وتمدحها وتقول البوالين تنفجر .

وش السوات وش الحيلة .

وهلا بك

[البرهاوي]

هلا أخوي مشغول
أسمع الي مجرب البواااااااالين :
ركبت البوالين من حوالي سنه ونصف والحمد لله مناسبه جداً مع سيارتي vxr 2001
من محل الدفع الرباعي 4*4 . أحمل العزبه وأملى تانكي المويه ولا يذكر نزوله . والموتر معاد يدق على الكعكات والدفرنس من رفعه . عقب ماكان يحك في ادنى شي .
المهم بعد فتره قامت تنسم الجهة اليمين شوي شوي والظاهر أن السبب حرارة الشكمان وكل يوم وطلعة اتفخ لاتتفخ وبهذلة. وما قصر واحد من الشباب عطاني بالونه من بالوناته الي فاكها وركب بدالهن ياي أسترالي على كيفك والله ونا أركبها بدال الخربانه ولله الحمد ماشيات بالبركه . ولاكن أخوك على أعصابه كل دقيقه يخاف يوهقنه في أي محل . لأن الموتر يفقد توازنه بعد ما تنفقع أحداهن ولا يستطيع أن يسرع . وأحب أن أوضح إجابيات وسلبيات البالونات من واحد مجرب البالونات.
الإيجابيات :
# تقدر تنزل الموتر وترفعه أي وقت.
# المطاب تخف . ولا عاد تذكر .
# تساعد الموتر بغض الشي على المشي في الأماكن الغير متساويه وتخليه ما ( يتثولث ) مجربها لأن البالون يظغط على الدفرنس الخلفي قدر الأمكان .
# ترفع الموتر بشكل ملحوظ ويكون نزول الموتر عند تحميله بسيط جداً .
السلبيات :
# غاليااااات بـ500 ولا تباع البالونه لوحدها لو أحتجت بديل لسمح الله .
#الكعكات الي داخل الياي تشال مره وعندما تنفقع البالونة يكون الحمل على الياي فقط ويمكن يطير من الموتر مع ادنى مطب الله يستر علينا وعليكم .
# أقصى حد للهوا حوالى 35 وادنى حد 15 ولا تنفقع عليك .
# معرضه للفقع من أي عود شجر او رمل يدخل بينها وبين قاعدة الياي او مطب قوي وانت محمل.
# عندما تنفقع يختل توازن الموتر ويقوم الهواء يلعب فيه وانت على الخط صارت علي ونا مع الطريق ما اتعدىالسرعة 100 .
# فكها صعب ولايمكن الا في ورش خاصة يعني في البر ما فيه أمل تفكها .او أي قرية فيها ورشه صغيرة .
# تتأثر بحرارة الجو والسيارة .
# لا تتوفر لها رقع ولا أحد يقدر يرقعها على كلا م 4 4x ولا عليها ضمان .
# عمرها قصير مثل الكفرات سنتين ثلاث ولاها قاضيه وموهقتك .


أخوي مشغول هذا ما لدي من معلومات عن البالونات وانصح نفسي أولاً وأخواني بالأبتعاد عن البالونات لأن سلبياتها أكثر من إجابياتها .
وأن شاء الله بعد كم يوم سوف أركب الياي الأسترالي فحرصوا على الرقم المناسب لها الذي يناسب سيارتك وعفشك دائماً فحرص على الزيادة لأن الواحد بعد كم يوم يلين الياي وكنه ما سوا شي .
أخوكم البرهاوي تحياتي للجميع .

[مشغول]

أهلين وسهلين ... البرهاوي

تسلم والله على المعلومات الطيبه والتجارب الجميلة
الله لا يهينك ..

طيب الله يحفظك بالنسبة لليايات الاسترالية .. وش المقاس المناسب لسيارتي GXR2001 ولك جزيل الشكر

وبعدين وين القاها فيه وافضل محل يركبها ..

وهلا بك

[ابو ســــاره]

اخوي مشغول الياي الاسترالي على حسب حمولة موترك وعلى فكرة تراى كل ما زاد قوة حمولة الياي زاد ارتفاع السيارة يعنى لو تبي تركب المقاس العالي راح يصير موترك كنه اشبث عالي مره وشكله ماله داعي فانصحك تراكب المقاس الوسط هو الي غالبية الناس اتركبه .
واشترها من عند الرماية الفرع الكبير الي بالتخصصي وركبهن برى عند اي ورشة تعرفها ارخص لك ترى الرماية يركبونهن بمحطة جنبهم واسعار التركيب نار.

[مشغول]

شكرا لك يا الو ساره


منيب شايب .. ؟ !


لكن السؤال زين والتأكد أزين .. والله يعطيك العافية .. وما قصرت .

وهلا بك

[البرهاوي]

اخوي مشغول
ابو ساره ما قصر قال الكلام الي عندي
وتوكل على الله وخير الأمور الوسط .
البرهاااااوي................ تحياتي

[zyz]

فتونا الله يفيدكم