اعتبارا من اليوم زياده 2000ريال بسعر الجيب التايوتا 2009

[ثورة الشك]

على ذمه احد الشريطيه اللي عندنا بالعمل بان فرع شركه تايوتا بينبع قامت اليوم 20/11/1429 برفع 2000ريال على سعر الجيب التايوتا موديل 2009

[Magellan]

تذكرني هالكلمة بأسعار سابك للحديد
يوم كل شوي يعلنون زيادة ويهددون المقاولين فيها.......
هههههه

وأقول:
هذي بداية الإنحدار والحركة ذي إسمها تصريف المعروض لـ2008

[راعي الذود]

كلامك صحيح اخي وبعد الكامري حول 800 ريال زيادة

في الرياض

[راكان المطيري]

وين الي يقلون ان الأسعار بتنزل

الله يستر

[جمعان 22]

الوكالات تحاول القيام بعملية - تصريف - لسيارات 2008

كثير من وكالات السيارات ليس لديها موديلات 2009 .. وذلك للكساد الحاصل في العالم

وحسب كلام احد الوكلاء .... يقول ان هذه الاسعار ( المخفضة عن قبل بسبب الازمة ) ستنخفض في الاشهر القادمة اكثر



الا تويوتا ..يرفع اسعاره هههههههه

يمكن انه نوع من المكر ...والقصد تصريف 2008 كما قال الاخ ماجلان

[خالدالعلي]

احد الاخوان بالامس يقول انه هناك خبر ان اسعار تويوتا سوف تنقص 25% وذلك بسبب الكساد الحاصل في العالم ولذلك اقول للاخوة لا تستعجلون بالشراء الآن لم ليس مضطرا وسوف تتضح الامور خلال الاسابيع القادمة

[راعي انيسان]

صدق اخوي الي يقول بيصرفون 2008


اماهم يقولون بتطيح السيارات


زادوها اشوف

لا حول ولا قوه الا الله

[sasooo315]

الله يسمع منك ونشوف vxr زى اول ب 45000 ريال وكاله

[الربذي]

الوكالات تحاول القيام بعملية - تصريف - لسيارات 2008

كثير من وكالات السيارات ليس لديها موديلات 2009 .. وذلك للكساد الحاصل في العالم

وحسب كلام احد الوكلاء .... يقول ان هذه الاسعار ( المخفضة عن قبل بسبب الازمة ) ستنخفض في الاشهر القادمة اكثر



الا تويوتا ..يرفع اسعاره هههههههه

يمكن انه نوع من المكر ...والقصد تصريف 2008 كما قال الاخ ماجلان

تصدق انها لتصريف فقط عشان الناس يقولوا امكنوا الاسعار قبل الارتفاع ولا رايح تشوفون اصبروا بس ورايح يجيكم مايسركم 00

[ناجز]

ان شاء الله بيكون فيه نزول لاسعار السيارات من 30%الى50%
وشركة GM ربما تعلن افلاسها خلال 3اسابيع
وشركة BMW وقفت انتاج 3 انواع من سياراتها
الله يجيب الخير

[أبوعُمر]

يا إخوان

احذروا

عملية تصريف كما يحصل في الاسهم .

يرفع السهم ثم إلى الانحدار .

[خوي الساري]

الله يسلط عليهم الكساد اللي يخليهم يعرضون الاقساط بسعر الكاش زي ماحصل لهم عام 92

[ابو ناصر 1212]

الركود الاقتصادي بدأ قبل أيام في اليابان
وان شاء الله ينعكس على انتاج السيارات وتبدأ الأسعار في الانهيار

[الفتى سندباد]

الاسعار في طريقها للزيادة يا جماعة الخير

[عا سبيل بر]

وخير يا طير...!! خله يزود لين يشبع


ما نبيها ... خلها له .... الله يهنيه فيها


الناس ماهي لاقيه تأكل وأنتم تتوقعون يشرون سيارات اسعرها في أرتفاع


والوكلاء عارف ذي الشي .. أن المواطن خلاص ماعنده شي أسمه أدخار أو أحلام


وللي يقولون أن السيارات راح تزود أقولهم ( أحلام ورديه أن شاء الله )

[شاهين تميم]

اولا اخوي انت قلت على ذمة شريطي طبعاً اكيد يبي يطبل لصالحه
ثانيا: الشريطية ما لهم ذمة الا من رحم ربي

[متعب الخليفه]

كيف اليابان بتنزل السيارات وعملتها مرتفعه ؟؟؟؟؟؟؟؟

[محب الغيم]

إخواني الكرام

سوق الأسهم علمنا الكثير


رفع السعر حركة استعراضية من ( الهامور أبو جميل )


سبحان الله

هل معقول كل شيء في نزول إلا سعر تويوتا

على مين تلعبها ..

آسف العب العب ...

لأن الوعي في سبات عميق ...

[كبسولة2]

هههههههههههههه

قال شريطي جابلي الخبر

ياحبيبي الشريطي هذا رزقه من صالحه يقولك

الكلام هذا عشان بضاعته يرتفع سعرها

إذا قابلك المرة الثانية قله خير خير إن شاء الله

للمعلومية أيام أزمة الخليج حصل ركود أقتصادي

وباعوا الجيب تقصيد بسعر الكاش

’’’’’’’’’’’’’’’’’’’’’’’’’’’’’’’’’’’’’’’’’’’

الأسعار راح تنزل بعد الحج نزول قوووووي جداً
يصل إلى 40 %
والآن بداية في النزول قبل الأزمة الشاص موديل 2009
بـــ 127 الف والآن بعد الأزمة نزل الى 113 الف ريال
وراح ينزل لسعره الأول 78 الف وهذا هو سعره الحقيقي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
هل تعلم بأن الوكيل بالسعودية
يأخذ الشاص 2009 من شركة تويوتا في اليابان بــ 60 الف ريال !!!!
هل تعلم بأن هامش الربح لدى وكالات السيارات في السعودية
أكبر هامش ربحي في العالم دبل قيمة السلعة بينما يصل في الدول الأخرى
إلى 10 % من قيمة السلعة !!!!

[سيف الظفير]

هذا اسمة احتيال تسويقي من الشركات يا الذيب



والوعد اسعارهم في القاااااااااع :d:d:d:d:d

[ee150]

الوعد بعد الحج ياجماعه

الاسعار بتصير في القاع

بيصير سعر السفاري تقريبا

115000 فل الفل 2009
لان الحمراني ماعنده إلا على عدد الاصابع من السفاري 2009
ودفعته الجديده بتصير بلاش

[ذيب الزلفي]

حركة وراها أشياء مجهولة..
والله يحفظنا وإياكم..

[الاصلي]

اصلا الوكاله ماعنده اجيوب بجميع فروعها لا2008 ولا2009 وش يصرفون بعدين انا عندي سؤل؟ وشلون الجيوب ترخص والحجز بلالاف حتئ لو المصنع رخص المستفيد الوكيل حنا ماراح نشوف رخص والله المستعان

[mmsmm]

اله يكتب اللي به الخير
وانش اء الله ما تنزل الاسعار وااجد >>> توه شاري سيااره ولا يبي سعرها يطييح
اهم شي الاف جي
تحياتي

[أخو هدلى]

والله يالربع إن هالناس مساكين وبس .أنتبهو اللي يبي يشري يصبر شوي , وهالوكالات أمثال جميل والحمراني يبغون يصرفون بأقرب وسيلة , وهذي ماهي إلا على قولة
الاقتصاديين فقاعة صابون ....

وعساهم للدجة هم وسياراتهم , اللي لاعبين علينا فيها
بالمواصفات والاسعار ....

[قرناس صلا]

تكفون لا أحد يشتري جديد

أمتنعوا 3 شهور فقط

شوفوا اسعار الاسهم كيف .. سابك 50 ريال ,, وكم كانت أول؟؟

فيه ركود أقتصادي ,, امسكوا الكاش ,, واصبروا .. السيارات وغيرها مدحدره

[ابوخالد]

الله يسمع منكم ويسهل درب المسلمين
بس اذا رخصة الاشياء اوسيارات مافيه ضرر علينا كامستهلكين بمعنى ان ريالا ماسوى شي ولا شغل شيبان وش رايكم
انا نواي اشتري سيارة وبحجتها بس اذا في نزول اصبر وتصبر حتى تنزل

[صبي غلباء]

انتم عطوني الكاش وشوفو وش اسوي انا اشتري سياره او لا عند كل الاشارات اعلان الجميح اشتر واحصل على هديه بقيمة8500 ريال وامس على جوالي رساله من تويوتا تقول تملك سياره بالايجار المنتهي بالتمليك بدون دفعه اولى يعني كل هذا عشان سواد عيون العميل او حرص على العلاقه مع العميل
زي سابك اول تخفيض 150 ريال تقول عشان العميل
ثاني تخفيض1250 تقول عشان العلاقه مع العميل
امس ثالث تخفيض 800 ريال عشان العلاقه مع العميل ههههههههههههههههههههههههههه
اقول لو يلقون فرصه ذولا اخذو اللي بجيبك غصب بالقوه
لكن جاء اللي اقوى منهم يجون يأخذون اللي بجيوب الناس لو بالقوه ههههههههه اذا لقووو شي طبعا
افهمو الناس مامعها فلوس يعني حتى لو السلعه ضروريه ما احد راح يشتريها حتى لو ماء بيتبخر عند البايع ولا له زبون
وبعد ثلاثه شهور بنشوف من اللي بيصبر من هالشركات الطماعه الحين هم بحاجتكم مو انت بحاجتهم
اجل امس تجار الشعير يسوون تحالف عشان الحد من نزول الاسعار وين ذا التحالف يوم الارتفاع وزيهم تجار الاسمنت تحالف عشان نزول الاسعار
الحين ذوقووو يالتجارطبعا مو الكل لكن اللي ما خاف الله وراح يرفع سلع اصلا ما تأرت بأرتفاع الاسعار لكن ظلم اللحين اشرب من نفس الكأس لكن من ربك وهو سبحانه خير المدبرين
شكرا مكشات

[Abu Saad]

لايزال الوكلاء يتعاملون مع الشريحة الاكبر من المرضى .
هناك الكثير مايحلا له الشراء الا اذا قالو ترى سعره ارتفع!
ودامه رخيص ماش ماتخش السلعة راسه ...
وكلاء فنانين يعرفون كيف يلعبونها ( بكل سهولة) مع هالعقليات .
عموما حتى لو انخضت اسعار السيارات في العالم الى النصف فلن تنخفض هنا بل اللذي سيحصل ان التاجر سيربح النص زيادة .
وبالتوفيق

[turkey]

حركة قديمة :p :p

يبي يصرفون الـ2008
لان بعد الحج بتبدأ العروض والتخفيضات
والثلاث بعشرة:p

وGMراح توقف أنتاج الجمس الصالون واليوكون !

[chaste]

سترون تغيرات عجيبة هذا العام 2009
في الأسعار
وعسى يكفي المسلمين شرها
حق على الله ما ارتفع شيء إلا وضعه

[AMAZ]

فعلا بداية النزول وليس اي نزول صدقني انه تاخذ الكامري 50 الف وتاخذ الجيب 110الف
لانه الكل ينظر إلى من حولنا كل العالم ماعنده فلوس وحتى حنا طفرنا ماعد عندنا . وصارت قبل شهر نفس الحركه في عقار جدة يوم اعلنوا عن البرج الميل العقار طار تقوول انه رايح يجيهم ذهب من البرج حتى الي ماعنده فلوس راح ياخذ قرض او اذا عنده ارض باعها من شان يشتري في المخططات الى قريبه من البرج المزعوم لكن في النهاية يوم باعوا عليهم الشريطية الان والله يسوون علانات ويقولون فيه اراضي بالتقسيط في المخططات الى قريبه من البرج وهم اول عليها مضاربات ولا تحصل فيه معروض . كل الشغله شويه دعايه وصرف وبعدها وخر عنهم وخلهم يسقطون .

[خ الفياض]

جماعة الخير السيارات في نزوووووووووول واذا مانزلت عند الوكلاء هنا عليكم بالخليج وبعدين هالشريطيه ودهم يصرفون وكمان تايوتا ودها تصرف بضاعه
معروف عند التجار لاتنحي راسك ل منافسك حتى مايقصه لكن مصيبتهم هذي اكبر لان المنافس ماهم حوله
وحيلتهم في الترجي فيكم لعل وعسى
ربك ان شاء الله يرورنا فيهم
والواحد صح معه سياره وماوده ان سعرها ينزل لكن ودنا ب المصلحه العامه ((كلمه تجار بس بدون تزييف))

[الأخطبوووط]

الله يطمنك
بكلام الشريطي هذا وهو من أهل السووووق بأن الأسعار في زياااادة
اعلموا أن العكس بيصيررررررررررررررررررررررررررررررررررررررررر
وبصررررررررراحة اللي بيشتري سيارة من تويوتا وغيرها لغير الضرورة في هذه الفترة
ساااااااااااااذج ساااااااااااااااذج
واسمحوا لي على التعبير .

[ابو هشام]

الركود الاقتصادي بدأ قبل أيام في اليابان
وان شاء الله ينعكس على انتاج السيارات وتبدأ الأسعار في الانهيار

الإعلان كان قبل أيام أما الركود فله 7 أشهر ونصف (الربع الثاني والثالث وشهر ونصف من الربع الأخير)

[Bader-M]

السياسة اليابانية تختلف عن السيارة الامركية

الامركية
تقوم بخفض السعر مع الاحتفاض بنفس كمية الانتاج

اليابان
تقوم بخفض الانتاج مع المحافضة على الاسعار

وهذا ما حدث في فترة السبعينات وربما تتخذ اليابان نفس الاتجاه التي سلكته في تلك الحقبة

وبهذه الحاله سوف يقبل الناس على السيارات الامركية اكثر لتدني اسعارها
وتصرف النظر عن الياباني لارتفاع اسعاره.

تحياتي للجيمع

[هـدد]

الله يسمع منك ونشوف vxr زى اول ب 45000 ريال وكاله

بس أخاف تصير ال
45000
زي
450,000
تيتي تيتي

[ابو هشام]

الين طالع والتوقعات أن الين راح يرتفع لحد 80 ين للدولار الواحد فقط

ممكن واحد فاهم في الاقتصاد يشرحلنا اشلون تنزل اسعار السيارات اليابانيه والين في طلوع مستمر؟


والا هي مجرد أمنيات واحلام

[محب الغيم]

السياسة اليابانية تختلف عن السيارة الامركية

الامركية
تقوم بخفض السعر مع الاحتفاض بنفس كمية الانتاج

اليابان
تقوم بخفض الانتاج مع المحافضة على الاسعار

وهذا ما حدث في فترة السبعينات وربما تتخذ اليابان نفس الاتجاه التي سلكته في تلك الحقبة

وبهذه الحاله سوف يقبل الناس على السيارات الامركية اكثر لتدني اسعارها
وتصرف النظر عن الياباني لارتفاع اسعاره.

تحياتي للجيمع


مو مشكلة أخي الحبيب
نبي اسعار السبعينات
والمشكلة تراها بقلة السيولة
والشركات وحجمها وعدد عمالها ومقراتها المنتشرة والتكاليف
كل ذلك يختلف عن السابق

[اخو من طاع الله]

ياجماعة الخير انا خبرتي الاقتصاديه على قدي
ولكن اغلب الكلام يدور حول افلاس الشركات المصنعه للسيارات وتسريح الموظفين واقفال بعض خطوط الانتاج
وهذا يدل على قلة الانتاج الجديد من السيارات واذا قل الانتاج من الطبيعي والمنطقي انها ترتفع الاسعار

ولاتنسون خبرتي الموضحه بالسطر الاول

[ثورة الشك]

حيا الله النشاما وترى ياجماعه الخير ودنا ان السيارات تنزل ترى ملينا من كثر زياراتنا للورش صارو اصحابنا العمال من كثر التردد عليهم
قبل كم يوم كان معروض في موقع الاوتوتريدر قراند ماركيز 2008lsلون ابيض مقاعد جلد وداخليتيه بيج ماشي عشرين الف
سعره كا ن ب52الف ريال
ولاطول على طول انباع رغم ان اسعاره عندنا في بحور الميه الف
ولقيت يوكن الان مايزال معروض بنفس الموقع دبل لون فضي تقريبا محدود 32الف ريال
يعني الاسعار نازله عندهم لكن عندنا الشريطيه مايبغونها تنزل
وعندنا ناس الله لايبلا مجنن يدفعون بس مدري منين جايبينها

كان هناك شايب لما يجي يبغى يشتري مزرعه او ارض اوي اي شي
يسال صاحبها [انت حارث ولا وارث]لان الذي يتعب بالفلوس ماهومثل اللي تجيه بارد مبرده
مثل اللي طايحين فيه الشباب الحين زواج المسفار

[الفيصل2009]

الله يرزقناااااااااااااااااااااا

[جمعان 22]

الشباب اللي يتكلمون عن فرق العملة واسعار الين الياباني



ما يحكم اسعار السيارات ليس فقط الين و سعره

ولكن الطلب على السيارة

الناس في العالم ما تشتري شيئ الان .. والمخازن مليانة

ارتفع الين ولا انخفض ...لا يوجد مشتري

ولتصريف البضاعة ... تنزل الاسعار

[GOLDEN SNIPER]

(تفاءلوا بالخير تجدواه)

وعليكم بالدعاء ياشباب فالدعاء في ثلث الليل الأخير مستجابة وماعلى الله شي بعيد

بإذن في الثلاث شهور القادمة راح بصير نزول بأسعار السيارات بحدود 30% الى 40%

والله يكتب الي فيه الخير لجميع المسلمين ,,

[الكار]

نقول إن شاء الله تكون الأسعار نزول في نزول

ستبدي لك الايام ما كنت جاهلا ---- ويأتيك بالاخبار من لم تزود


>>>
<<<
<>

[عبدالعزيز2009]

رفسات الموت

لا يهمكم اللي يرفع السعر هالوقت راح ياكلها علقة لما تتكدس السيارات عنده

[عبدالعزيز2009]

حيا الله النشاما وترى ياجماعه الخير ودنا ان السيارات تنزل ترى ملينا من كثر زياراتنا للورش صارو اصحابنا العمال من كثر التردد عليهم
قبل كم يوم كان معروض في موقع الاوتوتريدر قراند ماركيز 2008lsلون ابيض مقاعد جلد وداخليتيه بيج ماشي عشرين الف
سعره كا ن ب52الف ريال
ولاطول على طول انباع رغم ان اسعاره عندنا في بحور الميه الف
ولقيت يوكن الان مايزال معروض بنفس الموقع دبل لون فضي تقريبا محدود 32الف ريال
يعني الاسعار نازله عندهم لكن عندنا الشريطيه مايبغونها تنزل
وعندنا ناس الله لايبلا مجنن يدفعون بس مدري منين جايبينها

كان هناك شايب لما يجي يبغى يشتري مزرعه او ارض اوي اي شي
يسال صاحبها [انت حارث ولا وارث]لان الذي يتعب بالفلوس ماهومثل اللي تجيه بارد مبرده
مثل اللي طايحين فيه الشباب الحين زواج المسفار


شفت السيارات هذي بس ياليت تقول للاخوه انها كانت مصدومة تحتاج اصلاح

[صقاره كوووول]

طيب وش تنصحونا فيه ننتظر مع المنتظرين نزول اسعار السيارات والا نشتري مع العلم ان كل اللي معانا 130الف مجمعينها غصب وحتى الارض اللي عندنا مانباعت حتى نكمل المبلغ
طبعا مستغربين ايش حدنا نعمل كذا لان لي اخو وحيد لي انا وامي وعارفين ان نفسه بجيب تويوتا وكاله
ونفسنا نشتريه له وانشا الله انكم ماتقصرون بالنصيحه لنا ....................

[jeep2008]

للأسف السوق يتحكم به تجار الطمع والجشع
حسبنا الله ونعم الوكيل

[alrrahal]

للأسف السوق يتحكم به تجار الطمع والجشع




حسبنا الله ونعم الوكيل


صحيح كلامك

لكن يحكمهم الوقت فهو ضدّهم علشان كذا الصبر زين للي يبي يشتري

[ERIC7]

لحد بفكر بالنزول واللي مسعر موتر الاسبوع اللي فات يروح ويسعره ويشوف

[ثورة الشك]

شفت السيارات هذي بس ياليت تقول للاخوه انها كانت مصدومة تحتاج اصلاح
الظاهر انك ياخوي عبدالعزيز 2009 شريطي
شف اللي انت تقول مصدومه والصورابلغ من الكلام
2001 GMC Yukon 4x4
$7,900

http://images.autotrader.com/images/2008/10/27/253/850/9138392600.253850656.IM1.MAIN.565x421_A.562x421.jp g


http://images.autotrader.com/images/2008/10/27/253/850/9138392602.253850656.IM1.03.565x421_A.562x421.jpg

http://images.autotrader.com/images/2008/10/27/253/850/9138392601.253850656.IM1.02.565x421_A.562x421.jpg


http://images.autotrader.com/images/2008/10/27/253/850/9138392603.253850656.IM1.04.565x421_A.562x421.jpg
http://images.autotrader.com/images/2008/10/27/253/850/9138392604.253850656.IM1.05.565x421_A.562x421.jpg
2001 GMC Yukon 4x4
$7,900

السعر هو 7900*3.75=29625ريال سعودي

http://www.autotraderstatic.com/img/myatc/buttons/btn_saveCar_shdw_120x26.gif?consumersite_2.52.8629 0
$7,900Primary Information about this vehicle:


AT Car ID: AT-F217420
http://www.autotraderstatic.com/img/fyc/searchresults/icon-help-orange-trans.gif?consumersite_2.52.86290

Price$7,900 Mileage133,989 Body StyleSport UtilityExterior ColorGoldEngine8 Cylinder GasolineTransmission4 Speed Automatic with Electronic OverdriveDrive Type4 wheel drive - rearFuel TypeGasolineDoorsFour DoorStock No.19789VIN1GKEK13T21J131765
وهذا رقم راعيها بامريكا 1-866-852-8740

[ثورة الشك]

عبدالعزيز2009شريطي:D :D :D :p

[ابو منصور2000]

هذا والين نازل

[فاقدخوي]

الله يسلط عليهم الكساد اللي يخليهم يعرضون الاقساط بسعر الكاش زي ماحصل لهم عام 92

[www5555]

الحذر الحذر الحذر من:no2: مكر التجار تمسكووووووووووووووووووا بالمقاطعة

[www5555]

الحذر الحذر الحذر من:no2: مكر التجار تمسكووووووووووووووووووا:no2: :no2: :no2: :no2: :no2: :no2: :no2: ..............000000000 بالمقاطعة ...........................http://www.mekshat.com/pix/upload02/images89/mk64536_56565656.jpg