كباين تنفع للصيد

[شمس الحق]

ياليت ياخواني تدلوني على كباين او شاليهات يكون فيها البحر على الكسارة اي تنفع للصيد
واكون لكم شاكر

[ابو عبدالرحمن جدة]

طيب ياخي انت وين وباي مدينه عشان نفيدك طال عمرك

[شمس الحق]

تصدق اني نسيت ان اذكر اني من اهل جدة وشكرا لك يااخ s h n t o (http://www.mekshat.com/vb/member.php?u=66552)

[يوسف حوته]

عندك في شمال جده كباين قريه الشيراتون وكباين سهوب وكباين الهدى وعندك دره العروس ويا سلام على دره العروس وعلى الجسر الي هناك طلعت من الدره 4 قروم بياض كبيره ما شاء الله من الشاطى وغير التقطيع الي هناك
المهم لو حبيت تستفسر عن اي منطقه انا موجود وان شاء الله اقدر اخدمك

[صياد ابو نقطة]

السلام عليكم ورحمة الله وبركاته
اخوي يوسف حوته اش رايك في كباين المرجان وكمان انا رحت لكباين الهدى وما تطلع لي الا خنزيره وسمك صغير ثاني بس و ابي اعرف ون الجسر اللي تقول عنه في درة العروس لان انا رحت المويه لونها غريب ورحت اخر درة العروس كان في حجر كثير بس بعد مكان تمام للصيد على البحر المفتوح على طول.
وشكراااا على من فتح هذا الموضوع...

[شمس الحق]

انا سمعت ان كباين المرجان بحرها على الكسارة هل هذا صحيح للناس اللي ذهبوا هناك؟؟؟؟؟

[صياد ابو نقطة]

ايه على الكساره وكمان على البحر المفتوح وكمان داخله على البحر وهناك ابو نقطه من الحجم العائلي والصيد هناك تمام بس يبغاله صبر

[شمس الحق]

ايه رايكم في كباين القطان اللي في الشعيبة

[slelllo]

نسيتوا فينيسيا والشيراتون

[شمس الحق]

ايه رايكم في كباين القطان اللي في الشعيبة

[ابو عبدالرحمن جدة]

كباين القطان ممتازه لكن ياخذون منك 30 ريال للنفر وما تدخل سيارتك وتجلس بس 6 ساعات ومافيها الا مكان واحد بس وهو الموقع الشرقي للكباين قريب من الكساره والباقي والله ماتصلح ولا بريال غير كذا الحواتين ماقصروا نضفوا البحر تمام مقابل لموقع القطان

[tawmw]

شكرا يا كاتب الموضوع..انا اعرف ان كباين القطان يسمح بدخول الشباب فيها بـ (30) ريال للشحص الواحد ولمدة (6) ساعات فقط وتوقف سيارتك بعيد شوي عن مكان جلوسك ولا فيها انوار اواضاءة في الليل ويقولوا الصيد فيها نص ونص واذا قعدت اكثر من وقتك او قربت السيارة الى مكان جلوسك فيمكن ان تغرم بمبلغ 500 ريال
وياليت الشباب اللي يشاركوا في الموضوع يضعوا بضع الطفاصيل المهمة لكي تكون المعلومة كاملة والكل يستفيد.. ويصبج الموضوع مرجع للسائل عن هذا الامر..
*اسعار الدخول لهذه الكباين
*المدة المسموح بها للبقاء
*هل يسمح بدخول الشباب بدون عوائل
*وهل يسمح بدخول السيارة الى مكان الجلوس في السقالة
*هل فيها ماء حلو للتنظيف؟؟؟
*تقييم الصيد في المنطقة (جيد - نص ونص - سيئ)

[شمس الحق]

كلامك ممتاز وصحيح يااخtawmw (http://www.mekshat.com/vb/member.php?u=67178) وياليت نعرف مكان جيد للصيد من الشاطيء دون الدخول داخل البحر ياليت ياخواني تدلوني حتى لو كانت شاليهات بس لاتكون الاسعار مرتفعة وجزاكم الله خيرا

[شمس الحق]

اين المشاركات يا اخوان

[وارث المراجل]

السقالة كفاية

[عشقان بحر]

اخي العزيز اسمع نصيحتي اذا بتستأجر شاليه عشان تصيد ,,,,, بطل واستأجر بوت بنص القيمه وراح تستمتع احلى استمتاع ولك حرية الاختيار مجرد رأي لااكثر

احلى تحيه

[الكسارة]

طيب يا أخوان

وكيف كباين ينبع؟؟؟؟؟؟؟؟؟؟؟؟؟

ما عندكم خبر عنها