مطلوب علاج الطير يقدف عشاه

[nasser2003]

يالربع طيري يقدف عشاه وانا مسافر الحين تتوقعون انه في دود فرسه وش علاجه وهل علاج فارس التميمي اللي في الدمام اوكيه وهل ادا عطيته علاج ومدة العلاج اسبوع يصير ادعيه بعد 3 ايام من اول حبه لة ويكون ادعيه وعاده على العلاج......اي الحل يالربع

[طواش]

ياخوي إذا عشيت الطيرومشيت عالطول يمكن من هز الموتر قذف عشاه أو نوع العشاء بارد أو فيه يبوس أو رائحه بصل .... الخ بالنسبة للدعو أظن مايهم بس أنته شف نشاط الطير كيف وبه تحكم
إن شاء الله مايتأثر بس خبرنا سفرك في طيارة أم سيارة ؟؟
بالتوفيق

[صقار البحرين]

حياك الله ياخوي

وعليه شر ان شاء الله

اما الطير اذا قذف العشاء مره وحده
يمكن يكون لاحقه تعب او كثرت له العشاء او عالق بعضم اوعالق بريشه هاذي تحصل مع طيور واجد

اما اذا كان يقذف عشاه على طول يمكن يكون الطير ملتهب ولازم تعطيه كورس التهاب وهو(( انتبايتك )) لمدة 4 ايام اقل حاجه ويكون الطير مرتاح يعني ماتدعيه ريحه افضل:no2:

وان شاء الله يفيدونك باقي الاخوان

اخوك ابوعلي

[AVET]

مرحبا اخوي طيرك في قلاع عالجه و يرجع ياكل مثل قبل ان شاء الله

[حطاب11]

لا لا لا لا :no2: طيرك مافيه قلاع ، لأن القلاع آثاره إن الطير يقطع اللحم ثم يذبه ولا يآكله .
لكن صقار البحرين عطاك العلم وما قصر .

تحياتي ..

[nasser2003]

صقار البحرين اشكرك كل الشكر والاعضاء كلهم وديت الطير وقالوا لي فيه دود بطن والتهاب مصير ومكان ثاني قالي دود بطن وكوكسديا وانا مب مقتنع بالكلام اللي اعرفه ادا قدف الطير يكون التهاب فرسة ..والا ان غلطان على العموم للعلم انا عطيته علاج الكوكسيديا امس واليوم دود بطن حبة وبعد ه ايام حبة لدود البطن اريد الاستشارة وش رايكم وشاكر لكم وهو قدف مرتين بس وابي معلومات اخرى..
علاجات المناسبة والدي ينصح به للطير اثنا العلاج
1- دود الكوسيديا العلاج المناسب وفترة العلاج
2-دود البطن -----------------.
3- دود الرئة------------------
4-التهاب الفرسة-----------------
5- اشكر كل من يدلي بالمعلومات التي تفيد..................

[صقار البحرين]

صقار البحرين اشكرك كل الشكر والاعضاء كلهم وديت الطير وقالوا لي فيه دود بطن والتهاب مصير ومكان ثاني قالي دود بطن وكوكسديا وانا مب مقتنع بالكلام اللي اعرفه ادا قدف الطير يكون التهاب فرسة ..والا ان غلطان على العموم للعلم انا عطيته علاج الكوكسيديا امس واليوم دود بطن حبة وبعد ه ايام حبة لدود البطن اريد الاستشارة وش رايكم وشاكر لكم وهو قدف مرتين بس وابي معلومات اخرى..
علاجات المناسبة والدي ينصح به للطير اثنا العلاج
1- دود الكوسيديا العلاج المناسب وفترة العلاج
2-دود البطن -----------------.
3- دود الرئة------------------
4-التهاب الفرسة-----------------
5- اشكر كل من يدلي بالمعلومات التي تفيد..................


ابشر ياخوي باللي نعرفه

1- الكوكسيديا علاجها حبتين اول يوم وثاني يوم حبه طبعن مع الراحه

2- دود البطن ربع حبه اول مره وبعد اسبوع ربع ثانيه

3- دود الرئه اول حاجه تعطيه الكورس لمدة 5 ايام وبعدها لازم تعمل له عمليه على شان يشل الدود اللي في الرئه وهذا شي مجرب بس لازم الدكتور اللي يفتح للطير يكون شاطر

4- التهاب المفرس كورس التهاب لمدة 5 ايام او 4 يام مع الراحه ويكون العلف من غير عظم او ريش لحم خالي

تقبل مروري
اخوك بوعلي

[nasser2003]

تسلم ياصقار البحرين بالنسبة لدود الرئة عندنا بس ابره مره وحدة وخلاص اما الباقي الادوية تقريبا نفس الشي...والشي الثاني تخبر لي طير طيار قوه للتحدي بس حمام يكون من الطيور الصغار والقيمة مب مشلكة والمكان بعد عادي بس بشرط طياره طيار للتحدي مب عادي وتسلم