لـ صقاقير أصحاب الخبره .. عن مرض في طيري..؟

[راعي جالود]

السلام عليكم ورحمة الله وبركاته

الطير يا رياجيل شريته فـ الليل ومشرى الليل معروف .. المهم ان الطير كل ما فيه حلو ما شالله عليه
من راس من عاتق ووسره وأرضيّه .. سعره اغراني وأخذته ولا تردد فيه. بحكم نضرتي لطير
لكن يوم دعيته ثاني يوم يوم طار الطير الا فرد الموس والنايفه والثالثه من الجناحين..مثل طيار العقاب
والطير ماهو موّسر عشان لحد يحط ان الطير موسر
والطير على الوكر ما غير يهف بجناحيه

وأنا بصراحه عمري كله مع الطيور ولا مر علي المرض هذا ان ضعيف ريش الطير

والسؤال هل مرّة على احد طيووركم هالحاله وتعالج منها..؟

واتمنى الافاده من الاخوان

[صقار البحرين]

حياك اخوي

والله كان طيرك قرناس بيتي
فهذا المشكله تكون وارده
يمكن يكون طيرك في اثناء المقيض وصادفه مرض وهو يسوق في الريش
وهذا اللي خلا الريش يكون متفرق وضعيف
وانا اضن انه ماينفع الحين الفتامين
ولكن ان شاء الله انه مايرده في الطيار
والريش صعب اعلاجه في الوقت الحالي ولكن المقيض الجاي بيكون احسن

وان شاء الله يفيدونك باقي الاخوان


اخوك ابوعلى

[راعي جالود]

الله لا يهينك
يا صقار البحرين

وكلامك صحيح
وراعيه يوم كان عنده الطير كان يفرد الموس والنابفه بس من جناح واحد والطير من المقيض لليوم ما طار
الا يوم دعيته وشفت طياره

[الخرابي]

قد مر علي طير مجهم من يومه فرخ وهو عندي وافي بالحيل مالقيتله طب مابقيت مستشفى مارحت له ويوم اتصلت على طاروحه قال يوم طرحت الطير مافيه عله لكن علته الظاهر من مهاده وانا بعته كوم ريش على واحد من اخوياي والله يستر لا يكون نفس الطير اذا الطير مجهم وافي 18 في 18 سنه ثالث تراه اهو والله يعتقه على يدك.

[راعي جالود]

الطير مجهم وثالث الله يستر

بس طوله 17 وعرضه 16 وعليها
الطير اللي عندك وين انطرح

[alajmi110]

مرحبابك اخوي 0000
جاء معي طير أول العام 000 اذا طار تفرق ثلاث ريشات من كل جناح
والامر بسيط ان شاء الله
أخذه لاقرب عياده أو مستشفى وخلهم يسوون له قران يقرنون الريش معا بعض الي يفرق طبعاً
كانك من أهل الشرقيه عيادة فارس يسووونها
أخذ الطير وده لهم 000 وقل لهم الطير يفرق فيه ثلاث ريشات من ها الجناح وابيكم تقرنو ها
وجعل ربي يوفقك ويرزقك

[راعي جالود]

يا مرحبا يا العجمي

والله انا من اهل الكويت

واذا خلّص كورس العلاج وما جاب نتيجه الرزق على الله
ومالنا غير القران وانشالله انه شور ٍ مبروك من رجل ٍ مبارك
يهين
والله يبيض وجهك ولا يهينك

[الخرابي]

الطير مطروح بقرقستان وطاروحه رفيق لي وبعته على واحد من هل الحفر بس طيري وافي بالحيل والله يستر
سو له قران ون شالله بيتعافى على يدك

[ولد العين]

يعطيك العافية اخوي