وصف لبحيرة النبقية

[راعي الاكورد]

السلام عليكم ورحمة الله وبركاته

اخواني الاعزاء

شفنا صور لبحير لنبقية من الكابتن سعود الله يجزاه خير

وقررت الذهاب لها ولكن


لا اعرف مكانها


فيل ليت من الاخوان الكرام ان يدلونا عليها لكي يستفيد الجميع

دمتم بود

[الطرفاوي@]

البقيه تقع من الناحية الشرقية من بريدة

[محب الصمت]

ارجع للموضوع الخاص بوصف مكان البحيرات التي تقع شرق البندرية( شمال النبقية ) لتضرب عصفورين بحجر .
الرابط :
http://www.mekshat.com/vb/showthread.php?t=169150

[أبويزيد2008]

السلام عليكم


النبقية لها عدة طرق


ألأول : من الدائري الشرقي حق بريده تطلع كأنك تبي الربيعيه مع البطين يقاله طريق متعب بعد ما ترقى النفود وأنت متجه شرق يجيك خط يسار ولوحه تقولك النبقية ،الأسياح أحلت الموتر يسار وأرفق طبعاً الخط سايد واحد دس بعد ما يسند شمال تجيك محطة بنزين (المزيد) بعده بشوي يجيك خط يمين عقده وعكسيه يمين وأنت متجه شرق الخط لازم يطى الديره (النبقية) أطلع عدال مشرّرق ينتهي الأسفلت حاول تمسك الخطوط الحيه متيامن وتشفه قدامك .


ثانياً : من جهة الشماسية وأنت ماسك خط الرياض القصيم السريع متجه للقصيم تجيك لوحه الشماسية عنيزة أطلع يمين بإتجاه الشماسية وسيده شمال لين تجيك الربيعية بعد ما ينعطف الخط مغرِّب يجيك المفرق الموضح في (أولاً) يجيك خط يمين ولوحه تقولك النبقية ،الأسياح وبالماريه فيه محطة بنزين بالركن الشرقي للتقاطع أحلت الموتر يسار وأرفق طبعاً الخط سايد واحد دس بعد ما يسند شمال تجيك محطة بنزين (المزيد) بعده بشوي يجيك خط يمين عقده وعكسيه يمين وأنت متجه شرق الخط لازم يطى الديره (النبقية) أطلع عدال مشرق ينتهي الأسفلت حاول تمسك الخطوط الحيه متيامن وتشفه قدامك .


أمل أن يكون الوصف واضح وتكون الي تبي


ومن كان عنده ملاحظه لا يبخل علينا

[راعي الاكورد]

الله لا يهينكم ياالربع ماقصرتوا

لن ننساكم من دعائنا