يا اخوان عندي مشكلة مع الجمس ارجوا الدخول

[العالمي10]

السلام عليكم ورحمة الله وبركاتة

اخواني عندي مشكلة في القير العادي للجمس موديل97 عند التغيير للنمرة الثالث يقر ولازم اغير بقوة علشان يلقم النمرة وغير كذا اذا تعديت السرعة 80 كلم قام يرج الموتر

وديته لورشة قالي يبغاله نحاسات وبيكلفك مع تركيب دبل 2500 ريال لأن الدبل غير شغال
وش الحل يا اخوان ؟
واللي عنده ورشه مضمونة وسعرها ممتاز لا يبخل علي في هالمشكلة حتى لوكانت ورشتة اهم شي يضبط معي

ارجوا يا اخوان سرعة الرد والتفاعل مع الموضوع

[Alshoaibi]

السلام عليكم ورحمة الله وبركاته
اخوي العالمي10 ان شاءالله انه خير بالنسبة للمشكلة اللى بالقير حاول تشوف كرسي القير اذا سليم او فيه شيئ شكل مشكلتك من الكرسي وتأكد من كراسي المكينه ، وبالتوفيق
ياليت ترد اذا لقيت المشكلة .
وبالتوفيق ياخوي

[نايلات11]

إن شاء الله يفيدونك الأخوان 00 وياكثرهم هل الجموس

[حكم ساحة]

هلا أخوي
عادة يجي زيت القير العادي خفيف جداً
وعند تغييره بزيت 90 فوكس ألماني يضبط وذلك من خلال تجربة شخصية
وإذا ما ضبط عليك بورشة الرفيعة في صناعية الرياض القديمة نهاية شارع العويضة من الغرب , مختصة بالقيرات وعمالتها سورية
أو تشليح الموسى للقيرات بالرياض هاتف 4480103 وممكن يدلك على رقم هاتف الرفيعة

[ابوعقل]

إن شاء الله يفيدونك الأخوان 00 وياكثرهم هل الجموس


نايلات

اذكر الله

:D :D :D

العالمي وين مكانك وين ساكن؟؟؟؟

واذا انت بالدمام

راسل العضو ناوي نيه

يبي يفيدك

بورشه بالقطيف

[العالمي10]

الله يعطيكم العافية يا اخوان
بالنسبة لي انا ساكن بالرياض
وبالنسبة لكراسي القير يقول فيها مشكلة وان سبب كل المشاكل من عدم تغيير القير للنمرة والرجة اللى في الموتر والكراسي حقت القير كلها من القير
بس ماودي استعجل وينلعب علي وياكل 2500 ريال وفي الاخير تكون شغلة ماتسوالها مع القطع 500 ريال

[ابوطاقية]

اول شي كيف فحص الدبل وقرر تغييره ؟ هل فك الدبل وشاف تروسه؟
وبالنسبه للقير اذا يقر عند التعشيق لنمره معينه فعلا يحتاج نحاسه لاكن تغيير النحاسه مع القطع وشغل اليد مايكلف اكثر من 500 ريال
وانصحك بتغيير الحذاف والفحمه والياي وكلها ماتكلف اكثر من 200 ريال

[العالمي10]

اخوي ابو طاقية

بالنسبة للدبل يقول غير موجود
وبالنسبة للقير يقول النحاس والكرسي وهم سبب القره للقير والرجة للموتر

بس اذا كنت تعرف ورشة ممتازة بالله عليك دلني عليها او ارسل لي رقمها
ترى والله من اليوم وانا بالصناعية وطابت نفسي من الموتر ومن المكاشيت
وأول مرة اشتري جمس واتحسف لاني بالعادة كل شغلي جيوب بس الظاهر ذي المرة طلعت قرادة وشريت ذا الجمس

[العالمي10]

وبالنسبة للدبل
جربته وشغلتة في كل النمر للدبل في الخفيف والثقيل ومع كذا عيا يشتغل كل ماحطيته في نمرة ودعست للموتر يفحط

[ابو نوره 2006]

رح لاكثر من ورشة علشان يكون هناك اجماع على المشكلة وتقدر تعرف وش تبي تسوي بالظبط .

[ابوطاقية]

اخوي ابو طاقية

بالنسبة للدبل يقول غير موجود
وبالنسبة للقير يقول النحاس والكرسي وهم سبب القره للقير والرجة للموتر

بس اذا كنت تعرف ورشة ممتازة بالله عليك دلني عليها او ارسل لي رقمها
ترى والله من اليوم وانا بالصناعية وطابت نفسي من الموتر ومن المكاشيت
وأول مرة اشتري جمس واتحسف لاني بالعادة كل شغلي جيوب بس الظاهر ذي المرة طلعت قرادة وشريت ذا الجمس

اخوي مايصير الدبل غير موجود
اذا السياره 4x4 ماتمشي بدون دبل لان الدبل يركب على القير ولايجي قطعه لحاله الا اذا القير مغير الى بدون دبل
بالعربي قير بدون دبل دفع خلفي يختلف عن قير الدبل دفع رباعي
وبالنسبه للقير اسمه NV4500
وانصحك تاخذ دبل من التشليح بنفسك وقيمته من 1000 الى 1500 بالكثير اذا فعلان ماعندك دبل
لازم تروح لاكثر من واحد يحددلك العطل لان الاخوان ميكانيكي القيور والدبل للاسف ذمتهم وسيعه بالحيل الا من رحم ربي وللاسف ماعرف واحد محدد والا وصفتلك مكانه لاكن ان شاء الله الشباب مايقصرون

انا اقولك الكلام هذا من واقع تجربه تقريبا قبل خمس سنوات اشتريت لاندكروزر صالون موديل 95 وطلع الدبل مايشتغل يعشق بس ماتتحرك كفرات قدام فحصته عند اكثر من واحد وكلهم قالو لازم نفكه ونحدد العطل لاكن ما اعجبني كلامهم
اخيرا فحصه ميكانيكي قال الدبل ممتاز وشكل عامود الي بداخل الدفرنس(تقريبا مثل الصورة تحت ) مفقود وفعلا حصلته بدون عامود اشتريت واحد 150 ريال والحمدلله ظبط

http://www.justdifferentials.com/images/Dana-60-Front-Axles-002.gif

[العالمي10]

الله يعطيك العافية يابو طاقية
وماقصرت انت وجميع الاخوان المشاركين

[العالمي10]

للرفع ومتابعة الموضوع

[العالمي10]

للرفع ومتابعة الموضوع

[ابو محمد 276]

اخوي العالمي كلمني وان شاءالله ما حتندم اخوك ابو محمد 0504469843 ابي ادلك على ورشة بأذن الله بتعجبك