استفسار ضروووي عن باترول ....

[نايف الدهيمان]

السلام عليكم ورحمة الله وبركاته ...

أعزائي الكرام ... أبي استفسر عن موضوع الكلتش حق الباترول

رحت لم ورشه أغير كلتش الموتر وكانت التعشيقات وش زينها المهم بعد ماطبقولي الكلتش الجديد( طبعا كامل ) قير الموتر موب راضي يغير ابدا ولايلقم النمر كنه مجيم

السؤال وش السالفه ووش الحل انا تهاوشت مع راعي الورشه وقلتله ابي استلم الموتر مثل ماسلمتك إياه

بس حبيت اعرف وش المشكله منه لكي أستفيد ويستفيد غيري .. ولكي أقدر أحاج صاحب الورشه <<< كنه فاهم عنده
هل ماطبق الصحن زين ؟ هل ماسنتر الكلتش ؟ هل هو قالب الفحمه ؟

تكفون الي يعرف العلم الأكيد لا يبخل علينا

ولكم مني كل التقدير والإحترام

[حكم ساحة]

احتمال ياأخوي إن صحن الكلتش مقلوب
أو إن رمان الحذاف الصغير مجيم او إن الملقاط ما ركب في الفحمة

ممكن ترفع الكفر الخلفي بعفريتة وعشق في الرابع وادعس كلتش والموتر طافي ودور الكفر بيدك
إذا دار الكفر فالمشكلة ليست في الدزق والكلتش بل هي في الرمان الصغير
وإذا لم يدر فالمشكلة في الدزق والكلتش

[رٍسِـــلآنٍ ٱلدُفُــٱع]

تقدر تشتكيه في الغرفه التجاريه وترص رقبته

[نايف الدهيمان]

الله يعطيكم العاااافيه وماقصرتوو