ابي رأيكم بالباثفايندر ...لوتكرمتوا...

[محب المكشات1]

السلام عليكم ورحمة الله وبركاته ياوجيه الخير

انا جربت الامريكي ومشاكله .......وتبت من مشتراه

تركته لأسباب كثيرة منها أن يدك على قلبك وين مارحت.....

وتوقع في اي وقت تسمع صوت حنة وونة.وتهريب زيت ومشاكل قير وحساسات وكهرب واصوات ديكور ومكيف خربان والدبل احيانا يشبك .وان شبك مافصل ولازم ريوس علشان يفصل....والحرارة ترتفع...
وغيره..............ولمبات تولع وتطفى..
ابي ارتاح..:(


فهل الباث فايندر فيه هذي المشاكل...........اقصد موديلات 2004-2005

وهل هو راسي بالخط......وينشد به الظهر
ووش انواعه واسعاره اقصد النظيف ........وممشاه اقل من 100الف


ارجو إفادتي ولكم مني الدعاء

[ابولورانس]

^
^^
^^^
شف اخوي انا بقولك شئ عن الباث هو فيه مشاكل لكن الحريص مب مشتكي منه وميزته انه مايغدر بك مثل الشروكي يعني رح عليه لأي مكان ماعندك اي مشكله لكن خلك حريص عليه وعلى صيانته

وانصحك اخوي لوتشري تايوتا ازين لك مثلا الفورشنر

والراي لك


تحياتي

[أبو فهد11]

الموتر السعودي او الخليجي

أشهـــــــــــد أنه ينشد به الظهر

بس تأكد من مسامير الثلاجه أنها ملحمه ولا يكون الموتر موظب قبل

بسبب المسامير لأنها إذا طاحت ومشيت عليها توظيب

والشيء الآخر بعض الباث فيندر ينقص زيته طبعاً طبيعي

لأكن يختلف من موتر لموتر لأن بعضها نقصه خفيف وبعضها علبه كل ألف

الله يوفقك لما فيه الخير

[محب المكشات1]

الله جزاك خير يابولورانس
ويوفقك................لكن الفورتشنر هل يجي 6سلندر
.............

[ياليل خبرني]

والله الباثفندر موتر شكلة ومحركاته قوية

سعرة يتراوح بين 60 الف الى 70 الف طبعا كل ماصار انظف كان اغلى

[الفتى سندباد]

الباثفايندر ما شاء الله من أفضل سيارات الدفع
وخذه ولن تندم بإذن الله ..

[Magellan]

والله مادامك تبي موتر ترتاح من الصداع
فالباث فايندر مو مناسب لك نهائيا
تراه مايبعد عن الأمريكي أو حتى الأوروبي بالخراب لو عاكس معك
مواضيع كثيرة في المنتدى لأعضاء مواترهم مخبطة وناس معهم موديلات 2005 والحرارة ترتفع ويغير راديتر وطرمبة وبلف وبالنهاية الراس مشعور
أنا أول بصراحة مفتون فيه لكن من عقب ماسمعت اللي يشيب الراس منه في المنتدى قلت مهوب بعيد عن الروفر البريطاني ومشاكله
ونصيحتي عليك بالتويوتا فورتشنر إن كان ودك ترتاح من الصداع صح
وسعر الباث الفل تلقاه حدود 50 الف 2005 وأنت جاي

[سوسة حطب]

ما أضيف على إللي قاله الشباب إلا بأن المواتر يا أخوي توافيق

[طبعي شمالي]

اخوي اذا ماتبي وجع راس اشتري تويوتا سعودي ..

[الربذي]

وعليكم السلام جابك الله تستشير
اخوي الغالي شف انا معي الباثفيندر من اكثر من خمس سنوات بصراحه راعي خراب وقطعه غاليه
تماتيك المروحه الاصلي 600 ريال والباترول 380ريال
غيرت الصحن ب1800ريال والباترول ارخص وتجده بكل مكان
الان خربانات المساعدات الي قدام الواحد ب750 وصعب تجد تجاري بعض القطع ماتلقاه الا بطلبيه حتى قبل فتره احتجت لي كبس حق الفرامل تخيل مافيه بكل وكالة نيسان لابجده ولا بريدة ولا حائل يعني ددبر نفسك
حساس ولد عمي اخذ وكاله 2005 ومحافظ عليه بشكل لايصدق تخيل ماوصل عليه اقصى سرعة 130 ويوم مشى 18 الف فقط كان يمشي يتصيد بالشعبان وتقعط تتفتف وتقطع وتبهذله ويوديها الوكاله وكم يوم ويبيعها وهي جديده 00
المختصر قطع غياره نااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااار لا
وماتلاقيها بسهوله مو عند كل محل مثل الباترول ولاند كروزر 0

يعني نصيحه ابعد عنها انا كنت اهيم فيها هيام واعشقها لكن بهذلتني خرباتها قد تكون عاديه بس شح وغلا قطع غيارها ولا شغل ايديهم غالي تخيل تلحيم قزوز 500 ريال ويوم بالورشه
نصيحه اهرب عنها 00
تبي الصبر دور تويوتا نظيف بشرط تظيف وانس الورش يشهد له 600الف كم بدون اعطال تذكرمع احد الناس 0

[.أبوعبدالرحمن]

كل سيارة ولها عيوب وحط في بالك انه ما فيه سيارة بدون عيوب ومشاكل


الباث سيارة حلوة وتطربك لكن تبي شوي اهتمام ومحافظة

ومن ناحية ان الباث مشاكله كثيرة في هذا المنتدى بالذات فأقول (( منتدى اغلب اعضائه من ملاك الباث فطبيعي ان ترا المشاكل كثيرة ))


وشوري عليك السيارة اللي تطيب نفسك منها غيرها ورح للبرادو 6 سلندر او الفورنتشر 6 سلندر

[بـــدر]

بعد قراءة بعض الردود حبيت اوضح بعض النقاط
اولاً الباث معي من سنه 2003 وماغيرت فيه الا كفرات وحساس الهواء فقط واستخدامي له يومي والسفر كل راس شهر اطلع مشوار قرابة 560 كلم

ثانياً: الي استغربته رد أحد الاخوان اعلاه يقول (عليك بالتويوتا السعودي !!!)
طيب التويوتا فعلا سياره ماعليها خلاف لاكن الي حيرني كلمه سعودي
الي اعرفه ان جميع سيارات تويوتا الي تجي من وارد عبداللطيف مغشوشه التصنيع (نظام التبريد،النظام السمعي،الجنوط،الزوائد،البريموت،ال،،،خ)
يعني لو قال الاخ تويوتا خليجي معقوله على الاقل من المصنع للمستهك

ماهو مثل تويوتا السعودي الي 20% من القطع صيني والخافي اعظم


نرجع للباث فايندر اياره حليوه ماعليه خلاف الي تقريبا مزعجني فيها مافيها مكيف خلفي

[arrow]

السلام عليكم ورحمة الله وبركاته ياوجيه الخير

انا جربت الامريكي ومشاكله .......وتبت من مشتراه

تركته لأسباب كثيرة منها أن يدك على قلبك وين مارحت.....

وتوقع في اي وقت تسمع صوت حنة وونة.وتهريب زيت ومشاكل قير وحساسات وكهرب واصوات ديكور ومكيف خربان والدبل احيانا يشبك .وان شبك مافصل ولازم ريوس علشان يفصل....والحرارة ترتفع...
وغيره..............ولمبات تولع وتطفى..
ابي ارتاح..:(


فهل الباث فايندر فيه هذي المشاكل...........اقصد موديلات 2004-2005

وهل هو راسي بالخط......وينشد به الظهر
ووش انواعه واسعاره اقصد النظيف ........وممشاه اقل من 100الف


ارجو إفادتي ولكم مني الدعاء




بسم الله الرحمن الرحيم

اخوي,,,انا معي واحد مطلعه جديد 2005 ,,,,
الموتر ممتاز جدا , راسي قوي مريح ....الخ

لكن طلع براسي نخل من ارتفاع حرارته .......

والى الحين ماادري وش قصة اهل امه ....تمسك معه وترتفع حرارته ,,,,اخليه يبرد وامشي تنقطع الحرارة !!!!!!

ليش ارتفعت ؟ ليش انقطعت ؟؟؟

هذا اللي طلع براسي نخل ..

مع العلم اني عرضت هالمشكلة على اكثر من ميكانيكي متمكن ,,, وطلع بروسهم نخل برحي .......

وفقك الله .....

[shfgi]

كل السيارات مع سوء الإستخدام سيكون لها مشاكل .. أماقطع الغيار فتقريبا جميع قطع الغيار للسيارات فأسعارها مرتفعة ..ولكن يبقى ( التويوتا ) هو سيارة " شيك "
ومن بعده النيسان بصفه عامة وهذان النوعان يمثلان النسبة العظمى من السيارات المستخدمة في دول الخليج..

أما الباثفيندر فهو من السيارات الذي يجمع بين مركب سيارة صغيرة ويعطيك الكثير من مميزات سيارات الجيب بصفه عامة ..
والمشاكل تبقى متفاوته من سيارة إلى أخرى وحسب الإستخدام والتوفيق ..
ولكنه سيارة بصفه عامة رائعـــــة ..مع الإستخدام الجيد ..
وأنصحك بأنك تستأجر سيارة ( الباثفيندر ) لمدة يوم ومن ثم تستطيع الحكم عليها ..
لأن الباثفيندر من موديل 2006 تغير بعض الشيئ حسب مانسمع ..لأني مستخدم موديل 2003 وهو ولله الحمد طيب ومرتاح معه ..
ولكن أكرر أستأجر نوعية السيارة والموديل من سيارة الباثفيندر التي سوف تشتريها ..
والله يطعمك من خير كل سيارة تشتريها ويكفيك شرها ..

[ANAS-2]

نصيحة مجرب ومطلع ..
والله إذا لقيت لك باث 2005 نظيف وماشي اقل من 60 ولافيه صدوووووم خذه وأنت مغمض ..


أنا معي 2005 وما خليت ديرة ولاشعيب إلا طبيته ولا حافظت عليه ..بس كل 30 ألف أدخله وكاله تشييك وفحص وغيار اللزوم ولله الحمد مااشتكى إلا من أشياء طبيعية وبسيطة (قولوا ماشاء الله )

أنا أقــــول الموتر على اللي يستخدمه .. واللي تكلم ليته يجرب قبل يحكـــم ..

تحياتي ,,

[شاهين الباز]

أخوي تبي تريح بالك وجيبك أبعد عن الباث اعرف لك 4 أشخاص خبطت عليهم مكاين سياراتهم الباث وكلها ما مشت اكثر من 100الف وموديلاتها 2005 و 2004

[abode.3]

أنا اوافق اخوي بدر ..

ما فيه موتر ما يخرب

وكان رجال تبي تحافظ عليه وتسوي له صيانه كل فتره فخذه ..

ومعي باث 2005 مافيه ما كان ما راح له لا نفود ولا جبال :d ولا قال شئ إلا المساعدات وخاصه اللي قدام انفقعت مرتين ..

وانا اشهد انه موتر ..

[الساهر2003]

والله مادامك تبي موتر ترتاح من الصداع
فالباث فايندر مو مناسب لك نهائيا
تراه مايبعد عن الأمريكي أو حتى الأوروبي بالخراب لو عاكس معك
مواضيع كثيرة في المنتدى لأعضاء مواترهم مخبطة وناس معهم موديلات 2005 والحرارة ترتفع ويغير راديتر وطرمبة وبلف وبالنهاية الراس مشعور
أنا أول بصراحة مفتون فيه لكن من عقب ماسمعت اللي يشيب الراس منه في المنتدى قلت مهوب بعيد عن الروفر البريطاني ومشاكله
ونصيحتي عليك بالتويوتا فورتشنر إن كان ودك ترتاح من الصداع صح
وسعر الباث الفل تلقاه حدود 50 الف 2005 وأنت جاي


اخوي الله يهديك يوجد في ثنايا ردك كلام غير صحيح مثل مقارنته بالامريكي والاروبي
صحيح النيسان اكثر الياباني خراب لكن لا يصل الى الاوروبي والامريكي مواترهم اذا رحت لبر وتلفت الموتر ولا حصل احد حوله خرب وقال هذا مكاني
ولك سعي اذا جبت لي باث نظيف 2005 فل بـ 50 الف
اسعار الباث 2005 الفل جنوط وتخشيبة ومكيف لمس وقير تماتيك من 64 الى 75 الف ريال سعودي بحسب النظافة والممشى
ولك اطيب تحية

[محب المكشات1]

ابو فهد11
الف شكر على هذه المعلومات والنصائح ...فعلا سمعت اكثر من مرة عم مسامير الثلاجو وانها تطيح داخل البستم........

[محب المكشات1]

ياليل خبرني والفتى السندباد مشكورين على الإضافة

والله يوفقكم

[محب المكشات1]

magellan
الف شكر على هذه المعلومات.وكأنك عرفت ما افكر فيه من ناحية السيارة وصيانتها...

ويبدو ان الكفة بدت تميل لصالح التويوتا

[محب المكشات1]

سوسة حطب شكرا لمرورك
طبعي شمالي تسلم والله والتويوتا مامثله

الربذي
ردك شافي ووافي ..........والله بعد كلامك وكلام الشباب فتحت لي أبواب كنت جاهلها ...
تدري المشكلة انه كان معي كامري ..........قبل ..........وامسك خطوط واكرف.....ماتعرف مساعد ولاكبس فرامل
ولاغيره...........واي مكان تبيه قدام................لكن الان انتهى عمرها الافتراضي ...........وصارت زي الامريكي الجديد بالطلبات والاصوات

[محب المكشات1]

ابو عبد الرحمن الصفيان الله يجزاك خير
نصيحة من القلب لتويوتا وانت تحمل في توقيعك صورة الباث .ممايدل على اهتمامك