المساعد الشخصي الرقمي

مشاهدة النسخة كاملة : وبعد عناء طويل كفرات بوالين للجنط 17


راعي البرادو
01/03/2004, 06:29 PM
السلام عليكم ورحمة الله وبركاته
اخواني واخيراً وبعد عناء طويل نزلت في الاسواق كفرات بوالين للجنط 17 من نوع MAXXIS
r17-9.00
ولاكن عندي مشكله :( الكفر يحك في الصاجات من قدام حك خفيييف واقترح علي البعض رفع الموتر قليلاً للمنع من الاحتكاك
ولاكن اذا رفعت الموتر مافي مشاكل؟ وماهي افضل طريقه لرفع الموتر؟ واذا رفعت الموتر ما راح يحك الكفر في الصاجات من فوق مع المطبات؟

هل تنصحوني اني اركب البوالين ولا لا؟
:what:

علماً بأن الموتر هو برادو 2003:D
راعي البرادو
04/03/2004, 01:52 AM
السلام عليكم ورحمة الله وبركاته

وين الردووود اخواني؟
شدعو ماحد يعرف وش الحل؟! :confused:
مهيلان
05/03/2004, 01:50 PM
السلام عليكم

راعي البرادو

اذا كنت مجبور على البوالين

فانصحك تركب جنط 16
هذا من وجهة نضري

لانه اخف على السياره كثيرا

ولان كفراته ارخص بكثير من 17

ويمكن تشتري جنوط مع كفراتها 16 بقيمة الكفرات 17

وهذا بيوفر عليك مسالة رفع الموتر

وسيكون شكل السياره احسن ....


ودمت سالما
راعي البرادو
06/03/2004, 10:38 PM
مشكووور اخوي مهيلان على الرد

والله انا ما ودي اغير الجنوط لأنها وكاله

اذا ممكن تقول لي اذا رفعت الموتر مافي مشاكل؟

ووش هي افضل طريقه لترفيع الموتر؟

واخيراً وليس اخراً هل تنصح بتركيب البوالين؟.؟؟:confused:
مهيلان
07/03/2004, 06:12 AM
السلام عليكم

النفس وما تشتهي

الورش اللي ترفع الموتر كثيره بالصناعيه

مر على ميزان المجد بالرياض الصناعيه القديمه شارع المنتزه

اما من ناحية البلون فانت فاجاتني بسؤالك

ويتضح من سؤالك انك تبي تركبها بدون الحاجه لها

واللي اعرفه انه ما يركبها الا ناس محتاجينها مثل اهل الرمله < الربع الخالي >

وبعد اذا وصلوا الديره يفكونها

اضنها ما تصلح لك لانها مهيب راسيه يعني الموتر يروغ في الخط

غير كذا تنمسح بسرعه

وما تدري كيف بيطلع شكل السياره

نصيحتي باختصار لا تركبها



هذا ما لدي ودمت سالما
عريدان
07/03/2004, 08:24 AM
السلام عليكم ورحمة الله وبركاته
أنا مع الأخ مهيلان بما قاله وخاصة من ناحية الحاجة لتلك الكفرات. لأن جنط البرادو 6 مسامير فيمكن يحصل أنواع قديمه للاندكروزر 6 مسامير /16 أو حتى /15 ويركب البالون اللي يناسب وذلك لكثرة أنواعها. ولكن البرادو "بزاتوه" تصميم رفارفه غريب شوي وشكل تجويفها واسع جدا حتى مع كفرات شد البلد ، وأعتقد راح يكون شكل البالون عليه بالطبع أحلي وأهيب كما هو حاله مع باقي السيارات بشكل عام. واللي ما تهمه الماده وبنفس الوقت لازم يتعامل مع السيارة حسب وضعها بخبره عريقه وممكن يتجاوز بإذن الله السلبيات اللي هو يشوفها أو تعترض رغبته.
جميل جمال
08/03/2004, 12:38 AM
راعي البرادو ..

وين المحل اللي حصلت فيه كفرات البالون اللي تركب على الجنط 17 ؟؟؟

وهل هي تركب على جنط اللاند مقاس 17 ؟؟
راعي البرادو
08/03/2004, 06:50 PM
مشكوووراخوي مهيلان على النصيحه :)

اخوي عريدان مشكور على الرد وصح كلامك البالون يعطي هيبه للموتر ويصير شكله احلى انا ركبت البالون عليه وطلع شكله حلو بس المشكله انه يحك في الصاجات

اخوي جميل جمال الكفرات تلقاها في الصناعيه ووكيلها في الامارات الفطيم نفس وكيل التويوتا

واللي عنده راي لا يبخل علينا