عاجل يا اخوان ... طلب استشاره لمحبي الجمس غمارة ونص

[سرهيد]

السلام عليكم

http://www.mekshat.com/pix/upload02/images76/mk10799_untitled.jpg

الصورة اعلاه نفس السيارة المعروض عليّ

عرض عليّ جمس شفر 99 نفس مواصفات 2000

داخلي جلد ، فل كامل مفخذ ليس مصفح

دبله زر

الموتر ماشي 205 الف ميل طبعا لانه امريكي

فتحة المراتب الخلفيه من جهة واحدة من جهت السواق

لونه تقريبا فضي

الموتر نظيف وما عليه

كم يسوى

ملاحظة ..

لاحظت عليه اني اذا على الاسفلت وانا اجرب الدبل الخفيف وانا راجع ريوس يكون ثقيل ، او ما يمشي ابد الا اذا فصلت الدبل ...

ياليت تعطوني رأيكم وقيمته لا عدمتكم

اخوكم

ابو عبدالله

[كبسولة2]

حسب خبرتي البسيطة في السيارات لقيت واحد

موديل 97 مفخذ دبل قير عادي نظيييييف جداً اللون أبيض

ماشي تقريباً 150 الف ميل أضرب في 1.6 كيلو

لوحات جمركية في معرض بجدة مسيوم بــ 13 الف وراعيه حاده بــ 16 الف

وأنت قارن بين السعر والموديل نسبة وتناسب

والموتر الي تقول عليه

تقريباً يسوى 18 الف إلى 20 الف إذا طار مرة والله أعلم

ولو تنتظر بعد الحج يكون أفضل لأن الأسعار في نزول بإذن الله

[arrow]

بسم الله الرحمن الرحيم

اخوي ابو عبدالله ... السلام عليكم

كم اتمنى اني اقدر افيدك ....... لكن ماعندي خبرة كافية لافادتك ...

لكن ماقلتلنا وش الهدف من الشراء ؟؟؟

يعني بيكون هو موترك ؟؟ بتتنقل عليه واجد ؟؟ ولا بتخليه بس للكشتات والوناسة ؟؟

لاني بصراحة انا عندي تحفض على ممشاه !!

205000 ميل !!!! يعني تقريبا 330000 كلم

وفقك الله لكل خير ......

[كبسولة2]

للمعلومية يا أخوان الجموس الأمريكية

إذا مشت من 160 الف ميل إلى 200 الف ميل

أنتهى عمر المحرك الأفتراضي بالنسبة لمحركات الفورتك

ولازم توضيب لأني لقيت 5 جموس في ورشه فاكين المكاين ومسوين

توضيب لها فسألت الميكانيكي ليش توضبون والسيارات جديدة

قال كل الأمريكي إذا وصل 200 الف يبدأ يتعب البساتم ويبوش

[شقران نجد]

شوري يابو عبدالله انحش

[ثورة الشك]

لو تنتظر بعد الحج يكون أفضل لأن الأسعار في نزول بإذن الله

[قرناس صلا]

أبو عبدالله


مساك الله بالخير

جربناه موديل 2000 مصفح دبل قير عادي والدبل عادي عصا مع واحد من ربعنا يكشت معنا

الموتر راحه وسرعه وكان ,, ما يرده شي شاريه ب 45
الزبده ما طول الدبل صار فيه صوت
الدفرنش الخلفى خرب وغيره لانه كان يسحب المغرزين ,, :)

زار الورش لما داخ ,, مره مكيف ومره دفرنش ومره دبل وبعد الدفرنش صار فيه حذفه

الزبده باعه ب 18 العام الماضي

وأخذ بداله Fj


الموتر اللي معروض عليك ماشي واجد ,, والحين يصخن ويبي الورش

نصيحتي ابعد الا اذا معروض عليك ب 15

والله يرزق البايع والشاري

[سرهيد]

حسب خبرتي البسيطة في السيارات لقيت واحد

موديل 97 مفخذ دبل قير عادي نظيييييف جداً اللون أبيض

ماشي تقريباً 150 الف ميل أضرب في 1.6 كيلو

لوحات جمركية في معرض بجدة مسيوم بــ 13 الف وراعيه حاده بــ 16 الف

وأنت قارن بين السعر والموديل نسبة وتناسب

والموتر الي تقول عليه

تقريباً يسوى 18 الف إلى 20 الف إذا طار مرة والله أعلم

ولو تنتظر بعد الحج يكون أفضل لأن الأسعار في نزول بإذن الله

هلا باخوي الكريم

والله الموتر اللي تقول رخيص مره

هل ما يزال موجود

وشكلنا بنستخير وننتظر الى الحج او نشوف وش تصير عليه السيارات الامريكية ، يمكن نقلبها في جديد

مشكور على الراي لا عدمتك

[سرهيد]

بسم الله الرحمن الرحيم

اخوي ابو عبدالله ... السلام عليكم

كم اتمنى اني اقدر افيدك ....... لكن ماعندي خبرة كافية لافادتك ...

لكن ماقلتلنا وش الهدف من الشراء ؟؟؟

يعني بيكون هو موترك ؟؟ بتتنقل عليه واجد ؟؟ ولا بتخليه بس للكشتات والوناسة ؟؟

لاني بصراحة انا عندي تحفض على ممشاه !!

205000 ميل !!!! يعني تقريبا 330000 كلم

وفقك الله لكل خير ......



هلا باخوي الكريم

طبعا اكيد فقط للكشتات لان عندي سيارة ثانية

فما رأيك

[مساير الليل]

هلا باخوي الكريم

طبعا اكيد فقط للكشتات لان عندي سيارة ثانية

فما رأيك


حيا الله أبو عبدالله


الله يهديك شكلك ناوي على وجع الراااس وشلك في الأمريكي وممشاه واجد بعد :D


على كلام واحد من الشيبان الجمس لاتلفت يمين ويسار في البر ولا لقى آحد حوله طفىء :D


خلك على مويترك مع أنه ردي شوي في الخط وثقيل لكنه يبيض الوجه ومايقصر


وكانك ملزم وتبي غيره عليك بشاص تويوتا مع أنه غااالي بس يستاهل


ولا شاص نيسان تراه رخيص وبيبيض وجهك وبيعجبك ورخيص وزين


وكانك جازم على الجمس بعد الأستخاره لاتفرط في موترك ألي معك لين تقتنع في الجمس لا تتحسف

ولاتنسى عكاس دبله واجد معنى جمس 2006 سوبربان مامشىء ألا 16 آلف بس ودخلنا به في الطعوس ويغرز نبي نشبك الدبل الثقيل عجز يشبك وسئلنا آهل المعرفه وقالوا بعض الأحيان مايشبك لازم تمشي عليه شوي لين تتطابق التروس

[سطام vip]

عذروب هالموتر غير ممشاة الكثير

هو الدبل (أزرار) يا كرهي له

ابو عبدالله استخر الله وان شاء الله ربي بيعوضك بموتر أفضل

والافضل ان تصبر لما بعد الحج

والله يكتب لك الي فيه الخير

[أبو عبدالرحمن 2010]

السلام عليكم

عفوا اخوي سرهيد ممكن ترسل لي رابط الساحة العربية الغير محجوب على الخاص

ولك جزيل الشكر

[إعصار]

أبوعبدالله ..


نصيحة لاتقربه .. كم واحد من الربع معهم ذا الجموس ..


فترة وباعوها ..ماتعيش يارجال ..


فترة وتبدأ الخرابات الي ماتنتهي .. خصوصا الدبل .. الحرارة .. صرفيييية بنزين .. طرمبة بنزين ..





مالك والامريكي ..واحتسب الاجر على انه مقاطعة لدولة الكفر والعدوان .. الله يجعل أزمتهم من جرف الى دحديرة .. آآآمين




دام عندك موتر ثاني لاتاخذ الا شاص ..




لو ما معك الا موتر واحد صعب تأخذ الشاص غير مريح ولا يشيل ..



لكن دام فيه موتر للدوام والديرة .. خذ الاشهب عز الله انه دواء قلب ..

[سرهيد]

حيا الله أبو عبدالله



الله يهديك شكلك ناوي على وجع الراااس وشلك في الأمريكي وممشاه واجد بعد :D


على كلام واحد من الشيبان الجمس لاتلفت يمين ويسار في البر ولا لقى آحد حوله طفىء :D


خلك على مويترك مع أنه ردي شوي في الخط وثقيل لكنه يبيض الوجه ومايقصر


وكانك ملزم وتبي غيره عليك بشاص تويوتا مع أنه غااالي بس يستاهل


ولا شاص نيسان تراه رخيص وبيبيض وجهك وبيعجبك ورخيص وزين


وكانك جازم على الجمس بعد الأستخاره لاتفرط في موترك ألي معك لين تقتنع في الجمس لا تتحسف



ولاتنسى عكاس دبله واجد معنى جمس 2006 سوبربان مامشىء ألا 16 آلف بس ودخلنا به في الطعوس ويغرز نبي نشبك الدبل الثقيل عجز يشبك وسئلنا آهل المعرفه وقالوا بعض الأحيان مايشبك لازم تمشي عليه شوي لين تتطابق التروس


السلام عليكم

هذا الكلام اللي نبيه قبل ما نشتري

الحقيقة انا وقفت على اسعار الجدد ولا يهم اشتري جديد والا مستعمل ، لكن الربع قالوا انت تبيه للبر ليش تشتيري جديد ،

وسالفة الشاص هذي لا نذكرني فيه ، انا كنت على وشك اشتري شاص ووقفت على واحد 2006 وسمته منه بـ 105000 وحد عليّ بـ 108000 لكن ما كتب الله ، وربك قدر عدم الشراء ، لاني اخذت شاص رفيق لي وجربت ، الموتر ما يحتاج اتكلم عنه ، لكن وجدت انك لو تركب معك واحد بس تضايقت من الغمارة

وانا رجال ما اروح الا معي احد ، وحريص اكشت بالعيال

يعني ابي موتر يشيليني ويشيل غيري معي

وهذا اللي ردني عن الشاص

والددسن يبرد الخاطر لكن في الخط لك عليه ومثل ما قلت عزمه شوي وخاصة البخاخ .

اما سالفه العكوس هذي بنشاور ونرد النظر قبل ما نشتري

واشكرك من اعماق قلبي على اعطائي خبرتك في مثل هالانواع ، لاني حريص ما ابي اطب في سيارة وخاصة اني ابيها للبر الا متواسي

مع ملاحظة : اني راعي كشتات ، يعني احب اكشت ، وحريص على ان عفشي كله معي ، لكن طرد والا غيره ما لي فيه ..

مغرم بالكشتات وين ما تكون على طعس حول ضلع ايا كان

تقبل احترامي

علشان كذا

[سرهيد]

السلام عليكم

عفوا اخوي سرهيد ممكن ترسل لي رابط الساحة العربية الغير محجوب على الخاص

ولك جزيل الشكر

هلا وغلا باخوي الكريم

نبي رأيك قبل اعطيك الرابط :) هههههه

والله مبطي عنها لكن ابشر برسله لك على الخاص بس خلني ادوره لاني من زمان عنها وبشوف الرابط اللي فاتح

تقبل احترامي

[سرهيد]

عذروب هالموتر غير ممشاة الكثير

هو الدبل (أزرار) يا كرهي له

ابو عبدالله استخر الله وان شاء الله ربي بيعوضك بموتر أفضل

والافضل ان تصبر لما بعد الحج

والله يكتب لك الي فيه الخير


هو فعلا الممشى معذربه واجد

لكن الموتر الله حق انه متماسك وجربت مشيت عليه يعني ما شاء الله

وفعلا شكلي بخلي الدعوى الين بعد الحج الجميع يشير عليّ الى ما بعد الحج

مشكور جعلك تسلم

[سرهيد]

أبوعبدالله ..



نصيحة لاتقربه .. كم واحد من الربع معهم ذا الجموس ..


فترة وباعوها ..ماتعيش يارجال ..


فترة وتبدأ الخرابات الي ماتنتهي .. خصوصا الدبل .. الحرارة .. صرفيييية بنزين .. طرمبة بنزين ..





مالك والامريكي ..واحتسب الاجر على انه مقاطعة لدولة الكفر والعدوان .. الله يجعل أزمتهم من جرف الى دحديرة .. آآآمين




دام عندك موتر ثاني لاتاخذ الا شاص ..




لو ما معك الا موتر واحد صعب تأخذ الشاص غير مريح ولا يشيل ..




لكن دام فيه موتر للدوام والديرة .. خذ الاشهب عز الله انه دواء قلب ..


هلا باخوي اعصار

والله انا الى الآن ما قربته ابشرك ، وقاعد اجرب وابي شور الربع اللي جربوه من قرب

والشاص استخرت عنه وسبق وذكرت اني على وشك اشتريه ولكن سالفه انه ما يركب الا واحد ما جازت لي

وعسى الله يكتب اللي فيه خير

تقبل احترامي

[بـلـيـهـان 1]

اقيامه يالغالي من 28 إلى 35 تقريبا ً ..

[عاشق z71]

والله يالغالي الموتر ماعليه

او بالاصح توافيق

اذا طحتلك بواحد نظيف صدقني والله ثم والله ثم والله ان تسحب على الشاص بعد


واسال اخونا العارض هو ابخص بمقارنته مع الشاص

الموتر تحمله من ذا الخيام وذا التوانكي وتحط فالحوظ دبل وزنه وتلاقيه طياره واتحدا اي موتر ثاني يسويها واولهم الشاص الشاص لي فللت الحوظ وجيت بطريق فردي تتعدا وقتها تعرف وش معنا عطايا الله الجمس

وشغلة انه يوهق بذ البران

هذا الكلام زمان

واي موتر احتمال يوهقك بعطل ولاكن اذا استخدامك صحيح وفصحصك له دوري ماراح تشوف الى العز والراحه والهيبه

شف الفتك والنيسان مثلا ممكن اي وقت تطيح مسامير الثلاجه وتتوهق لاكن اذا استخدامك صحيح ماراح تطيح

وغيرها غيرها من السيارات

وللمعلوميه الجمس اذا تعطل لاي سبب كان مثل ارتفاع الحراراه او خلل بالمكينه او او

يقوم الكمبويتر باطفاء اربعه سلندرات يعني يصير يشتغل اربع بساتم ويطفي المكيف اوتوماتيك وتتوقف عن العمل اشياء كثيره بغرض توصيلك لاقرب محطه صيانه
وهذي مهي باي موتر ثاني << هذا اذا تكلمنا بشغلة الاعطال

يعني تحس معك موتر فحل مكينه صح دفرنس صح قير مخصص للطرق الوعره

يعني من جميع النواحي

انا معي جمس حوظ موديل 2000 له سنتين معي الحين

اكبر عطل صار فيه هو صوفة القير تهرب ومكينة القزاز


بالنهايه اذا طحت بموتر نظيف صدقني يمكن تسلم المفتاح لعيالك باذن الله

وان طحت بموتر ردي يمكن بعدها تكره امريكا الي صنعته

والله يوفقك يالغالي ويرزقك بالنظيف يارب

[النشمي11]

اللي يقولون بـ 15000 واللي يقولون بـ 18000

أقول لهم انا ابي هالمعروض بخمس وعشرين وتراي صامل

اللي ما يعرف المواتر لا يعذرب بها

[arrow]

هلا باخوي الكريم

طبعا اكيد فقط للكشتات لان عندي سيارة ثانية

فما رأيك

طبعا رايي اذا انت فاهم في ميكانيكا الامريكي خذه ( بالنسبة للسعر لاادري ).. لانه فقط للكشتات وليس للسفرات ومشاوير الاولاد وهذا الاهم ....فتوقع انه قد يتعطل عليك باي لحظة ...ودامك بكشته فالمشكلة اهون من كونك مع اولادك ...

فيه مقولة عن الجمس الحوض سمعتها قديما من احد الشباب معه واحد يقول :

(هالموتر لاصرت بالبر يلتفت يمين ويلتفت يسار , لاشاف ماحولك احد,,,,,,خرب )

اما من ناحية الراحة والقوة والسعر المناسب فخذ رجل ......

[السنع كله]

افحص وشاور وبعدها تراك لاقي سيارة 000ومن يمدح ومن يذم كلى بحسب تجربته وهو عام في السيارات كلها

[النوء]

اخوي ابو عبدالله الله يختار اللي لك فيه صالح ونافع
ودي انك تمر على هالموضوع وتستخير
تجربتي الشخصية وتقريري المصور عن ميتسوبيشي L200 Sportero (http://www.mekshat.com/vb/showthread.php?t=171202)

[راعي هوى]

ياخوي انا مع اخوي عاشق Z71
الجمس ياخوي طول عمرنا واحنا نستعمله ماشفنا هل الكلام اللي يقول اذا مالقا احد خرب واذا على الشايب قوله وراه البهبهاني محدن يبيه
باختصار


(خذ ولد):good: :good: :good:

[GMC 8800]

ابو عبدالله .. حياك الله .. وكيف حالكـ .. ؟


انا معي جمس غماره ونص مصفح 2004
ان جت على الممشى فأنا اتوقع انه عادي لانه امريكي والامريكان راعين ممشى ومشاوير زينه مهوب مثل مشاويرنا .. يعني توقع انه كل 200 كيلو يوقف في محطاتهم الزينه ويريح ولاهوب مثلنا يلقط والدينه 2000 كيلو ماطفاه ..

واهم شي يا ابو عبدالله افحص الموتر فحص كااامل على كل شي .. وافحصه في الموقع المشهور كار فاكس بس تراه بفلوس .. والطريقه يعلمونها لك الاخوان ..

وخذها مني ..
مع العلم اني منيب راعي بر بس راعي تطعيس .. وخذه موتر في التطعيس .. مايرده شي إلا رب العالمين .. والمشكله الوحيده هو الطول مايصلح في قص السيوف وان شاء الله انك منت راعي قص سيوف وهباال خخخخ

وفي الرادميه شيخ .. مطبه هباااال ولا تحس به وانا راعي سرعه ومطامر ولا اعرف اهدي ..
اما الخط مايحتاج نتكلم الجمس معروووف بالرساوه والعزم ..
والتحميل شي ماتصدقه حمل وامش ..<< المصفح اما المفخذ مدري عنه
ومن ناحية الخرابات اول ماجبته من امريكا بدا يخنبق من ناحية الحراره وطرمبة الزيت مع العلم انه سوء استخدام مني ..


وانا جربت الشاص .. شيخ وحلو ونصبه .. بس ضيقه المرتبه ومطبه اقشر ولايصلح تحميل ..

وفي الاخير مالك إلا ربك ولاتنسى الاستخاره وترا الناس اذواق ولاتتكل على كلام الناس تراني يوم اشريه مابقا احد ماسبه ووشوله ومن زينه ونكبه في البر .. والله اني ماشفت من إلا كل خير ويبرد القلب ..

وان كانك تبي موتري تراني بيااااع وادور زبوون ومستعجل ردلي على الخاص ولا تلقاني في رابطة ملاك الجموس الحوض ..

وشكراا ..

[لن أمل من العطاء]

سلام ياللي صنعته الولايات
ياللي امريكا بالمصانع تصبه


عزيزي

الجمس اذا اتى من يراعيه ويحافظ عليه صدقني يخدم معاك لسنين

وايضا اهم شيء يسلم من عيون الناس (يعني مو كل يوم تجلس تغسله )


صدقني سيارة كشخه وسفر وتحميل وسحب وبر وعائله وشباب .... لكل الاحتياجات


اتمنى لك اختيار موفق باذن الله


اخوك


لن امل من العطاء

[راعي البحري]

مشكلة بعض الناس يردد أقوال يسمعها مع إنه ماجرب
طيب هالجموس القديمة اللي تكد الجح وغيره كم موديلها
وبعدين اللي ينصحك با لشاص كم سعره وكم سعر الجمس مع الفرق الشاسع في الخدمة والشكل والراحة
والله أراجع ورش لقطع رخيصة متوفرة ببلاش
ولا أراجع مستشفيات لظهري ويدي من الشاصhttp://up1.mlfnt.net/images/ue22x0ebr33kqkx2wq.jpg

[سرهيد]

اقيامه يالغالي من 28 إلى 35 تقريبا ً ..


بيض الله وجهك

وفعلا هذا ما اشار لي به اهل السيارات والقريبين من البيع والشراء حدود آخر سعر 35 الف

وقد سمته من صاحبه بهذه المبلغ اللي هو 35000 لكنه رفض

وعسى الله يكتب لنا الخير

يعجبني من يشارك ويعطي يقارب الحقيقة

لان الاخوان اللي قالوا بسعر 15و18 هم مجتهودون ولكن لو كانت السيارة عنده مستحيل يطلب فيه هذا السعر

لذا فقط الهدف ان لا نبخس صاحب السياره حقها

ومشكورين

[سرهيد]

والله يالغالي الموتر ماعليه

او بالاصح توافيق

اذا طحتلك بواحد نظيف صدقني والله ثم والله ثم والله ان تسحب على الشاص بعد


واسال اخونا العارض هو ابخص بمقارنته مع الشاص

الموتر تحمله من ذا الخيام وذا التوانكي وتحط فالحوظ دبل وزنه وتلاقيه طياره واتحدا اي موتر ثاني يسويها واولهم الشاص الشاص لي فللت الحوظ وجيت بطريق فردي تتعدا وقتها تعرف وش معنا عطايا الله الجمس

وشغلة انه يوهق بذ البران

هذا الكلام زمان

واي موتر احتمال يوهقك بعطل ولاكن اذا استخدامك صحيح وفصحصك له دوري ماراح تشوف الى العز والراحه والهيبه

شف الفتك والنيسان مثلا ممكن اي وقت تطيح مسامير الثلاجه وتتوهق لاكن اذا استخدامك صحيح ماراح تطيح

وغيرها غيرها من السيارات

وللمعلوميه الجمس اذا تعطل لاي سبب كان مثل ارتفاع الحراراه او خلل بالمكينه او او

يقوم الكمبويتر باطفاء اربعه سلندرات يعني يصير يشتغل اربع بساتم ويطفي المكيف اوتوماتيك وتتوقف عن العمل اشياء كثيره بغرض توصيلك لاقرب محطه صيانه
وهذي مهي باي موتر ثاني << هذا اذا تكلمنا بشغلة الاعطال

يعني تحس معك موتر فحل مكينه صح دفرنس صح قير مخصص للطرق الوعره

يعني من جميع النواحي

انا معي جمس حوظ موديل 2000 له سنتين معي الحين

اكبر عطل صار فيه هو صوفة القير تهرب ومكينة القزاز


بالنهايه اذا طحت بموتر نظيف صدقني يمكن تسلم المفتاح لعيالك باذن الله

وان طحت بموتر ردي يمكن بعدها تكره امريكا الي صنعته

والله يوفقك يالغالي ويرزقك بالنظيف يارب

اخوي عاشق

بيض الله وجهك

كلام رائع ويجعلني اقدم على الجمس

مثل هذا الكلام القريب من الواقع هو ما اريد وهو ما يجعل الواحد يطمئن على الاقدام على التغير من ياباني الى امريكي

اشكرك من اعماق قلبي اخي على هذه الكلام اللي سيغرس شراء الجمس في رأسي

[سرهيد]

اللي يقولون بـ 15000 واللي يقولون بـ 18000

أقول لهم انا ابي هالمعروض بخمس وعشرين وتراي صامل

اللي ما يعرف المواتر لا يعذرب بها

هلا وغلا بالنشمي

هذا هو الكلام الصحيح

اللي ما يعرف اقيام السيارات لا يعطي اسعار ما يدري عنها

الموتر سمته منه بـ 35000 والرجال رفض وقال بشاور عمري

شكرا لك يا اخوي على كلامك الطيب

تقبل احترامي

[الخادم]

تحياتي لكم جميع
ماكل سيارة الا وحسب السواق
بمعنا السواق يرفق و يغير الزيت بوقتة و يفحص السيارة تدوم معة او سواق طارة مادام السيارة ماشية يحط رجلة في الطرق و في البر حتي توقف وهاذا مايصلح
اول شي قولو ما شاء الله ( الله يجزاكم خير )
معي جمس 2006 غمارة و نصف قطري و صدرته للسعودية تصدير و لوحات سعودية و عدادة عربي ودبلة زرار ( اذا بغيت تعشقة فاحسن شئ وقف و عشق الدبل ثم ادخل اكبر طعس و سيف ماعليك و اذا خلصت وقف و افصلة و بها الطريقة يعيش معك )
مركب عليه شد و بطارية احتياط و جهاز كهرباء و تانكي ماء و جهاز كنود
و اذا جاز لكم سومو مافية شئ محرم عن البيع و الله يوفقكم و يوفقني
و هاذا رابطة
http://75.126.184.24/~mekshat/vb/showthread.php?t=135207

[الخادم]

----
----
-----

[سرهيد]

تحياتي لكم جميع
ماكل سيارة الا وحسب السواق
بمعنا السواق يرفق و يغير الزيت بوقتة و يفحص السيارة تدوم معة او سواق طارة مادام السيارة ماشية يحط رجلة في الطرق و في البر حتي توقف وهاذا مايصلح
اول شي قولو ما شاء الله ( الله يجزاكم خير )
معي جمس 2006 غمارة و نصف قطري و صدرته للسعودية تصدير و لوحات سعودية و عدادة عربي ودبلة زرار ( اذا بغيت تعشقة فاحسن شئ وقف و عشق الدبل ثم ادخل اكبر طعس و سيف ماعليك و اذا خلصت وقف و افصلة و بها الطريقة يعيش معك )
مركب عليه شد و بطارية احتياط و جهاز كهرباء و تانكي ماء و جهاز كنود
و اذا جاز لكم سومو مافية شئ محرم عن البيع و الله يوفقكم و يوفقني
و هاذا رابطة
http://75.126.184.24/~mekshat/vb/showthread.php?t=135207


بيض الله وجهك اخوي الخادم

وعسى الله يهينك بسيارتك ويطعمك خيرها ويكفيك شرها

على فكره تراني ارسلت لك رسالة على الخاص

تقبل احترامي

[سرهيد]

افحص وشاور وبعدها تراك لاقي سيارة 000ومن يمدح ومن يذم كلى بحسب تجربته وهو عام في السيارات كلها

هلا باخوي السنع كله

بيض الله وجك وما قصرت جعلك تسلم

وما فيه شك ان الواحد بيفحظ وبيشاور وهذا الموضوع هو طلب مشوره

جزاك الله خير