عطوني الحل ،،،،،‘‘‘‘‘‘‘‘‘ ( الددسن يغرز في أردى الطعوس ) "وما هو رأيكم في هذا الحل ؟

[الملك المتوج]

عندى ددسن مديل 95 عيبه الوحيد في رأيي أنه لا ينغزى فيه عند الذهاب للبر خاصة عند المرور بالكثبان الرملية .

قبل ما تعطوني الحل ما هو رأيكم في تركيب كفرات أعرض من كفراته الحالية حيث أن الحالية في رأيي كأنها صغير الحجم .

فلو سمحتم تعطوني رأيكم حول هذا الموضوع ولكم جزيل الشكر والتقدير .

[الوايلي...501]

انا معي موديل 99
وكانت زي ماقلت سيكل مهي موتر وطقيت لها
جنط 15 زي اللي عل2000وفوق وصارت ميه ميه
الزبده ان من 99وتحت جنط14 مايصلح من 2000وفوق ممتاز

[الملك المتوج]

أما وصفك لها بالسيكل صراحة في الصميم ( أحسن توصيف )
هههههههههههههههههههههههههههههههههههههههههههههههههه ههههه

[ta3b]

اما سيكل ههههههههههههههههههههههه قويه

[إيسوزو ديماكس]

بع موترك واشتر جيب 6 سلندر


وراح تدعي لي ......

الطريقة مجربة

ههههههههههههههههههههههه

[بواسامه]

اسباب التغريز
اما السواق مهوب طارة ولا اظنك منهم
اما الهواء عالي في الكفرات ويلزمك تلين وتتمشى وانت مرتاح
والكفرات الكبار مهيب دليل والله من جيب يسحبه ونيت
اما ان الموتر مهنا عزم وضعيف جدا ويحتاج صيانه
اما انه نشيط وانت تدعس بزود ويحفر وهو يبي مسايس وسعة صدر

[فاقد الديرة]

مثل ماقال اخوي الوايلي 501 ركب جنوط 15 شد بلد من 2005 فما فوق

[GMC79]

ركب حنط 15 وكفر 225 على75 ومساعدات جبريل رياضي ونسم الى 5 واجلده وما جاك علي

[العوشز]

الحل في مشكلتك
تغير السواق :D :D :D



لا لا أمزح معك الحل في الكفرات
اختر نوع لين وعريض
ولا تنس التنسيم يعني خل بالكفر من 15 إلى 20 هواء حسب المكان ونوعية الرمال فيه بعدها سترى الفرق كبيرا
وعليك بالرفق مع أخذ العزم ولا تجي النفود من وجهه بل من جوانبه وابتعد عن الرباضات وهي مكان تراكم الرمل المتجمع بسبب الرياح

[أبـــ سعود ــــو]

ركب حنط 15 وكفر 225 على75 ومساعدات جبريل رياضي ونسم الى 5 واجلده وما جاك علي

[راعي 2700]

اسباب التغريز
اما السواق مهوب طارة ولا اظنك منهم
اما الهواء عالي في الكفرات ويلزمك تلين وتتمشى وانت مرتاح
والكفرات الكبار مهيب دليل والله من جيب يسحبه ونيت
اما ان الموتر مهنا عزم وضعيف جدا ويحتاج صيانه
اما انه نشيط وانت تدعس بزود ويحفر وهو يبي مسايس وسعة صدر

عين الصواب.!

[menjal]

التنسيم ضروري في السيارات ذات الدفع الخلفي فبدونه يصعب عليك القيادة بامان ،،،،،

[طبعي شمالي]

شوف بصفه عامه الهلي افضل من الددسن بالتطعيس

لكن شور الشباب وهداية الله غير الكفرات وتوكل على الله ودربك خضر ان شاء الله

[مشاغب شوي]

ركب حنط 15 وكفر 225 على75 ومساعدات جبريل رياضي ونسم الى 5 واجلده وما جاك علي

ماازيد على كلام اخوي

الا الكفرات انتبه لا تنفصخ عليك ولا حطها 10 ورح للي تبي

[ابوسفرجل]

نسم الكفرات من 10 الى 15 وماجاك عندي وبأذن الله ماتغرز بس اهم شيى خذ معك منفاخ للهوا والددسن خفيف دم يبيله سرعه في الرمل وثقه بالنفس ولا توقف اذا حسيت انك بتغرز اما الكفرات العريضه فلا شك تعطيك افضل نتيجه من كفرات السيكل .

[أبو الكيف]

فيه راي أقل تكلفة من تغيير الجنوط

خلك على الجنط ال 14 و ركب كفرات مقاس 205/75/14 يوكوهاما أو هانكوك
و باذن الله سيتغير عليك الموتر و لا تنسى التنسيم 10 مناسب

و بالتوفيق

[abohmad]

يمكن انك ما تعرف اتسوق

[BIOS]

يمكن انك ما تعرف اتسوق

ودي ارد عليك بس مدري شلون اعبر.......

[إعصار]

شيك على فلتر الهواء والبواجي واسلاك البواجي .. ممكن تكون قدييييمة مرة ..

ركب كفرات اعرض وجنط جي تي .. اذا انت راعي نفود اكثر من الشعبان ركب كفرات هنكوك ..

اطرح الهواء على 10 ..

اشتر ماطور هواء ابو جمل ..

اذا تبي يفرق بعد ركب مرواح ..

صدقني يفرق كثيررر معك اذا سويت الي قلت لك ..

[بـلـيـهـان 1]

اسباب التغريز
اما السواق مهوب طارة ولا اظنك منهم
اما الهواء عالي في الكفرات ويلزمك تلين وتتمشى وانت مرتاح
والكفرات الكبار مهيب دليل والله من جيب يسحبه ونيت
اما ان الموتر مهنا عزم وضعيف جدا ويحتاج صيانه
اما انه نشيط وانت تدعس بزود ويحفر وهو يبي مسايس وسعة صدر

كلام صحيح جدا

[خالد اسعد]

اخوي اذا راع طعووووووس بالحيل لازم من العزم يكون فيه حيل

وانا معي ددسن 2006 ولا احلى لكن لا طاحت سلملي

((((لاتتهور لانه مو دبل عشان التعليق))))


بس انت طري للكفر ولا احلى لازم خاصة لا كنت تبي تمشي مسافة

طويلة اما على بطناج ومحجر ماتوقع يحتاج


مرة طريت للكفر يمكن على الميزان طلع صفر بس على الرمل

كانك على مزفلت ولا تعرف شي اسمه تغريز(((لا تسوي هالشي الا للضرورة)))

اخوي انت تحكم بالسيارة لا تخليها تتحكم فيك


هذي اشياء خلها معك بالسيارة
ساعة هواء
منفاخ هواء
واير او 2
4 شباب عشان اذا غرزت خخخخخخخخخخ




ياخوان غلطان اللي مايشتري سيارة دبل خذوها من مجرب

ليه توهق نفسك بددسن وتغامر بالبران

خلك مع دبل وامشي وانت مطمان

[فهد بن مشبب العاصمي]

السلام عليكم

اخوي شيك على الكلبريتر ترى دايم يطيح عزم الموتر .. اسال مجرب ..

تحيتي لك