اخ ياحسرتي على سيارتي لاحول ولاقوه الا بالله

[ولد دوارد]

بسم الله الرحمن الرحيم
السلام عليكم
اخواني الاعزاء مانصح احد يشتري مستعل ابد الا اذا شرييطي
اما مثلي وغيري مايعرف مانصحه
انا شريت ددسن 2001
كلبيتر غمارتين بـ 33 وماخذها غلا مضطر
والموتر تاكدت انه جايته صدمة وجهيه
والقير اتضح لي ماهو شد بلده:no:
والعداد مفصول شكله ماشيه لين قايله بس ماشية 6660:D
واليوم انكسرت عصا القير وانا ماسحب شئ:eek:
بس صرخت..!!
وش تنصحوني ابيعها انا بصلحها هي بالورشة بس ابيعها شئ ولا وش الدبرة ابي ارائكم
ـــــــــــــــــــــــــ
والمشكلة الله يعطيه على نيته يارب ان راعي الموتر شارطلي القير والبدي والمكينه
وكلمته وقال انا شرطتها لك بوقتها قلت العلم بتاخذذها وترد قروشي ولا تزينها قال جبها عندي قلت وتعطيني فلوسي قال لا ابحطها كذا ولاني مصلحها
ـــــــــــــــــــــــــــــــــــــــــ
وشكرا وابي اكون عبره لمن يعتبر ولي
تههي تهي

[arrow]

الله يعوض عليك بخير ....

الحذر واجب من الشريطية مافيهم الصادق ولا عن ظلمهم 99.99 % منهم نصابين

[كبسولة2]

الله يعوض عليك

[بواسامه]

الله يعوضك خير وهذا من الابتلاء لك
قال تعالى((
ولنبلونكم 000000الايه والشاهد ونقص من الاموال))
عليك بالصدق اذا اردت بيعها
عوضك الله خيرا منها

[أبووو محمد]

اول الله يصبرك

ومالك الا تصلحه


ثانيا

لاتثق بالبيع والشراء ابدابد ابد


الكلام مهوب مهوب دليل لامنه قال الموتر على الشرط


انت انسان عندك ذمه وتخاف ربك

غيرك ماعنده ذمه انا ولد خالي شرا جيب

عن طلايق خويه وخويه يمدحه له وقاله مافيه الا رفرفر والموتر ماشي 80

وشراءه على اساس ان الموتر جاي من طرف خويه

بعدين تبين له ان الموتر منقلب على جنب وماشي فوق ال 100 وضاق صدره وباع الموتر بخساره

فتاكد من قبل شرا السياره لو من اخوك افحصه يمكن بعد اخوك مايدري عن هالخراب تقول انت تاخذه وتبلش به

لكن اذا تبي شوري


رح افحصه ب 150 عند الغروب

وان كان يبيله شي بسيط ماكيلف واجد زينه بحيث تكون لك وللزمن

وان كان يبيله شغل رح المعارض وبعه

[الخيال الاسود]

الله يعوضك خير منها

[لن أمل من العطاء]

الشريطي لو يقول ان المسلمين يصلون باتجاه القبله قلت له كذااااب

الا من هدى الله

[مقلع الرمث]

الله يرزقك الشريطي اللي تنشبه بحلقه هههههه

[ولد دوارد]

الله يعوضنا ووياكم بالخير وابسئلكم العامود حق القير يستهال اني ابيعه عشانه
ـــــ
انا لامني بعته ابقوله افحصه يومين كاملات بالي تبيه وبس اخاف يطرح من سعره اذا قلت قير ولاش.!!
اقول افحصة بس ولا اقول به قير وبه وبه
والله يعافيكم

[الكونترولCONTROL]

واحد من الشباب باع سيارته ( هايلكس ) مصدومة على واحد
و بعد أقل من شهر لقاها في المعارض مرجع عدادها
و يحلف راعي المعرض انها استعماله و لا جاها شيء !!!
قال له : يا رجل هذي كانت معي و صادم فيها صدمة قوية و ماشية أضعاف العداد الحالي !!
قال له راعي المعرض : تبي تشتري هذا الموتر قدامك ... أو شف المعارض واجد !!!!

[بدوي جنوبي]

بعض الاحاديث المهمه

قال صلى الله عليه وسلم: '' من حلف على يمين وهو فيها فاجر ليقطع بها مال امرئ مسلم لقي الله وهو عليه غضبان'' البخاري·


قال صلى الله عليه وسلم: ''البيّعان بالخيار ما لم يتفرقا، فإن صدق البيعان بورك لهما في بيعهما، وإن كتما وكذبا فعسى أن يربحا ربحا ويمحقا بركة بيعهما'' مسلم·





قَالَ النَّبِيُّ صَلَّى اللَّهُ عَلَيْهِ وَسَلَّمَ( الْخَدِيعَةُ فِي النَّارِ وَمَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ)،، البخاري



-إقالة النادم : أن تقبل إرجاع السلعة بعد بيعها
لحاجة المشتري إلى المال،، أو اكتشافه أنه غير محتاج
لها وندمه على الشراء،، فمن حسن المعاملة
الشرعية أن يقبل التاجر السلعة من المشتري
النادم وله من الله في هذا الفعل الأجر والمثوبة.


عن أبي هريرة قال: قال رسول الله : من أقال مسلما بيعته أقاله الله عثرته يوم القيامة.
رواه أبو داود وابن ماجه وابن حبان.



اسئل الله ان يعوضك خيرا منها
اذا اردت البيع بّين ما فيها من عيوب


واتبع قول رسولنا الكريم
وقال صلى الله عليه وسلم: ''من باع عيبا لم يبيّنه، لم يزل في مقت الله ولم تزل الملائكة تلعنه'' ابن ماجة·

الاحاديث منقوله من موضوع

๑×۩۞۩ااحكام البيع والشراء في الاسلام مهم جدااا (http://www.mekshat.com/vb/showthread.php?t=154713)๑ ๑×۩۞۩๑ (http://www.mekshat.com/vb/showthread.php?t=154713)

بقسم البيع والشراء بمنتديات مكشات قسم السيارات

[ولد دوارد]

مشكلة هـ الناس والله مدري وش بتفيدهم القروش يوم القيامة يومن تنشب بحلقة
انا ابي اسئل تستاهل ابيعها عشان العامود
يمكن مصدي وترا 2001لها ثمان سنوات يعني ولا هي من الدفعة الاولي ممكن 9

[ولد دوارد]

ماقصرت ياجنوبي كثر الله من امثالك والله والي له خبره يفيدني العامود يحمل اني اصلحه وابيعه ولا اجربه وان تطامرت معي الخرابات بعته واشتري جديد غيرالجديد لاتشتري نصييحة

[راكان الاول]

ولد دوارد أول شي السلام عليكم.
ثاني شي ليتك ولد عمر والا ولد عبدالله ليش ادوارد.
ثالثاً لا تبيع السيارة عشان عصا القير انكسر.
الحمد لله والشكر بالنسبة للي باعها عليك قل حسبي الله ونعم الوكيل فيه واتركه أو روح المحكمة وقدم فيه شكوى والبينة على من ادعى وهي واضحة تقدر ثبتها عند اصحاب الورشات بسهولة، واليمين على من انكر.
تشتكيه ويرجع السيارة والا ينزل لك بعض الدراهم ولا اضن انه بيحلف كذب.
رابعا احمدربك على العافية وعساك تخسر بسيارة ولا تخسر باللي اكبر منها (حياة صحة عقل سمعة.. الخ).
ترى الفرق ماهو واجد واذا كان قيرها مغير يا رجال لاتكبر الامور بالحيل استعملها وتجي العافية ولا يندرى وين الخير فيه يمكن تكون هالسيارة سبب انك تدعي ربك بشي كبير ويستجاب لك ويمكن تكون سبب بردك عن سوء، لاتحب ولاتكره.
وانسى الموضوع.
انسى الموضوع
انسى الموضوع
انسى الموضوع ضوع ضوع ضوع ع ع ع ـــــــــــــــــ . . . . .
والسلام عليكم.

[عبدالله الضويان]

والله يا اخوان انا ما اصدق احد ابد مهما قال نظيف وانا ماعندي خبره في السيارات لكن النصيحه اللي مايعرف في السيارات مثلي لا يقعد يتفلسف ويسوي انه فاهم حركات الشريطيه ولايقدرون يلعبون عليه
الي بغى يشري يشرط عليه الفحص عند الكمبيوتر و250 ريال يفحص وهو مرتاح والان صار عندهم اللي يكشف السياره هي جايتها صدمه او رش بويه والا لا ويشري على بينه ويفك عمره من غش الشريطيه

[واقعي وعقلاني]

عليك بالدعاء عليه وأن يجعل رزقه فيه الددسن والله العظيم اشك ان هذولا مسلمين هل هاذي أخلاق المسلمين ؟؟؟؟؟؟؟؟؟؟؟
لا حول ولا قوة إلا بالله ...

[ولد دوارد]

صدقتم والله وهاذي زي الدرس عندي
انا ماني ولد ادوارد انا ولد داورد محافظة الداودمي تسمى داورد
انا ترا لو ابي اطلع القروش طلعتها من خشمة انشبله بحلق بيعطيني زيادة بعد خخخخخخ
ولا محاكم ولاشئ
كلها 33 الف ماتسوى ابوي على اخر عمرة ولا انا اوقف بالمحكمة جعلنا ماندخلها بشر قولوا امين
وياما ناس جتهم بالملاين واكبر مثال حقين الاسهم ان مشت معي زين على زين وان مامشت علمت الي بيشتري فيها الخ .. وابري ذمتي
ــــــــــــــــــــــــــــــــــــــــــــــــــ ـــــ
واقولكم انا قبل ماشتريها طحت بوحدة مهيب جي ال نفس الموديل بس دركسون هوا *29,500 وهو يعرف ابوي معرفة وهاذيك دمرانه دمار يعني بينها ثلاث الاف وخمس مية
النجمة معناها كتابتا ماعرف احسب زين اعذروني*تسعة وعشرون الفاً وخمس مائة ريال
يعني شف نصب الشريطية

[aljde40]

حسبنا الله ونعم الوكيل.

[ضوء]

انا لامني بعته ابقوله افحصه يومين كاملات بالي تبيه وبس اخاف يطرح من سعره اذا قلت قير ولاش.!!
اقول افحصة بس ولا اقول به قير وبه وبه

يعني ماترضى ان احد يغشك وتغش الناس عادي

[AMAZ]

يقول الرسول صلى الله عليه وسلم (من غشنا فليسا منا )

تخيلوا يااخوان عضمة هذا الحديث انه من غش احد في سعله او مشوره او اي نوع من الغش ليس من المسلمين والعياذ بالله . وهولاء الشريطية هداهم الله الواحد يربي دقن ويقصر الثوب ليس قصده الدين بل انه يريد ان يوهم المسلمين في البيع والشراء . لكن اين يفرون من الله سوف ينتقم منهم عاجلا او اجلا . بعدين لو شخص قال سلعتي فيها وفيها والله حتى لو باعها بسعر ناقص عن السوق ان الله سوف يبارك في المال الذي باعها فيه . تقول كيف اقول كن مع الله صادق يكون الله معاك .

[fusfus]

نصيحه من محب لاي شخص يرغب بشراء سياره مستعمله ادفع 200 ريال وخذها للكشف الكامل من مكينه وهيكل او اذا كان فيها صدوم ام لا هذا المفروض ان يفعله اي واحد اول شئ عوضك الله خير تحياتي

[كودو]

على البركه اخي العزيز
هذه ان شاء الله حسنات بتزيد ميزانك يوم الحساب
او حطت به سيئات عنك
اصبر واحتسبها عند رب العالمين

[هاوي المواتر]

اخوي اذا تبي تجيبلك على الاقل 21 الف بعه ...

والا اشر قير من التشليح وزينه ولا تخسر به ...

واذا ما عندك فلوس تسلف وزينه وبعه وعط الناس حقه ...


الله يعوض قل آمين ...

[بيبسي]

انا انصحك انك تثبت كل شي العداد المفصول والصدمه وغيرها واشتك عليه وخضره للشرع وخله يحلف وعقبها اتركه هذا اذا وافق يحلف عند الشيخ لا تخلي حقك ماخلاهم يلعبون على هالعالم الا الطيبه والتسامح لا تتسامح معه وقدم فيه شكوى نكالا فيه عشان يعتبر ويرجع حقك

[الربذي]

الله يعينك اخوي وش رايك بالي اخذ مني 76الف غصبا وقصرا ومات ..............
لكن انت تهون البعض ياخذ سيارة ب150الف وتروح بحادث وتحترق وهو يصير مشلول حبيسالكرسي حسير كسير واقصاد الموتر تقص ظهره وهو حديد مرمي بانفايات 000

[عاشق الموطن]

الله يعوضك خير اخوي والشريطيه دائما سياراتهم

سيارات دكاتره وشيبان زي مايقولون الا من رحم الله

[ولد دوارد]

الله مير يوفقكم جميعا
ويخليكم
وجعل يتسكر رزقه
ـــــــــــــــــــــــــــــــــــــ
صلحت العامود وعلبت الدركسون والصليب اليوم بـ 2000
وقلت اي تهريبات شفها وصلحها وقطع اصلية 100%
ــــــــــــــــــــــــــ
ابخذها وابستعملها ان مشت معي زين ان مامشت اببيعها وابقول للي بيشتري فيها صدمة
وجهية والقير انا ماتئكدت منه خذها اسبوع للي تبي افحصها
وماقصرتم

[Abu Saad]

الاصل في الشريطية هو الكذب واذا حلف فتاكد انه تاكيدا لكذبه.

[speed 557]

الله يعوض عليك بخير

[قرناس صلا]

والله هذي غبينه ,, ما يصير

انشب بحلقه,, على اقلها تطلع بقيمه الصيانه والا قريشاتك

لا حول ولا قوة الا بالله

[شبل قحطان]

الله يعوض عليك والله يرزقك الي احسن منها بواااااااااجد


بس نصيحه مني لا تشتري موتر مستعمل بعدها فك وكاله او من اي معرض او رح

لم المعارض وخذ معك واحد تعرفه يعرف للسيارات والله يخلي ها الايام الكمبكوكر < على قولة الشايب يقصد بها الكمبيوتر

فحص لو انشاالله 300 والله لافحصها بس مو من جيبي نص علي ونص على الشريطي بس خلك ذهين في الشريه والعب على الشريطي




والله لا يوفق الشريطي والله يوفقك بالبيعه الي ترضيك

[ولد دوارد]

الله يعافيك وانا اخوك حرمت على المستعمل
غير الجديد لاتاخذ:rolleyes:

[شقردي سبيعي]

الله يعوضك خير