سؤالين لأهل الخبر

[عليمي]

السلام عليكم
أخواني وأخواتي الطباخين الحقيقه هذي أول مره أشارك في في خيمة الطبخات البرية كل مره أتصفح وأشم ( تخيل ) ريحة الأكل وأقول حامض يا عنب :D عندي سؤالين
الأول : وش أحسن الملعقة الخشب أم الستيل المعدن؟
الثاني : زيت الزيتون هل يصلح للقلي للكشنه البصل والثوم ؟ يقولون إذا سخن تصير فادته عكسيه ودمتم !

[باوزير]

انا عن نفسي استخدم الملعقة الخشب
اما زيت الزيتون استخدمه اوقات بس احسه ما يعطي طعم مثل زيت الذرة او الزبدة
و الثوم يستخدم كنكهة اما ذهاب فايدته الله اعلم

[Just Cavalli]

هلا فيك وفي قلبك طال عمرك
حياك يا بعدي

بخصوص زيت الزيتون
الزيت استخدامه في كل شي (باعتدال) ممتاز وافضل بديل للدهون الاخرى إلا في مجال (القلي) وانصحك هنا تستخدم زيت دوار الشمس.

اما ((حمسة الكشنه)) فمافيها مشكله مثل ما اعرف وقريت وسألت.
معانا في الكشته اخصائي تغذيه وطبيب، وحتى الكبدة ما نحمس بصلتها الا على زيت زيتون وبكثره (ان شاء الله راح انزل متى مافضيت صور لطبخاتنا وتشوف كمية زيت الزيتون في الطبخ)

الخطر في القلي هو وصول كمية الزيت لدرجة الغليان وهو بهذيك الوفرة والكثره.

كشن واحمس واطبخ وانا اخوك بزيت الزيتون، افيد واطعم بالطبخ (المطبخ الاوربي والامريكي والاسترالي والمكسيكي يعتمدون بشكل كبير على زيت الزيتون في كل طبخاتهم، وما انسى المطبخ الشامي كمان).

مسألة الملعقه او الملاس.
انا استخدم اذا كان موجود الخشبيه (فيه عند ايكيا نوعيات حلوه وباحجام مناسبه)، لكن ما احرص عليها كثير .

موفق طال عمرك .

.,.


اذا حصل لك زيت زيتون جنين، وتحديدا اشجاره المعمره واللي تنسقى بالمطر وبكر درجة اولى وحق هالسنه تشوف عكرة زيته، فياالله من فضلك، لا بالنكهه ولا الطعم ولا حتى الريحة .

.,.