معي فتك لكنه يعاني من مشكلة مزمنة

[3bdul3ziz]

:row:

السلام عليكم ورحمة الله

عندي مشكلة أزعجتني من سنوات ولم أجد لها أي حل ونويت ابيع الموتر بسببها واشتري لاندكروزر

المشكلة باختصار ..رجة الدركسون :mad:

يصراحة تعبت وانا احاول اصلح المشكلة لكن بدون نتيجة

غيرت المساعد الدركسون اكثر من خمس مرات جربت المساعد الاصفر الاسترالي والاصلي والتجاري

لكن كلها في الهوا سوى

غيرت الكفرات ورصصتها لكن الرجة موجودة

الله يرضي عليكم اصحاب النياسين الي عده الحل لايبخل علينا وشكرا

:row:

[سفاري نجد]

جربت تربط الرمان البلي الامامي للدفرنس ،،،

مع سوبر سفاري 2003 كان عندي رجه خفيفه وسويت ترصيص عند وكاله برجستون
شيك على الكفرات الاماميه وحصل فيه فضاوه خفيفه يقول من الرمان البلي ،،،
رحت لورشه وعمل شد لها وراحت الحمدلله ،،،

[جهام القصيم]

مر على اليرموك في الصناعية القديمة وان شاء الله تنحل امورك طبعاً الفحص مجاني 0
فية عدة امور لا بد منها وهي 1- كبس الاذرعة2- امساعداصفر حق الرماية3- لا تكون كفراتك بالون0
وفق الله الجميع

[قرم العيال]

كم تحط الهواء ؟

ترى له دور

انا كفرات البرجستون جنط 17 إذا كان الهواء اقل من 35 يبدى يرج

اما 35 وطالع ممتاز

وعن تجربه يالغالي

[ابوعقل]

متابع للمشكله

واذا لقيت الحل

علمنا

الله لا يهينك

[لا يكثر]

توي مسويها بموتري

رجه ما بين 80 الى 100
من قوها احيانا احسه شوي ويقلب واحيانا خفيفه
الزبده رح فيه لميزان العضيب وخلهم يرصصونه بالكمبيوتر ب100 ريال
واذا قير اوتوماتيك اذا بدا يرصص الخلفيات والموتر مرفوق حاول تخليه يمشيه السرعه الي تواجه فيها الرجه
وان ما ظبط معك وكفراتك نظيفات 100 الترصيص علي

[ابومحمد vtc]

عندي نفس المشكله وغيرت المساعد وركبت مساعد اصفر والى الحين رجه بسيطه من80 الى 100 سيارتي 2002

[روافد]

يا جماعه انا حاولت الين مليت ورحت للوكاله ونشبت فيهم والا يصلحون المشكلة

وقالوا انها مشكلة مالها حل بالعبارة هذي

بعض الناس تقول اخرط العكس الامامي وبعض الناس تقول رصص وغيره

بس في النهاية النيسان والرجة الي فيه مالها حل مهما كان

تروح للدرع يرصص الكفرات كل شهرين وبهذي ترتاح شوي .

واليرموك ما يعرف يرصص يشتغل على سرعه 80 بس وهذي ما تصلح

في النيسان اقل شي 140 كم وبكذا تخف الرجة .

هذا والله اعلم

واسف على الاطاله

[الثويرات]

اذا انت بالقصيم ابشر والله بسعدك

[الطرقي 1]

السلام عليكم
ياشباب حل المشكلة ومجرب غيروا الجلب الامامية كاملة وفيه مسمار من فوق رمانة الدفرنس يحطلوه ورده او جلبة طبعن يمين ويسار تحصلون المسمار بعد ماتفك الاربع مسامير الي فوق وتلقى المسمار الي اقصد
والله يوفق الجميع

[أبو حطب 2008]

تاكد من وزن الاذرعه ورصص ارضي عند المجد مجربها الوا لد %100:good2: وحده بوحده

[سيف1420]

اذا كانت الر جه بعد ماتضرب بالسياره مطب يعني تحذف السياره مع المطب وتبدأ ترج بشكل قوي فالمشكله من جلد عمود التوازن الامامي جربت وخرطت رمان ورحت للعضيب ورصص وغير قطع وغيرت مساعد الدركسون بمساعد استرالي اصلي من الرمايةومافاد بشيء الابعد ماغيرت الجلد رجعت طبيعي لامطب ولا رجه وماكلفتي كثير.



تمنياتي لك بالتوفيق

[sharp]

الحل الجذري ليس الترصيص ولا الميزان ولا كبس الأذرعة ولاسد الفضاوة في الرمانة

الحل هنا وهنا فقط عند هالنشمي (http://www.mekshat.com/vb/showthread.php?t=135114)

http://www.mekshat.com/vb/showthread.php?t=135114

ومن قبله طيب الذكر الذي لن ننساه صاحب السبق (http://www.mekshat.com/vb/showthread.php?t=76221)

http://www.mekshat.com/vb/showthread.php?t=76221

[دانكن]

رح لميزان العضيب اللي بالصناعية القديمة .. وركب معك واحد وخله يشوف الرجه بعدين قله ابرصص ترصيص ارضي وان ماراحت منب معطيكم الدراهم .. ولا خله يشور عليك هو بس اشرط عليه انها تروح الرجه ولا لاتعطيه دراهم ..

وبالتوفيق ..

[ayaqaz]

تأكد أخي من الجنوط لا يكون فيها انطعاج أو معوجة..

والله أعلم..