سؤال يا أهل الخبرة ( كانون )

[DARK2]

السلام عليكم ورحمة الله وبركاتة
اخواني الافاضل ارجوا افادتي عن سعر الكامرة في المملكة
كانون ( E0s ) يابانية الصنع اصلية


ولكم منى جزيل الشكر

[DARK2]

20 مشاهدة ولا واحد عندة رد حتى لو مجاملة عموما هذي صورة الكامرة اتمنى جواب عند اخواني اهل مكشات



http://www.mekshat.com/pix/upload02/images88/mk91665_11.jpg


طبعا صورة الكامرة بدون العدسة

[**البردعي**]

وعليكم السلام ورحمة الله وبركاته

هلا بك اخوي واعتذر نيابة عن اخواني مرتادي هذا القسم لكن اتوقع لأنك ما جبت اسم الكميرا الصحيح وهذا الي خلاهم ما يردون:p

هذي يا طويل العمر والسلامه تسمى كانون 450 دي

صناعتها يبانيه :good:

وسعرها في الرياض بالبطحاء عن محل الحارثي ب2800 ريال مع عدسه 18-55 بمانع اهتزاز + ذاكره 4 قيقا + شنطه

والكميرا ممتازه جدأ للمبتدئين واهي افضل الموجود حاليأ بالسوق وينصح بها الجميع وانا جربتها ممتازه جدأ

وبالتوفيق اخوي

[DARK2]

بيض الله وجهك حبوب وانا اعترف بالخطأ اللي انت نبهتني عليه بس المشكلة انا لقيت الكامرة عندنا بالكويت بقمة 250 دينار بحدود 3100 ريال بس للاسف مادققت بأسمها الا الحروف Eos واللي اعرفه اسمها كانون 10 ميجا بكسل وحسب كلام البياع انها اخر اصدارات كانون

[DARK2]

الكامر المقصودة اتضح انها 1000 دي ياليت احد يفيديني عن سعرها وعلى فكرة اهي مقاربة 450 دي اللي ذكرها اخوي البردعي

[**البردعي**]

ال 1000 دي ممتازه كبدايه للي ميزانيتهم محدوده وسعرها بالطبع اقل من ال450 لكن بالضبط ما ادري بسئلك وارد لك

[فتى الدهناء]

يبدو انها من خط الانتاج لأمريكا .. لذلك الاسم ماهو مثل الموجود والمنتشر ..

[شتيوي2009]

شكرا لصاحب الموضوع وعن اذنك..حبيت اسأل اخوي البردعي او اي عضو خبير
عن كاميرا كانونsx10
تنفع للمبتدئين او لا؟انا مااعرف غير كاميرا الجوال ..
ترا مليت وانا اسأل محد عطاني وجه ..

[**البردعي**]

هلا بك اخوي شتيوي

والكميرا تنفع ليش لا بس مشكلتها انها تشتغل على حجرات (بطاريات زي حقت الريموت) وهذا لحالها اكبر عيب وراح تسبب لك قلق نفسي سواء بالكشتات والا بالسفر

لكن عمومأ هذي معلومات اكثر عنها كانك مصمم عليها

http://www.dpreview.com/reviews/specs/Canon/canon_sx10is.asp (http://www.dpreview.com/reviews/specs/Canon/canon_sx10is.asp)

والا انك فكر بالG9 افضل بكثير

وبالتوفيق اخوي الكريم

[بورهف]

انا جربت 400d و 450d
والثنتين ممتازات
وبالتوفيق

[**البردعي**]

شتيوي لقيت لك واحد معنا هنا بمكشات معه نفس الكميرا الي تسئل عنها اسمه ابورمزي يمكن يفيدك اكثر عن الكميرا ياليت تسأله وتأخذ العلم من رأسه وهذا آخر مواضيع الرجال

http://www.mekshat.com/vb/showthread.php?t=170718

[شتيوي2009]

مشكور يالبردعي على تجاوبك.. تدري توي اشوف ردك.. شريت Sx10 شلت هم البطاريه الحين الله يعين بس

[Criminal Mind]

طال عمرك قيمتها 2300 ريال ..

هذا الكلام قبل شهر تقريبا ما أدري إن نزل السعر أو مثل ما هو ..