مشكله نقص الزيت بالاند كروزر

[ابو معاذ 2002]

السلام عليكم

اخواني اعضاء مكشات انا عندي لاند كروزر 2002
المهم شفت الامبير حق الزيت ناقص رحت وطليت تحت الموتر
لقيت الصاجة كلها زيت ومقطر على الارض
رحت وعاريته عند راعي الزيت صار ناقص ثلاث علب ونص
المهم عبيته زيت
وقلت للعامل ناظر السره وصارت سليمه ومركبه زين
بس ودي اعرف وش المشكله الموتر نظيف ومحافظ عليه
والنقص جاء فجأه وناقص واجد يعني ثلاث علب ونص
مب شويه
يا ليت اللي عندهم معرفه يفيدونا

[بواسامه]

كانه مقطر على كلامك فهو يبيله وجه كرتير
ولا الكرتير فيه شق بسيط
وامرها سهل ولا تشيل هم
او السيفون ماربط صح
وما راح يكلفك واجد

[بدوي جنوبي]

تكفا يبو معاذ
انتبه للمكينه لا تخبط 3 علب ونص كثير مره
غريبه اهملته كل هالنقص ،،

مثل ما قال ابو اسامه شيك علي الكارتير
وعلي تركيب السيفون
وعلي المحرك كامل

بالتوفيق

[باوزير]

كانه مقطر على كلامك فهو يبيله وجه كرتير
ولا الكرتير فيه شق بسيط
وامرها سهل ولا تشيل هم
او السيفون ماربط صح
وما راح يكلفك واجد
اتفق معاك في الرأي

[يازين الجو]

الوالد الله يطول بعمره معه جكسار 2003 وعانينا من نقص الزيت

لدرجة مره فضي الزيت معاد باقي فيه الا قليل وكان ماشي عليه حول ال4 الاف ولايوجد اي تهريب

وديناه الشركه قالو كل شي سليم غيرو الزيت من عندنا وتعالو بعد 3 الالف وجيناهم بعدها ولافيه اي تهريب

وقبل فتره عايرة الزيت انه نفس المشكله رجعت ولافيه اي تهريب

شي عجيب

[ابو معاذ 2002]

مشكورين على الردود بس انا مستغرب نقص واجد وفجأة

[أبو راكان]

بالاظافة الى ما ذكروه الاخوان من احتمالات ايضاً يوجد احتمال ان الصوفه مفقوعة
وتتسبب في تسرب الزيت لخارج المحرك ولكن لا تتهاون في هذي المشكلة لان التسرب يبدو انه قوي ولا بد من الفحص عند المكينكي لتحديد مكان التهريب واذا لم يتضح اغسل المكينة بستم ثم خذلك مشوار على سرعة عالية شوي لا تسرع مرة ويمسكك المرور ثم تدعي على ههههه
ثم اعد الفحص على المكينة ويبين لك مكان التهريب
وان شاء الله يكون الامر هين
تحياتي

[علي الجوال]

وعليكم السلام

اخوي ابو معاذ ولايهنون باقي الاخوان كلام اخوي يازين الجو

صحيح مئة في المئة يعني من موديل 2001 حتى 2006 ينقص

زيتها وقد صار لواحد من الزملاء وكانت سيارته تحت الضمان ووداه

الى الوكالة وفحصوة والى درجة غيرو المكينة وصار نفس

المشكلة عاد هو تحسف انهم غير المكينة وهالكلام لهم اكثر من

9 الى 10 سنين .

يعني لاتشيل هم هذا طبيعي وحتى تصير في سيارتي موديلها 2006