مجرد سؤال ليه مافيه قير عادي ودبل ارضي [الأرشيف]

مشاهدة النسخة كاملة : مجرد سؤال ليه مافيه قير عادي ودبل ارضي

ضحية صمت

23/11/2008, 05:00 PM

مجرد تساؤل بسيط

ليه الامريكان ما صنعو لنا جمس سييرا صحن دبل وقير عاااااااااادي

ليه توماتيك طيب انا مابي توماتيك ولا فيه لا بالسعوديه ولا بالخليج

وش سالفتهم مع القير العادي

سؤالي يقول

ما القى جمس جديد وكاله عادي القير والدبل

باوزير

23/11/2008, 05:41 PM

مبيعات القير العادي مقارنة بالأتوماتيك ضئيلة و لذلك تم الأستغناء عن صنعه

عاشق z71

23/11/2008, 09:22 PM

طيب انا عندي سؤال ممكن

اولا انت وينك معد تنشاف تراي الومك

ثانيا : شكلك بعت موترك وناوي الجديد ؟

ثالثا : جواب سؤال في نظري ان الجمس قوي جدا ماله داعي يحطون قير عادي

قوة التوماتيك تكفي

المارينز

23/11/2008, 10:21 PM

لن أمل من العطاء

23/11/2008, 10:40 PM

انا من زماااااان وانا اسمع انه ممنوع يكون مكينه 454 قير عادي على الجمس

وان الجمارك ماتدخله

ما ادري اذا هالمعلومه خطأ ولا لأ

اذا خطأ علموني خلوني ابروح أفقع وجه اللي قاللي هالكلام؟؟ << بريء ويصدق أي شي

انتهى زمن 454 مع نهاية العام 1999 (يقال انه اتى على الحوض عام 2000 فقط محرك 454 )

بعدين محركات 2000 وما بعده محركات متطورة وذات عزم وقوة هائلة لو كان الجمارك ماتدخل 454 كان من باب اولى ما تدخل 494 بوصه اللي هو 8100 سي سي محركين شاص في سيارة واحده

انتماء عربي

23/11/2008, 10:52 PM

عزيزي من صالحنا ان ينقطع العايدي لانه فاشل جدا بالقيادة والجودة والقير العايدي مميز سابقا وهذا من خبرة والله اعلم

المارينز

24/11/2008, 12:05 AM

حرام عليك العايدي فاشل

صح هو فاشل على باقي السيارات .. بس يطربك على الجمس

Magellan

24/11/2008, 12:23 AM

حياك الله أخوي ضحية صمت
ويبدولي كأنك تقرأ أفكاري ،،،
الحقيقة كان لي فكرة مراسلة شركة جنرال موتورز لإظهار مدى حٌبنا لسيارة الجمس الحوض
وحيث أن السيارة لها تاريخ عريق عندنا فقد إرتبطت أجيال كثيرة بها منذ الستينات هي والفورد الذي يسبقها بعقد من الزمن
طبعاُ كانت فكرة الرسالة تعتمد على مدى حاجتنا للمركبة لتلبية إحتياجاتنا منها،وأنت تعرف أن الجمس في الوقت الحالي يكاد يكون أقل سيارات البيك اب توفرا ووجودا بعكس سيارات أخرى مثل الهايلوكس والددسن والإيسوزو،،
فنبعت هذه الفكرة وحبيت أن أوضحها بنقاط:

1- توفر القير العادي في جميع موديلات السيارة وتكون بشكل قياسي والأتوماتيكي على حسب الطلب
2-تغيير تروس القير في العادي من الألمنيوم إلى الفولاذ الصلب لكي يتحمل ضغط المكينة
3- توفير قفل دفرنس خلفي وأمامي بشكل أكثر في جميع الموديلات..
4- تزويد المحور الأمامي بدفرنس صلب من الحديد بدلا من الحالي والذي يعتبر جرمه من الزهر
5- إعتبار الدبل الأرضي قياسي بجميع الموديلات
6- يعتبر توفير أقفال مركزية ونوافذ كهربائية ومرايات جانبية كهربائية كمستلزمات إضافية
7- تقليل الإلكترونيات مثل حساسات الأضواء والإطارات والفرامل المانعه للإنزلاق لتوفير التكلفة
8-وضع ونش أمامي كتجهيز إضافي حسب الطلب من المصنع

مثل اللي تشوف بالأعلى أخوي الكريم راح يوفر كثير من المبالغ النقدية للشركة وبالتالي طرحه بسعر منافس،،
والمفروض يكون هناك تسهيلات لإمتلاك السيارة من قبل الوكلاء وليس اللي حاصل الآن من خمول من قبل الوكلاء لهذا النوع من السيارات والإعتماد الكلي على مبيعات الصوالين الكبار

نفود بريدة

24/11/2008, 12:42 AM

اخوي بالنسبة لــ 2006 وتحت يجي قير عادي اكيد ,, لاني اعرف واحد معه قير عادي جمس حجم 2500 ,, وهذي الصور توضح :

http://up.graaam.com/up1/pic4/1526d2607d.jpg

http://www.alrahalat.com/vb/uploaded1/655_21224617750.jpg

اما 2007 وفوق ,, انا شايف قدامي سييرا 2008 حجم 2500 قير تماتيك دبل ارضي ,, واتوقع انه يجي قير عادي ليش ؟ لانه يوجد دبل ارضي لو ما فيه دبل ارضي من الاصل كان قلنا يمكن ما فيه قير عادي

اما بالنسبة للي يقول فاشل ,, لعلمك القير العادي على الجمس من اصبر ما يكون ,, اما تماتيك ما ينفع كرتوووون على طول يخبط ,, وهذا من واقع تجربة

هذا الي اقدر افيدك فيه

وشكرا

نفود بريدة

24/11/2008, 12:33 PM

حياك الله أخوي ضحية صمت

ويبدولي كأنك تقرأ أفكاري ،،،

الحقيقة كان لي فكرة مراسلة شركة جنرال موتورز لإظهار مدى حٌبنا لسيارة الجمس الحوض
وحيث أن السيارة لها تاريخ عريق عندنا فقد إرتبطت أجيال كثيرة بها منذ الستينات هي والفورد الذي يسبقها بعقد من الزمن
طبعاُ كانت فكرة الرسالة تعتمد على مدى حاجتنا للمركبة لتلبية إحتياجاتنا منها،وأنت تعرف أن الجمس في الوقت الحالي يكاد يكون أقل سيارات البيك اب توفرا ووجودا بعكس سيارات أخرى مثل الهايلوكس والددسن والإيسوزو،،
فنبعت هذه الفكرة وحبيت أن أوضحها بنقاط:

1- توفر القير العادي في جميع موديلات السيارة وتكون بشكل قياسي والأتوماتيكي على حسب الطلب
2-تغيير تروس القير في العادي من الألمنيوم إلى الفولاذ الصلب لكي يتحمل ضغط المكينة
3- توفير قفل دفرنس خلفي وأمامي بشكل أكثر في جميع الموديلات..
4- تزويد المحور الأمامي بدفرنس صلب من الحديد بدلا من الحالي والذي يعتبر جرمه من الزهر
5- إعتبار الدبل الأرضي قياسي بجميع الموديلات
6- يعتبر توفير أقفال مركزية ونوافذ كهربائية ومرايات جانبية كهربائية كمستلزمات إضافية
7- تقليل الإلكترونيات مثل حساسات الأضواء والإطارات والفرامل المانعه للإنزلاق لتوفير التكلفة
8-وضع ونش أمامي كتجهيز إضافي حسب الطلب من المصنع

مثل اللي تشوف بالأعلى أخوي الكريم راح يوفر كثير من المبالغ النقدية للشركة وبالتالي طرحه بسعر منافس،،
والمفروض يكون هناك تسهيلات لإمتلاك السيارة من قبل الوكلاء وليس اللي حاصل الآن من خمول من قبل الوكلاء لهذا النوع من السيارات والإعتماد الكلي على مبيعات الصوالين الكبار

والله ياليت اخوي ,, تصير تسوي خير لو راسلتهم

بس عندي تعقيب على رقم 7 ,, للمعلوميه ترا الجمس بدون نظام مانع انزلاق ما ينفع ابد ,, لانه كبير

فــ نظام الــA B S الي هو الفرامل المانعه للانزلاق مهم جدا للجموس

ارجو منك قبول تعقيبي

وشكرا

abo sal7

24/11/2008, 02:04 PM

ااه لو فيه حووض قير عادي ومنتشر مووب طلبيه

يلبى الجمووس

mmsmm

24/11/2008, 02:24 PM

الجمس زين لكن يتفكك بسرعه وخراباته كثيره مو مثل الياباني لكن بالقوه يعتبر الاقوى

متيح

24/11/2008, 03:02 PM

دامكم بتوصلون الموضوع للشركة

تكفون طالبوهم ينزول قطع عشرة قير عادي و المكينة 8100
قطع عشرة+قير عادي+مكينة 8100 =مشاااااااااكل
يالبيه لو يجي بس

عاشق z71

24/11/2008, 03:13 PM

دامكم بتوصلون الموضوع للشركة

تكفون طالبوهم ينزول قطع عشرة قير عادي و المكينة 8100
قطع عشرة+قير عادي+مكينة 8100 =مشاااااااااكل
يالبيه لو يجي بس

قسم بالله ان توصل سرعة 160 والكفر يفاحط :D

اصلا وقتها بتصير تطلع استمارة الموتر من السلاح الجوي للطيران

Magellan

25/11/2008, 12:10 AM

والله ياليت اخوي ,, تصير تسوي خير لو راسلتهم

بس عندي تعقيب على رقم 7 ,, للمعلوميه ترا الجمس بدون نظام مانع انزلاق ما ينفع ابد ,, لانه كبير

فــ نظام الــA B S الي هو الفرامل المانعه للانزلاق مهم جدا للجموس

ارجو منك قبول تعقيبي

وشكرا

حياك أخوي نفود بريده،،،
ولايهمك راح أقولهم خلوا موتر من المواتر فيها ABS مخصوص لك
والباقي ،، لا والله معصي:D
وكذلك بعد أنظمة التراكشن كنترول أتمنى يلغونه
بإختصار يكون الموتر سياحي في التجهيزات ماعدى التجهيزات القياسية
يعني موتر بر وخلاص

ضحية صمت

25/11/2008, 12:22 AM

طيب انا عندي سؤال ممكن

اولا انت وينك معد تنشاف تراي الومك

ثانيا : شكلك بعت موترك وناوي الجديد ؟

ثالثا : جواب سؤال في نظري ان الجمس قوي جدا ماله داعي يحطون قير عادي

قوة التوماتيك تكفي

العذر والسموحه اخوي احمد تراك والله بالبال وعلى البال
بس وش نسوي امور الدنيا ما تخلي احد بحاله ولا بعت والله الموتر الى يومك وهو معي

بس والله مشاوير هالدنيا اللي ما تخلص وشكلنا بنموت وحنا ماخلصنا مشاورينا بهالدنيا

والا والله مالنا اعذار وانت والاخوان والله تنشرون شراء والجلسه معكم وشوفتكم يتمناها والله الواحد

لكن خلها على التياسير يخوي احمد

ياجعلك سالم غانم انت والاخوان

والله يجزاك خير على هالشرهه ابعدها شرهة احباب واخوان
الله يرحم اللي جابك

ضحية صمت

25/11/2008, 12:44 AM

السلام عليكم ورحمة الله وبركاته

اول شئ اشكر كل من شارك بالموضوع ولي عدة تعليقات احب اضيفها

اول شئ لاحظت في بعض الردود كلمة ممنوع وان القير العادي لانه قوي فممنوع من الجمارك
وانا ما اعتقد صفة المنع هذي راح تكون لاسباب كثيره يخوي السرعه والقوه بالسياره ماهو سبب للمنع
والا كان منعوا البئم دبليو والسيارات السريعه سواء الرياضيه مثل الفيراري والا السيارات الثانيه
يعني المنع عشان قوة المحرك او القير ماهو سبب ابدا ........

الشئ الثاني استغرب من الوكيل هنا استغرب من الوكيل بصراحه وبقوووه انه ليه ما ياخذ اراء الناس اللي
هنا وش يفضلون ويجعلها باستبيان يرسله للشركه يعني ليه دايم دايم الوكيل يفرض علينا المواصفات اللي هو
يطلبها ليه المواصفات ما تكون من خلال استبيان ينشره الوكيل او الشركه الصانعه لكل دوله وتشوف وش يبون
الزباين ليه دايم الصناعه في السيارات تفرض علينا فرض ..........

وبيني وبينكم اعجبني رد من الردود وهو رد الاخ اللي ذكر فكره اننا نراسل الشركه ونعطيها المواصفات
اللي حنا نبي لان بيني وبينكم الوكيل عندنا من جمبها ولا راح اساسا يفكر في الزباين ابدا ...لكن الشركه
المصنعه اقول احتمال كبير انها تفكر وتستجيب لخطاب جماعي يرسل للشركه المصنعه يبين فيه اراء
الزباين من دول الخليج وبالخصوص المملكه العربيه السعوديه ...........

الشئ الاخير اللي احب اقوله

القير العادي لا يمكن نقارنه بالقير الأتوماتيكي ابداا

لا من ناحية القوه ولا من ناحية الصبر ولا من ناحية الطرب على ماقال اخوي بالرد السابق ان القير العادي
يحسسك انك تسوق سياره ........مو كانك جالس قدام شاشه وتطقه بالدي وخلاص ....

وخرابات القير الاتوماتيك ماراح اقول انه خرابات بس بالكلام ابيكم تروحون الورش بالصناعيه القديمه
والا اي صناعيه وشوفو خرابات القيور التوماتيك وش كثرها وش كثر بلاويها ....الان القير العادي لا خرب
بلشه هذا وهو صبور اصبر واقوى من الاتوماتيك اجل شلون الاتوماتيك ....

وبيني وبينكم الدبل الان ماعاد هو بقوة وجبروت الدبل في الجموس اللي قبل
الان الدبل كانه ورق المنيوم ومن جوى جنزير وياكثر خرابات الجنزير ماهو مثل اول كان الدبل كله تروس
حديد تحسسك انه سياره يعتمد عليها بالشدايد ............

كنت اتمنى يصنعون لنا جمس غماره وغماره ونصف وغمارتين بقوه جباره مع قير عادي بقوه جباره
ودبل ارضي مو المنيوم ياليت حديد وتروس عشانه يتحمل اكثر واكثر ويقلل التكاليف على الزبون

اعتقد لو نزلت جموس حوض قير عادي بالسعوديه بنفس المواصفات اللي ذكرتها وياليت يقللون سالفة
الكمبيوتر بالجمس يعني الشاص حلاوته انه مافيه كمبيوترات وخرابات كهرب مثل الجمس والسبب
هالكمبيوتر اللي جاب لهالعالم المرض...............

هذه دعوه مني الى كل من يتمنى جمس بقير عادي ودبل ارضي ومكينه جباره ومواصفات ارقى واقوى واصبر

نتشارك ونتعاون في ايصال صوتنا لشركة جنرال موتورز بتشكيل رساله الى ادارة التصنيع والهندسه بالشركه
ورساله اخرى الى مدير التوزيع الخارجي بالشركه ونتمنى ان يصل صوتنا مضمنين الرساله المواصفات التي
يعشقها كل سعودي وخليجي .............

هذه مواقع شركة جي ام سي + موقع شركة شيفروليت ويالله فيكم الخير والبركه نتفق على رساله موحده
للشركه تتضمن ما نتمناه ..............

مع شكري الخالص لكم ولتعاونكم

http://www.gmarabia.com/content_data/LAAM/ME/ar/GBPME/001/SA/index.html?cntryCd=SA (http://www.gmarabia.com/content_data/LAAM/ME/ar/GBPME/001/SA/index.html?cntryCd=SA)

شركة جنرال موترز جي ام سي

http://www.gmc.com/ (http://www.gmc.com/)

وهنا موقع شيفروليه

http://www.chevrolet.com/ (http://www.chevrolet.com/)

Magellan

25/11/2008, 01:08 AM

Ibrahim.O

25/11/2008, 01:13 AM

وقفوا القير العادي لان امريكا هي سوقهم الاكبر

والعادي ماعليه طلب كثير في امريكا

لكن انا اشهد انه نشاط القير العادي خصوصا الغماره 2500 مكينة 6 لتر

Ibrahim.O

25/11/2008, 01:17 AM

اخوي ماجلان ال Abs يجي في الجمس اساسي وايرباقين ومثبت سرعه

ضحية صمت

25/11/2008, 01:34 AM

أخوي الكريم ضحية صمت
الجمس الجديد أبدا مو ممنوع
الممنوع الأجيال الماضية في الستينات والسبيعينات
وحتى كانو يقولون لابد من ورقة من الإمارة لتعبية تانكي البنزين:D
لأنه في الماضي كان يجيب سرعة 200 بالراحة وأكثر لوكانت المكينة مخروطة
وكان يٌستخدم لتهريب الممنوعات بالإضافة للمجرمين الذين يستخدمون السيارة للهروب:p
يعني لم تكن صناعة السيارات منتشرة ولم يكن هناك سيارات يابانية أو أوروبية ، أما وقتنا الحالي فقد تغلبت عليه الكامري وبجدارة:(
نرجع لمحور حديثنا،،،
هنك تجاهل كبير من قبل الوكلاء لرغبة الزبائن وعدم الإعتماد على الحوض في المبيعات
لذلك لايوجد له صدى لدى العامة ولذلك تغلب الشاص والهايلوكس والددسن كوانيتات
لكن في بلده الأم لازال يحتفظ بمكانته
أنا أرى والرأي لكم بمراسلة الشركة الأم بالإقتراحات ولعلي أترجم هذه الرغبات إلى اللغة الإنقليزية ثم نرسلها جميعا،،ونطرح صيغة الترجمة في رابطة الجمس الحوض،،
والسلام عليكم:)

هلابك اخوي ماجلان

الله يسعدك يالله يارب

وبما انك تزهلت مسألة الترجمه لنترك المجال اولا للأخوان لأضافة المطالبات والمواصفات المعقوله

على الجموس الصحن وبعدها ننقح الطلبات ونعمل استبيان ونعمل على ترجمته بعدها ثم نقوم بمراسلة الشركه

الام ...........

وبداية هذه مطالبي في الجمس الحوض

اولا نببدأ من الجهه الاماميه للجمس الحوض (( اتمنى يركبون ونش من اربعه ونص طن فما فوق في الوجه)) وماعليه لو زادو في سعر السياره ....وتوفير قطع غيار الونش ...

ثانيا : بخصوص القير يكون قير عادي والدبل يكون ارضي مع تمنياتي بان تزال مشكلة الدبل في الجينزير
وهيكل الدبل يععاد كما كان في الدبلات القديمه اللي هو عباره عن هيكل حديد والتجويف يكون عباره عن
تروس حديد بدلا من الجينزير ...........

ثالثا : ياليت يخففون لنا من هالكمبيوترات والحساسات اللي بالجمس ومافيه مانع لو يغشون شوي
من كهرب الشاص اللي مافيه كمبيوترات ولا شئ ....يعني يكفي حساس المكينه

رابعا بخصوص الغماره ونصف ياليت تكون الدرايش الخلفيه مثل الدرايش الاماميه يعني تنفتح على تحت
مو على جمب لان الدرايش اللي تنفتح بالحوض ونصف على جمب سرعان ما تسبب ازعاج في الهواء

خامسا : اتمنى تكون الدرايش الازره حقتها من جوا عند الدينمو ماهي بلاستيك ولفة سلك المنيوم
اتمنى يكون الحامل حق الدريشه حديد في حديد ويستعاض عن الاسلاك الحامله للدينمو وقزازة الباب
بحامل حديد مغلف بجلد ربل عشان الصوت لانزلت الدريشه او طلعت...لان مكاين الدرايش بالامريكي
مشكلتها مشكله ..........

سادسا : اتمنى تعاد طرمبة البنزين كما كانت سابقا في الجموس القديمه وهي انها تكون خارج تانكي البنزيم
وعباره عن قطعة حديد او ان شاء الله المنيوم مو مثل هالطرمبه الداجه اللي كلها بلاستيك تقول العاب بزارين

سابعا : اتمنى الجنوط تكون اعرض من الجنوط اللي الان ...ويكون فيه مساحه اكثر لو ابي مثلا ارفع الجمس
......

ثامنا : ياليت يركبون للحمايه شيال او حامي للامان فقط عشان يحمي العمود لاني ببينك وبينك قد انفك
علي العمود بغيت اروح فيها والمشكله كانت بالصلييبات .....فياليت فيه يكون حامل للعمود يعني حديده جايه
بالعرض عشان العمود لو طاح تمسكه الحديده وهذا زيادة امان فقط ....

تاسعا : باب الصندوق للجمس الحوض ياليت يغيرونه ويكون الماسك او اليد اللي تمسك الصندوق وتفتحه
عباره عن حديده من اول الباب لاخره تراهم والله كرهونا بسوالف هالبلاستك والالمنيوم اللي حاطينه بالجمس
نبي سياره جباره مو سياره كرتون

وان شاء الله بكتب لك النقاط بشكل اوضح للترجمه بس الان عشان الاخوان يشاركون ويفهمون الفكره

شاكر ومقدر لك هالاقتراح اخوي وانا بانتظار مشاركة اخواني وليتهم يعرفون ان الموضوع جدي

وانا اتكفل لايصاله للشركه الام ولادراة شركة جنرال موتورز .....

ضحية صمت

25/11/2008, 01:39 AM

وقفوا القير العادي لان امريكا هي سوقهم الاكبر

والعادي ماعليه طلب كثير في امريكا

لكن انا اشهد انه نشاط القير العادي خصوصا الغماره 2500 مكينة 6 لتر

اخوي ابراهيم الله يسعدك في كل وقت يالله يارب

انا معك ان ماعليه طلب بامريكا لكن كتسويق خارجي فكرته ناجحه واهم شئ عند الامريكان البيع
سواء بالداخل او الخارج وصدقني لو وصلت مواصفات الجمس بنفس المواصفات اللي يتمناها كل سعودي
عاشق للجمس صدقني راح يبيعون بالهبل .......وهي فرصه لنا نوصل صوتنا بالمملكه ودول الخليج
فرصه تسويقيه للشركه لان الان البيع بامريكا اكبر سوق عندهم راح يمر في حالة ركود ومالهم الا الله ودول الخليج وباقي دول العالم ...............

عموما انا جربت الجمس الصحن موديل 2000 غمارة ونصف

اللي مكينته 1500 عندي افضل من اللي مكينته 2500 مع انهم كلهم ثمانيه سرندل لسبب معين

صحيح ان الجمس اللي مكينته 2500 قوته جباره واقوى من الالف وخمسميه لكن فيه مشكله خصوصا

لاصرت راعي بر ومشاوير بر وخطوط بعيده وتبي تغوص في البر اكثر واكثر ....

الجمس اللي مكينته 2500 عزم خذ عزم لكن صرفيته بالبنزيم مشكله عويصه

لكن اللي مكينته 1500 صرفيته بالبنزيم اقل من صرفية الفي اكس ار عن تجربه

ويقطع مسافات شاسعه ولا يدري عن صرفية البنزين مع انه يبقى قوي وفيه قوه وعلاوه على كذا

اخف من الجمس اللي مكينته 2500 واقل خرابات ...........

وكل هالكلام اقوله لك لاني جربت النوعين ........

عاشق GM

25/11/2008, 02:55 AM

انا اقول 6 لتر وبس بحكم التجربه عزم وقليل صرفيه ومناسب

ضحية صمت

25/11/2008, 11:45 AM

انا اقول 6 لتر وبس بحكم التجربه عزم وقليل صرفيه ومناسب

مشكور على المشاركه وياليت الاخوان يشاركون في

وضع نقاط نتفق عليها كلنا عشان نطلع بخطاب كامل نرسله للشركه الام

اتمنى الاقي تجاوب من الاخوان

Magellan

25/11/2008, 01:50 PM

ماتلاحظ إنك طماع بزود:mad:
ماشاء الله تبيلك موتر تفصيل
ماخليت شيء ولابقيت حاجه:p
ماشاء الله نفسك مفتوحة للكتابة ، شكلي أبعطيك رقم أوباما تكلمه من الراس للراس:p
على العموم قمت بترجمة النقاط اللي ذكرتها أنا وباقي عاد نقاطكم اللي ودكم تذكرونها ممكن ندمجها مع بعض
والله يعيينا على غثاكم:D
hr

(Transmission gearbox) provides a manual as standard in all car models ,the automatic is on-demand

Gearbox cogs should be changed from the average aluminum to stainless steel to tolerrate the pressure of engine.

lock Diffrantial for both axles should be available in all models .

Front axis differential should be provided by a solid iron instead of the current, which is built from a weak aluminum material.

All car models should have 4X4 land transfer lever and delete all electronic switches for 4x4.

The provision of central locks , power windows and side mirror are additional electric appliances which are upon request.

delete light sensors, tires sensors and anti-locks brakes for cost-saving

a standard heavy duty wench in front of bumper should be available upon request

بس تصدق أواجه صعوبة في تنسيق اللغة الإنجليزية بالمنتدى لأن نظام المنتدى مايدعم اللغة الإنجليزية بشكل كامل:(
نشوفكم على خير
وهذا كاريكتير للهليل لتغيير الجو على طاري أوباما
http://www.alriyadh.com/2008/11/10/img/121999.jpg

نفود بريدة

25/11/2008, 10:14 PM

يالله يا اخوان الله يقويكم وحنا معاكم على مراسلة الشركة وطلب المواصفات هذي منهم

واي شي تبون اخدمكم فيه ما عليكم الا ان ترسلون لي رساله خاصه

لان والله حنيت للمواصفات هذي وبقوه

الله يعطيكم العافيه

ضحية صمت

26/11/2008, 02:16 AM

ماتلاحظ إنك طماع بزود:mad:
ماشاء الله تبيلك موتر تفصيل
ماخليت شيء ولابقيت حاجه:p
ماشاء الله نفسك مفتوحة للكتابة ، شكلي أبعطيك رقم أوباما تكلمه من الراس للراس:p
على العموم قمت بترجمة النقاط اللي ذكرتها أنا وباقي عاد نقاطكم اللي ودكم تذكرونها ممكن ندمجها مع بعض
والله يعيينا على غثاكم:D

بس تصدق أواجه صعوبة في تنسيق اللغة الإنجليزية بالمنتدى لأن نظام المنتدى مايدعم اللغة الإنجليزية بشكل كامل:(
نشوفكم على خير
وهذا كاريكتير للهليل لتغيير الجو على طاري أوباما
http://www.alriyadh.com/2008/11/10/img/121999.jpg

اخوي ماجلان الله يهديك والله كله من الحرص وانا اخوك وبعدين الشركه وش عليها

هي صانعه صانعه وبعدين ترانا حنا اللي بنشتري وبنستعمل والا والله ان تدج سياراتهم هاللي كل سنه عن سنه

يطلعون لنا بشئ غلط وفكره غبيه وتصميم اغبى ...........

صدقني الشركات الغربيه غير الشركات العربيه الفاشله الشركه في الغرب تحترم المستهلك
وتراعي مشاعره وتسعى لرضائه عشان تكسبه لا تتخيل انك ماراح تلاقي تجاوب منهم
اقل شئ يفهموننا لو مره

بس وين الاخوان ليتهم يشاركون

بارق تميم

26/11/2008, 07:32 AM

السلام عليكم ورحمة الله وبركاته

اذكر على نهاية عام 2007 رحت انا وخوي ابو عقل لوكالت الجميح بالمنطقه الشرقيه طريق الدمام الخبر (الكباري)

وحصلنا عندهم غماره 1500 قير عادي دبل ارضي
بسعر 74500 لكن مواصفاته ستاندر (بدون مواصفات)
لكن مكينته 4800 6سلندر

yfd

03/12/2008, 11:08 PM

قسم بالله ان توصل سرعة 160 والكفر يفاحط :D

اصلا وقتها بتصير تطلع استمارة الموتر من السلاح الجوي للطيران
وهويباوش 160شويه يجيبها الـــZ71وهو مريح

لاكن اللي يقول قطع عشره مكينه 8100وشلون يفكر اللحين قطع عشره مسمى لمكينه 1500و8100مكينه ثانيه
وللمعلوميه لاوصيكم بالشفر Z71تراه بالقير العادي قووووه جباره

ssalamoka

04/12/2008, 07:45 PM

حياكم الله انا معي ونيت 2006 قير عادي ودبل عادي وتراه معروض للبيع بعد

قطب 999

05/12/2008, 11:08 AM

قير عادي تماتيك هذا سيفوه وهذي خلاقينه

اشكال خذ موتر حمل كم كيس شعير تشوفه يقول ارحمو عزيز قوم ذل

http://ac4.yt-thm-a04.yimg.com/image/9757873e25e0d26e