لمبة الدبل تولع ويش القصة

[البدائع ديرتي]

لمبة الدبل تولع بالطبلون ومقلقة راحتي الى عندة خلفية عنها يقول الله يجزاة الجنة الكلمة تقول (سيرفس 4w)السيارة يوكن موديل 2001

[ولد العويني]

شيك على الدبل،،

جرب شغله شف هل هو يشتغل ولا لا؟


لان الكلمه تقوول افحص الدبل

ان شاء الله خير

[عاشق z71]

احتمال حساس الدبل

[البدائع ديرتي]

وينكم ياهل الفزعات
وللمعلومية المبة تولغ واذا طفية السيارة تطفيوالدبل يعشق مابه بلا بس مادري ويش قص هالمبة

[ضحية صمت]

انا بقول لك وش سالفة هاللمبه

اسمعني زين لا يلعبون عليك هالورش لا رحت له قال لك بشيك على الظفيره كامله والا فيه التماس
كهرب والا من هالخرطي ............

انت المشكله عندك بالتفصيل الممل

لا رفعت السياره فوق رافعه رح من قدام من عند وجه السياره بتلاقي الدبل وببداية الدبل فيه الدينمو
الخارجي حق الدبل هذا الدينمو موصل بالكهرب ومن بعده بالحساس ...........

افصل كهرب الدينمو وبعدين فك الدينمو الصغير اللي شابك بالدبل لا فكيته بتلاقي ان الدينمو
فيه عصا صغيره جايه بوسطها مثل السبرينق ....هذا يا طويل العمر فكرتها وعملها كالتالي

اول شئ تعتبر سده لزيت الدبل يعني لو فصلت الدينمو وشغلت السياره راح يصب الزيت حق الدبل
برى يعني هي جايه مثل السده على الدبل ...........

الشئ الثاني السبرينق هذا بمجرد انك ماتشغل الدبل الخفيف تطلع العصا وتضرب بالدبل الخفيف
ومن بعدها يشبك معك ............

يعني كل المشكله في هالبليه الصغيره اللي اسمها دينمو الدبل ويمكن له اسم ثاني بس اللي اعرفه انه
دينمو الدبل لا فكيته بتلاقي السبرينق داخله والعصار البلاستيك اللي تشغل الدبل الخفيف ...

تلاقيها معلقه او شاصه وما تتحرك وبعض المرات تنشب على طول وترفض انها ترجع لمكانها

طبعا الحل الامثل انك تغيرها بس ما اظن ان احد يقدر يصلحها ..........لان الدعوى كلها بلاستيك

شيك عليها اول شئ وبعدين شيك على الباقي ولو اني متاكد بنسبة تسعين بالميه انه المشكله منها

يعني من دينمو الدبل الله ياخذه هالدبل في السيارات الجديده لو ماصنعوه اصرف
خصوصا في دبلات السيارات الامريكيه قسما بالله عدمه اصرف كله خرابات وبس...وتقول كرتون

ياحسافه على دبل السيارات الامريكيه القديمه حديد بحديد وتروس بتروس مهوب جنزير

[البدائع ديرتي]

ألف شكر للك أخوي ضحيت صمت وكذلك الشكر موصول للجميع.

[ضاري خان]

اخوي افصل اسلاك البطاريه عندك بالبيت ساعه واشبكهن وتروح ان شاء الله المشكله
وتقبل تحياتي