لاند كروزر ودخان ازرق بس مو مستمر

[عبق الماضي]

السلام عليكم ورحمة الله وبركاتة

تكفون ابي الفزعه منكم الحقيقة عندي لاند كروزر موديل 2001:no: وبين فتره والثانية يطلع منه دخان ازرق بس مو مستمر تقريبا اول ماشغل الموتر وبعدين يروح الدخان ليكون مخبط ولا بدايت تخبيط؟؟؟؟؟:rolleyes:


والله اني خايف بس لما اجي عند الشكمان ماشوف زيت ولا اثار زيت وديته الوكالة قالو مافيها مشاكل ولا شي:no2: ولا عرفوا السبب :confused:

اذا احد صارت له هذي المشكلة ويعرف الحل اكون له من الشاكرين:director:



عبق الماضي

[سيف الظفير]

عندي لك حل وان شاء الله يكون زين



تروح للوكيل وتسوى فحص للسيارة وتأخذ من عندهم ورقة تثبت خلو السيارة من المشاكل


ويضمنون لك هذا الفحص


وان صار للجيب شئ او خبط


فهم المسئولين

[MOHAID]

اقول الوكالة صادقين الدخان الازرق هذا عادي خصوصا لو وقفت السيارة لمدة اكثر من خمس دقايق وهي شغالة ودعست البنزين وطلع دخان ازرق هذا عادي لانه هذا كربون تجمع من وقفة السيارة بدون حمل

[الرسام.8808]

غير جلد بلوف ونم ان شا الله

[جيب الربع]

عندى الحل اخوى اتصل على جوالى 0555122765 ابو عبد الرحمن

[بوطلال_1]

هلا بك يالغالي
سياره اذا شغلتها طلع دخان ازرق وبعدين لا مشيت فيها راح هذااااا (ربل صباب)

[DARK2]

هذا ربل صباب مافية كلام ولا جدال اذا كان مثل ما انت وصفت بداية التشغيل يطلع دخان وبعدين يروح

[بواسامه]

الله العالم انه بداية شنبر وبيكلفك حدود 4الاف
وبتصير تلاحظ ريحته في الكراج انه يخنق من قوة العادم

والكلام من تجربه موترين كلها نفس الخلل وسقط لها شنابر وظبطت
خل الموتر يشتغل فتره ثمن ادعس بنزين على وقفته اذا بخ لون ازرق فهذه مواري الشنبر

[الستانس]

الله العالم انه بداية شنبر وبيكلفك حدود 4الاف
وبتصير تلاحظ ريحته في الكراج انه يخنق من قوة العادم

والكلام من تجربه موترين كلها نفس الخلل وسقط لها شنابر وظبطت
خل الموتر يشتغل فتره ثمن ادعس بنزين على وقفته اذا بخ لون ازرق فهذه مواري الشنبر



اخوي كلامك صحيح ولكن إذا كان يحتاج شنبر ما يطلع الدخان ازرق يطلع دخان ابيض


والمشكله بأذن من الله جلد البلوف

وعشان تتأكد
شغل السياره فتره ما بين 5 إلى 10 دقايق وخ احد يدعس لك بنزين وخلك ورا عند الشكمان وإذا طلع الدخان ازرق عند بدايه الدعسه فهذا اكيد بأذن الله جلد البلوف

وسبب خراب جلد البلوف ان موترك اللي معك قد وقف فتره طويله هذا اللي يخرب جلد البلوف

وانصحك انك تدور ورش متخصصه بالموضوع عشان يكبسونها بالكمبيوتر بدل ما يفكون لك راس المكينه ويحوسون

وكل الشغلتين تمشي الموضوع

وترا الشغله هينه لا تزمل

[ثورة الشك]

هذي سلمك الله جلد بلوف وسببها عدم تسخين السياره صباحا لانك تدعس على طول شغل وامش اووقفت السياره فتره طويله
ونصيحه ترى الشغله ما تضر خلها على حالها لانها راح تفتح عليك شغلات ثانيه

[ابودعسان]

جلد بلوف مايبيله كلام
بس تراها ماتاثر على الموتر

[mmgarni]

جلد بلوووف غيرها لاااااازم والا بعدين ينكسر البلفوهوى على البساتم

[النوفي 3535]

السلام عليك اخوي
بخصوص الدخان الابيض دخول موية للماكينة دخان ازرق دخول زيت للماكينة
اخوي ابي اسال شي غريب انت تقيس عيار الزيت اول شي ينقص ولا
بعد 2000 كم
وكم تغير الزيت انت
تقول سيارتي تدخن ممكن مع السرعه تدخن ولا انت حاس ولا تشوف
تاكد اخوي لو سمحت وبعدين نقولك اما
إذا السيارة بارده تدخن ازرق وإذا سخنت يروح هذي جلد بلوف وانصحك غيره لان البنزين يدخل على الماكينة ويضرة
لان البنزين يعتب منظف للزيت وهذا خطير على الماكينة لا تقولن ماياثر بعد سنه يخلي السيارة تتاثر بس التاثير بطي
تحياتي

[vip000]

السلام عليكم سيارتك فيها شي بسيط اللي هو ربل صباب وانا سويته لسيارتي والحمدالله ضبطت وتكلفتها بسيطه وماتحتاج فك راس بس يفتحون غطاء الصبابات .
وعلشان تتاكد ان ربل صباب بس توقف السياره تقريبا عشر دقايق يطلع الدخان بس بالوقفه وعند التشغيل وشكرا

[عبق الماضي]

اخوي سيف الظفير

الله يعطيك العافيه بس هم يضمنونها 3 شهور بعد التشييك

[عبق الماضي]

موحايد
الرسام8808
جيب الربع مشكور وانا بتصل عليك هاليومين جعل عمرك طويل

الله يعطيكم الصحة والعافيه والله لايهينكم

[عبق الماضي]

ابو طلال_1
دارك2
vip000
الله يحفظكم من كل شر يليت بس اعرف وشهي (ربل صباب)

ولكم خالص تحياتي
عبق الماضي

[عبق الماضي]

بواسامة
الستانس
ثورة الشك
ابو غسان
النوفي3535
mmgarni

الله لا يوريني فيكم مكروه

اخوكم عبق الماضي

[DARK2]

والله يغالي ما ادري شتسمونة ربل الصباب وهي عبارة عن جلدة ( ربل ) يمنع دخول البانزين على ماكينة السيارة واذا تلف يصير فيه تهريب بانزين وينتج عنه دخان ازرق
وعلى فكرة اذا كان وصفك دقيق فالمشكلة عندك ربل صباب وتكلفتة بسيطة جدا وانا متأكد من كلامي 100% ولا تشيل هم ( وللتأكيد لمعرفة ربل الصباب عند بداية تشغيل السيارة راح تلاحظ خروج دخان ارزق اما كثيف او متوسط حب تلف الربل او الجلدة وبعدها يروح الدخان ولا تلاحظة )

[عبق الماضي]

ياجعل عيني ماتبكيك يا دارك2 ولا يهنون الجماعه

انا عطيتك الوصف بالدقه مع ان لي يومين الصباح ماشوف الدخان الازرق

بس انا بوديه للميكانيكي عندنا بالصناعيه وخليه يشوف ربال الصباب ويبدلهم.


مشكوووووووووووووووووووووووور يالغالي

والله اني كنت شايل هم كبير على قلبي وحتى السياره كرهتها بس الله يجزاكم خير ريحتوني الله يريحكم من عداكم

[DARK2]

والله يغالي ماتشيل هم ولنا روس تشم الهوا افا عليك بك والله يستر عليك وعلى سيارتك

[عبق الماضي]

كفو جعل من جابك في الجنة والله لا يحرمني من طيبتك يالغالي

[DARK2]

والديك والدين المسلمين ان شاء الله بالجنة وبشرنا عن علوم الموتر شصار عليه ؟

[حكم ساحة]

أكييييد جلد بلوف

غيرها بدون فك رأس المكينةحتى ماتنفتح عليك أمور أخرى

وهذا الأمر طبيعي في لاند كروز 6 سلندر

[صحاري 97]

يعطيكم العافية ياشباب

[صحاري 97]

لاند كروزر97 ودخان ابيض عند التحمية