المساعد الشخصي الرقمي

مشاهدة النسخة كاملة : !!!... رحلة إلى معشوقتي......((( أرض الصمان)))...28 صوره...!!!


((( الحر)))
02/03/2004, 02:49 PM
من اسعد الاوقات واللحظات عند عشاق البر والربيع هو الوقت الذي يكون فيه قريب من عشقه...
خاصة اذا كان بارض خليه ... مثل أرض الخير... والاناسه... وسعت الصدر... والهدوء... والراحة النفسية ... اعتقد انكم عرفتوها .... حي والله ذيك المشاريف والفياض...!!!
.
.
.
.
((( الصمان)))...!!!
وذا طبعاً واهم شي اذا وفقك الله برفقةً على الكيف... شرواكم... وفكك الله من العواكيس الي تضيق صدرك ولو كنت في افضل واشرف بقعه على وجه الارض ((( مكه المكرمه))) شرفها الله...!!!

هذي صور رحلة للصمان انا واربعة من الشباب الي على الكيف شرواكم... خلال الاجازة الماضيه...
وتاخري بعرض الموضوع لانه- واحد يتعذر- احس انه صار عندنا نوع من تخمه من صور الربيع والحمد لله والجميع بعد الاجازه نزل مواضيع مشابهه واحببت اخر الموضوع شوي حتى يكون فيه شي من (((التوازن الوقتي))) اما هذي والله مافهمتها بس جت كذا-... قد اكون على خطا ... لان خير البر عاجله مثل مايقولون... ولاكن هذا الي صار...!!!

سيارة الرحله والطريقه الجديده في ترتيب الاغراض.. الفرش والمنامات والخيمة فوق الشد... وداخل الشد فيه العزبه والماء والحطب والباقي فاضي طريقه مريحه بالمره ...دعايه للفكره...!!!
الاولى
http://www.mekshat.com/pix/upload/images4/222222 037.jpg
الثانية
http://www.mekshat.com/pix/upload/images4/11111 046.jpg

طبعاً اجلنا شراء الذبيحة وقلنا نشتري من غنم الصمان اطعم واحسن لاكن ماهي ارخص.... ويالله لقينا واحد يبعنا هرفي ... وانتهت المشكله... ولاكن بعد مطارده ومداهمة استمرت نصف ساعة تم على اثرها الامساك بالهرفي. وهذي بعض اللقطات من فلم المطارده. والا هو اطول من كذا

حده حده
http://www.mekshat.com/pix/upload/images4/222222 039.jpg
امسكه امسكه
http://www.mekshat.com/pix/upload/images4/222222 040.jpg
رده رده والله يسحب فيهم:p
http://www.mekshat.com/pix/upload/images4/222222 041.jpg
اربطه اربطه
http://www.mekshat.com/pix/upload/images4/222222 043.jpg

صورتين من الحصبيات...!!!

ياهو عله ذا الهرفي
http://www.mekshat.com/pix/upload/images4/11111 058.jpg
روضة ام الطين بالحصبيات اسم على مسمى
http://www.mekshat.com/pix/upload/images4/222222 027.jpg
..
.
..
.يتبع --2
((( الحر)))
02/03/2004, 02:53 PM
صور من جويات السبق..
http://www.mekshat.com/pix/upload/images4/11111 036.jpg

http://www.mekshat.com/pix/upload/images4/11111 074.jpg
الشروق
http://www.mekshat.com/pix/upload/images4/11111 042.jpg

http://www.mekshat.com/pix/upload/images4/11111 035.jpg

http://www.mekshat.com/pix/upload/images4/222222 006.jpg
خيمة الرحلة.......غنيه عن التعريف
http://www.mekshat.com/pix/upload/images4/11111 033.jpg
الهرفي بالصحن
http://www.mekshat.com/pix/upload/images4/11111 075.jpg
..
..
--يتبع--3
((( الحر)))
02/03/2004, 02:57 PM
روضه اسمها غدير الصحن مريناه وكسرنا الفنجال فيها...!!!
http://www.mekshat.com/pix/upload/images4/11111 048.jpg
قرقاص
http://www.mekshat.com/pix/upload/images4/333333 009.jpg
ياكثرماصورنا من الغنم ..مصورنا يحبهن
http://www.mekshat.com/pix/upload/images4/333333 023.jpg
راعي الغنم اكرمنا بحليب والي يحلب تراكم تعرفونه.
http://www.mekshat.com/pix/upload/images4/333333 033.jpg
وحنا اكرمناه بكليجا بلدي مسمسم..
http://www.mekshat.com/pix/upload/images4/333333 038.jpg

ومرينا على شي جديد بالصمان...!!!
هاللوحه مستاجرينها من بنده
http://www.mekshat.com/pix/upload/images4/333333 044.jpg
بقاله متكامله والخبز بثلاثه ريال
http://www.mekshat.com/pix/upload/images4/333333 041.jpg
الي بالوسط ديزل...لاكن باقي الالوان وش تصير
http://www.mekshat.com/pix/upload/images4/333333 043.jpg
.
.
.
.يتبع--4
((( الحر)))
02/03/2004, 03:00 PM
لقطات طريفه ومصادفه من الرحله...!!!
ضيف قلط عندنا هو وراعي غنمه ..وترى جنسية الراعي سوداني معقول.
http://www.mekshat.com/pix/upload/images4/222222 007.jpg
اعتقد ان الحمار اعزكم الله ينقص زيت
http://www.mekshat.com/pix/upload/images4/222222 011.jpg
نيقاتيف راعي...والزقاره بيده مانتبهت لها الا بالصور بس شكلها غير الي اعرف
http://www.mekshat.com/pix/upload/images4/222222 010.jpg
هذا ابو الشباب مسكناه ساعه وقلنا خله لوقته وفكيناه
http://www.mekshat.com/pix/upload/images4/222222 023.jpg

وختاماً اسف على كثر الصور ولاكن القصد المشاهد وامتاعكم واعذروني على التاخير والتقصير...!!!

تحياتي................اخوكم................((( الحر)))
عروان
02/03/2004, 03:17 PM
مرحبا والله بالحر وصورة


كشتاتك دائما ممتعة حتى للي يتفرجون على صورها.


بس الهريفي هذا لعب بخوياك لعب. موج بهم يمين ويسار. بس شكل طعمه على الصحن للي لحقوه أطيب.

أشهيتني للأكل ونا صايم :)


الله يرضى عليك ويوفقك


تحياتي لك
abos3d
02/03/2004, 03:19 PM
عافاك الله اخوي الحر صور روعة ورحلة اروع ما شاء الله الي اضحكني بجد البقاله من جد بدعة ضحكت ضحك عليها الله لا يوريك والراعي السقارة الي معه صادق شكلها نوع ثاني لكن وشو الله اعلم عافاك الله لكن يا ليت تحط فلم مطارد الهرفي كامل الله لا يهينك
تقبل تحياتي
الجوني
02/03/2004, 03:23 PM
هلا بأخونا الحر وش هالأبداعااات ماقصرة وتسلم يمينك ويمين اللي صورت
* سؤال :/ الضبان وش لونهن حليوااات (( بالاردو سميناات ؟؟)) .
- أول صورة أتوقع انك ساحبه من هذي ;) http://www.mekshat.com/pix/upload/images3/soman2-053.jpg
فكرة الفرش

[line]
البقالة تراها قديمة بالحييييل ومعروفة عند أبلغ الكشاته هي والبقالة اللي عند مبيعه الشعير بنص الطريق للصمان وكذلك يوجد غيرهاااا لاكن من بيجمعها لنا هي واحداثياتها ولا تنسى ترا كل شي دبل :( بالسعر
((( الحر)))
02/03/2004, 05:01 PM
(((((( عروان))))))
مشكور يالغالي والهرفي اسم على مسمى يحب التسحيب...!!!
مشكور يالغالي ومرورك اسعدني...!!!

((((((abos3d))))))
هلا وغلا اخوي ابو سعد وين احط صور المطارده الربع الي صورهم بالمطارده من يوم نزلتهن بالمنتدى وهم يطاردوني ناوين ذبحتي ليش افضّح بهم اجل لو انزل الصور الباقيه كان يغدوني ريغأ...!!!
اما الزقاره والله فاتت علي انشده لاني مانتبهت الا بالصور بعدين.... لاكن عساها خيره وفكه...!!!
مشكور على مرورك المشّرف للموضوع...!!!

((((( الجوني))))))
اكبر تشريف لي مرورك يالغالي وتسلم على هالسبق وكلنا لك وانت السباق بالافكار الجديده...!!!
الضبان تبي تصير هالايام ممتازه ومع الربيع طعمها هبال...!!!
اما البقاله تبي الصدق اول مره اشوفها شكلهم مثل الهلال يوم يضهر واكثر الايام غايب...!!!
مشكور على مرورك المشرف...!!!
المسفهل
02/03/2004, 06:13 PM
ما أستطيع أن أصف المتعة التي شعرت بها أثناء تصفحي
لهذا التقرير المتكامل ، فكل صورة أجلس أتمقل بها وقتا طويلا
استطعت يا أخي أبو محمد أن تحملنا معك في هذه الرحلة الممتعة
فنطلع على أحداثها ونستمتع بمواقفها حتى الهرفي ما زال طعمه في فمي
ولذة الحليب على شفتي :D
صقر
02/03/2004, 06:27 PM
معشوقتك معشوقتي..


وشرواك الطيب يا بو محمد

موضوعك رائع اخوي الحر وقصة حلوة ومبسطة خليتونا نعيشها معكم..

بس فيه شيء ان اللحمة كثرتوها وانتم اربعة الا اذا كان معكم واحد ......

وفقك الله اخوي الحر ونشكرك جزيل الشكر.

وبارك الله فيك.
حد السيف
02/03/2004, 07:53 PM
الغالي العزيز
الحر
السلام عليكم ورحمة الله وبركاته
تسلم يمينك عاى ها الصور وان شفتها بشكل ثاني بشكل مثل ما صورتها كلها وناسة وفرح وسعادة
ومتعة وعلى البيعة بعد المطارد والتسحيب ولظاهر انكم على ها الركض نقص خمسة الا ربع كيلو
كل صورة وكل لقطة بها حقها من الضحك والحمار الله يكرمك والقراء خابرة العام موضب بس الظاهر من
كثر الجور قلب طبلونة
تسلم يا الغالي مرة اخرى وياهلابك والله والحمد لله على السلامة


محبك اخيك
حد السيف
راعي مرات
02/03/2004, 11:11 PM
تسلم يالحر


لاهنت

أمتعتنا وجهد مقدر



سلمت يمينك 000000000
نفل
02/03/2004, 11:31 PM
السلام عليكم ورحمة الله وبركاته

اخوي الغالي ابو محمد

مالك حق اخوي ساكت على الصور من زمان اثرك ذيب اخترت التوقيت المناسب :D ما شاءالله عليك

والحمد لله انكم تونستوا والجو من خلال الصور شكله كان رائع وطريقة السرد العفوية رائعة

وبصراحة صورة روضة غدير الصحن ممتازة .

وما اقول الا الله يجزاك الف الف الف خير اخوي ابومحمد يوم انك وسعت صدورنا بالمشاركة الرائعة

واللي جت بوقتها ومتعك الله بالصحة والعافية اخوي ....

اخوك ابو محمد
عبد الله الفايز
03/03/2004, 12:00 AM
مشاء الله عليكم كشتهة العافي
صحت القيله ياحبيبي
أما صورة أبو صابر والزيت فعلا طريفه
عندي نقطة نظام
الصورة اللي تقول قرقاص ماخشت راسي
شكل الزهور زهور بابونج ترا أهل ديرتي يسمونه (( طفطاف))
عموما تسلم استمتعنا معك برحلة طيبة
المترو
03/03/2004, 12:10 AM
عزيزي الحر والنعم بك وبربعك بهذه الرحله الجميله والصور الاجمل
والتوقيت المناسب فعلا عرفت الوقت المناسب والصور بصراحه تشمل كل اطراف الرحله واستمتعنا بالصور والمواقف الطريفه التى فيها وكأننا معك بالرحله ووبالعافيه الهرفي (بس طريقة امساك الهرفي تحفه اذا تطاردونه انتم لو شرطتم على راعيه يمسكه بس اظن انكم من الشفااحه عليه ماصدقتم خبر يبيعه وخذ يا مطارد (حنا اذهن منكم شرطنا عليه المطارده وامسكه بدقيقه وطريقته سهله عزله عن الغنم وركب الراعي بالحوض وجا جنبه وربط فرامل وطب عليه الراعي وخلاص الموضوع)

شكرا من القلب ورحلات موفقه

وسلامتكم الرحال2003
حفرلوجيا
03/03/2004, 08:48 AM
أخوي ابو محمد الحمد لله على السلامة ..
ياخوي تراكم تشخصون علينا ياحقين الكمبيوترات الفشق ( السريعة ) .. ترى أجهزة بعض الناس قال الريس المسفهل مرة عنها إنها من مخلفات الحرب العالمية الأولى .. لذلك طول الليل والجهاز يحن تقل تريلة محملة حديد يبي يستقبل الصور ( الكثيرة ) :p..
بس متعتي كانت بالصورة اللي متوسط فيها التبسي بما لذ وطاب .. ومكمن المتعة ليس الجوع انما الأصبع الكبير لرجل السنافي اللي متربع يحتري كلمة ( أكشن ) .. ماهي للتصوير.. راجع الصورة أقصد الإصبع وشدها :D حتى تعرف أن .. أكشن كانت من حجم المعاناة من هاللي يصور وغاثه .. اخلص .. إلا أنت يابومحمد اللي تصور وإلا السنافي ؟;):D
بن نويشر
03/03/2004, 12:25 PM
أحسنت يا الحر على هالصور ..!!

عزا الله إن القلب يفز لها (ما شاء الله تبارك الله) ..

بس عندي سؤال وآمل إنك ما تردني ،،!!

الخيمة والفرش اللي فوق الشد ما تطاير على الخط ؟

والخيمة تكفى يا النشمي أبغى معلومات عنها !! يعني .

كم السعة ؟
كم السعر ؟
وين تباع ؟
والمادة المصنوعة منها ؟
وطريقة تكريبها وفكها صعبة ولا لا؟ يعني يمكن للشخص الواحد يركبها بنفسه؟
ونصحيتك في هذه الخيمة ؟

تكفى يا الحر لا تردني وإنت سالم وغانم .

وتقبل تحياتي ،،

أخوك/ سنيدي ..
عاشق الصفاري
03/03/2004, 01:50 PM
تسلم يابو محمد على الصور الرائعة .. وجزاك الله الف خير ..
((( الحر)))
03/03/2004, 02:24 PM
((((( المسفهل)))))
هلا والله واسفرت وانورت يالرحاله ...!!!
وين يالغالي وين حنا هذا جزء بسيط مما عندك الله يزيدك ماشاء الله...!!!
اسعدني مرورك المشرف للموضوع ...!!!

(((((( صقر )))))
هلا والله من اقصى القلب بالغالي الف مبروك الاشراف وتستاهل اكثر...!!!
وين يالغالي اقولك انا واربعة من الشباب وتقولي انتم اربعه...!!!
ماقول الاحسبي الله على الي درسك رياضيات بالابتدائي 4+1=5 مفهوم
تحياتي وهذي صيده يابو احمد...!!!

((((( حد السيف)))))
يامرحبا تراحيب المطر...!!!
والله لوني داري ان الصور بيعجبنك كان بروزتهن براويز ذهبيه...!!!
مشكور على مرورك المشرف للموضوع ...!!!
والله يسلمك يالغالي...!!!
((( الحر)))
03/03/2004, 02:40 PM
((((( راعي مرات)))))
هلا بك والله وجعلك تسلم يالغالي...!!!
الف شكر على مرورك وتشريفك...!!!

((((( نفـــــــل)))))
الله يسلمك ويجزاك بالخير على كلامك الجميل والي مايصدر الا من شخص رفيع الاخلاق...!!!
اخوي ابومحمد هذا بعض ماعند الله يسلمك وماشاء الله عليك انا طالب عندك بمعهد التصوير...!!!
تحياتي


(((( عبدالله الفايز))))
الله يعافيك ويسلمك...!!!
(صحت القيله ياحبيبي--- عندي نقطة نظام)...والله مافهمتهن يالغالي...!!!
لاكن يوم رجعت للصوره كلامك صحيح الصوره للبابونج وارجو المعذره للاستعجال...!!!
تحياتي
((( الحر)))
03/03/2004, 02:59 PM
((((( الرحال 2003)))))
هلا بك يالغالي وماعليك زود...!!!
وعلى قولك المطارده من حرصنا على الشراء ولاكن الطريقه الي تقول مانقدر لان السياره عليها شد...!!!
تحياتي

(((( ح ف ر ل و ج ي ا)))) من اهل (((( ح ف ر ا ض ))))
ابو سليمان الله يهديك شكلك تشوف الصور مع كم فروه او شق مفتاح...!!!
ابو سليمان خليت المطارده والهرفي- والسياره والفرش- والهندي وزقارته- والحمار اعزك الله وزيته- والضب وحصاته- وراعي الحلال وسودانيه- ولا ركزت الا على الاصبع الكبير لواحد من الربع الي قاعدين ياكلون على الغداء...!!!
انت صايم يالغالي ترى عاشوراء راح..... ولا ام سليمان مهيتك:D:D نبي نشوف ابو ياسر كود يمشيلك شرهه غداء من ريع المنتدى ...:D :p :D
نوّر وتشرف الموضوع بلمعت وسامك الذهبي واسعدني مرورك وانت مطفي النور عن باقي الصور...!!!
تحياتي....
((( الحر)))
03/03/2004, 03:11 PM
(((( سنيدي))))
هلابك والله...!!!
الفرش يالغالي اذا ربطتهن على الحد الامامي من عند التنده معليهن ابد ولا يرتفعن مع الهواء...!!!
الخيمه من عند القاضي مواصفاتها 4×4 وارضيتها بلاستيك مخيوطه مع الرواق.
ولها بابين سحابات كل باب غاطين واحد شراع وواحد شفاف.
يمسكها اربعة مناسيب بالزوايا بس وبعد كذا ترفعها من داخل لحالك.
سهله جداً وتاخذ ثمانيه بالراحه كل واحد بمنامه.
ارتفاعها حوالي 3 متر.
سعرها 900 وسمعت انها نزلت الى 700ريال
وسلامك

((((( عاشق الصفاري)))))
هلا بك والله ومشكور على المرور وتسلمك يالغالي...!!!
تحياتي