ياهل السيارات ابي شوركم ....

[مرعي السرحاني]

بسم الله الرحمن الرحيم
السلام عليكم
مسكم / صبحكم بالخيرات

يالربع انا والله ان كبدي اندبلت وانا اشاور وقلت شور الرجال وهداية الله

انا من عام 94 وانا ما اتعامل الا مع الشاص الين 2003

وتعوّدت على مطامره يعني ماعمري وقفت بالصناعيه الا كان اغير زيت وكفرات ولا ارقع شكمان وكرتير ( لاحظ اني متهور وما ارحم الموتر وفيه نوع من كره الصناعيه واللا مبالاه بالتشييك)

والحين بعد ارتفاع اقيام الشاص والشكل الجديد اللي يلعبون به علينا تويوتا قلت ابي احول واجرب الجمس

فيه ناس قالوا لي :

1 - توكل على الله ومانت متحسّف .
2- والله انه زين لكن كثير اعطال .
3- انحش عنه وخلك على الشاص .

عاد انا ابيكم تضمون تصويتكم وتختارون اما 1 او 2 او 3

وجزاكم الله الف خير

[بندر خلف]

1- توكل على الله وخذلك جمس

هاذي مايبيلها واحد والى اثنين الجمس وبس

تكفيك مكينته يخوي ماهى حول مكينة الشااااص

انا البارح متقاوملى مع ولد عمى موتره شااص 2009 وانا جمس 2002
والله لا طلع على لا قومه ولا بالخط
خربات يمكن طرمبة البنزين او الكلتش ------>> ولا تعتبر خرابات

[شقران نجد]

3 وبدون تفكير هو فيه مثل الذيب الشاص خصوص انك تقول ما ترحم الموتر والله ما يصبر معك الجمس تراه راعي عواكيس انا جربت السيارتي الجمس متعب وانا اخوك وعكاسه واجد .......

خذ عطي الله وانت مغمض وياخوي يامرعي شكل الجديد حلو وأنيق

والله يوفقك اولاَ واخيراَ

[مرعي السرحاني]

1- توكل على الله وخذلك جمس

هاذي مايبيلها واحد والى اثنين الجمس وبس

تكفيك مكينته يخوي ماهى حول مكينة الشااااص

انا البارح متقاوملى مع ولد عمى موتره شااص 2009 وانا جمس 2002
والله لا طلع على لا قومه ولا بالخط
خربات يمكن طرمبة البنزين او الكلتش ------>> ولا تعتبر خرابات

يالله حيه

اولا ً اشكرك على مرورك الكريم وشورك الله يجزاك خير

بس الكلام انا صراحه متخوف انهيفشلن بخلياننا تعرف مقطعه بمعنى كلمة مقطعه

وبالعربي راعي وعره ومحميات وتخابر الوضع :rolleyes:

يعني يزبن ؟ :D

ولا تراني احط ذنبي برقبتك :j

[مرعي السرحاني]

3 وبدون تفكير هو فيه مثل الذيب الشاص خصوص انك تقول ما ترحم الموتر والله ما يصبر معك الجمس تراه راعي عواكيس انا جربت السيارتي الجمس متعب وانا اخوك وعكاسه واجد .......

خذ عطي الله وانت مغمض وياخوي يامرعي شكل الجديد حلو وأنيق

والله يوفقك اولاَ واخيراَ

ياويطي هذي ما بها حكي بس تقل ودي بالجمس

عاد تآمن بالله يا شقران

البارح رحت اسوم لي ونيت يوم شفت الشاص عليه الهنقلين بغيت ادنها بكوه :j

شورك مبروك يا محبوبي

لكن مازال الاستفتاء جاري :no:

[ابو وليد2008]

ابعد عن الجمس وتفلح وخلك على التايوتا احسلك ون شريت جمس عزالله انك غير تصاحب عمال الورش من كثرة خرابه ومشاكلة
وعلى قول الدعاية ( تويوتا وبس )

[قرناس صلا]

هلا يا مرعي

أختيار رقم 2

واصبر شوي ,, الاسعار تبي تنزل ان شاء الله


الجمس مركب وراحه وقوه , ولازم تزور الورش اذا قديم
جديد تشييكات الوكاله فقط

وشلون ظهرك عقب مركب الشاص كل هالسنين.؟ :)

[جول قميري]

هلا اخوي مرعي

انا ما جربت السيارتين كلهن

بس وجهه نظري واللي اعرفة واشوفة ان الشاص ماله مثيل ولا بدين من نفس النوع

والله انه عز واذا صرت تاجر ان شاء الله ابشري واحد خاص للكشتات :d

[حابس123]

لاتقرب الجمس وخلك على ابو سسته انا مجربهن كلهن

[عا سبيل بر]

شف أنا والله مع الـ GMC


وأنت رجال بر ، وذا يعني أن الـ GMC ما يصلحلك <<<< هنا أقصد كثر طلعات البر( لا يجيني أحد مطفي النور )


خلك على مجنونك لا يجيك أجن منه

[دانكن]

خلك على الشاص وانا اخوك ..الجمس خرابات .. يقولون الجمس لادخل بالصمان وتلفت ومالقى احدن حوله خرب مكانه .. :d

[ابوراكان16]

السلام عليكمورحمة الله وبركاتة
الى متعود على شي صدقني ماراح يتعود على غيرة وما فية مقارنة بين السيارتين الشاص موتر ينشد بة الظهر لكن الجمس كبير وكثير عطال مثل مذكر من بعض الاخوان وانا اشورعليك بالشاص موتررجال وخل عنك التردد انت تبي الشاص وتبي من يئيدك علية ومايحتاج احد يئيدك انت راعي طلعات اعقلها وتوكل وخلك على فالك تحياتي لك اخوي رقم 3 يا السرحاني وبالتوفيق ان شاء الله333333333

[قاطع الفيافي]

شف يامرعي خلك على الذيب يابعدي يكفيك انه مايطلي ابد الا زيت وبنزين
والشاص موتر طيب بالحيل لاتفرط فيه وهذا شوري

[ابوعمر م]

اسمع وان خوك ان كانك راعي مقناص صدق لاتخذ جمس وتحمل مطب الشاص
وامكينة اقل من الجمس

اما كانك راعي كشتات وفلة وخطوط خذ الجمس ولاتبالى اذا كان جديد بينومسك عزم وراحة
وقوته متقارن بشاص لاكن زي مذكرت انة راعى عطال هذ صحيح وخصوصاً اذا كان قديم

[al360f]

انصحك بالشاص وماهو شرط تاخذ الجديدخذلك من موديل 2004 الى موديل 2007 وعز الله انك اخذت موتر ينغزى به

[ابوراكان16]

اعجبني ردك على السرحاني الى تقول فية اذا مالقى احد خرررب مكانة
اعجبتني صراحة رائيك سديد يا دنكن

[أبوسليم]

على وصفك ما يصلحلك الجمس ابدا

[الربذي]

3 وبدون تفكير هو فيه مثل الذيب الشاص خصوص انك تقول ما ترحم الموتر والله ما يصبر معك الجمس تراه راعي عواكيس انا جربت السيارتي الجمس متعب وانا اخوك وعكاسه واجد .......

خذ عطي الله وانت مغمض وياخوي يامرعي شكل الجديد حلو وأنيق

والله يوفقك اولاَ واخيراَ



وانا معه خلك على الشاص اكتب في قوقل شاص ينقذ عائله وحمل المقطع انا كنت اكره الشاص وبعد المقطع عشقته

[speed 557]

خلك على مجنونك لا يجيك أجن منه

[السنع كله]

الجمس زين لكن ماهقوتي تتاقلم معه يبي تعامل اخر غير تعاملك مع الشاص وهو اثقل بدي ةاكثر ترف ويظهر عليه الكرف عجل لا وتصيبه العين عجله هذا هو سر كثر خراباته بس

[مرعي السرحاني]

الله يجزاكم خير وماقصرتوا جميعاً

[أحمد الدهمشي]

وعليكم السلام ورحمة الله وبركاته

3
كل السيارات يطلعن للبر
بس فيه فرق بين سيارة تصلح للبر وسيارة تصلح للمقناص والطرد
لذلك ما ينفعك الجمس وخلك على الشاص
والله يكتب لك اللي فيه الخير

[ابراهيم المري]

توكل على الله وخلك على 3 لغيرك الجمس والله ان تحسف الى ان يشاء الله

[أبيض قلب]

مساكم الله بالخير جميعا
أخوي مرعي خذ راي واحد(ن)يبيلك الخير
تسانك تروح للصيد ولا للكشته لحالك ولا معك خوي واحد وأنت رجال متعود على الشاص لاتجنب عنه
أما إذا كنت أبو عيال وش تبي بالجمس الفكسار أطلق منه هو والشاص والفكسار أن بغيت أسفلت مشى وأن بغيت صحرى مشى
\والراي الأول والأخير لك\وهذا مجرد شور واللي أكبر مني واجد واللي أعرف مني أكثر


وتمسو على خير :):):)

[مرعي السرحاني]

الله يبيض وجيهكم جميع ماقصرتوا

[Aقناص الجنوبA]

وعليكم السلام ورحمة الله وبركاته
من ناحيه الجمس طيب بس ما يقارن بصبر والتحمل مثل الشاص

3 وبقوى والله انه موتر

[سلكي نت]

3 ..

[الربع الخالي2]

33333333333333333333333333333333333333333333333333 3

[نواف 100]

خلك على الشاص وانا اخوك ..الجمس خرابات .. يقولون الجمس لادخل بالصمان وتلفت ومالقى احدن حوله خرب مكانه .. :d
قصدك الشروكى ولازم يكون معك رقم راعى سطحه

[جمس دينالي]

والله ياراعي الموضوع الناس ماخذه فكره عن الجمس انه خرابات

اولا مشكله طرمبة البنزين جت من موديل 99 الى 2006 واكيد لقوا لها حل

وانكانك بتاخذ الجديد فهو اقوا مكينه ارسى في الخط اقل صرفيه

وادا انت انسان ما همك المقاوم تبي موت يجلد لك الطعوس ويستحمل

خذلك جمس 2006 مكينه 8100 لاحظ 8100 والشاص كم 4500 وش رايك بالفرق

ويكفيك انه دفرنساته دفرنسات البهبهاني بس عليها كم تعديل وبالخط والله لو تصعق الطبلون محد يشوفك

ادا اضعف مكيه في الجمس 4.8 جابت 260 اجل 8,1 والله ليصقع الـ300

اونكانك راعي مكاشيت فحوضه اوسع من الشاص ويحمل اكثر من الشاص

وشوف هادا جمس 2006 مكينه 8100 خليجي شوف المواصفات والوقفه والهيبه اااااه يالجمس

http://www.haraj.com.sa/11471765/جمس_حوض_خليجي_8100_/

وشكرا

[جمس دينالي]

ياخوي في احد المواضيع في مكشات

وهاذا رد واحد جرب الاثنين وشوف الفرق
_________________________________________________


يالخوان السلام عليكم ورحمة الله وبركاته :
بعيدا عن التعصبات أنا مجرب الشاص وشريت منه مديلين ال2002 وال2004 وقعدن معي ما يقارب 3سنين ولأن معي الله يحفظكم جمس حوض مقاس 2500\35 وحاصل التجربه
1- الجمس جديد من الوكاله 70000الف أما الشاص 100000الف ( وسبب زيادة السعر في الجيب لأن أكثر من يشريه من غير أهله من أهل الدوران والدعدعه خلاف من يقول أن سبب الزياده هو من طيبه لأن لو كان من طيبه ما نزلت قيمته بعد أستعمال سنه 10000 ولك أنك تناظر يا راعي الشاص كم قمية الشاص ال2006 والشاص 2005 والفرق شطرطون ) أما الجمس المستعمل 3سنين وممشي 90 ألف ما نز من قيمته إلا 10000 هذا بعد 3 سنين من الكرف
2- الجمس تعبيه 120 لتر يمشيك 800 كيلو أما الشاص تعبيه 180 لتر يمشيك 700 كيلو والسبب هو أن مكينة الجمس تمشي مرتاحه بسبب ن الثقل المكينه متوزع على ثمان سرندل والدليل أنك حينما تمشي بالخامس بسرعة 120 تجد أ الكمبريشن على 2.5 يعني مرتاحه أما الشاص الله يحفضك حينما تمشي نفس السرعه تجد أن الكمبريشن على 3.5 يعني المكينه شاحطة المكينه
3- بنسبه لطول الجمس نفس طول الحوض ولكن الزياده في العرض والسبب أن طول الجمس صاير في الصندوق أما الشاص فطوله في الكبوت بسبب طول المكينه
4- مقاس غرفة الاحتراق عند الجمس تساوي 6 لتر أما الشاص فهي 4.5ونصف لتر
5- الجمس ما أحد يخربط عليك إذا خرب بس مجرد أنك الله يحفظك تسأل الكمبيوتر وهو يعلمك ( يعني ما يتعلمون عليك البنقاليه المصريين ) أما الجيب إذا أختل توا زن حركت المكينه ما تلقا أحد يعلمك بسرعه
6- يكفي من الجمس أنك مرتاح من قولت فرط كارونه أو طعج دفرنس مثل الشاص
7- الجمس على كيفك متى ما بغيت ترفع وجه الجمس وتنزله مع صامولتين من تحت تشده يرتفع ترخيهن ينزل
8- لو مكينة الشاص فيها خير كان أستخدموها أهل المرهمات
9- الشاص هذا شكله من ال85 حتى ال2006 أما الجممس فكل 3 سنين يتغير إلى الاحسن مع تلافي السلبيت التابع لصنع مهو مثل الشاص فمشكلت فرط الكارونه لها الان 7 سنين مالقولها حل
10- المقرر لتحميل الشاص 40 كيس شعير ولو تزيد عن ذلك مع السرعه فرطت الكارونه مثل ما حصل لواح من الشباب أما الجمس فا شايفه ما أقول يقالي محمل ما يقارب 70كيس شعير وعنده أستعداد يماشي الكامري والكسيما بالخط
11- غمارة الجمس تحمل 4 أشخاص أما الشاص تحمل شخصين
12- الجمس يسومنه أهل الربع الخالي طراد يعني إذا كان يلحقك لا تحاول تفر منا ولا منا وقف على طول .
وبعدين لي تعليق على من يقول أن الشاص ما يستعمله إلا البدوان وأما الجمس ما يستعمله إلا أرامكو فهذا دليل أن الجمس أطيب لأن البدون ما عندهم تطور وتطلع للأحسن بسبب الجهل أما أرامك فهم يتابعون الافضل لما يحملونه من علم ودرايه بمميزات السياره وهذا ردعلى من جعل هذا الكلام من صالح الشاص
هذي صورة الطراد طال عمرك

__________________________________________________ __

[ابن عكاش]

يالغالي لاتحير نفسك انت راعي الحره والحره وعر والجمس تعليقه رخو يبيله سهل مايبيله مهابد الشاص عز والله اني البارح كاشت على الشاص كل مالي واتتمسك فيه لا تقارن الذيب بالجمس ونشاط الجمس منتب في عازته

[hightech]

من كلامك مايصلح لك الا الشاص مع اني ماحبه بس الحق يقال انه مدرعه ولا يصلح له الا واحد هو بعد مدرع ×يتحمل مطابه×

وقساوته وعني افضل الجمس حتى لو خرب ولا يخرب العمود الفقري عندي×

اهم شي نفسي والموتر في قريح

[راعي8100]

"1"
اعقل الشاص وتوكل ..

[رسلان الوايلي]

شف بختصار الجمس احسن من الشاص بعدت امور 1 الجمس مريح ميكسر الظهر
2 الجمس يمشى ممش خيال يعني ليعطيته مع الخط ميمشي معاك اشاص ول اف جي ولبترول وللندكروزر
اما بطعوس مفيه مقرنه الشاص احسن