صوت طقطقة بالدركسووون!!!

[صيد الخاطر 1]

السلام عليكم ,,

أرجووأ أن تفيدوني عندي طقطقة بالدركسون مع المطبات والمطناج وأذا لفيت يمين ويسار

مع العلم أني شحمت الأذرعة والعامود على كلام الورش لكن الصوت موجود :confused: :confused:

السيارة جيب ربع 2002

[بدوي جنوبي]

عليكم السلام

اخوي ابو سمحه افحص عمود الدركسون
اعتقد يحتاج اما الي تغيير بالكامل او صليب وجلده
بأبحث لك عن صورة للتوضيح

[mmsmm]

ما دري والله بس غريبه ربع ؟؟ ويطلع صوت شكلك ما هنا نفود الا ونطيته
تحياتي

[انتماء عربي]

عزيزي اذا كان فيه فضاوة بالدركسون تطلع عندك المشكلة جرب وصلح الفضاوة بالدركسون ولن تكلفك شيء واتمنا ان يكون هذاهو الحل

[ضحية صمت]

الطقطقه هذي دايم تصير واكثر شئ بالجموس الجديده يعني الامريكي
اكثر من الياباني عموما الطقطقه اللي تصير بالدركسون مجرد صوت لو انت من النوع اللي مايهتم بالصوت
ترى عاديه المساله مجرد فضاوه بعصا الدركسون ودامك شحمته ولا راح الصوت فالصوت ياطويل العمر
تلاقيه لا نزلت من جوى السياره من تحت الدركسون بتلاقي عصا الدركسون اللي هي عباره عن ثلاث وصلات
اقرب وصلة للدركسون تلاقي فيها فراغ وفضاوه وهي اللي تسبب لك هالصوت ...

فيه ورش يفك لك العصا من تحت الدركسون ويركب لها جلبه بلاستك بس بتلاقي فيه مشكله لاركب لك
هالجلبه ان الدركسون راح يثقل معك شوي فانت واختيارك تبي الدركسون يثقل ويروح الصوت ركبها
والا ان كنت ما تستغني عن الدركسون الخفيف يا تخليها على حالها والا تروح تطق لك عصا جديده
يامن التشليح والا من الوكاله .............

عموما لا تخاف اخوي والمساله مجرد ازعاج ليس الا ........بسبب الفضاوه بالعصى .....

[ابو ريماس2]

اتوقع انها الدودة حقت الدركسون يبيلها تشحيم او تبدل الاصلاح حقها
(واذ السيارة للبيع اعطني خبر)

[صيد الخاطر 1]

مشكووورين ياااشباب

وألف ألف شكر ضحية صمت على الأيضاح المفصل

ما قصرتوا

أبو ريماس ما فيه شي مو للبيع

اللون أبيض المحركات نضيفه مسمكر رفرف وباب أيمن راسلني على الخاص