قير الفتك (التماتيك)

[أبو يوسف]

السلام عليكم ورحمة الله وبركاته...

فيما مضى قرأت هنا خبراً عن كيفية عيار قير التماتيك للفتك، وبحثت عن الموضوع فما وجدته، ولهذا كتبت هذا الموضوع
أريد أن أستفسر عن :
متى يغير زيت القير
كيف يعاير في غير الوكالة .
وشكراً على تعاونكم
تحيتي

[Abu Saad]

عليك بالكتلوج واترك عنك الوكالة .

[ابوسعد]

والله اخوك جديد في عالم الفتك

وابغى اسئل عن السي دي السوبر سفاري2008 يحتوي على علبه تبديل اقراص

واين مكانها ان كانت موجوده

[osqari]

اخوي كان عندي فتك وبعته بعد ما خرب القير والسبب اني ما عايرت زيت القير اكثر من سنتين ونص وكنت احسب انه ما يعاير لذا نصيحتي لازم تعايرة ولو كلفك في الوكالة ولا تتهاون فيها لان الزيت يوم نقص عندي صار القير يسخن - لحد اني كنت احس حرارة من جهة القير وانا اسوق - قام ضرب مبرد زيت القير داخل الراديتر وهرب الزيت للراديتر وصار ما يغير نمر الا اذا طلع صوت احتكاك الكلتشات الله لا يسمعك اياه والنتيجة ان الكلتشات انجرشت والراديتر غيرتة وبعت السيارة لان المهندس قال لي ان الكلتشات حتضعف ونصحني بالبيع وبعتة بعد ما بينت للزبون عيبة المحتمل
عموما الوكالة غالية 150 اجور ولتر الزيت ب75 لكن احسن من توضيب او تغيير قير

[أبو يوسف]

مع الشكر لكل من شارك
لا يزال السؤال قائماً
هناك ورش في الصناعية القديمة عندها عيار قير الباترول
ألا يوجد من يدلني عليها
الأمر ضروري
تحيتي

[MF6]

اخواني
انا انصحكم بالوكالة....لكن اللي يبي ورشه زينه بالرياض يعلمني اوصف له
وبالنسبه للمسجل ياابوسعد...اذا كان موترك سوبر وعندك 6 سيديات
وتبي العلبه اللي تحط فيها السيديات ترى مافيه...السيديات كلها تحطها بالفتحه نفسها
بس تضغط على زر load وتختار مكان السيدي من ارقام 123456 وتدخل السيدي
وأي استفسار انا جاهز..

[VTC]

للرفع للاهمية

[قرم العيال]

::

اسمع العلم

زيت قير الباترول التماتيك (( يزاد فقط )) ما يغير إلا للضروره ,,

ايضا عياره لدى الوكاله فقط ,,

والي قول عندي تراه نصاب


ايضا الزيت اصلي ياباني يجي بسطل كبر سطل البويه

يكفي كم موتر

ايضا قير الفتك

فيه دائره اكترونيه هذي الي تملى بالزيت حتى ما تخرب