مشكلتي مع الدبل ... !!!

[ولد الأجاويد]

السلام عليكم ورحمة الله وبركاته


أحبابي عندي تاهو 2002
فيه مشكلة في الدبل
إنه يطلع صوت مثل صوت الرمان
على الدبل الخفيف
وإذا فصلت الدبل يروح الصوت



وعندي مشكلة ثانية
يوم الخميس الماضي كنت في طعوس الوسيع
وأنا ماشي بالنفود ومشغل الدبل ومانسمت الكفرات
ارتفعت علي الحرارة فجأة ووصلت إلى الـH
فقمت ووقفت على طول وطفيت الموتر وفتحت الكبوت
ولقيت الموية تنزل من عند القربة اللي عند البطارية والموية تغلي بشكل رهيب
فانتظرت إلى أن برد الموتر وعبيته مويه مقدار اللي نقص ومشيت بالموتر معود للرياض
والحرارة زي الحلاوة
وش رايكم باللي حصل هل تتوفعون إن المكينة تأثرت أو صار بها شيء



عطوني آراءكم
يالشقردية

[سطام vip]

بسم الله الرحمن الرحيم

اخوي من ناحيه الطقه الي في الدبل يمكن تكون من العكوس

ومن ناحيه الحراره دام السياره طبيعيه وتهريب الماء من القربه

ان شاء الله ما صار شي وانتبه للحراره دووووم

والله يعطيك من خيره ويكفيك شره

تقبل مروري والرد

ودمت بخير

[لن أمل من العطاء]

الصوت لازم تشيك على العكوس على الكورنه الامامية

الحرارة
غريبه ان السيارة لن تطفي معاك لان المفروض بعد النص بقليل تنطفي السيارة ولا تشتغل الى ان تبرد السيارة للحفاظ عليها

وتأكد اذا انها لم تصل الى الخط الاحمر بالضبط فلا خوف والتجربه خير برهان شوف كيف السيارة نع المكيف وفي الظهر وفي الزحام اذا كانت لسابق هدها فالامر عادي جدا

[ولد الأجاويد]

سطام vip
مشكور على مرورك
وراح أشيك على العكوس

ــــــــــــــــــــــــــــــــــ
لن أمل من العطاء
مشكور اخوي على مشورتك
والله يطمنك مثل ماطمنتني على الحرارة

[بو خليفه]

ولد الأجاويد

عندي لك حل استخدم الدبل ميل الدركسون يمين و يسار إذا وجد صوت طق طق يعنى عكس أو إذا وجد صوت غير العكس اتوقع حساس الدبل لايقفل بالكامل ويكون لايضغط الهواء على الفرارة للكفرات الأمامية لأن يوجد فرار أمامي لابد من ضغط كامل حتى الدبل يعمل بشكل كامل
اما الحرارة احتمال يحتاج تبديل البلف للاحتياط فقط

[ولد الأجاويد]

بوخليفة
تسلملي هالطلة
أفدتني بهالمعلومة ياجعل والديك في الجنة

[mmgarni]

ولد الأجاويد

عندي لك حل استخدم الدبل ميل الدركسون يمين و يسار إذا وجد صوت طق طق يعنى عكس أو إذا وجد صوت غير العكس اتوقع حساس الدبل لايقفل بالكامل ويكون لايضغط الهواء على الفرارة للكفرات الأمامية لأن يوجد فرار أمامي لابد من ضغط كامل حتى الدبل يعمل بشكل كامل
اما الحرارة احتمال يحتاج تبديل البلف للاحتياط فقط
100% كلام